Overseas Irrawaddy Association-OIA

08/05/2026

📢 အဝေးရောက်ဧရာဝတီအသင်း (OIA) ၏ Safe House များတွင် နေထိုင်ရန် လျှောက်လွှာခေါ်ယူခြင်း
━━━━━━━━━━━━━━━━━━
OIA - မေလ (၈)ရက်၊ ၂၀၂၆ ခုနှစ်

📌 Safe House လျှောက်လွှာ မဖြည့်စွက်မီ အောက်ပါအချက်များကို သေချာဖတ်ရှုပါရန် မေတ္တာရပ်ခံအပ်ပါသည်။

• အောက်ဖော်ပြပါ လျှောက်လွှာဖောင်သည် OIA ၏ Safe House များတွင် နေထိုင်ရန်အတွက် ခေါ်ယူခြင်း ဖြစ်ပါသည်။

• ဤလျှောက်လွှာကို (၂၀၂၁) ခုနှစ်နောက်ပိုင်း အကြောင်းအမျိုးမျိုးကြောင့် ရောက်ရှိလာသူများ ဝင်ရောက်လျှောက်ထားနိုင်ပါသည်။

🏠 OIA Safe House တွင် ယခင်က နေထိုင်ဖူးသူများအနေဖြင့် ထပ်မံလျှောက်ထားရန် မလိုအပ်ပါ။

• အခြားအဖွဲ့အစည်းများ၏ Safe House တွင် နေထိုင်ဖူးသူများကို ဒုတိယဦးစားပေးအနေဖြင့်သာ စဉ်းစားသွားမည် ဖြစ်ပါသည်။

✍️ လျှောက်ထားသူများအနေဖြင့် မိသားစုတစ်စုလျှင် လျှောက်လွှာတစ်စောင်သာ တင်သွင်းရန် လိုအပ်ပါသည်။
(မိသားစုဝင်မဟုတ်သော သူငယ်ချင်း၊ မိတ်ဆွေများ ဖြစ်ပါက တစ်ဦးလျှင် တစ်စောင်စီ လျှောက်ထားရမည် ဖြစ်ပါသည်)

🙎‍♂️ ထောက်ခံပေးမည့် လူပုဂ္ဂိုလ်၏ အမည်နှင့် ဖုန်းနံပါတ်နေရာတွင် —

• မိသားစုဝင်အချင်းချင်း၏ အချက်အလက်များ
(သို့မဟုတ်)

• OIA ရုံးဝန်ထမ်းများ၏ အမည်နှင့် ဖုန်းနံပါတ်များ

ဖြည့်သွင်းထားသူများကို ထည့်သွင်းစဉ်းစားပေးမည် မဟုတ်ပါ။

📞 မိမိဖြည့်စွက်ထားသော ဖုန်းနံပါတ်သည် အမှန်တကယ် ဆက်သွယ်၍ရသော ဖုန်းနံပါတ် ဖြစ်ရမည်။

အကယ်၍ ဆက်သွယ်၍ မရပါက ဤအစီအစဉ်တွင် ထည့်သွင်းစဉ်းစားပေးမည် မဟုတ်ပါ။

☎️ Safe House နှင့်ပတ်သက်၍ ဆက်သွယ်မေးမြန်းလိုပါက —

OIA ရုံးဖုန်းနံပါတ် - 094 874 6897

https://forms.office.com/Pages/ResponsePage.aspx?id=8KVuLYE3g0SOeoLwEqwmWB8dAfM68W9Kg3-xKtm7LP5UMUYyMENQU05CNzAyRVBLV0paRVJBUU40UCQlQCN0PWcu&fbclid=IwdGRjcARqcOJleHRuA2FlbQIxMQBzcnRjBmFwcF9pZAo2NjI4NTY4Mzc5AAEeirsNb6NrFcHxBzIz2xAQFWG1ZKed6m2-137dwyZ7mvhkKkVs-GyGNTiMhwU_aem_sEBPkemiTQJpWC5w7MeZeQ

07/05/2026

ဒီPostလေးအောက်မှ Formတွင် အိမ်လစာအခက်အခဲ
ရှိသည်ဟု ဖြည့်သွင်းလျှောက်ထားခဲ့ပြီးသူများထဲမှ အမှန်
တကယ် ခက်ခဲသူများကို စီစစ်ပြီး၊ သတ်မှတ်ချက်နင့်
ကိုက်ညီသော အိမ်ထောင်စုများအား ယခုလအတွင်း အိမ်လစာများ မျှဝေသွားပါမည်။
OIAရုံးမှ ဆက်သွယ်လာမည်ဖြစ်ပါ၍ မိမိတို့၏ Form
တွင် ဖြည့်သွင်းထားသော ဖုန်းနံပါတ်များကို ဂရုပြုပေး
ပါရန် လေးစားစွာ မေတ္တာရပ်ခံအပ်ပါသည်။

ချစ်ကြည်စွာဖြင့်
အဝေးရောက်ဧရာဝတီအသင်း-OIA

https://www.facebook.com/share/1H1xYU4wTT/?mibextid=wwXIfr

04/05/2026

📣 အဝေးရောက်ဧရာဝတီအသင်း (OIA)မှအခြေခံမော်တာစက်ချုပ်နည်းသင်တန်း အပတ်စဉ် (၁၂)
🎉 သင်တန်းဖွင့်ပွဲ အောင်မြင်စွာ ကျင်းပပြီးစီးခဲ့ခြင်း 🎉
***************************************************
OIA၊မေလ(၄)ရက်၊၂၀၂၆ခုနှစ်။

ယနေ့ (မေလ ၄ ရက်၊ ၂၀၂၆) တွင်အဝေးရောက်ဧရာဝတီအသင်း (OIA) မှ စီစဉ်ဖွင့်လှစ်သောအခြေခံမော်တာစက်ချုပ်နည်းသင်တန်း အပတ်စဉ် (၁၂)၏သင်တန်းဖွင့်ပွဲကို အောင်မြင်စွာ ကျင်းပနိုင်ခဲ့ပါသည်။
ဖွင့်ပွဲအခမ်းအနားတွင် OIA၏ BODအဖွဲ့ဝင်ကိုအောင်မင်းစိုးမှ သင်တန်းသားများအား အားပေးစကားများ ပြောကြားခဲ့ပြီးဤသင်တန်းသည် ရက်ရှည်သင်တန်းဖြစ်ကြောင်းနှင့်သင်တန်းကို ပြီးဆုံးအောင်တက်ရောက်ကြရန်၊အလုပ်အကိုင်အခွင့်အလမ်းများ ရရှိနိုင်ရေးအတွက်သေချာကြိုးစားသင်ယူကြရန် တိုက်တွန်းခဲ့ပါသည်။
ဤသင်တန်းကို ၂၀၂၁ ခုနှစ်နောက်ပိုင်း နိုင်ငံရေးအခြေအနေကြောင့်ရွှေ့ပြောင်းနေထိုင်နေရသူများအတွက်
အလုပ်အကိုင်အခွင့်အလမ်းများ ရရှိစေရန် ရည်ရွယ်ဖွင့်လှစ်ခြင်းဖြစ်ပါသည်။

သင်တန်းကာလ(၄)ပတ်အတွင်း နေထိုင်စားသောက်စားရိတ်ကို OIAမှ တာဝန်ယူဆောင်ရွက်ပေးလျက်ရှိပါသည်။အဆိုပါသင်တန်းသား (၂၀) ဦးအားမေ ၄ ရက်နေ့မှ မေ ၃၀ ရက်နေ့အထိ (၄ ပတ်တာ)လေ့ကျင့်သင်ကြားပေးသွားမည်ဖြစ်ပြီးသင်တန်းပြီးစီးပါက အလုပ်အကိုင်ရရှိနိုင်ရန်
ချိတ်ဆက်ပေးသွားမည် ဖြစ်ပါသည်။

အဝေးရောက်ဧရာဝတီအသင်း OIA

01/05/2026

28/04/2026

အဝေးရောက်ဧရာဝတီအသင်း OIAမှ အခြေခံမော်တာစက်ချုပ်နည်းသင်တန်း အပတ်စဉ် (၁၂) အတွက် သင်တန်းသား ခေါ်ယူခြင်း
*************************************************
အဝေးရောက်ဧရာဝတီအသင်း OIA မှ လာမည့် ၂၀၂၆ခုနှစ် မေလအတွင်း အခြေခံမော်တာစက်ချုပ်သင်တန်း အပတ်စဉ်(၁၂)ကို ဖွင့်လှစ်သင်ကြား‌ပေးရန် စီစဉ်လျက်ရှိပါသည်။ အဆိုပါ သင်တန်းတွင် သင်တန်း သား(၂၀) ဦးကို သင်တန်းကာလ(၂၄)ရက်ကြာ လေ့ကျင့်သင်ကြားပေးမည် ဖြစ်ပါသည်။
ယခုသင်တန်းကို ၂၀၂၁ ခုနှစ်နောက်ပိုင်း နိုင်ငံရေးအခြေအနေကြောင့် ရွေ့ပြောင်းနေထိုင်သူများ အလုပ်အကိုင်အခွင့်အလမ်း ရရှိရန် ရည်ရွယ်ဖွင့်လှစ်ခြင်း ဖြစ်ပါသည်။
သင်တန်းပြီးပါက စက်ရုံတစ်ခုခုတွင် အမှန်တကယ် အလုပ်လျှောက်ပြီး ဝင်ရောက်လုပ်ကိုင်ရန် ရည်ရွယ်ထားသူများကို ဦးစားပေးပါမည်။ မဲဆောက်မြို့ရှိ စက်ရုံများ အလုပ်ခေါ်သည်လျှင်လည်း အလုပ်ရရှိစေရန် ချိတ်ဆက်ပေးမည် ဖြစ်သည်။

သင်တန်းကာလအတွင်း အစားအသောက်များကို OIAမှ တာဝန်ယူဆောင်ရွက်ပေးမည် ဖြစ်ပါသည်။
တနင်္ဂနွေနေ့တိုင်း သင်တန်း ပိတ်ပါသည်။
သင်တန်းချိန် ။ မနက် ၉ နာရီ မှ ညနေ ၄ နာရီ ထိ
သင်တန်းရက် ။ မေ ၄ ရက်နေ့ မှ မေ ၃၀ ရက်နေ့ ထိ (၄ ပတ်)
သင်တန်းနေရာ ။ TK ကြီး စက်ရုံအနီး၊ မယ်တောင်၊ မဲဆောက်မြို့၊ ထိုင်းနိုင်ငံ။
သင်တန်းလျှောက်ရန် link

https://forms.office.com/r/tmUdxqVe9g?origin=lprLink

19/04/2026

အဝေးရောက်ဧရာဝတီအသင်း OIAမှ သက်ကြီးပူဇော်ပွဲကျင်းပပြုလုပ်ခဲ့ခြင်း အစီအစဉ်
****************************************************
OIA-ဧပြီလ(၁၉)ရက်၊၂၀၂၆ခုနှစ်။

မြန်မာနှစ်ဆန်း (၁) ရက်နေ့တွင် အဝေးရောက်ဧရာဝတီအသင်း Overseas Irrawaddy Association - OIA၏ (၆) ကြိမ်မြောက် အသက် (၇၀) နှစ်နှင့်အထက် သက်ကြီးပူဇော်ပွဲနှင့် ဆုတောင်းပွဲ အခမ်းအနားကို ၁၇.၄.၂၀၂၆ ရက်နေ့တွင် အောပတောဝန်း၊ကပ်ဘီဘန်းရွာ၊မဲဆောက်မြို့၌ ကျင်းပပြုလုပ်ခဲ့ပါသည်။

အခမ်းအနားတွင် တက်ရောက်လာကြသော အဖိုးအဖွားများအား ကျန်းမာရေးစောင့်ရှောက်မှုများ၊ကန်တော့ဂါရဝပြုခြင်း၊ ဂါရဝလက်ဆောင်များ ပေးအပ်ခြင်းနှင့် ကံစမ်းမဲများ ဖောက်ပေးခြင်းတို့ကို ဆောင်ရွက်ခဲ့ပါသည်။ထို့အပြင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများအားလုံး လွတ်မြောက်ရေးအတွက် ဖယောင်းတိုင်မီးထွန်း၍ ဆုတောင်းခြင်းနှင့် ဂျိုးဖြူငှက်များ လွှတ်ခြင်းတို့ကိုလည်း ပြုလုပ်ခဲ့ပါသည်။

အဝေးရောက်ဧရာဝတီအသင်း OIA

17/04/2026

အဝေးရောက်ဧရာဝတီအသင်း - OIA ၏ မြန်မာနှစ်သစ်ကူးဆုတောင်း။

16/04/2026

၂၀၂၆ခုနှစ်၊ ဧပြီလ (၁၇)ရက် မြန်မာနှစ်ဆန်း(၁)ရက်နေ့
OIAမှ ပြုလုပ်မည့်် သက်ကြီးပူဇော်ပွဲနှင့် ဆုတောင်းပွဲ ကျင်းပမည့် မဲဆောက်မြို့ ကပ္ပီဘန်းကျေးရွာရှိ နေရာ
Location ဖြစ်ပါသည်။
ကြွရောက်ပြီး ကုသိုလ်ယူနိုင်ပါကြောင်းလည်း ထပ်မံပြီး
ဖိတ်ကြားအပ်ပါတယ်ခင်ဗျား။

Find local businesses, view maps and get driving directions in Google Maps.

09/04/2026

အဝေးရောက်ဧရာဝတီအသင်း (OIA) မှ အတာသင်္ကြန် ရုံးပိတ်ရက်ကြေညာခြင်း
***************************************************

မြန်မာ့နှစ်သစ်ကူး အတာသင်္ကြန် ရုံးပိတ်ရက်အဖြစ် (11.4.2026)မှ(15.4.2026)အထိ ခေတ္တရုံးပိတ်မည်ဖြစ်ပါကြောင်း လေးစားစွာ အသိပေးအပ်ပါသည်။ရုံးလုပ်ငန်းများကို ဧပြီလ (16) ရက်နေ့တွင် ပုံမှန်အတိုင်း ပြန်လည်ဖွင့်လှစ် ဆောင်ရွက်သွားမည်ဖြစ်ပါသည်။

ဤအခါသမယတွင် မိမိနှင့်မိသားစုဝင်များအားလုံး စိတ်ချမ်းသာ ကိုယ်ကျန်းမာ၍ ပျော်ရွှင်စရာ အားလပ်ရက်များကို ခံစားနိုင်ကြပါစေကြောင်း ဆုမွန်ကောင်းတောင်းအပ်ပါသည်။

အဝေးရောက်ဧရာဝတီအသင်း OIA

07/04/2026

2026ခုနှစ်၊ဧပြီလ(17)ရက်‌ နှစ်ဆန်းတရက်‌နေ့တွင် အဝေးရောက်ဧရာဝတီအသင်း OIAမှ သက်ကြီးပူဇော်ပွဲပြုလုပ်မည်ဖြစ်ပါသဖြင့် အသက် (70)နှစ်နှင့် အထက်လူကြီးများကိုပူဇော်ကန်တော့မည်ဖြစ်ပါသည်။သို့ဖြစ်ပါ၍ မိသားစုဝင်များအနေဖြင့် မိမိတို့ မိသားစုတွင် အသက်(70)နှင့်အထက် လူကြီးများရှိပါက အောက်ဖော်ပြပါဖောင်တွင် ဖြည့်ပေးကြပါရန်လေးစားစွာအသိပေးအပ်ပါသည်။လျှောက်လွှာဖောင်ကို 13ရက်နေ့တွင် ပိတ်မည်ဖြစ်ကြောင်း ကြိုတင်အသိပေးအပ်ပါသည်။

အဝေးရောက်ဧရာဝတီအသင်း OIA

စာရင်းပေးသွင်းရန်လျှောက်လွှာဖောင် Link

03/04/2026

အဆိုးတွေထဲက အကောင်း
ကျနော်တို့ရဲ့ ပုံမှန်ရိက္ခါအစီအစဥ်လေး
ဧပြီလ ကစပြီး ပြန်လည်မျှဝေနိုင်ပါပြီ။
ခုရက်ပိုင်း OIAဝန်ထမ်းများရဲ့ ဖုန်းဆက်မေးမြန်းမှုကို
စိတ်ရှည်လက်ရှည် ဖြေကြားပေးသူအားလုံးကို အထူး
ကျေးဇူးတင်ပါတယ်။

ချစ်ကြည်စွာဖြင့်-
ဖိုးသင်္ကြန်- OIA