24/09/2022
Munaasibad ka dhacday Garoonka Diyaaradaha Aadan Cabdulle ayey xilalka kula kala wareegeen Maareeyaha Cusub ee Maamulka iyo Amniga Garoonka Aadan Cadde International Airport Mudane Mohamed Saed Siglan iyo ku simaha Mareeyihii H**e Caydruus Axmed Kaahi ahna Maareeye Ku xigeenka Garoonka Aadan Cadde.
Munaasibada waxaa goob joog ahaa Wasiirka Wasaarada Gaadiidka iyo Duulista Hawada DFS, Wasiiru Dowlaha iyo Wasiir ku xigeenka Gaadiidka iyo Duulista Hawada, Taliyaha Saldhiga Booliska Aadan Cabdulle, Xildhibaan Cabdiladiif Sanyare,
Maareeye ku xigeenka Hay'ada Duulista Rayidka Soomaaliyeed, Agaasimayaasha Guud ee Wasaaradaha Duulista Hawada iyo Wasaarada Amniga DFS.
Maareeyaha Cusub ee Maamulka iyo Amniga Garoonka Aadan Cadde Mudane Maxamed Siciid Siglan oo xilwareejinta kadib madasha ka hadlay ayaa uga mahadceliyey martisharafta iyo Masuuliyiinta ka soo qayb-galka Munaasibadan, Maareeyaha ayaa dhamaan Masuuliyiinta wadashaqayntu kala dhaxayso Garoonka ka codsaday in lala shaqeeyo isagoona balan-qaaday in uu ahmiyad siin doono hormarinta Arimaha Amniga iyo Adeegyada Garoonka.
XAFIISKA WARFAAFINTA IYO XIRIIRKA WARBAAHINTA GAROONKA AADEN CABDULLE.
