The library of dream

စာအုပ်များကို ထိုင်းနိုင်ငံမည်သည့်နေရာမဆို ပို့ခfree အိမ်ရောက်ငွေချေနဲ့ပို့ပေးပါတယ်ရှင့်...📚🌷
(4)

03/09/2026

ပန်းတစ်ပွင့်ရဲ့ ရှင်သန်လိုမှုနဲ့
ရှင်သန်ချင်သူပါ ။

တိုတောင်းတဲ့အချိန်လေးမှာ
လှပစွာ ဖူးပွင့်ချင်တယ်...
ကိုယ့်ကိုမြင်လိုက်တာနဲ့
ပျော်ရွှင်စေချင်တယ်...

ချစ်ခြင်းမေတ္တာတွေနဲ့သာ ပြည့်နှက်နေမယ့်
ပန်းခင်းလေးပဲ ဖြစ်ဖြစ်
ပျော်ရွှင်မှုနဲ့တူတဲ့ မွှေးရနံ့လေးတွေနဲ့ပြည့်နေမယ့်
ပန်းလေးတစ်ပွင့်ပဲ ဖြစ်ဖြစ်

ရှင်သန်နေရချိန် ခဏလေးမှာ
အဓိပ္ပာယ်ရှိရှိ ကုန်ဆုံးသွားမယ့်
ပန်းပွင့်လေး အဖြစ် ရှင်သန်သွားလိုတယ်...။

(22.2.25)
#မေပလ်ခင် 🍁

03/09/2026

ဘဝမှာ နေရာတကာ လိုက်ပြီးတွေးပေးနေရင် ကိုယ်ပဲ ပင်ပန်း ရမယ်။

လွှတ်ချသင့်တဲ့အရာတွေကို လွှတ်ချတတ်အောင် သင်ယူပါ။

ဆွဲထားသမျှ ပူလောင်နေရင် အဲဒီရပ်ဝန်းမှာ ကြာကြာမနေပါနဲ့။ မလို အပ်တော့ဘူးဆိုရင် သိသာစွာ ပြောင်းလဲတတ်တာ လူ့သဘာဝပါ။

နေရာတကာ အလိုက်သိတယ်ဆိုတာ ကောင်းပေမဲ့ တချို့ အရာတွေကိုတော့ မသိချင်ယောင်ဆောင်လိုက်တာက ပိုကောင်းပါ တယ်။ ဒါမှလည်း စိတ်ချမ်းသာရမှာပါ။

မှန်နေရင်တောင် မငြင်းဘဲ နေလိုက်တာမျိုး၊ မြင်နေရင် တောင် မသိချင်ယောင်ဆောင်လိုက်တာမျိုးကလည်း စိတ်ငြိမ်းချမ်းခြင်း နည်းလမ်းတွေပါပဲ။

ကိုယ့်စေတနာကို နားမလည်တဲ့ပတ်ဝန်းကျင်၊ ကိုယ့်တန်ဖိုးကို မသိတဲ့လူတွေဆီမှာ ကြာကြာနေပြီး ကိုယ့်ကိုယ်ကိုယ် မပျောက်ဆုံးမိပါစေနဲ့။

မေတ္တာနဲ့မထိုက်တန်တဲ့သူကို မေတ္တာတရားတွေ ပေးမိတဲ့ အခါ ပြန်ရတာက နောင်တဆိုရင် အဲဒီနောင်တအပေါ် ဒေါသဖြစ် ခြင်းကြောင့် ပေးသမျှမေတ္တာတွေက ဒဏ်ရာအဖြစ် ပြန်ရမယ့်အတူတူ မသိချင်ယောင်ဆောင်လိုက်တာက ပိုပြီး အေးချမ်းပါတယ်။

#လူငယ်အတွက်ဘဝလမ်းညွှန်
#တိမ်သွေးအိမ်

03/09/2026

ထပ်တူကျတဲ့အချစ်မဟုတ်ရင် ဘယ်တော့မှ ပိုင်ဆိုင်ဖို့မကြိုးစားနဲ့ ။ ကြိုးစားနေရတဲ့ ကိုယ်ကလည်းပင်ပန်းတယ် ။ တဖက်လူကလည်း စိတ်သောက ရောက်ရတယ် ။ အနှောင့်အယှက်ဖြစ်ရတယ် ။ နောက်ပြီး အတင်းအကျပ်လုပ်ယူထားတဲ့ အိမ်ထောင်ရေးမို့ ဘယ်တော့မှ ပျော်ရွှင်ရမှာ မဟုတ်ဘူး ။

သူ့ဘက်က ကိုယ့်ကိုမချစ်တော့ဘူးဆိုရင် လက်လွှတ်လိုက်တာ အကောင်းဆုံးပဲ ။ နာကျင်ရမယ် ။ ဒါပေမယ့် နောက်ပိုင်း ကိုယ်ပျော်ရမယ် ။ လောလောလတ်လတ် အသဲကွဲထားသူမို့ ဒီစကားက မဖြစ်နိုင်ပါဘူးလို့ ထင်ကောင်းထင်လိမ့်မယ် ။ ဒါပေမယ့် လူတိုင်းနီးပါး ဒီခံစားမှုမျိုး ကြုံဖူးကြတယ် ။ အဓိပ္ပာယ်ကတော့ လူတိုင်းဟာ အသဲကွဲဖူးတယ်.. အချစ်ကို လက်လွှတ်ပေးခဲ့ရဖူးတယ် လို့ ဆိုလိုချင်တာ ။

ကိုယ့်ကိုမချစ်တော့တဲ့လူကို လက်လွှတ်လိုက်ရတယ် ။ အသဲတွေကွဲကြတယ် ။ လအချို့ ၊ နှစ်အချို့ ကြာသွားတဲ့အခါ ပိုကောင်းတဲ့ ရပ်တည်မှုမျိုးနဲ့ နေရာတစ်ခုမှာ တည်ငြိမ်ရင့်ကျက်တဲ့လူတစ်ယောက်ဖြစ်လာတယ် ။ အချစ်က ဘဝတစ်ခုလုံးလို့ ထင်မှတ်ဖူးတဲ့လူက အချစ်က ဘဝရဲ့ အစိတ်အပိုင်းတစ်ခုပဲဆိုတာ နားလည်လာကြတယ် ။

ကိုယ့်ကိုမချစ်ပေမယ့် ကိုယ်က ချစ်တယ်ဆိုပြီး အတင်းဆုပ်ကိုင်ထား ၊ ဆွဲထားရင်းနဲ့ လက်ထပ်ဖြစ်ခဲ့ကြတယ် ။ သာယာပျော်ရွှင်မှုဆိုတာ မရှိခဲ့ဘူး ။ နေ့စဉ်နဲ့အမျှ စိတ်ဒဏ်ရာရနေရတယ် ။ ကိုယ့်စကားကို သူနားမထောင်ဘူး ။ သူလုပ်ချင်တာ လုပ်တယ် ။ လက်ထပ်ခြင်းဟာ ချစ်ခြင်းကြောင့်မဟုတ်ဘဲ တာဝန်အရဆိုတဲ့ ခေါင်းစဉ်တစ်ခုအောက်မှာ လူနှစ်ယောက်ဘဝက ပျက်စီးတယ် ။ မချစ်ဘဲ လက်ထပ်ထားရတာမို့ ဂရုစိုက်မှု ၊ ကြင်နာမှုမရှိဘူး ။ မချစ်မှန်းသိရက် အဆုံးရှုံးမခံနိုင်လို့ ဆုပ်ကိုင်ထားရတဲ့လူကလည်း နေ့စဉ်ငရဲကျနေရတယ် ။

အစ်မကတော့လေ သူချစ်ကိုယ်ချစ် မဟုတ်ရင် လက်မထပ်စေချင်ဘူး ။ အိမ်ထောင်ရေးဆိုတာ သူစိမ်းလူ နှစ်ယောက်ရဲ့ဘဝကို ထပ်တူပြုရတာမို့ အချစ်ကိုအခြေခံထားတဲ့ နားလည်မှုဆိုတာ လိုကိုလိုအပ်တယ် ။ ဒါကြောင့် ကိုယ့်ကို မချစ်တဲ့လူကို ပိုင်ဆိုင်ဖို့ဘယ်တော့မှ မကြိုးစားနဲ့ ။ ကိုယ်ရမယ့်ဒုက္ခကို ကိုယ့်အချစ်တွေပေးပြီး အလဲအလှယ် လုပ်ရတဲ့ မိုက်မဲခြင်းမျိုး ဘယ်သူ့ကိုမှ မကျူးလွန်စေချင်ဘူး ။ ပိုင်ဆိုင်ရမှပိုနာကျင်ရမယ့် လူဆိုရင် စောစောစီးစီး နာကျင်ခံပြီး လမ်းခွဲလိုက်ပါ ။

တချို့အရာတွေကို ဘဝထဲက ထုတ်ပစ်လိုက်မှ ကိုယ့်အတွက် ပိုကောင်းတာ ။ တချို့အရာတွေကိုကျ လက်လွှတ်လိုက်မှ ကိုယ့်အတွက် ပိုပြီး သက်တောင့်သက်သာ ဖြစ်တာ ။ ခဏနာကျင်ဖို့ တသက်လုံး စိတ်ဆင်းရဲရဖို့ ဘယ်လမ်းကို ရွေးမလဲ ။ ကိုယ့်ရွေးချယ်မှုက ကိုယ့်ဘဝပဲ ။ ဘဝကိုဘယ်လိုဖြတ်သန်းချင်လဲ.. ဆုံးဖြတ်ခွင့်က ကိုယ့်လက်ထဲမှာ ။

#သက်ထားခင်(THK)
#ပိုင်ဆိုင်ဖို့မကြိုးစားပါနဲ့

03/09/2026

သဘာဝအတိုင်းသာ
ချောင်းရေမြစ်ရေများ တသွင်သွင် စီးဆင်းမြဲ၊
ကျေးငှက်တို့ တေးသီကြွေးမြဲ၊ရေမြေစိမ်းလန်းမြဲ၊
ရေမြေကို အမှီပြု
အားလုံး အေးအေးချမ်းချမ်း နေနိုင်ကြမြဲဆိုလျှင်
ဘယ်လောက်ကောင်းမည်နည်း။

#စံပယ်ဖြူနု
#မြောက်ဖျားကအလွမ်းရာသီ

03/09/2026

အတူရှိတဲ့အခါ စိတ်အေးချမ်းပျော်ရွှင်ရပြီး
ဝေးကွာနေတဲ့ အခိုက်အတန့်တိုင်းမှာ
နောက်ကျောလုံစေတဲ့ သစ္စာတရားကို
တန်ဖိုးထား ထိန်းသိမ်းတတ်သူမျိုးနဲ့
ဆက်ဆံရေးတစ်ခုကို တည့်ဆောက်သွားချင်တယ် ။

ကိုယ့်ကိုယ်ကိုယ် တန်ဖိုးထားပြီး
ကိုယ့်လမ်းကိုယ် တည့်မတ်စွာ
မယိမ်းမယိုင် လျှောက်လှမ်းတတ်သူမျိုးနဲ့
စစ်မှန်တဲ့ အနာဂတ်အကြောင်း
သူ့အမြင် ကိုယ့်အမြင်ကို ခံစားဝေမျှရင်း
ထပ်တူကျတဲ့ အိပ်မက်တစ်ခုကို နှစ်ယောက်အတူ အကောင်အထည် ဖော်သွားချင်တယ်...

#မေတ္တာပေးခြင်း၏အနှစ်သာရ
#မဟော်

02/09/2026

အခက်ခဲတွေကြားကနေ သန်မာလာခဲ့ပါ
ရေခဲစိုင်တွေကိုဖြတ်ပြီးပွင့်လန်းလာတဲ့ပန်းတွေလို
ကျောက်ဆောင်တွေကိုရင်ဆိုင်နိုင်တဲ့ပန်းကလေးတွေလိုမျိုးပေါ့
''Every flowers blooms in its own time''

ပန်းတိုင်းမှာ သူတောက်ပလာမယ့်
ကိုယ်ပိုင်အချိန်ဆိုတာရှိမြဲမလို့
လက်မလျော့ပဲ ရှင်သန်ပါ
မင်းရဲ့အချိန်ကိုရောက်လာတဲ့ အခါ
အတောက်ပဆုံးပွင့်လန်းမှာပါ..

-7

02/09/2026

ကိုယ့်ဘဝထဲ ခဏ လာလည်တဲ့ သူတွေကပေးတဲ့
ပျော်ရွှင်ရခြင်းတွေ၊ ဝမ်းနည်းရခြင်းတွေ၊ စိတ်ပျက်ရခြင်းတွေ၊ ကြည်နူးရခြင်းတွေ၊ အေးချမ်းရခြင်းတွေ၊ သင်ခန်းစာတွေ၊ ဘယ်အရာတွေကို မဆို တစ်ခဏတာပါပဲ။ ပြောင်းလဲချိန်တန်ရင် ပြောင်းလဲကြမှာပါပဲဆိုတဲ့ အသိလေးနဲ့သာ အလိုက်သင့်လေးစီးမြောသွားပါ။

ဘယ်သူတစ်ဦးတစ်ယောက်ရဲ့ စိတ်ခံစားချက်တွေအတွက် ဘယ်သူ့မှာ မှ တာဝန်မရှိဘူးလေ။
အရာရာတိုင်းဟာ ကိုယ့်အပေါ်မှာပဲ မူတည်ပါတယ်။

ကိုယ် ဘယ်လိုတွေးသလဲ။
ကိုယ် ဘယ်လို လက်ခံနှလုံးသွင်းလိုက်လဲဆိုတဲ့အပေါ်မှာပဲ မူတည်တာ။

ဒါကြောင့် ကိုယ်ဘာတွေ ခံစားရ ခံစားရ
ဘယ်သူ့ကြောင့်လို့ ခေါင်းစဥ်တပ်နေမယ့်အစား အတွေးတွေကို ရှုထောင့်တစ်မျိုးကနေ ပြောင်းတွေးကြည့်နိုင်ဖို့သာ ကြိုးစားကြည့်ပါ။

#ယွန်း @ Precious Y

#ဘဝကိုမွမ်းမံခြင်း

02/09/2026

🩷 ဘာလေးပဲတွေးတွေး...ကိုယ့်ကိုစိတ်ချမ်းသာစေတဲ့ဘက်ကနေပဲတွေးကြည့်တတ်တဲ့ အလေ့အကျင့်လေးကို လုပ်ကြည့်ပါ…။

ကိုယ်မျှော်လင့်ထားသလို ဖြစ်မလာတဲ့အခါ...လက်လွှတ်တတ်ပါစေ...။

မကောင်းတဲ့အတွေးတွေ...အဆိုးမြင်တတ်တဲ့အတွေးတွေ နေရာမှာ...ကောင်းတဲ့အတွေးတွေ...အကောင်းမြင်စိတ်ကလေးတွေနဲ့ အစားထိုးပေးပါ...။

လက်လွှတ်တတ်လာတာနဲ့အမျှ..နာကျင်စိတ်ညစ်စရာ...စိတ်သောကဖြစ်စရာတွေ တဖြည်းဖြည်း လျော့ပါးလာပြီး…ဘဝဟာ ပိုမိုပေါ့ပါးလွတ်မြောက်လာပါတယ်...။

အနှောင်အဖွဲ့တိုင်းဟာ...မက်မောစရာမဟုတ်ပါဘူး...။ ကိုယ်ထိန်းချုပ်လို့မရတဲ့...ကိုယ့်ကို နာကျင်လေးလံစေတဲ့ အနှောင်အဖွဲ့ဆိုရင် လက်လွှတ်လိုက်ဖို့ ဝန်မလေးစေချင်ပါ...။🌸🌷🩷

#လွန်းထားထား
#နှလုံးသားကိုဖွင့်တဲ့သော့

02/09/2026

အကောင်းမြင်စိတ်နဲ့
ကောင်းမွန်သော အပြုအမူတွေဟာ
ပျော်ရွှင်အေးချမ်းသော ဘ၀တစ်ခုဆီသို့
သင့်ကို ခေါ်ဆောင်သွားပါလိမ့်မယ် ...

ပျော်ရွှင်နေတဲ့သူတွေဟာ ဘဝမှာ အခက်အခဲတွေ မကြုံတွေ့ရတဲ့သူတွေမဟုတ်ပါဘူး။
သူတို့ကြုံလာတဲ့အရာတွေကို အကောင်းမြင်စိတ်လေးနဲ့ကြည့်ပြီး ဘဝကို ဖြတ်သန်းနေကြသူပါ။ ဒါကြောင့် သင်ဟာ အေးချမ်းပျော်ရွှင်ချင်တယ်ဆိုရင် သင့်ရဲ့စိတ်နေစိတ်ထားလေးကိုသာ ပြောင်းကြည့်ပါ။ အရာအားလုံး ပြောင်းလဲလာပါလိမ့်မယ်။

ဒီစာအုပ်လေးထဲမှာ ဘဝအခက်အခဲတွေကို ဖြတ်သန်းတဲ့အခါ ထားသင့်တဲ့ စိတ်နေစိတ်ထားတွေ ၊ အပြုအမူတွေနဲ့ ... ကိုယ့်ဘေးမှာ အကောင်းမြင်စိတ်နည်းပါးသူတွေနဲ့ကြုံတွေတဲ့အခါ လုပ်ဆောင်သင့်တဲ့ အရာလေးတွေကိုပါ ဖော်ပြပေးထားတယ်။

#အကောင်းမြင်စိတ်ထား

01/09/2026

ဘဝဆိုတာ စီးဆင်းနေတဲ့ မြစ်ရေလိုပဲ။
ရပ်တန့်မနေဘူး။ အမြဲတမ်း စီးဆင်းနေတာပဲ။
ပျော်ရွှင်မှုတွေ၊ ဝမ်းနည်းနာကျင်မှုတွေ၊ အနိမ့်အမြင့် အတက်အကျတွေ ပြည့်နေတဲ့ ဘဝဆိုတာကလည်း ဘယ်လောက်ပဲခက်ခဲ ခက်ခဲ၊ ဘယ်လောက်ပဲ စိန်ခေါ်မှုတွေများများ အခိုက်အတန့်တွေဆိုတာ ခဏတာပဲ။

ကျော်ဖြတ်ပြီးရင် ပြီးသွားမှာပဲ။ ဘဝမှာ ပျော်စရာတွေဆိုတာလည်း ခဏတာပဲ။ နာကျင်စရာတွေဆိုတာလည်း ခဏတာပဲ။

တစ်ခါတစ်လေ ဘဝရဲ့ ခက်ခဲမှုတွေကြောင့် စိတ်ဓာတ်ကျတယ်။ ဘာလို့ ငါ့မှာမှ ဒီလို ဖြစ်နေရတာလဲလို့ စဉ်းစားမိတယ်။ ပျော်ရွှင်ခဲ့ရတဲ့ အချိန်တွေကို ပြန်တွေးမိတယ်။ နောက်ဆုံးတော့ ဘဝက ဆက်သွားနေမှာပဲဆိုတာ တဖြည်းဖြည်း သဘောပေါက်လာရတယ်။

ဘဝက ဆက်သွားနေမှာ ဆိုပေမဲ့ ကျွန်မတို့ရဲ့ နှလုံးသားထဲမှာတော့ အဲ့ဒီတုန်းက အချိန်တွေ၊ လူတွေ၊ အမှတ်တရတွေက တစ်သက်တာ ကျန်ရစ်ခဲ့မှာပဲ။

ပျော်ရွှင်ခဲ့တဲ့ အချိန်တွေကို ပြန်တွေးမိရင် ပြုံးမိမယ်။ ဝမ်းနည်းခဲ့ရတဲ့ အချိန်တွေကို ပြန်တွေးမိရင် နာကျင်မှုတွေကနေ သင်ခန်းစာယူမိလိမ့်မယ်ထင်တယ်။ ဒါမှမဟုတ်လည်း နာကျင်နေရသေးတာလည်း ဖြစ်နိုင်ပါတယ်။

တစ်ချို့ အမှတ်တရတွေက နာကျင်ရတယ်ဆိုပေမဲ့ ကျွန်မတို့ကို ပိုပြီး သန်မာစေတယ်။ ဘဝရဲ့ အခက်အခဲတွေကို ကျော်လွှားနိုင်ဖို့ ခွန်အားတွေပေးတယ်။ လူတွေအကြောင်း သင်ပေးတယ်။

တစ်ချို့အမှတ်တရတွေကတော့ ကျွန်မတို့ ဘဝကို အမြဲတမ်း ချိုမြိန်စေတယ်။ ကြည်နူးစေတယ်။ ဒီလိုအမှတ်တရတွေကိုလည်း တစ်သက်တာ ပွေ့ပိုက်ရင်း ရှင်သန်သွားကြရမယ်။

“Life moves on but memories stay” ပဲလေ။
ဘဝကတော့ အမြဲရှေ့ဆက်နေမှာ၊ အမှတ်တရတွေကတော့ ကျန်ခဲ့မှာ။ ဒါကြောင့် အဲ့ဒီအမှတ်တရတွေကို တန်ဖိုးထားတတ်ဖို့ လိုတယ်။

ပျော်စရာဆိုတာလည်း ခဏတာပဲ
နာကျင်စရာတွေဟာလည်း ခဏတာပဲမို့
အလိုက်သင့် စီးမြောရင်းပဲ ဘဝကို ရှေ့ဆက်သွားနေဖို့ လိုပါတယ်။

#စူးရှမေ
#နောင်တကင်းစွာရှင်သန်ခြင်း