Semmama سمامة

30/05/2026

من وقت كبير نبحث علىً تاريخ بين الحلفاء وفوق حجر البزيلت البركاني ثنايا صراع طويل أيام غطرسة المعمرين الفرنسيين وازلامهم
الحلفاء تحكي صراع الجوع والفقر ولقمة العيش من اجدادنا ربايعيه زيود وذواوده وعبيدات للبقاء
تحصلت على بعض تفاصيل قليله منوا من المرحوم عم حسن البرني الشهبي قبل 11 سنا من اليوم وللاسف ماجاء حتى مؤرخ وكتب تاريخ هالصراع الي بفضلو طلعت اليوم اجيال فاعله في المجتمع
هنشير السيبوس بير دافييد بيل كار جامسكا
بضايفي عبدالباقي

30/05/2026

🌧️ مطر

29/05/2026

28/05/2026

سد الصفيصيفه

27/05/2026

عيدكم مبروك في كل مكان

25/05/2026

والذي كحل عينيك

24/05/2026

في سوق الريف نهار الاحد
قبل ما تشرق الشمس تلقى الرجال هابطين من الدشرة جري،
كراهب قديمة تكركر، والحديد فيها يحكي حكايات زمان،
مربوط فوقها تبن وقفف دجاج، وجنب السواق قلة ماء ودخان.

والشيوخ الكبار قاعدين ع الحيطان ولا تحت زيتونة عتيقة،
شاشية فوق الراس، وجبّة مغبرة من خدمة السنين العميقة،
وجوه محفورة بالتعب، أما العينين فيهم هيبة الرجال،
يحكيو ع المطر والزرع والوقت الي كان فيه الخير يمال.

واحد شاد سبحه يسبّح، وواحد ينفخ ف سيجارو العربي،
وواحد يضحك بصوت عالي كي يسمع طرفة من راعي غنم،
أيديهم خشينة من الفاس والبرد والسقي والسواقي،
أما قلوبهم بيضة كيف خبز الطابونة السخون الباقي.

والبياعة تبربش وتصيّح وسط السوق بصوت يجلجل:
“خمسة لاف خمسة… عشرة لاف يا ناس اقربو شوفو وعدّل !”
“أرنب سمين يا مدلل… دجاج عربي يبيض كل نهار !”
“خضرة اليوم من الجبل… ما شافت لا دواء لا غبار !”

والصوت يخلط مع ثغيان الغنم وصياح الديك،
وريحة النعناع والقهوة تعمر السوق بلا تشكيك،
وصغار يركضوا بين الناس، وكل واحد يجري على رزقو،
وسوق الريف يبقى لوحة… من تعب الناس وعرقهم وص
عبدالباقي بضايفي
سوق فوسانه اليوم

19/05/2026

الغابه والجبل قصة حياة

الغابة موش مجرد شجر… الغابة تاريخ، رجال، وذاكرة بلاد كاملة.
اليوم نشوفو في التخريب، الحرق، والقطع العشوائي وكأنو الجبل ماعادش عندو حرمة، وكأنو الأشجار المعمّرة هاذي ماعاشتش مئات السنين باش توصللنا.

وينها حملات التشجير الحقيقية؟
وينو الحرص على الثروة الغابية قبل ما نوصلو لمرحلة الانقراض متاع بعض الأشجار النادرة؟
الأخطر من هذا الكل، إنو النظام الغابي الاساسي ينتهيي الغابه عيشت أجيال وأجيال تنجم تختفي بسبب الإهمال والطمع والتخريب واللامبالاة والانانيه

الرجال الي سبقونا، رغم أغلبهم كانوا أميين، أما كانوا فاهمين قيمة الجبل أكثر من برشا ناس متعلمة اليوم.
خدموا مكسرات الانجراف بحجارتهم وعرقهم، حافظوا على التربة، على الواد، وعلى الشجر… وكانوا يعرفوا الي الجبل إذا مات، تموت معاه الأرض والروح.

الصفحة هاذي موش قائمة على المعارف، لا على التطبيل ولا على المجاملة.
أي شخص نحكيو عليه، مهما كانت صفته، راهو مقام من مقامات بلادنا، ونقدروه على خدمتو وحفاظو على الأرض والتراث والعباد وكل شي فاعل ف المجتمع
حافظوا على ماتبقى من الثروة الغابيه وعلموا صغاركم مفهوم الطبيعة والحفاظ عليها
عبدالباقي بضايفي