لقد عانى الشمال (باجة, الكاف, جندوبة و سليانة) منذ الإستقلال من عمليات نهب و إستنزاف و ذلك لصالح جهات أخرى دون الحصول على أي مقابل, و للأسف هذه السياسة هي متواصلة لهذا اليوم و هذا بسبب سكون الأهالي و غياب نخبة قادرة على الدفاع عن مصالح الإقليم, لذلك قرر نحن مجموعة من الشباب من مختلف مناطق الإقليم و من مختلف مدنه و قراه أن نؤسس هذه المنظمة "نوميديا'' لكي تكون بديل عن هذا الغياب المدمّر. "نوميديا" س
تكون منظمة متعدّدة المهام : سياسية, ثقافية, إقتصادية و إجتماعية.
*سياسيّا : ''نوميديا'' مهياش بش تكون حزب سياسي و موش بش تقدم مترشحين للإنتخابات, اما بشتكون فاعلة في المشهد السياسي عبر فضح و معارضة كل واحد نشوفوه يخدم ضد مصالح الشمال, و في المقابل بشندعموا و ممكن ندعيوا لإنتخاب القائمة/القائمات ولا المرشّح/المرشّحون إلي نشوفوا إنهم باش يخدموا الإقليم و يقدمولوا إضافة سوى كان من إقصى اليمين ولا من أقصى اليسار, هذا ميهمناش, إلي يهمنا هو مصلحة الجهة.
*ثقافيا : باش نعرفوا بالبلايص الطبيعية المزاينة إلي إقليمنا معبّي و معروف باها, باش نعودوا كل يوم نهبطوا تصاور طبيعية خلابة, معلومات على مناطق معينة من عداتها و تقاليدها و تاريخها و زادة باش نعودوا كل مرّة نحكيوا على مرحلة أو شخصية تاريخية صارت هنا ولا لاها علاقة بالإقليم.
*إقتصاديا : سوف نستعين بخبراء و أبناء الميدان لنشر كل مرّة تحاليل إقتصادية و أفكار برامج تنموية تساعد في نمية جهة الشمال.
*إجتماعيا : هذا إلي نتمناوه في المستقبل, بعد متولّي المنظمة عنها فلوس نوليوا نظموا قوافل مساعدات للفقراء و للمهمشين إلى الدولة ناسيتهم..
