30/11/2024
Waxay ila tahay waxbadan oo aysan qorsheyn xataa dhaqdhaqaaqyada mucaaradka inay ku kacayaan— horumarkooda dagaalka ma aha dhab ahaantii wax lagu qorsheyn karo miis ka hor xaaladan! dabcan tani waxay ku dhacaysa inay arkayaan mucaaradka inaysan jirin ciidanka ka amarqaata Bashaar oo la dagaallami kara, runtii farxad badan ayaa ka dhex jirta qolalka mucaaradka , si ka duwan dhinaca Assad iyo dhinacyada taageerra, sidoo kale xaalad ka sarreysa dagaalka ayuu ka wajahay warbaahinta iyo dareenka bulshada , Bashaar Al-assad.
Maxaa u sabab ah horumarka mucaaradka?
Waa wax layaab ila noqday waxa ka socda Suuriya , laakin wax walba waxay suragal ila noqdeen marka aan dib u raacay waxa ka jira gudaha Suuriya— xaqiiqooyinka waa kuwo si la mid ah suragal ay kula muuqanayso wax walba oo hadda layaab kula muuqda!
Xaaladda dhaqaale ee Suuriya , ayaa ka gudubta xariiqinta faqriga, tana waxay keentay xataa ciidanka u dagaallamaya Assad inaysan helin wax ay ku maareyn karaan qoysaskooda, taa oo xataa suragal ah inay saameyso mustaqbalka dagaalka ee Bashaar Al-assad , waxa ugu weyn ee uu raadinaya hadda ma aha hub, waa inuu helaa ‘lacag’.
Dadka Suuriya, waxay ka daaleen isbeddel uu gacmihiisa ku dhalin karo Bashaar, sababtoo ah qoys kasta oo Suuriyaan bishii (soddon maalin) waxay helaan kaliya $20 , ma jiraan adeegyo bulsho oo wada gaaray dadka, sida korontada, caafimaadka,waxbarashada iyo wixii la mid ah. Mana jirto nooc kasta oo shaqo ah oo qof Suuriyaan ah uu ka qaban karo gudaha Suuriya — dadku aad ayay uga niyad-jabeen ku noolashaha gacanta Assad, wax walba waxay ka joogta marxaladdii u dambeysay, taa oo shaqo joojin gelisay ciidankii u dagaallamayay Assad. Mana jirto qof doonaya inuu u dagaallamo Bashaar.
Saacadaha ama 48 saac ee soo socota waa u muhiim mustaqbalka Suuriya , haddii la arki inay ka gudbayaan mucaaradka Xumus, markaa runtii Assad waa inuu ka baxa Dimishiq, ama awooddiisa ayaa goobta lagu tijaabin doonaa oo dagaal dhab ah ayuu kala hortagayaan dhaqdhaqaaqyada mucaaradka..!
