02/05/2026
前幾工同事去台南市區行行，
順紲拍下這棟真媠 ê 老建築。
這棟就是以前真出名 ê「五福商店」。
tī 日治時期，
伊是台南當時真時行 ê 商店之一，
賣 ê 物件攏真新潮，
對彼時 ê 人來講，
是一个充滿現代感 ê 所在。
彼陣仔，
來遮行街、看物件，
甚至是感受一下熱鬧 ê 氣氛，
攏是一種「時行」ê 生活方式。
這棟建築行過真濟年代，
到今仔日猶靜靜仔佇遮，
看著人來人往，
也像咧講彼段屬於台南 ê 商業記持。
講著遮，
這一帶當時嘛有一个名號——「台南銀座」，
代表彼時上繁華 ê 所在。
雖然現此時街景已經改變真濟，
毋過若你慢慢仔行，
猶是會當感受到彼个年代留下來 ê 氣味。
雖然無特別記錄講過，
毋過小編心內想，
像 王育德 先生這款
出身台南 ê 文藝青年，
應該嘛有機會來遮行行、看覓吧？
---
