Madaxweyne Kuxigeenka 1-aad ee Dowlad Goboleedka Jubbaland

Madaxweyne Kuxigeenka 1-aad ee Dowlad Goboleedka Jubbaland Page-ka Rasmiga ah ee madaxweyne kuxigenka 1-aad ee dowladda Jubaland, Mudane Maxamuud Sayid Aadan.

17/02/2026

🌙 Ramadaan Kariim 1447H / 2026 🌙

Waxaan hambalyo diirran u dirayaa guud ahaan Shacabka Soomaaliyeed, gaar ahaan shacabka Jubaland meel kasta oo ay joogaan, gudaha iyo dibaddaba, munaasabadda curashada bisha barakaysan ee Ramadaan.

Bisha Ramadaan waa bil huwan naxariis, dembi-dhaaf iyo isu soo dhowaansho ruuxi ah. Waxaan ku boorrinayaa shacabka Jubaland inay xoojiyaan garab istaagga qoysaska nugul iyo dadka ay duruufaha nololeed saameeyeen, gaar ahaan kuwa ay abaaruhu saameeyeen.

Waxaan sidoo kale hambalyo iyo bogaadin gaar ah u dirayaa Ciidammadeenna geesiyaasha ah iyo Ciidamada Qalabka Sida ee Soomaaliyeed, kuwaas oo har iyo habeen u taagan badbaadinta nafta iyo maalka shacabka. Waxaan ku ammaanayaa dadaalka muuqda ee ay ku bixiyeen sugidda amniga iyo la dagaallanka kooxaha argagixisada.

Ugu dambayn, waxaan bulshada Jubaland ugu baaqayaa inay ka shaqeeyaan ilaalinta danta guud, xoojinta amniga, midnimada iyo wadajirka.

🤲 Ramadaan Kariim dhammaantiin.

Madaxweyne Kuxigenka Dowlada Jubaland Mudane Maxamuud Sayid Adan, ayaa kulan soo dhaweyn ah la qaatay Wasiirka Wasaaradd...
15/02/2026

Madaxweyne Kuxigenka Dowlada Jubaland Mudane Maxamuud Sayid Adan, ayaa kulan soo dhaweyn ah la qaatay Wasiirka Wasaaradda Gargaarka iyo Maareeynta Musiibooyinka Dowladda Jubaland İyo Wasiirka Wasaaradda Tamarta & Kheyraadka Biyaha Dowlada Jubaland.

Kulanka waxaa Madaxwaynaha ku wehliyay Xildhibaano katirsan Baarlamanka Dowladda Jubaland iyo Gudoomiye Kuxigeenka Aminga iyo siyaasadda Dagmada Baladxaawo.

Wasiirrada ayaa safar shaqo ku yimid Degmooyinka gobolka Gedo si' ay ugu kuurgalaan xaaladda abaareed ee ka jirta deegaanada hoos yimaada gobolka Gedo, isla markaana ay u kormeeraan mashaariicda horumarineed ee ka socda guud ahan Gobolka.

Madaxweyne Kuxigenka Dowlada Jubaland Mudane Maxamuud Sayid Adan, ayaa aad ugu deyriyay xaladda abaareed ee maanta kataagan deegaanada dowladda Jubaland iyo guud ahaan Dalka, wuxuuna ugu baaqay dhammaan mas'uuliyiinta, ganacsatada Soomaaliyeed, hay'adaha samafalka iyo saaxiibada caalamiga ah in loo midoobo gurmadka shacabka Soomaaliyeed ee wajahaya duruufaha nololeed ee ay sababtay abaarta dalka ku dhufatay, si looga hortago saamaynta Beni-aadannimo ee ka dhalankarta.

Kulanka madaxweynaha kadib wafdiga wasiirada ayaa usii gudbay Degmada Doolow halkaa oo ay Kula kulmi donaan Gudoonka Degmada iyo Guddiga abaraha ee degmada Doolow.

MADAXWEYNE KUXIGEENKA DOWLADDA JUBALAND OO KA TACSIYEEYAY GEERIDA ALLE HA UNAXARIISTEE MARXUUM UGAAS AADAN MAXAMED AXMED...
14/02/2026

MADAXWEYNE KUXIGEENKA DOWLADDA JUBALAND OO KA TACSIYEEYAY GEERIDA ALLE HA UNAXARIISTEE MARXUUM UGAAS AADAN MAXAMED AXMED.

INNAA LILLAAHI WA INNAA ILAYHI RAAJICUUN.

Madaxweyne Kuxigeenka Dowladda Jubaland, Mudane Maxamuud Sayid Aadan, ayaa ka tacsiyeeyay geerida Allaha u naxariistee Marxuum Ugaas Aadan Maxamed Axmed, Marxuum ka ayaa mid ahaa Aas-aasayaashii Dowladda Jubaland isla markaana ahaa oday dhaqan oo muddo dheer u taagnaa nabadaynta, dib-u-heshiisiinta iyo walaalaynta bulshada.

Madaxweynaha ayaa xusay in Marxuumka uu door muhiim ah ka soo qaatay dhismaha Dowladnimada Jubaland, isagoo waqtigiisa inta ugu badan kubixiyay shaqooyin qiimo leh muhiim na u ahaa Dowlad-dhiska Jubaland.

Madaxweynaha ayaa tacsi tiiraanyo leh u diray Odayaasha Dhaqanka, ehelkii, qaraabadii iyo dadka reer jubaland ee uu ka baxay Marxuumka, isaga oo Alle uga baryay in uu naxariistii janno ka waraabiyo, samir iyo iimaanna ka siiyo dhammaan ehelkiisa iyo guud ahaan shacabka Jubaland.

Madaxweyne ku-xigeenka Dowladda Jubaland Mudane Maxamuud Sayid Aadan, oo booqasho dhiirrigelin ah ugu tagay Ciidamada Da...
04/02/2026

Madaxweyne ku-xigeenka Dowladda Jubaland Mudane Maxamuud Sayid Aadan, oo booqasho dhiirrigelin ah ugu tagay Ciidamada Daraawiishta Dowladda Jubaland, ayaa halkaas ka jeediyay hadal mahadcelin iyo bogaadin isugu jira.

Madaxweyne ku-xigeenku wuxuu si gaar ah ugu mahadceliyay Madaxweynaha Dowladda Jubaland, Mudane Axmed Maxamed Islaam, oo habeen iyo maalin u taagan sidii ay ciidamadu u heli lahaayeen xuquuqdooda, gaar ahaan mushaharkooda, iyo daryeelka guud ee ciidamada.

Sidoo kale, wuxuu mahadcelin ballaaran u diray saraakiisha kala duwan ee Ciidamada Daraawiishta, isagoo ku bogaadiyay hoggaankooda, geesinimada iyo doorka ay ka qaadanayaan sugidda amniga iyo difaaca shacabka iyo dalka.

Ugu dambayn, Madaxweyne ku-xigeenku wuxuu mahadnaq u jeediyay Safiir Cabdi Maxamed Ibraahim (Liq-Liiqato) Iyo Shacabka Reer jubaland Gudaha Iyo Dibadda, oo muujiyay garab-istaag buuxa iyo taageero muuqata oo ay la garab taagan yihiin Ciidamada Dowladda Jubaland.

Madaxweyne kuxigeenka Dowladda Jubaland Mudane Maxamuud Sayid Aadan, ayaa Hambalyo iyo bogaadin u diray Ciidamada kala d...
22/01/2026

Madaxweyne kuxigeenka Dowladda Jubaland Mudane Maxamuud Sayid Aadan, ayaa Hambalyo iyo bogaadin u diray Ciidamada kala duwan ee Dowlad Jubaland iyo Ciidanka Danab qeybta Jubaland, guushii ay maanta ka gaareen dagaalkii lagu jebiyay Khawaarijta ee ka dhacay degaanka Kudhaa ee Degmada Badhaadhe ee Gobolka Jubada Hoose.

Madaxweynaha ayaa Allah uga baryayay inuu naxariistii Janno ka waraabiyo Geesiyaashii ku shahiiday, waxuuna u tacsiyeyay Qoysaskii, Eheladii iyo dhammaan Shacabka Soomaaliyeed, gaar ahaan shacabka Jubaland ee ka run sheegay la dagaalanka Khawarijta, Sido kale waxuu Allah uga baryay caafimaad deg-deg ah inuu siiyo dhammaan Geesiyaashii ku dhaawacmay dagaalkaas.

Madaxweyne kuxigeenka ayaa Casharka adag ee Ciidamada Dowladda jubaland iyo kuwa Danab ee halyeeyada ahi u dhigeen cadowga, sheegay in uu caddeyn u yahay adkeysiga, dulqaadka iyo go'aanka adag ee ciidankeennu ay u leeyihiin difaaca shacabka iyo sugidda amniga guud ee deegaanada Jubaland.

MADAXWEYNE KUXIGEENKA DOWLADDA JUBALAND OO KA TACSIYEEYAY GEERIDA ALLE HA UNAXARIISTEE MARXUUM SHUCAYB IBRAAHIM FAARAX.I...
29/12/2025

MADAXWEYNE KUXIGEENKA DOWLADDA JUBALAND OO KA TACSIYEEYAY GEERIDA ALLE HA UNAXARIISTEE MARXUUM SHUCAYB IBRAAHIM FAARAX.

INNAA LILLAAHI WA INNAA ILAYHI RAAJICUUN.

Madaxweyne Kuxigeenka Dowladda Jubaland, Mudane Maxamuud Sayid Aadan, ayaa ka tacsiyeeyay geerida Allaha u naxariistee Marxuum Shuceyb ibraahim Faarax, oo katirsanaa golaha Wakiilada Dowladda Jubaland, maanta Kugeeriyooday Magaalada Muqdisho.

Madaxweynaha ayaa xusay in Marxuumka uu door muhiim ah ka soo qaatay dhismaha Dowladnimada Jubaland, isagoo muddadii uu ka tirsanaa Golaha wakiilada Jubaland qabtay shaqooyin qiimo leh muhiim na u ahaa Dowlad-dhiska Jubaland.

Madaxweynaha ayaa tacsi tiiraanyo leh u diray golaha Wakiilada Dowladda Jubaland, ehelkii, qaraabadii, asxaabtii iyo dadka reer jubaland ee uu ka baxay Marxuum Shuceyb ibraahim Faarax , isaga oo Alle uga baryay in uu naxariistii janno ka waraabiyo, samir iyo iimaanna ka siiyo dhammaan ehelkiisa iyo guud ahaan shacabka Jubaland.

Madaxweyne Kuxigeenka Dowladda Jubaland Mohamud Siyad Aadan ayaa si rasmi ah usoo xiray Shirweynaha Dib-u-heshiisinta Be...
27/12/2025

Madaxweyne Kuxigeenka Dowladda Jubaland Mohamud Siyad Aadan ayaa si rasmi ah usoo xiray Shirweynaha Dib-u-heshiisinta Beelaha walaalaha ee muddooyinkii dambe ku dagaallamayay Degmada Luuq ee Gobalka Gedo.

Maanta ayaa si rasmi ah loo soo xiray Shirka Nabadda ee Beelaha Daga Degmada Luuq ee Gobalka Gedo, kaas oo muddooyinkii u dambeeyey ka socday Degmada Doolow, isla markaana maanta laga gaaray is-afgarad, isu-soo dhowaansho iyo heshiis taariikhi ah.

Waxaa Kulankan madaxweynaha kuwehliyay xildhibaano katirsan Barlamaanka Soomaaliya, wasiiro h**e, Maamulka Gobalka Gedo, kan degmada Doolow, Guddiga dib u heeshiisinta, odayaasha dhaqanka iyo masuuliyiinkale

Madaxweyne kuxigeenka waxa uu halkaa ka jeediyey hadalo isugu jiray dardaaran, duco iyo yididiilo tasoo xambaarsan nabad iyo walaalnimo, isaga oo ku booriyey beelaha walaalaha ah ee Daga degmada Luuq in ay sii xoojiyaan midnimada, is-qaddarinta iyo ilaalinta nabadda oo uu ku tilmaamay tiirka ugu weyn ee jiritaanka Dowladda Jubaland.

Shirkan nabadeed kan ayaa lagu soo afmeeray jawi walaaltinimo iyo isu-soo-hilow, isaga oo noqday tusaale kale oo muujinaya sida ay Jubaland ugu faanto xallinta khilaafaadkeeda taasi oo ku dhisan wada xaajood, isu tanaasul iyo garawshiiyo.

Sido kale madaxwrynaha ayaa si guud ugu mahadceliyay, Guddoonka Gobolka iyo Degmada Doolow, ciidanka Amniga Doolow, Dowladda Itoobiyo, Guddiga dib u heeshiisinta, masuuliyintii qaybta ka ahaa shirkan, odayaasha Dhaqanka iyo bulshada doolow.

Madaxweyne Kuxigeenka Dowladda Jubaland mudane Maxamad Sayid Aadan, ayaa maanta furay kulanka madasha furan ee billaha a...
20/12/2025

Madaxweyne Kuxigeenka Dowladda Jubaland mudane Maxamad Sayid Aadan, ayaa maanta furay kulanka madasha furan ee billaha ah oo ay si wadajir u qabtan Wasaaradda Caddaaladda iyo Arrimaha Dastuurka Jubaland iyo Wasaaradda amniga Gudaha Jubaland, kaasoo lagu qabtay Degmada Doolow ee gobolka Gedo.

Madashan furan ayaa ah hannaan wadatashi bulsho ku saleysan oo lagu dhiirrigelinayo iskaashi iyo kalsooni ka dhaxeysa bulshada rayidka ah iyo Bahda Amniga iyo caddaaladda.

Kulankan ayaa ahaa fursad muhiim ah oo lagu kobcinayay wada-shaqeynta iyo is-aaminaadda u dhexeysa bulshada iyo Bahda Amniga iyo Caddaaladda. Ujeeddada ugu weyn waxay ahayd in la xoojiyo isdhexgalka bulshada iyo hay’adaha amniga iyo caddaaladda, isagoo siiyey fursad ay bulshada kaga dhiibato su’aalo, cabashooyin, iyo xogaha muhiim ka ah, taasoo kor u qaadday wada shaqeynta iyo kalsoonida labada dhinac.

Kulankan ayaa waxaa ka soo qeyb galay Xildhibaano katirsan Golaha wakiilada Dowladda Jubaland, Agaasimaha Guud ee Wasaaradda Caddaaladda, Gudoomiye kuxigeenka degmada Doolow, Gudoomiyaha Ururka Haweenka, Agaasimaha Waaxda Shaqada iyo Shaqaalaha ee Wasaaradda Amniga Gudaha iyo xubno matalayay qeybaha kala duwan ee bulshada sida odayaasha dhaqanka, Booliska, dhalinyarada, haweenka, culimada, iyo bulshada rayidka guud ahaan.

Madaxweyne Kuxigeenka Dowladda Jubbaland mudane Maxamad Sayid Aadan, ayaa goobjoog u ahaa dhaarinta Guddiga Nabada ee De...
18/12/2025

Madaxweyne Kuxigeenka Dowladda Jubbaland mudane Maxamad Sayid Aadan, ayaa goobjoog u ahaa dhaarinta Guddiga Nabada ee Degmada Luuq.

Waxaa Kulankan madaxweynaha kuwehliyay xildhibaano katirsan Barlamaanka Soomaaliya, wasiiro h**e, Maamulka Gobalka Gedo, kan degmada Doolow, odayaasha dhaqanka iyo masuuliyiinkale

Madaxweyne kuxigeenka oo halkaa ka jeediyey hadalo isugu jiray dardaaran iyo duco oo xambaarsan nabad iyo walaalnimo, isaga oo ku booriyey Guddiga in ay sii xoojiyaan midnimada, is-qaddarinta iyo ilaalinta nabadda oo uu ku tilmaamay tiirka ugu weyn ee jiritaanka reer Gedo iyo guud ahaan Jubbaland.

Madaxweyne Ku-xigeenka Dowlada Jubaland Mudane Maxamad Sayid Aadan ayaa Degmada Doolow ku qaabilay Xildhibaana katirsan ...
15/12/2025

Madaxweyne Ku-xigeenka Dowlada Jubaland Mudane Maxamad Sayid Aadan ayaa Degmada Doolow ku qaabilay Xildhibaana katirsan Barlamaanka Soomaaliya, wasiir h**e iyo Ugaas Xassan Cabdi Maxamed.

Xildhibaanada iyo wasiir h**e ayaa Doolow u yimid ka qeybgalka Shirweynaha Dib-u-heshiisinta Beelaha walaalaha ee muddooyinkii dambe ku dagaallamayay Degmada Luuq ee Gobalka Gedo.

Kulanka waxaa qeyb ka ahaa Gudoomiyaha Degmada Doolow Maxamed Xuseen Cabdi lafeey, General Jamal Xasan sareey taliyihii Hay’adda nabad suggida iyo siyaasi Axmed Xuseen.

Madaxweynaha ayaa u mahadceliyay Gudoomiye Maxamed Xuseen Cabdi lafeey oo gogasha nabada dhigay Degmada Doolow iyo doorka taariikhiga ah ee u ku leeyahay ilaalinta nabadda iyo xasilloonida deegaanka.

Madaxweyne Ku-xigeenka Dowladda Jubbaland wuxuu ku baaqay in masuuliyiinta ay muujiyaan is-maqal, isu-tanaasul iyo wadashaqeyn, si loo gaaro xal dhab ah oo dan u ah shacabka deegaanka iyo guud ahaan Jubbaland.

Ku-simaha Madaxweynaha, ahna Madaxweyne Ku-xigeenka Dowlada Jubaland, Mudane Maxamad Sayid Aadan, ayaa maanta si rasmi a...
09/12/2025

Ku-simaha Madaxweynaha, ahna Madaxweyne Ku-xigeenka Dowlada Jubaland, Mudane Maxamad Sayid Aadan, ayaa maanta si rasmi ah u daah-furay Shirweynaha Dib-u-heshiisiinta ee beelaha walaalaha ah ee muddooyinkii dambe ku dagaallamayay Degmada Luuq ee Gobolka Gedo.

Shirkan waxaa ujeedkiisu yahay
• In la soo afjaro colaadaha soo noqnoqday ee ka dhacay degmada Luuq.
• In la dhiirrigeliyo nabad waarta, wada-noolaansho iyo xasilooni.
• In beelaha walaalaha ah ay si furan uga wada hadlaan khilaafaadkooda.
• In la dhiso hannaan heshiis oo lagu kalsoonaan karo oo mustaqbalka looga hortago dagaallada.

Madaxweyne Ku-xigeenka Dowladda Jubbaland wuxuu ku baaqay in dhammaan dhinacyadu muujiyaan is-maqal, isu-tanaasul iyo wadashaqeyn, si loo gaaro xal dhab ah oo dan u ah shacabka deegaanka iyo guud ahaan Jubbaland.

Waxa kale oo uu xusay sida ay muhiim u tahay in la ilaaliyo amniga, lana dhiirri-geliyo dadaallada nabadaynta ee ay wadaan odayaasha dhaqanka, maamulka deegaanka iyo bulshada rayidka ah.

Shirweynahan ayaa la filayaa inuu noqdo mid dhidibada u taaga nabad iyo wada-jir, isla markaana soo afjarta colaadaha mudada dheer saameynta ku yeeshay nolosha shacabka Luuq.

Madaxweyne Ku-xigeenka Dowladda Jubbaland, Mudane Maxamuud Sayid Aadan, ayaa maanta kulan la qaatay Guddoomiyaha Degmada...
16/10/2025

Madaxweyne Ku-xigeenka Dowladda Jubbaland, Mudane Maxamuud Sayid Aadan, ayaa maanta kulan la qaatay Guddoomiyaha Degmada Doolow, mudane Maxamed Xuseen Cabdi lafey, kaas oo lagu gorfeeyay xaaladda amniga guud ee degmada Doolow iyo deegaannada hoos yimaada.

Kulanka ayaa diiradda lagu saaray adkaynta nabadda, iskaashiga hay’adaha amniga iyo maamulka degmada, si loo xaqiijiyo xasilloonida iyo horumarka guud ee deegaanka.

Sidoo kale, Madaxweyne Ku-xigeenka ayaa kala hadlay Guddoomiyaha gogosha nabadeed ee uu Madaxweynuhu u fidiyay beelaha walaalaha ah ee ku dagaalamay degmada Luuq ee gobolka Gedo, taas oo la qorsheeyay in la qabto 20-ka bishan.

Mudane Maxamuud Sayid Aadan ayaa hoosta ka xariiqay muhiimadda ay leedahay in la taageero dadaallada nabadaynta iyo wada hadalka, isagoo ku booriyay bulshada iyo odayaasha dhaqanka in ay ka shaqeeyaan xoojinta nabadda iyo midnimada shacabka.

Ugu dambeyn, Madaxweyne Ku-xigeenka Jubbaland ayaa ku amaanay maamulka degmada Doolow sida ay uga go’an tahay sugidda amniga iyo ka qeyb qaadashada gogosha nabadeed ee gobolka Gedo.

Address

Farjano/kismayo/jubbada Hoose
Kismayo

Telephone

+252615500368

Website

Alerts

Be the first to know and let us send you an email when Madaxweyne Kuxigeenka 1-aad ee Dowlad Goboleedka Jubbaland posts news and promotions. Your email address will not be used for any other purpose, and you can unsubscribe at any time.

Shortcuts

Share

Category