Office of the Special Envoy for Drought Response

26/03/2023

20/03/2023

ERGEYGA GAARKA AH EE MADAXWEYNAHA JFS U QAABILSAN GURMADKA ABAARAHA OO KA QEYB GALAY MADASHA BANI'AADANNIMADA YURUB

BRUSSELS, March 20, 2023 - Ergeyga gaarka ah ee Madaxweynaha JFS u qaabilsan Gurmadka Abaaraha Md. Xildhibaan Cabdiraxmaan Cabdishakuur Warsame ayaa ka qeyb galay Munaasabadda Madasha Bani'aadannimada Yurub (European Humanitarian Forum) oo maanta ka furantay magaalada Brussels ee dalka Belgium-ka.

Shirkaan oo ay si wada jir ah u soo qaban-qaabiyeen komishanka Yurub (DG ECHO) iyo Dowladda Iswidhan oo hadda heysa hoggaanka Golaha Midowga Yurub, ayaa looga hadlay baahida bini'aadannimo ee sii kordheysa iyo xal u helidda caqabadaha taagan.

Madasha waxaa qeyb ka ahaa hay’adaha Qaramada Midoobay, NGOs caalamiga ah iyo kuwo maxalliga ah ee gargaarka bani’aadannimada ka shaqeeya, halka dalalka garagaarka bani’aadannimada loo fidiyo ay matalayeen hay’ado magacooda ku hadlaya.

Ergeyga gaarka ah ee Madaxweynaha JFS ayaa madasha la wadaagay farriin la xariirta sida ay Soomaaliya uga daashay gurmadka degdegga ah iyo deeq aan wax ku ool ahayn, ayna baahi u qabto mashaariicda dhisaysa adkaysiga bulshada, ka soo kabashada iyo horumarka.

Xildhibaan Cabdiraxmaan Cabdishakuur ayaa sidoo kale adkeeyay muhiimadda ay Soomaaliya u leedahay in lagu garab siiyo sidii ay gacan hoorsiga uga bixi lahayd oo ay khayraadkeeda kaga faa’iidaysan lahayd, taasoo imaan karta haddii xoog la galiyo dhisidda awoodda iyo kartida hay’adaha dawladda.

Midowga Yurub iyo Dawladaha xubnaha ayaa ku dhawaaqay in €8.4 bilyan oo gargaar ah bani’aadannimo ah dunida loo fidiyo sanadkaan 2023, xilli baahida bini'aadannimo ay gaartay heer aan h**e loo arag. 339 milyan oo qof oo adduunka ah ayaa u baahan gargaar bini'aadannimo halka 23-kii qof ee adduunka ku nool hal ruux u baahan yahay gargaar degdeg ah.

Dagaalka Ukraine, kor u kaca qiimaha cuntada ee adduunka iyo saamaynta ba'an ee is-beddelka cimilada ayaa xaaladda uga sii daray, Madasha Bani'aadannimada Yurub ayaana diiradda saareysa in iyadoo loo marayo wada-hadallo heer sare ah, doodo siyaasadeed iyo aqoon-is-weydaarsiyo wax-ku-ool ah, la soo bandhigo habab waara si wax looga qabto caqabadaha hadda jira.

DHAMMAAD

XAFIISKA WARFAAFINTA ERGEYGA GAARKA AH EE ARRIMAHA GURMADKA ABAARAHA.

08/03/2023

ERGEYGA GAARKA AH EE MADAXWEYNAHA JFS U QAABILSAN GURMADKA ABAARAHA OO KULAN LA QAATAY SAFIIR KU XIGEENKA MAREYKANKA EE SOOMAALIYA

MUQDISHO, March 8, 2023 - Ergeyga gaarka ah ee Madaxweynaha JFS u qaabilsan Gurmadka Abaaraha Md. Xildhibaan Cabdiraxmaan Cabdishakuur Warsame ayaa kulan la qaatay Safiir ku xigeenka Dowladda Maraykanka ee Soomaaliya Timothy Trenkle oo uu wehliyay sarkaal sare oo ka tirsan hay’adda USAID.

Kulanka ayaa diiradda lagu saaray sidii wadajir wax looga qaban lahaa la tacaalidda sababaha keena soo noqnoqodka abaaraha oo ay ugu wayn tahay is-beddelka cimilada iyo sidii looga gudbi lahaa gurmadka degdegga ah looguna gudbi lahaa mashaariic dhisaysa adkaysiga bulshada, soo ka bashada iyo horumarka.

Ergeyga ayaa sidoo kale kala hadlay Danjire Tim Trenkle, sidii Maraykanku gacan uga geysan lahaa xoojinta awoodda iyo kartida hay’adaha dawladda, si ay awood ugu yeeshaan waxqabad wax ku ool ah oo dadka Soomaaliyeed wax-tara, si ay Soomaaliya uga baxdo ku tiirsanaanta gaargaarka bani’aadannimo.

Safiir ku xigeenka Dowladda Maraykanka iyo sarkaalka ka socday USAID ayaa dhankooda ballan qaaday in Washington, sii laba-jibaari doonto howlaha hormarin iyo gargaar ee Soomaaliya.

Xildhibaan Cabdiraxmaan Cabdishakuur ayaa dawladda Maraykanka uga mahad celiyey kaalinta laxaadka leh ee ay ka qaadatay gurmadka abaaraha.

DHAMMAAD

XAFIISKA WARFAAFINTA ERGEYGA GAARKA AH EE ARRIMAHA GURMADKA ABAARAHA.

07/03/2023

ERGEYGA GAARKA AH EE MADAXWEYNAHA JFS U QAABILSAN GURMADKA ABAARAHA OO KULAN MIRA-DHAL AH LA QAATAY MADAXA WAAXDA AFRIKA EE WASAARADDA ARRIMAHA DIBADDA EE ISWIDHAN

MUQDISHO, March 7, 2023 - Ergeyga gaarka ah ee Madaxweynaha JFS u qaabilsan Gurmadka Abaaraha Md. Xildhibaan Cabdiraxmaan Cabdishakuur Warsame oo uu wehlinayo Guddoomiyaha Hey’adda Maareynta Musiibooyinka Md. Maxamuud Macallin Cabdulle, ayaa maanta kulan la qaatay madaxa wasaaradda arrimaha dibadda ee dowladda Iswidhan Irina S Nyoni iyo Danjiraha Dowladda Sweden ee Soomaaliya Amb. Per Lindgärde.

Ergeyga ayaa ka warbixiyay xaaladda abaarta dalka ka jirta, isagoo sheegay in dadaallada wadajirka ah Dowladda Federaalka, deeq-bixiyayaasha iyo hay'adaha Qaramada Midoobay looga hor tagay macluul la saadaalinayay in ay dalka ka dhacdo damaadkii sanadkii h**e.

Ergeyga ayaa sheegay in kooxda argagaxisada ah ee Al-Shabaab ay dhibaato xooggan gaarsiiyeen qaar ka mid ah ilihii nolosha ee degaannadii ay gacanta ku hayeen, ka hor inta aan laga saarin, wuxuuna Dowladda Sweden ugu baaqay in ay gacan ka geysto gargaarka naf-badbaadinta ah ee dadka ku dhaqan goobaha khawaarijta laga xoreeyay.

Xildhibaan Cabdiraxmaan Cabdishakuur ayaa sidoo kale Dowladda Sweden ka codsaday in ay nagu gacan siiyaan siyaasaddeena ku wajahan ka guurista gargaarka degdegga ah iyo u guurista maalgelinta mashaariic dhisaya u adkaysiga aafooyinka iyo la qabsiga is-beddelka cimilada, maadaama Stockholm ay hadda heyso hoggaanka Golaha Midowga Yurub.

Dhanka kale, Guddoomiyaha Hey’adda Maareynta Musiibooyinka Md. Maxamuud Macallin Cabdulle ayaa Dowladda Sweden uga mahad celiyay dhismaha Xarunta Qaran ee Gurmadka deg degga ah (National Emergency Operations Centre NEOC).

Irina S Nyoni oo Wasaaradda Arrimaha Dibadda ee Sweden u qaablisan Afrika ayaa dhankeeda sheegtay in ay hadda xog dhameystiran ka heystaan marxaladda Soomaaliya, waxayna xustay in ay garab lagu xisaabtamo u noqon doonaan Soomaaliya kalana shaqeyn doonaan sidii looga gudbi lahaa gargaarka degdegga ah looguna tallaabi lahaa maalgalinta mashaariicda ka hortagga, soo kabashada iyo adkeysiga.

DHAMMAAD

XAFIISKA WARFAAFINTA ERGEYGA GAARKA AH EE ARRIMAHA GURMADKA ABAARAHA.

21/02/2023

ERGEYGA GAARKA AH EE MADAXWEYNAHA JFS U QAABILSAN GURMADKA ABAARAHA OO KULAMO DOCEED LA YEESHAY MADAX KALA DUWAN OO KA QEYB GALAYSA MADASHA - RIHF3

RIYADH, February 21, 2023 - Ergeyga gaarka ah ee Madaxweynaha JFS u qaabilsan Gurmadka Abaaraha Md. Xildhibaan Cabdiraxmaan Cabdishakuur Warsame ayaa kulamo duceed barbar-socday Madasha Caalamiga ah ee Gargaarka Bani’aadannimada ee Riyaad la qaatay madax kala duwan oo ka socday Dawlado iyo hay’ado caalami ah.

Ergayga ayaa la kulmay wasiirka horumarinta caalamiga ah ee dalka UK, Andrew Mitchell, Madaxa Hay’adda Boqor Salmaan, Dr Cabdullaahi Rabiica, Madaxa Sanduuqa Maalgelinta Carabta ee Gacanka Khaliijka, Agaasimaha Guud ee Hay’adda Finish Church iyo hay’ado kale oo badan.

Ergeyga ayaa kulamadaas xoogga saaray sidii Soomaaliya looga caawin lahaa mashaariic wax ka taraysa ka hortaga iyo dhisamaha bulshada ee u adkaysiga aafooyinka.

DHAMMAAD

XAFIISKA WARFAAFINTA ERGEYGA GAARKA AH EE ARRIMAHA GURMADKA ABAARAHA.

21/02/2023

ERGEYGA GAARKA AH EE MADAXWEYNAHA JFS U QAABILSAN GURMADKA ABAARAHA OO KA QEYB GALAY MADASHA CAALAMIGA AH EE GARGAARKA BANI’AADANNIMADA EE RIYAAD

RIYADH, February 21, 2023 - Ergeyga gaarka ah ee Madaxweynaha JFS u qaabilsan Gurmadka Abaaraha Md. Xildhibaan Cabdiraxmaan Cabdishakuur Warsame ayaa ka qeyb galay shirka Saddexaad ee Madasha Caalamiga ah ee Gargaarka Bani’aadannimada ee Riyaad (RIHF3) oo ay soo qaban-qaabisay Boqortooyada Sacuudiga.

Shirka oo u jeedkiisu yahay sidii kor loogu qaadi lahaa wada-hadallada iyo wada-xaajoodka madaxda, deeq-bixiyeyaasha iyo cilmi-baarayaasha ee ku aaddan is-dhaafsiga khibradaha iyo fikradaha la xariira horumarka arrimaha bini’aadannimada iyo gargaarka, waxaana Ergeyga ku wehliyay, Wasiirka Caafimaadka Xukuumadda Federaalka Soomaaliya Dr Cali Xaaji Aadam.

Madashu waxa ay sidoo kale diiradda saartay doodo ku qotoma raadinta xal wax ku ool ah, si waafaqsan mabaaddi'da iyo hal-beegyada bini'aadannimada ee caalamiga ah, isla-markaana la jaanqaadi kara gaaritaanka Yoolalka Horumarka Waara (SDGs).

Ergeyga oo warbixin la xariirta xaaladda bani’aadannimada Soomaaliya la wadaagay shirka ayaa ka hadlay muhiimadda ay leedahay in wax laga beddelo qaabka gargaarka bani’aadaannimo ee Soomaaliya, sida; in laga gudbo gurmadka degdegga ah loona jihaysto mashaariicda wax ku oolka ah ee dhisaysa adkaysiga bulshada, soo kabashada iyo horumarka, si looga maarmo ku tiirsanaanta gargaarka.

Ergeyga ayaa hoggaamiyayaasha bani’aadannimada, deeq bixiyayaasha iyo madaxda madasha ku sugnaa ku boorriyay in Soomaaliya loo maalgeliyo sidii ay khayraadka dalkeeda kaga faa’iidaysan lahayd, ugana guulaysan lahayd argagexisada iyo is-beddelka cimilada.

Xildhibanaan Cabdiraxmaan Cabdishakuur ayaa sidoo kale madasha ka sheegay sida loogu baahan yahay isla-xisaabtan iyo in laga jawaabo halka ay aadday 8 bilyan oo doolar oo 10-kii sano ee ugu danbaysay la sheegay in loogu gurmaday Soomaaliya.

Dhanka kale, hadal jeedinta kadib Ergeyga ayaa dood wadaag kala qayb galay, wasiirka horumarinta caalamiga ah ee dalka UK Andrew Mitchell, Wasiirka horumarinta caalamiga ah ee Swedan Diana Janse iyo Madaxa guud ee Hay’adda UNDP Achim Steiner.

DHAMMAAD

XAFIISKA WARFAAFINTA ERGEYGA GAARKA AH EE ARRIMAHA GURMADKA ABAARAHA.

11/02/2023

ERGEYGA GAARKA AH EE MADAXWEYNAHA JFS U QAABILSAN GURMADKA ABAARAHA OO KA QEYB GALAY KULAN XAL LOOGU RAADINAYEY HALISTA CUNTO YARIDA DALALKA GEESKA AFRIKA

ADDIS ABABA, February 11, 2023 - Ergeyga gaarka ah ee Madaxweynaha JFS u qaabilsan Gurmadka Abaaraha Md. Xildhibaan Cabdiraxmaan Cabdishakuur Warsame ayaa ka qeyb galay kulan xal loogu raadinayey halista cunto yarida dalalka ay abaaruhu sida ba’an u saameeyeen ee Geeska Afrika.

Kulanka oo ka dhacay xarunta Midowga Afrika ee Addis ababa ayay isugu yimaadeen Wasiirrada Beeraha dalalka ay abaaruhu wax-yeellada ba’an u geysteen ee Soomaaliya, Itoobiya, Kenya iyo Koonfurta Suudaan, waxaana madasha qeyb ka ahaa Wasiirka Wasaaradda Beeraha iyo Waraabka Dowladda Soomaaliya Md. Axmed Madoobe Nuunoow.

Shirka oo ay wadajir u marti-galiyeen Midowga Afrika, Hay’adda IFRC, FAO iyo Baanka Horumarinta Afrika, ayaa diiradda lagu saaray xal u raadinta qatarta cunto yarida dalalka afarta ah iyo sidii loo dhisi ahaa mashaariicda adkaysiga iyo soo kabashada bulshada abaaruhu saameeyeen.

Dhinacyadu waxa ay isku raaceen in wadajir looga shaqeeyo xooggana la saaro mashruucyada wax ku oolka ah ee dhisaya adkaysiga, soo kabashada iyo xalka waara.

Malaayiin qof oo ku nool Geeska Afrika ayaa wajahaya cunto yari, xilli gobolku la daalaa-dhacayo mid ka mid ah abaarihii ugu xumaa ee soo mara in muddo ah, waxaana u sii dheer colaado iyo xasillooni darro sanado badan jirta.

DHAMMAAD

XAFIISKA WARFAAFINTA ERGEYGA GAARKA AH EE ARRIMAHA GURMADKA ABAARAHA.

08/02/2023

It’s 11 years since the famine in 2011. Humanitarian donors have spent nearly $8 billion on Somalia since, and yet we still face the threats of famine. Where’s the failure? Is it the gov’t? Or the implementers? Or the donors? Our people don’t deserve to live off aid and the indignity of begging. It’s time to truly and transparently be accountable.

09/01/2023

28/12/2022

La taliyaha arrimaha bani,aadannimada ee Ergeyga Gaarka ah ee Madaxweynaha Ayaan Harare oo booqasho ku tagtay deegaanno ay ku suganyihiin qoysas kasoo barakacay colaadaha Alshabaab.

21/12/2022

Dadaallada uu hormuudka u ahaa Ergeyga gaarka ah ee Madaxweynaha JFS u qaabilsan gurmadka abaaraha, jawaab celinta deg degga ah ee deeq-bixiyayaasha iyo howlgalka aan ka gaabiska laheyn ee hay’adaha QM, kuwa caalamiga ah iyo kuwa maxalliga ah ayaa looga hor tagay macluul sanadkaan ka dhacda dalka.

14/12/2022