23/11/2024
MADAXWEYNAHA JUBALAND STATE MUDANE H.E AHMED MOHAMED ISLAAM 2024-2029
Madaxweyne Axmed Maxamed Islaam 4 marxaladoodba maanta Jubbaland ugama maarmeeyso.
1. Khibrad Amni- Gobolka iyo Geeska Afrika mudnaantooda koowad waa la dagaalanka Argagixisada, Jubbaland na waa saldhiga ugu wayn ee Khawaarijta, sidaas daraadeed waa ninka fahmi kara la dagaalankooda, Ciidamo tayo leh na dhisay. Saxiibada Caalamka iyo wadamada deriska ah waxaay u arkaan xasiloonida geeska inay ku xirantahay xasiloonida Jubbaland.
2. Midnimada iyo isku haynta bulshada- Jubbaland waxaa wada dega qabaa'ilada Somaalida oo dhan, Isku hayntoodana waxay u baahantahay odeynimo iyo haybad hogaamiyannimo. Waxaa cajiib ah in ay maanta intaas oo qabiil ay nabad kuwada noolyihiin, kuna mideeysan yihiin mabda’a Jubbaland. Hanjabaadaha la xiriira is-layn, qax, dib ayaa loo noqoni, doorasho gaar ayaan qabsani mid qabata ma ahan ummadaas wax wada dhistay ee xasiloonida haystada.
3. Fahamka Juquraafi Siyaasadeedka Gobolka- Isbedelka siyaasadda Gobolka wuxuu saameyn dadban iyo mid togan ku leeyahay siyaasadda Soomaaliya iyo mida Jubbaland, iyadoo la ilaalinayo Madax banaanida iyo Qaranimada dalkeenna hadanna waxaa lagama maarmaan ah in fahan qooto dheer ka haysato hirka iyo dabaylaha Siyaasadda Gobolka. Madaxweyne Axmed waa khabiir ku xeel dheer, maareyni karana dabaylaha Siyaasadeed, Shaqsi aan fahamkaas lahayn waxaan kula taliniyaa wakhtigiisa hadda ma aha.
4. Madaxweyne Axmed wuxuu haystaa Jubbaland oo ku mideysan aragtidiisa 5ta sana ee soo socota.
Talo soo jeedin;
Madaxweynaha aragtidiisa 5-ta sanno ee soo socota waxaa ugu horreeya dhameystirka dhismaha Ciidamada iyo Xoreeynta deegaanada maqan, haddii aad dooneyso in aad Jubbaland hoggaamiso ka qayb qaado geediga dhameystirka Jubbaland oo wada xor ah kadibna la imaw Xasilooni, Aqoon iyo Xeelad.
