Mbeya Zonal Referral Hospital

Mbeya Zonal Referral Hospital Ukurasa rasmi wa Hospitali ya Rufaa ya Kanda Mbeya

HOSPITALI YA RUFAA YA KANDA YA MBEYA (MZRH) NA MAMLAKA YA BANDARI TANZANIA (TPA) ZAINGIA MAKUBALIANO YA KUWAPATIA WAFAN...
03/06/2026

HOSPITALI YA RUFAA YA KANDA YA MBEYA (MZRH) NA MAMLAKA YA BANDARI TANZANIA (TPA) ZAINGIA MAKUBALIANO YA KUWAPATIA WAFANYAKAZI TPA HUDUMA ZA MATIBABU YA DARAJA LA JUU

Hospitali ya Rufaa ya Kanda ya Mbeya (MZRH) na Mamlaka ya Bandari Tanzania (TPA) zimesaini rasmi makubaliano ya kutoa huduma za matibabu ya kibobezi na daraja la juu (VIP) kwa wafanyakazi wa mamlaka hiyo, huku hospitali ikitangaza mapinduzi makubwa ya kimatibabu yaliyolenga kuifanya kuwa kituo kikuu cha tiba utalii kwa nchi za SADC.

Hatua hiyo imefikiwa leo, Juni 3, 2026, baada ya pande zote mbili kuridhia na kusaini Hati ya Makubaliano (MoU) pamoja na Mkataba wa Kiwango cha Huduma (SLA). Nyaraka hizo zimesainiwa na Mkurugenzi Mtendaji wa MZRH, Dkt. Godlove Mbwanji, na Mkurugenzi Mkuu wa Mamlaka ya Usimamizi wa Bandari Tanzania (TPA) Bw. Plasduce Mkeli Mbosa mara baada ya kuwasilishwa na Mashaka Karume, aliyemwakilisha Mkurugenzi Mkuu wa TPA.

Akizungumza katika hafla hiyo, iliyofanyika mapema leo katika Hospitali ya Rufaa ya Kanda Mbeya Mkurugenzi Mtendaji wa Hospitali ya Rufaa ya Kanda Mbeya Dkt. Godlove Mbwanji ameelezea kuwa ushirikiano huo ni sehemu ya mikakati ya hospitali hiyo kusogeza huduma za afya maeneo ya kazi, sambamba na kuonyesha maboresho makubwa ya kibingwa yaliyofanyika katika kuanzishwa kwa upasuaji wa moyo na kukaribia kukamilika kwa maabara ya kisasa ya uchunguzi wa mishipa ya damu (Cathlab), Kuimarika kwa huduma za upasuaji wa ubongo, moyo na mishipa ya fahamu pamoja huduma za kibingwa za kubadilisha na kupandikiza nyonga na magoti.

Kwa upande wake, mwakilishi wa Mkurugenzi Mkuu wa TPA, Ndg. Mashaka Karume, amebainisha kuwa mkataba huo unaenda kuleta mageuzi makubwa kiutendaji kwa kuondoa vikwazo vya kiafya vinavyowakabili wafanyakazi wa mamlaka hiyo, hasa wa Kanda ya Nyanda za Juu Kusini.

Timu ya Wataalam wa Bohari ya Dawa (MSD) imetembelea Hospitali ya Rufaa ya Kanda Mbeya (MZRH), lengo likiwa ni kuimarish...
03/06/2026

Timu ya Wataalam wa Bohari ya Dawa (MSD) imetembelea Hospitali ya Rufaa ya Kanda Mbeya (MZRH), lengo likiwa ni kuimarisha ushirikiano wa kikazi na kuboresha mnyororo wa ugavi wa bidhaa za afya.

Ziara hiyo iliyoongozwa na David Rugamalila, imehusisha mazungumzo ya kina na Mkurugenzi Mtendaji wa hospitali hiyo, Dkt. Godlove Mbwanji yaliyolenga kuongeza ufanisi wa upatikanaji wa dawa na vifaa tiba kwa wakati, kutatua changamoto za ugavi, na kuhakikisha huduma bora za matibabu zinaendelea kutolewa kwa wananchi wa mkoa wa Mbeya na Nyanda za Juu Kusini.

Menejimenti na Watumishi wa Hospitali ya Rufaa ya Kanda Mbeya tunakupongeza Mhe. Ummy Mwalimu kwa kuteuliwa na Rais wa ...
03/06/2026

Menejimenti na Watumishi wa Hospitali ya Rufaa ya Kanda Mbeya tunakupongeza Mhe. Ummy Mwalimu kwa kuteuliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, kuwa Mshauri wa Rais katika Masuala ya Afya ya Uzazi, Mama na Mtoto. Kila la heri katika majukumu yako mapya.

Menejimenti na Watumishi wa Hospitali ya Rufaa ya Kanda Mbeya tunakupongeza Bi. Ummy Mwalimu kwa kuteuliwa na Rais wa Ja...
03/06/2026

Menejimenti na Watumishi wa Hospitali ya Rufaa ya Kanda Mbeya tunakupongeza Bi. Ummy Mwalimu kwa kuteuliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, kuwa Mshauri wa Rais katika Masuala ya Afya ya Uzazi, Mama na Mtoto. Kila la heri katika majukumu yako mapya.

Shukrani: Ujio wenu na maneno yenu ya heri yameendelea kutupa chachu na hamasa ya kutoa huduma bora, zenye viwango na up...
02/06/2026

Shukrani:
Ujio wenu na maneno yenu ya heri yameendelea kutupa chachu na hamasa ya kutoa huduma bora, zenye viwango na upendo kwa jamii yetu.

NAIBU WAZIRI WA VIWANDA AFUNGA MAONESHO YA MBEYA CITY EXPO 2026; APONGEZA HUDUMA ZA KIBINGWA ZA HOSPITALI YA RUFAA YA KA...
30/05/2026

NAIBU WAZIRI WA VIWANDA AFUNGA MAONESHO YA MBEYA CITY EXPO 2026; APONGEZA HUDUMA ZA KIBINGWA ZA HOSPITALI YA RUFAA YA KANDA MBEYA (MZRH)

MBEYA, MEI 30, 2026

–Naibu Waziri wa Viwanda na Biashara, Mhe. Dennis Londo, leo amefunga rasmi msimu wa nne wa Maonesho ya Biashara na Uwekezaji ya Mbeya City Expo 2026, huku na kupongeza baada ya tembelea banda la huduma la Hospitali ya Rufaa ya Kanda Mbeya (MZRH) na kuridhishwa na mapinduzi makubwa ya vifaa tiba na huduma za kibingwa zinazotolewa.

Amepongeza Uongozi wa hospitali hiyo chini ya Mkurugenzi Mtendaji, Dkt. Godlove Mbwanji, kwa uamuzi wa kusogeza vipimo na matibabu ya kibobezi bure kwa wananchi waliotembelea maonesho hayo.

Naye Kaimu Mkurugenzi Mtendaji Dkt. Lazaro Mboma, ameeleza kuwa ushiriki wa hospitali katika Mbeya City Expo umelenga kuwafuata wananchi mahali walipo ili kuwapa elimu ya kinga dhidi ya magonjwa yasiyoambukiza, kufanya uchunguzi wa mapema, na kuonyesha uwezo mkubwa wa kiteknolojia uliofikiwa na hospitali.

MZRH KUANZA KUTOA HUDUMA ZA UPANDIKIZI WA MIMBA (IVF) NYANDA ZA JUU KUSINI, KULENGA SOKO LA SADC.Hospitali ya Rufaa ya K...
28/05/2026

MZRH KUANZA KUTOA HUDUMA ZA UPANDIKIZI WA MIMBA (IVF) NYANDA ZA JUU KUSINI, KULENGA SOKO LA SADC.

Hospitali ya Rufaa ya Kanda ya Mbeya (MZRH) inakamilisha maandalizi ya kuanza kutoa huduma za kibingwa za upandikizi wa mimba (IVF), zilizolenga kutatua changamoto za uzazi na utasa kwa wananchi wa Nyanda za Juu Kusini na katika ukanda wa Kusini mwa Afrika (SADC).

Hayo yamebainishwa na Mkuu wa Kitengo cha Wazazi na Watoto Meta, Dkt. France Rwegoshora, wakati alipotembelea banda la maonesho la MZRH kwenye maonesho ya nne ya biashara na uwekezaji ya Mbeya City Expo 2026 yanayofanyika katika viwanja vya Uhindini jijini Mbeya.

Dkt. Feance ameeleza kuwa huduma hiyo itamaliza adha na gharama kubwa walizokuwa wakizipata wananchi wa mikoa ya Nyanda za Juu Kusini ambao hapo awali walilazimika kusafiri umbali mrefu kufuata matibabu hayo jijini Dar es Salaam au nje ya nchi.

Kijiografia, MZRH imejipanga kimkakati kuwa kituo kikuu cha utalii wa kimatibabu (Medical Tourism) kwa kuhudumia nchi jirani za SADC k**a vile Zambia, Malawi, DRC, na Msumbiji.

Mafanikio haya ya miundombinu na vifaa tiba vya kisasa vya maabara yamefikiwa kufuatia uwekezaji wa mabilioni ya fedha uliofanywa na Serikali ya Awamu ya Sita chini ya Rais Dkt. Samia Suluhu Hassan.

Katika maonesho hayo, MZRH imetoa wito kwa wananchi na wageni kujitokeza kwenye banda lao ili kupata ushauri wa kibingwa wa mifumo ya uzazi bila malipo na kufanya uchunguzi wa awali kabla ya kuanza kwa huduma hizo rasmi hospitalini.

MHE. JOSEPHINE MANASE APONGEZA HUDUMA ZA KIBINGWA BILA MALIPO MZRH, MBEYA CITY EXPO 2026.Mkuu wa Wilaya ya Kyela, Mhe. J...
28/05/2026

MHE. JOSEPHINE MANASE APONGEZA HUDUMA ZA KIBINGWA BILA MALIPO MZRH, MBEYA CITY EXPO 2026.

Mkuu wa Wilaya ya Kyela, Mhe. Josephine Manase leo ametembelea banda la Hospitali ya Rufaa ya Kanda Mbeya (MZRH) katika Maonesho ya Nne ya Biashara na Kilimo ya Mbeya City Expo 2026 na kuwapongeza wataalamu wa afya kwa kutoa huduma bora za kibingwa na kibobezi kwa wananchi bila malipo yoyote.

Mhe. Manase amesema: "Nawapongeza sana wataalamu wetu wa MZRH kwa moyo wenu wa uzalendo na weledi mkubwa mnaouonesha hapa maoneshoni. Kusogeza huduma hizi za kibingwa na kibobezi bila malipo ni ukombozi mkubwa kwa wananchi wa Kyela na Mkoa mzima wa Mbeya, kwani inawaondolea adha ya kusafiri umbali mrefu na kuwapunguzia gharama."

MZRH KUSOGEZA HUDUMA ZA UPANDIKIZI WA MIMBA (IVF) MBEYA, KULENGA SOKO LA SADCMkuu wa Kitengo cha Wazazi na Watoto na Dak...
28/05/2026

MZRH KUSOGEZA HUDUMA ZA UPANDIKIZI WA MIMBA (IVF) MBEYA, KULENGA SOKO LA SADC

Mkuu wa Kitengo cha Wazazi na Watoto na Daktari Bingwa wa Magonjwa ya Wanawake na Uzazi kutoka Hospitali ya Rufaa ya Kanda ya Mbeya (MZRH), Dkt. France Rwegoshora, amepongeza ubunifu na kiwango cha juu cha utoaji wa huduma za afya ya uzazi na mtoto zinazotolewa na wataalamu katika maonesho ya nne ya biashara na uwekezaji ya Mbeya City Expo 2026.

Dkt. France ametoa kauli hiyo leo Alhamisi, Mei 28, 2026, alipotembelea banda la maonesho la MZRH lililopo katika viwanja vya Uhindini jijini Mbeya na kupata fursa ya kuzungumza na watumishi waliopo mstari wa mbele kuwahudumia wananchi.
Dkt. France ameeleza kuwa Hospitali ya Rufaa ya Kanda ya Mbeya inakamilisha maandalizi makubwa na imejipanga kikamilifu kuanza kutoa huduma za kibingwa za upandikizi wa mimba (In Vitro Fertilization - IVF) baada ya maboresho makubwa ya miundombinu ya afya ya uzazi.

Amesema mkakati huu unalenga kutatua changamoto za uzazi na utasa kwa wanandoa na akina mama ambao hapo awali walilazimika kusafiri umbali mrefu kufuata huduma hizo jijini Dar es Salaam au nje ya nchi kwa gharama kubwa sana.
Dkt. Rwegoshora ameeleza kuwa maboresho hayo ya kihistoria hayatanufaisha tu wakazi wa mikoa ya Nyanda za Juu Kusini (Mbeya, Songwe, Iringa, Njombe, Rukwa, na Katavi), bali yamepanuliwa kimkakati ili kuhudumia wananchi wa nchi zinazozunguka Tanzania katika Ukanda wa Kusini mwa Afrika (SADC).

"Mbeya ni lango kuu la kijiografia. Hospitali yetu imejipanga kuwa kituo kikuu cha utalii wa kimatibabu (Medical Tourism) kwa majirani zetu wa nchi za SADC k**a vile Zambia, Malawi, DRC, na Msumbiji. Sasa raia wa nchi hizi hawatakuwa na sababu ya kwenda mbali; huduma zote za kibingwa za upandikizi wa mimba na matibabu ya kisasa ya uzazi yanapatikana hapa hapa Mbeya kwa viwango vya kimataifa," alisema Dkt. France.

Ameeleza kuwa mafanikio haya makubwa ni matokeo ya maono na dhamira ya dhati ya Serikali ya Awamu ya Sita, chini ya uongozi shupavu wa Mheshimiwa Rais Dkt. Samia Suluhu Hassan ambapo Serikali imeendelea kuwekeza mabilioni ya fedha katika ununuzi wa vifaa tiba vya kisasa vya maabara za uzazi, mafunzo ya kibingwa kwa madaktari, na ujenzi wa majengo ya kisasa ya wazazi na watoto.

"Nimefarijika sana kuona jinsi watumishi wetu wanavyojitolea kwa weledi mkubwa kutoa elimu na ushauri kuhusu huduma hizi mpya hapa viwanjani. Haya ni mapinduzi makubwa yanayoakisi uwekezaji mkubwa unaofanywa na Serikali katika kuboresha ustawi na afya ya mama na mtoto nchini," aliongeza.
Katika hatua nyingine, Dkt. France ametoa wito thabiti kwa wananchi wote, mashirika, na wageni kutoka nchi jirani wanaotembelea maonesho hayo, kujitokeza kwa wingi kwenye banda la MZRH.

Alisisitiza kuwa uwepo wa madaktari bingwa na wataalamu wa mifumo ya uzazi kwenye banda hilo ni fursa ya kipekee ya kupata ushauri wa kibingwa bila malipo, kufanya uchunguzi wa awali, na kuelewa hatua za kufuata ili kunufaika na huduma hizi mpya na za kisasa za uzazi.

Naibu Waziri wa Maendeleo ya Jamii, Jinsia na Makundi Maalum, Mhe. Maryprisca Mahundi (Mb), akipata maelezo baada ya kut...
28/05/2026

Naibu Waziri wa Maendeleo ya Jamii, Jinsia na Makundi Maalum, Mhe. Maryprisca Mahundi (Mb), akipata maelezo baada ya kutembelea banda la Hospitali ya Rufaa ya Kanda katika maonesho ya Mbeya City Expo 2026.

Serikali ya Awamu ya Sita inaendelea kutekeleza kwa vitendo azma yake ya kuimarisha sekta ya afya na ustawi wa jamii kwa kuhakikisha huduma bora na za kibingwa zinawafikia wananchi wote, hasa makundi maalum.

Address

Hospital Street
Mbeya

Website

Alerts

Be the first to know and let us send you an email when Mbeya Zonal Referral Hospital posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Mbeya Zonal Referral Hospital:

Shortcuts

Share

Category