الإتحاد الشعبي الجمهوري - المكتب المحلي بحمام سوسة

04/04/2020

عمدت إدارة التلفزة الوطنية تنفيذ عقوبة دون وجه حق قانوني ضد الصحفية سامية حسين بحذفها من قائمة رؤساء النشرات في مسعى لثنيها عن الدعوة لتنفيذ مشروع إصلاح مؤسسة المرف...

19/09/2019

سبحان الله حركة النهضة عندها قدرة كبيرة على امتصاص الصدمات و التكيف مع الواقع السياسي. تذكرو في 2014 كيفاش خباو شورو و اللوز انفاوهم جملة من الاعلام و قدمو للساحة جماعة الكرافات و الكستيم و بدات لغة التوافق. الغنوشي بيدو صوت للسبسي. ما فماش موبقة عملها النداء و شقوقه ما شاركوش فيها اما بالصمت او بتمريرها في مجلس النواب. تبدى المعارضة تقطع في شعرها و هي بكل برودة دم تصوت مع النداء للفساد و الفاسدين. و تتحدى ما تنجموش تعبيو الشارع و انتم اقلية عداو قانون المصالحة و اتفاقيات القروض اللي غرقت تونس و شاركو في السلطة. امشي يا زمان و ايجا يا زمان جات انتخابات 2019. صحيح كلاو كف لا يقرى لا يكتب. و لكن ضاهر محضرين السيناريو اللي صار بطريقة عجيبة و خبيثة.كيفاش رجال المرحلة اللي تعدات تخباو الكل و خرجولنا جماعة الثورة و النفس الثوري سي محمد بن سالم و عبد اللطيف المكي. و بداو يحكيو على انهم مع النفس الثوري و انهم فمة فءة ضالة في الحركة حادت بيها عن مسارها. و انهم رغم كل شيء حافضو على الثورة و الغريبة ولاو يتحداو في مؤسسات الحركة و يستبقو قراراتها في الفيسبوك بالاسطفاف مع الثورة و النفس الثوري. يقول القاءل وينهم قبل الانتخابات توة فاقو بالصدفة و انما هو تبادل ادوار متفق عليه ولاو يتحدثو عن استبعاد عبد السلام و التضحية بيه و هو ما سيحدث مع بعض رموز المرحلة السابقة كيف ما عملو مع اللوز و ذورة باش يكتسبو عذرية جديدة. استثناو الغنوشي من الحكاية هذه لعديد الاعتبارات. هذا الكل لضمان حضوضهم في التشريعية و ارضاء النفس الثوري الحالي للمنتخبين.

13/09/2019

لكل الأصدقاء من حقك تختار الي تحب عليه حسب قناعاتك. و لكن نحب نوضح حاجة تخص لطفي المرايحي خاطر برشة إقتنعو بيه و بكلامو و أفكارو بعد ما إكتشفوه في الإعلام و بعد خافو ولا رخو بعد ما بدات ماكينات اللوبيات و الناس الي محتكرة السلطة تهاجم فيه. لازم تعرفو باللي الإشاعات هذه ما خرجت كان بعد ما ولى يقلق فيهم قبل كما عندوش وزن ما تكلم عليه حد. فم إشاعات زايد نجاوب عليها. فيما إيخص إنه تجمعي موش صحيح. و لكن لم يكن مناظل كذلك ضد نضام بن علي. كان من الأغلبية الصامتة كيم أغلبية الشعب التونسي و لو إنه كان يلمح للضلم و الدكتاتورية بطريقة غير مباشرة في الكتب متعه. كذلك المهرجانات الي كان ينظم فيها كان يرفظ الدعم من وزارة الثقافة. أنا ما نيش ندعم في لطفي المرايحي كشخص. أنا ندعم فيه كمشروع. كأمل أننا نتخلصو من لوبيات و عائلات واخذين البلاد أصل تجاري يتحكمو في كل شيء ة يخلونا الفتات. خيرات البلاد و الحاجات الفاوحة ما نراوهاش تمشي من غادي الغادي. ما نراو كان الفقر و الميزيريا و الغلاء و الضرائب. أنا متأكد أنه لما يولي رئيس ما يقلبش الفيستة هذا نأكدهولكم أنا نعرفو منذ 8 سنوات خطابو متماسك ما تبدلش بل بالعكس تطور نحو مزيد إسترجاع الثروات و تحقيق الإستقلال الحقيقي و تأميم الثروات. حتى نظرية الحماءية الإقتصادية أتطور فيها من حماءية لحماءية قطاعية لحماءية قطاعية ذكية أخذا في الإعتبارالإتفاقيات التجارية و التوازنات الجيو سياسية.
أنا من سوسة وقعد نسمع في التفاعلات و لاحضت برشة من الساحل بصفة عامة يقولولك أنا ما نصوتش لواحد من القصرين يكرهو السواحلية. بربي سؤال. أعطيوني اش عملو السواحلية الي أنخبناهم لجهة الساحل. ماهم خدمو مصالحهم و عملو الوتلة و المشاريع السياحية و أخذاو أحسن الأراضي في القنطاوي. و تلقى البنية التحتية الباهية في أماكن معينة أدخلو الأحياء الشعبية تشوفو الدمار. الجهوية هذه هوما ينشرو فها و يدعمو فيها باش يقضيو مصالحهم. و الي عجبني فيه الدكتور متفطن للنقطة هذه و أكد في قلب أجتماعه في القصرين و أمس في صفاقص أنه يحمل مشروع لتونس الكل سيعامل كل مناطق الجمهورية بمساوات و ان تونس لكل التونسيين. الناس الكل نتوحدو وراه نضوتو 5 نهار الأحد. و ما نعطيوشي شيك على بياض كيف ما قالو الصفاقصية أمس. نعطيوه فرصة باش يعمل برنامج تونس الي في خاطرو و نحكمو له أو عليه.

08/09/2019

بالنسبة للإشاعات الي قاعد نتابع فيها في عديد الصفحات لتشويه المترشح للرئاسة رقم 5 السيد لطفي المرايحي. نحب نوضح حاجة. من الأول قالو ولد عمه شقيف الي كان يعذب في الداخلية هو مدير حملته الإنتخابية. خرجت مدام ليلى قلال للإعلام و كذبت الخبر ووظحت الي هي المكلفة بإدارة الحملة الإتخابية.
توة خرجو بطلعة جديدة قالو مدام ليلى قلال هي إبنة الأستاذ عبد الله قلال وزير بن علي الي الناس الكل تعرفو. بالرغم إنه لو كان الخبر صحيح فهي ليس لها ذنب و لكن مع ذلك إتصلت بمدام قلال للتأكد و نفت نفيا مطلقا الإشاعة و لقب القلال هو لقب زوجها و ليس لقبها اصلا.
فبالله إتقو الله في الرجل و البلاد قبل كل شيء و خليو المنافسة شريفة في البرامج و الأفكار و سيب عليكم من هالريق الفارغ.

08/09/2019

05/09/2019

05/09/2019

نرجعو للقاء مع سليم الرياحي. اللي مبهتني تبدى تسمع في الاعلام في بلاتوات تحلل في التطورات السياسية في البلاد و برش كلام صعيب عن التحولات الاستراطيجية الفكرية في علاقة مع التطور السياسي الداخلي لمنظومة ما بعد الثورة عبر توازنات اقتصادية و فكرية بعلاقة مع اتحاد الشغل و منظمات المجتمع المدني. تلقى صلاح الجورشي و شكيب درويش يفلمو علينا في استقراء الاحداث و تاثيرها على مستقبل الواقع في علاقة بالاسلام السياسي و دلالاته على الموروث الفكري البرقيبي. و في الواقع اش فم؟ فم تفوريخ متع اشباه سياسيين يستغلو في وساءل الدولة كانه ملك السيد الوالد. و نلقى سفيان طوبال يقترح في رءيس حكومة و سليم الرياحي يزكي. العزابي يصور في الجلسة و يمشي يوريها للشاهد الي يمشي لسليم لدارو يستكثر خيره.

03/09/2019

وااله شيء يبهت. الفيديو التسريب الي يتهم فيه الرياحي الشاهد بإختراق القضاء مر مرور الكرام. تدخل الشاهد لو صح التسريب في السلطة القضائية يمر مرور الكرام. اين النيابة العمومية. لماذا لا يتم التحقيق مع القاضي الذي في القصبة و يقوم بإختراق القضاء. وينو سي سفيان السليطي الي يحكي على ملف سليم الرياحي بأنه من أنضار القضاء وحده. علاش ما يخرجش يتكلم توة. في قضية نبيل القروي تحسهم القضاة إجتمعو باش يلوجو عالفصل الي يدخلو بيه القروي للحبس موش باش ينضرو في رفع التجميد. ما تنساوش قضية خضر متع النهضة الي لقاو عندو شكاير متع وثائق الداخلية و قلك لقاهم مطيشين في وقت الثورة . شبيني أنا ما لقيتش شكارة ولا ثنين. زيدهم حكاية الهيأة الوقتية لدستورية القوانن الي طلعت قانون المصالحة باجي. و قضية صابر العجيلي و ... أين المجلس الأعلى للقضاء شبيه ما يتكلمش. جمعية القضاة و ينها.
السلطة القضائية مستقلة معناها ما تتحاسبش يعملو الي يحبو ...

01/09/2019

31/08/2019

شهادة اخرى تنضاف من المناضلة و الاستاذة الفاضلة ام زياد وصفت فيها الدكتور لطفي المرايحي بالشخص المحترم و الخيار الجيد لرءاسة الجمهورية.