Xafiiska Xeer Ilaaliyaha Guud Ee Jubbaland

Xafiiska Xeer Ilaaliyaha Guud Ee Jubbaland Xafiiska Xeer Ilaaliyaha Guud ee Dowladda Jubbaland
The Attorney General office of jubbaland

Xeer Ilaaliyaha Guud ee Dowladda Jubbaland Avv. Nuuradiin Maxamed Khaliif wuxuu hambalyada munaasabadda barakeysan ee Ci...
26/05/2026

Xeer Ilaaliyaha Guud ee Dowladda Jubbaland Avv. Nuuradiin Maxamed Khaliif wuxuu hambalyada munaasabadda barakeysan ee Ciidul Adxaa la wadaagayaa dhammaan ummadda Islaamka, shacabka Soomaaliyeed gaar ahaan bulshada reer Jubbaland meel kasta oo ay joogaan.

Xeer Ilaaliyaha Guud ayaa shacabka ugu baaqay inay xoojiyaan midnimada, wadajirka, iscafinta iyo garab istaagga dadka tabaaleysan inta lagu guda jiro maalmaha barakeysan ee ciidda.

Madaxweynaha Dowladda Jubaland Mudane Axmed Maxamed Islaam ayaa munaasabadda Ciidul Adxaa awgeed cafis u fidiyay 31 maxb...
26/05/2026

Madaxweynaha Dowladda Jubaland Mudane Axmed Maxamed Islaam ayaa munaasabadda Ciidul Adxaa awgeed cafis u fidiyay 31 maxbuus oo u xirnaa danbiyo fudud, iyadoo Madaxweynuhu qaar kamid ah maxaabiista oo loo haystay lacago lagu lahaa uu ka bixiyay daymahaasi, si ay munaasabadda Ciidda ula qeybsadaan eheladooda iyo bulshada.

📍 Kismaayo, Jubada Hoose🗓 08 May, 2026.Xeer Ilaaliyaha Guud ee Dowladda Jubbaland, Avv. Nuuradiin Maxamed Khaliif, ayaa ...
08/05/2026

📍 Kismaayo, Jubada Hoose
🗓 08 May, 2026.

Xeer Ilaaliyaha Guud ee Dowladda Jubbaland, Avv. Nuuradiin Maxamed Khaliif, ayaa ka qeyb galay xaflad qalinjebin ah oo loo qabtay maxaabiis ku xirneyd Xabsiga Dhexe ee magaalada Kismaayo, kuwaas oo dhammaystay barashada waxbarashada aasaasiga ah iyo xirfadaha farsamada gacanta.

Xafladda ayaa sidoo kale waxaa ka soo qeyb galay Wasiirka Wasaaradda Caddaaladda iyo Arrimaha Dastuurka Jubbaland, Mudane Cabdiweli Xuseen Jaamac, Wasiir Ku-xigeenka Wasaaradda Shaqada iyo Arrimaha Bulshada ahna Ku-simaha Wasiirka, Mudane Ibraahim Qooshow, Agaasimaha Guud ee Wasaaradda Caddaaladda, Mudane Cabdullaahi Cabdiqaadir Aaden (Qaanuuni), Taliyaha Ciidanka Asluubta, Cabdi Kaafi Dayib, saraakiil ka tirsan Ciidanka Dambi-baarista Booliska, iyo qeybaha kala duwan ee bulshada sida haweenka, dhalinyarada iyo ururrada bulshada rayidka ah.

Maxaabiista qalinjebisay ayaa la baray xirfado kala duwan oo isugu jiray akhris iyo qoraal, harqaan, koronto iyo farsamooyin kale oo gacanta ah, kuwaas oo loogu talagalay kobcinta xirfaddooda iyo dib-u-dhiska noloshooda si ay uga mid noqdaan bulshada marka ay xabsiga ka baxaan.

Sidoo kale, maxaabiista qalinjebisay ayaa lagu wareejiyay qalabkii ay ku shaqeyn lahaayeen, kuwaas oo ay ka mid yihiin mashiinnada harqaanka iyo qalabka korontada, si ay ugu suurtagasho inay xirfadaha ay barteen uga faa’iideystaan nolol-maalmeedkooda iyo horumarinta mustaqbalkooda.

Ugu dambeyn, Xeer Ilaaliyaha Guud ee Dowladda Jubbaland, Avv. Nuuradiin Maxamed Khaliif, ayaa dardaaran iyo dhiirrigelin u jeediyay maxaabiista qalinjebisay, isaga oo ku boorriyay inay ka faa’iideystaan xirfadaha ay barteen, kana shaqeeyaan dhismaha mustaqbal wanaagsan iyo nolol sharaf leh.

📢 Xafiiska Warfaafinta & Xiriirka Dadweynaha – AGO Jubbaland
📧 Email: [email protected]
🌐 Website: www.agojubaland.so

Magacaabid xeer ilaaliye Degmadda kismayo.
26/04/2026

Magacaabid xeer ilaaliye Degmadda kismayo.

📍 Kismaayo, Jubada Hoose🗓 14 April, 2026.Xeer Ilaaliyaha Guud ee Dowladda Jubbaland, Mudane Avv. Nuuradiin Maxamed Khali...
14/04/2026

📍 Kismaayo, Jubada Hoose
🗓 14 April, 2026.

Xeer Ilaaliyaha Guud ee Dowladda Jubbaland, Mudane Avv. Nuuradiin Maxamed Khaliif, oo uu wehlinaayo Wasiirka Wasaaradda Cadaaladda iyo Dastuurka Dowladda Jubbaland, Mudane Cabdiwali Xuseen Jaamac, ayaa maanta kormeer shaqo ku tagay Xabsiga Dhexe ee degmada Kismaayo, sidoo kale kormeerkooda Waxaa ku weheliyay Agaasimaha Guud ee Xafiiska Xeer Ilaaliyaha Guud, Mudane Maxamed Cusmaan Cartan, Kusimaha Agaasimaha Guud ee Wasaaradda Cadaaladda iyo Arrimaha Dastuurka, iyo qaar ka mid ah howl-wadeennada Wasaaradda.

Ujeeddada kormeerka ayaa ahayd in si dhow loogu kuurgalo xaaladaha nololeed ee maxaabiista, habka ay u socdaan adeegyada garsoorka, iyo ilaalinta xuquuqda maxaabiista, iyadoo diiradda la saaray dardar-gelinta cadaaladda iyo hagaajinta nidaamka xabsiyada.

Mas’uuliyiinta ayaa kormeer ku sameeyay qeybaha kala duwan ee xabsiga, iyagoo warbixinno ka dhageystay maamulka xabsiga, kana xog-wareystay caqabadaha jira iyo baahiyaha muhiimka ah ee u baahan wax ka qabashada degdegga ah.

Xeer Ilaaliyaha Guud iyo Wasiirka Cadaaladda ayaa tilmaamay in Dowladda Jubbaland ay ka go’an tahay horumarinta nidaamka cadaaladda, ilaalinta xuquuqda muwaadiniinta, iyo hubinta in maxaabiista ay helaan xuquuqdooda aas-aasiga ah.

Ugu dambeyn, mas’uuliyiinta ayaa kula dardaarmay maamulka xabsiga iyo shaqaalaha inay sii xoojiyaan dadaallada lagu horumarinayo adeegyada, si loo helo nidaam xabsi oo waafaqsan sharciga iyo mabaadi’da xuquuqul insaanka.

📢 Xafiiska Warfaafinta & Xiriirka Dadweynaha – AGO Jubbaland
📧 Email: [email protected]
🌐 Website: www.agojubaland.so

📍 Kismaayo, Jubada Hoose🗓 13 April, 2026.Xeer Ilaaliyaha Guud ee Dowladda Jubbaland, Avv. Nuuradiin Maxamed Khaliif, aya...
13/04/2026

📍 Kismaayo, Jubada Hoose
🗓 13 April, 2026.

Xeer Ilaaliyaha Guud ee Dowladda Jubbaland, Avv. Nuuradiin Maxamed Khaliif, ayaa maanta xafiiskiisa ku qaabilay Agaasimaha Guud wasaaradda haweenka iyo Agaasinka Waaxda Maamulka iyo maaliyada ee Wasaaradda Haweenka iyo Xuquuqul Insaanka Dowladda Jubbaland.

Ujeeddada kulankan ayaa ahayd dardargelinta howlaha la xiriira xuquuqda aadanaha, kor u qaadidda wacyigelinta bulshada, iyo joogtaynta kulamada noocan oo kale ah si loo xoojiyo iskaashiga hay’adaha dowladda. Sidoo kale, kulanka waxaa si qoto dheer loogu falanqeeyay kiisaska la xiriira tacaddiyada kala duwan, iyo sidii si hufan loogu gaarsiin lahaa hay’adaha ay khusayso si loo helo cadaalad degdeg ah.

Ugu dambeyn, Xeer Ilaaliyaha Guud ayaa ku booriyay dhammaan dhinacyada inay laba jibaaraan dadaallada lagu horumarinayo adeegyada cadaaladda, isla markaana la hubiyo in bulshada ay helaan xuquuqdooda si waafaqsan sharciga.

📢 Xafiiska Warfaafinta & Xiriirka Dadweynaha – AGO Jubbaland
📧 Email: [email protected](mailto:[email protected])
🌐 Website: www.agojubaland.so (http://www.agojubaland.so)

📍 Kismaayo, Jubada Hoose🗓 06 April, 2026.Waxaa maanta si habsami leh uga qabsoomay xafiiska Xeer Ilaaliyaha Guud ee Dowl...
06/04/2026

📍 Kismaayo, Jubada Hoose
🗓 06 April, 2026.

Waxaa maanta si habsami leh uga qabsoomay xafiiska Xeer Ilaaliyaha Guud ee Dowladda Jubbaland shirkii billaha ahaa ee u dhexeeya Xafiiska Xeer Ilaaliyaha iyo Hay’adaha Booliiska.

Kulanka ayaa waxaa shir guddoomiyay Xeer Ilaaliyaha Guud ee Dowladda Jubbaland, mudane Avv. Nuuradiin Maxamed Khaliif, waxaana ka soo qeyb galay Taliyaha Hoggaanka Baarista Dambiyada (CID) iyo Taliyaha Saldhigga Dhexe ee Booliiska Degmada Kismaayo.

Shirkan ayaa diiradda lagu saaray is-xog wareysi iyo kala war-qaadasho ku saabsan howlaha shaqo ee la qabtay muddadii la soo dhaafay, caqabadaha jira, iyo sidii loo dardargelin lahaa adeegyada caddaaladeed ee bulshada loo hayo.

Kadib falanqeyn iyo dood dheer, Xeer Ilaaliyaha Guud ee Dowladda Jubbaland, mudane Avv. Nuuradiin Maxamed Khaliif, ayaa ku adkeeyay masuuliyiinta ka qeyb gashay kulanka in la laba jibaaro dadaallada lagu horumarinayo sugnaanta caddaaladda, isla markaana si wadajir ah looga shaqeeyo xoojinta iskaashiga hay’adaha garsoorka iyo Booliiska.


📢 Xafiiska Warfaafinta & Xiriirka Dadweynaha – AGO Jubbaland
📧 Email: [email protected](mailto:[email protected])
🌐 Website: www.agojubaland.so (http://www.agojubaland.so)

📍 Kismaayo, Jubada Hoose🗓 05 April, 2026.Xeer Ilaaliyaha Guud ee Dowladda Jubbaland, Mudane Avv Nuuradiin Maxamed Khalif...
05/04/2026

📍 Kismaayo, Jubada Hoose
🗓 05 April, 2026.

Xeer Ilaaliyaha Guud ee Dowladda Jubbaland, Mudane Avv Nuuradiin Maxamed Khalif, ayaa maanta shir muhiim ah ku guddoomiyay xafiiska Xeer Ilaaliyaha Guud ee Dowladda Jubbaland, kaas oo qeyb ka ah dadaallada lagu xoojinayo hannaanka cadaaladda iyo dardargelinta howlaha shaqo ee hay’adaha garsoorka.

Kulanka ayaa waxaa ka qeyb galay Guddoomiyaha Racfaanka Gobolka Jubada Hoose, Mudane Nuur Salaad Cabdullaahi, iyo Guddoomiyaha Maxkamadda Darajada 1aad ee Degmada Kismaayo, Mudane Sheekh Muuse Cusmaan Geedi, kuwaas oo door muhiim ah ka qaata hirgelinta cadaaladda iyo garsoorka heer gobol iyo degmo.

Intii uu socday shirka, waxaa si gaar ah diiradda loo saaray dardargelinta howlaha shaqo ee xafiisyada, kor u qaadista wada-shaqeynta hay’adaha garsoorka, iyo sidii loo xaqiijin lahaa in adeegyada cadaaladeed ay noqdaan kuwo hufan, degdeg ah, isla markaana la jaanqaadaya baahida bulshada.

Sidoo kale, kulanka waxaa si qoto dheer looga dooday hababka ugu habboon ee lagu dadajin karo kiisas-ka horyaalla xafiisyada iyo maxkamadaha, si loo yareeyo dib-u-dhaca garsoorka, loona hubiyo in muwaadiniintu helaan cadaalad waqtigeeda ku timaada.

Ugu dambeyn, Xeer Ilaaliyaha Guud ayaa ku boorriyay dhammaan masuuliyiinta iyo shaqaalaha hay’adaha garsoorka inay laba jibbaaraan dadaalkooda, isla markaana ay ka shaqeeyaan horumarinta nidaamka cadaaladda, si loo helo adeeg cadaaladeed oo tayo leh, lagu kalsoonaan karo, una adeegaya bulshada Jubbaland.

📢 Xafiiska Warfaafinta & Xiriirka Dadweynaha – AGO Jubbaland
📧 Email: [email protected](mailto:[email protected])
🌐 Website: www.agojubaland.so (http://www.agojubaland.so)

Wargelin.Xafiiska Xeer Ilaaliyaha Guud ee Dowlad Goboleedka Jubbaland wuxuu wargelinayaa dhammaan hay’adaha caalamiga ah...
05/04/2026

Wargelin.

Xafiiska Xeer Ilaaliyaha Guud ee Dowlad Goboleedka Jubbaland wuxuu wargelinayaa dhammaan hay’adaha caalamiga ah iyo kuwa maxalliga ah ee ka shaqeeya arrimaha tacadiga SGBV inay warbixintooda sanadlaha ah ee 2025 u soo gudbiyaan Xafiiska Xeer Ilaaliyaha Guud ee Dowladda Jubbaland, muddada u dhaxaysa 05 ilaa 20 April 2026.

📍 Kismaayo, Jubada Hoose🗓 04 April, 2026.Waxaa si habsami leh uga gabagaboobay xarunta dhexe ee Xafiiska Xeer Ilaaliyaha...
04/04/2026

📍 Kismaayo, Jubada Hoose
🗓 04 April, 2026.

Waxaa si habsami leh uga gabagaboobay xarunta dhexe ee Xafiiska Xeer Ilaaliyaha Guud ee Dowladda Jubaland shirkii billaha ahaa, kaas oo door muhiim ah ka qaata dardargelinta howlaha shaqo iyo kor u qaadidda waxqabadka Xafiiska.

Shirka waxaa si rasmi ah u furay Xeer Ilaaliyaha Guud ee Dowladda Jubaland, Mudane Avv. Nuuradiin Maxamed Khaliif, oo carrabka ku adkeeyay muhiimadda ay leeyihiin shirarkan joogtada ah, gaar ahaan xoojinta hufnaanta, isla xisaabtanka, iyo tayada shaqo ee Xafiiska.

Intii uu shirku socday, waxaa si qoto dheer loo falanqeeyay guud ahaan howlaha Xafiiska, iyadoo si gaar ah diiradda loo saaray waxqabadkii la soo dhaafay iyo dadaallada lagu horumarinayo shaqada. Sidoo kale, qaar ka mid ah Xeer Ilaaliyeyaasha ayaa soo bandhigay warbixinno faahfaahsan oo ku saabsan habsami u socodka shaqada, iyagoo iftiimiyay guulaha la gaaray iyo caqabadaha jira ee u baahan xal degdeg ah.

Ugu dambeyntii, Xeer Ilaaliyaha Guud ayaa dardaaran iyo dhiirigelin u jeediyay dhammaan Xeer Ilaaliyeyaasha iyo howl-wadeenada, isagoo ku booriyay in la xoojiyo wada shaqeynta, la laba-jibaaryo dadaalka, isla markaana si hufan oo daacadnimo leh loo gutto waajibaadka shaqo si loo gaaro natiijooyin muuqda oo wax ku ool ah.

📢 Xafiiska Warfaafinta & Xiriirka Dadweynaha – AGO Jubbaland
📧 Email: [email protected](mailto:[email protected])
🌐 Website: www.agojubaland.so (http://www.agojubaland.so)

Address

Farjano
Kismayo
252

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Saturday 09:00 - 17:00
Sunday 09:00 - 17:00

Website

Alerts

Be the first to know and let us send you an email when Xafiiska Xeer Ilaaliyaha Guud Ee Jubbaland posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Xafiiska Xeer Ilaaliyaha Guud Ee Jubbaland:

Shortcuts

Share

Category