23/10/2023
Asalaamu calaykum guud ahaan reer somaliland.
Sida aynu ka warhaynaba; waxaynu nahay dal qaan-gaadh ah oo ku dhawaad nus qarni soo jiray, balse aan weli si buuxda u helin aqoonsi ama ictiraaf badan; iyadoo ay sidaa tahay haddana ilaahay u gargaaray, kana dhigay dal nimcaysan, dal buuxiyey dhammaan shuruudihii looga baahnaa waddan, dal isku filan, dal ay ku soo hirtaan quwadaha caalamku iyagoo ka duulaaya nimcooyinka ilaahay noogu galladay iyo mandiqaddan istaraatiijiyadeed ee aynu juqraafi ahaan dunida kaga abtirsanno.
— Haseyeeshee soomaalidu waxay tiraahdaa "Jilbo geel jire kolba dhinac ayaa qaawane " ; dalka iyo dadkaba waxa muuqata intii aynu soo jirnayba meelo badan oo baylah inaga ahi inay jiraan, meelahaasoo sidii loo xallin lahaa aanay marnaba ka fursan doonin iskaashi ay muujiyaan shacbiga reer Somaliland ee gude iyo dibadba ku kala sugan.
— Sidaa awgeed; waxaanu samaynay Madal urur(FORUM) iskaa‐wax-u-qabso ah(Volunteer), Siyaasaddana k**adax bannaan; kaasoo ay si wada jira ugu midaysnaan doonaan Dadka reer somaliLAND ee gude iyo dibadba ku kala sugan, si ay dhexda ugu xidhaan talo iyo tallaabo hadba wixii ay dalkan iyo dadkaba u soo kordhin karaan; innagoo qaranimadeenna iyo dawladnimadeenna xoojinayna; hadba xukuumaddii xilka inoo haysana aynaan ku wada eeganaynin waxqabadyada dalka dhinac kasta min bari ilaa galbeed.
______________________________________________________________
U jeedooyinka ugu waaweyn ee ururkeenani waxa weyaan:-
1) Ka-hortagidda waxyaalaha lidiga ku ah qaranka JSL oo ay kamid tahay sidii loo xak**ayn lahaa baraha bulshada wixii ina sumcad-xumaynaaya, amase bulshadeena isku diraaya (Report garayn).
—Sida ka muuqata qodobkan koobaadna; ahdaafta Ururkeennani k**a madhna wixii aynu markii horeba isugu nimid ee ahayd xak**aynta baraha bulshada(waliba qaab ka duwan kana hormarsan qaabkii aynu hawsha u wadi jirnay); waayo markan waxaynu kaashanaynaa aqoonyahano reer somaliland ah oo khibraddooda iyo derajooyinkoodaba diyaar la ah inay huraan, kuwaasoo awood u leh inay caalamka u gudbiyaan waxyaabaha aynu report-gareenayno amase aynu ka cabanayno, si loo xakameeyo; balse si hadalkooda loo dhagaysto, waa inay jiraan dad garab taagnaada oo ay tirsan karaan urur ahaan, dadkaasina waa innaga.
2) Wuxuu ka shaqeeyaa ururku horumarinta dhalinyarada iyo kor uqaadista xirfadooda.
3) Wuxuu ka qayb qaadanayaa ururku; kor u qaadista iyo horumarinta waxbarashada wadaniga ah iyo bedqabka caafimaadka (Civic education & health).
4) Barista dadka waxyaabaha xaqa loogu leeyahay iyo wixii ay xaq u leeyihiin (bill of rights).
5) Ka-hortagida dhaqamada xunxun ee bulshada dhaawacaya dhaqan ahaan iyo maskax ahaanba.
- Wax qabadyada ururku hiigsanaayo intaas way ka sii baaxad weyntahay, tartiib tartiib ayeynu ugu sii ruqaansanaynaa wax qabadyada kale ee aynu hiigsanayno haddii alle idmo.
______________________________________________________________
Waxyaabaha looga baahanyahay qofka inagu soo biiraaya waxaa kamida ;
1) Inuu haysto kaadhka dhalashada JSL amase kaadhka codaynta JSL ama baasaboorka JSL; hadba kii uu heli karo, si aan u xaqiiqsano muwaadinimadiisa, ama inuu reer somaliland yahay.
2) Inuu yahay qof diyaar u ah inuu difaaco dalkiisa, wakhtina siin karo shirarka uu ururku marmarka qaar qabto( qaab online ah).
3) Inaanu ahayn qof qabyaaladu ay ku wayntahay balse taas bedalkeeda qaran jire ah.
4) Inaanu ahayn qof siyaasiya.
___________________________________________________________________
Ka dhalinyaro ahaan iyo ka shacbi ahaan; Waxa la taaganyahay wakhtigii aynu dalkeenna ka haqab tiri lahayn hadba meeshii iin leh; " Aboodigu ma lalo garab hadduu iin ku leeyahay;
" isu tagis tusaal waxa ku filan tuu aboor falay".
— Waxaan filayaa walaal inaad si wacan u fahamtay nuxurka; haddii aad diyaar u tahay inaad ka mid noqoto geedigan;
1) Mawqifkaagu waa inoo muhiim.
2) Haddii aad su'aal qabtana waa diyaar ee soo dhawow.
Mahadsanid
