Konsullata e Përgjithshme e Republikës së Kosovës në Stamboll është themeluar me 15 Nëntor 2012 sipas dekretit të Presidentes së Republikës së Kosovës, znj. Mbështetur në Ligjin për Shërbimin e Jashtëm, Ligjin për Shërbimin Konsullor të Misioneve Diplomatike të Republikës së Kosovës, Konventat e Vjenës për Marrëdhënie Diplomatike dhe Konsullore, dhe pashmangshëm legjislacionin e Republikës së Turq
isë, ky mision konsullor është funksionalizuar tërësisht në Mars të vitit 2013. Përveç përfaqësimit të interesave të Republikës së Kosovës në rrethin e saj të juridiksionit i cili nuk kufizohet vetëm në Stamboll, Konsullata e Përgjithshme e RKS si një ndër prioritetet e saj ka mbrojtjen e interesave të shtetasve të Kosovës në këtë rreth. Sipas legjislacionit në fuqi, Konsullata e Përgjithshme e Kosovës në Stamboll është përgjegjëse për:
1. Pranimin e kërkesave për fitim të shtetësisë së Kosovë;
2. Pranimin e kërkesave për letërnjoftim, pasaportë, fletëudhëtim emergjent;
3. Pranimin e kërkesave për regjistrim të lindjeve, martesave, ose vdekjeve të ndodhura në Republikën e Turqisë;
4. Pranimin e kërkesave për vërtetime të ndryshme.
5. Ofrimin e ndihmës shtetasve të Kosovës në raste të jashtëzakonshme;
6. Ofrimin e ndihmës për të burgosurit ose atyre në vështirësi ligjore me organet gjyqësore të Turqisë;
7. Ofrimin e ndihmës për rikthimin e trupit te pajetë të shtetasve të Kosovës që kanë ndërruar jetë në Turqi dhe sigurimin e mbrojtjes së pasurisë së tyre. Bazuar shumë në pozitën gjeografike të Komunës Metropolitane të Stambollit, dhe faktit se shumica e udhëtimeve ajrore për në Republikën e Kosovës tranzitojnë nga ky qytet, ky mision konsullor është përcaktuar nga MInistria e Punëve të Jashtme të Kosovës, si pika më e përshtatshme për të instaluar dhe testuar me aplikime reale sistemin e Vizave të Republikës së Kosovës. Aktualisht, Konsullata e Pergjithshme është përgjegjëse për pranimin, përpunimin dhe lëshimin e vizave për të gjithë shtetasit ndaj të cilëve regjimi i vizave hyrëse për në Republikën e Kosovës është i aplikueshëm.
