Ministry of Environment and Climate Change- Jubbaland

Ministry of Environment and Climate Change- Jubbaland Halkani waxaad ka heli kartaa maclumadki ugu danbeeyay ee howlaha wasaaradda Deegaanka ee Jubbaland

Roobab fudud iyo kuwo dhexdhexaad ah (5–30 mm) ayaa laga filayaa inta badan Deegaanada Jubbaland toddobada maalmood ee s...
12/09/2026

Roobab fudud iyo kuwo dhexdhexaad ah (5–30 mm) ayaa laga filayaa inta badan Deegaanada Jubbaland toddobada maalmood ee soo socda.

Roobab ka badan kuwa caadiga ah (30–50 mm) ayaa laga yaabaa inay ka da’aan qaybo kamid ah Gobolka Jubbada Hoose, gaar ahaan meelaha u dhow Webiyada iyo Xeebaha.

Roobab mahiigaan ah oo wata Onkod iyo hillaac ayaa meelo gaar ah ka keeni kara xaddi roob oo ka badan inta la saadaaliyey.

NB : Saadaashani waxay ku salaysan tahay isku-darka natiijooyinka dhowr model oo lagu saadaaliyo cimilada, sidaas darteedna way isbeddeli kartaa marka xog cusub la helo.

Ministry of Environment and Climate Change- Jubbaland

Wasiirka Wasaaradda Deegaanka iyo Isbeddelka Cimilada Dowladda Jubaland mudane Ceydiid Suleymaan Xaashi iyo wafdi uu hog...
10/09/2026

Wasiirka Wasaaradda Deegaanka iyo Isbeddelka Cimilada Dowladda Jubaland mudane Ceydiid Suleymaan Xaashi iyo wafdi uu hoggaaminayo ayaa maanta booqasho iyo kormeer ku tagey dhaan laga hirgeliyey deegaanka Jiroole iyo deegaanada kale ee dhaca xeebaha, Dhaanka ayaa loogu talagalay in uu daboolo baahida biyaha ee bulshada ku nool halkaasi.

Ujeeddada kormeerkan ayaa ahayd in lagu qiimeeyo heerka uu marayo dhaanka, tayada adeegga uu bulshada siinayo iyo doorka uu ka qaadanayo xallinta baahiyaha biyaha ee ka jira deegaanada xeebaha.

Wasiirka iyo wafdigiisa ayaa warbixin ka dhageystay masuuliyiinta iyo farsamayaqaannada gacanta ku haya mashruuca dhismaha dhaanka, kuwaas oo faahfaahin ka bixiyey xaaladda dhaanka iyo faa’iidooyinka uu u leeyahay bulshada deegaanka.

Wasiirka ayaa xusay in helitaanka biyo nadiif ah ay tahay arrin muhiim u ah caafimaadka iyo nolol-maalmeedka bulshada, isla markaana Wasaaradda Deegaanka iyo Isbeddelka Cimilada Jubaland ay ka go’an tahay taageeridda dadaallada lagu horumarinayo helitaanka biyaha iyo la qabsiga saameynta isbeddelka cimilada.

Ministry of Environment and Climate Change- Jubbaland

Agaasimaha Guud ee Wasaaradda Deegaanka iyo Isbeddelka Cimilada Dowladda Jubaland, Mudane Aaden Maxamed Hudle, ayaa maga...
10/09/2026

Agaasimaha Guud ee Wasaaradda Deegaanka iyo Isbeddelka Cimilada Dowladda Jubaland, Mudane Aaden Maxamed Hudle, ayaa magaalada Muqdisho kaga qayb galay Aqoon-is-weydaarsi Farsamo oo ku saabsan Kormeerka iyo Warbixinta Dib-u-soo-celinta Dhulka (Landscape Restoration), kaas oo ay soo qabanqaabisay Wasaaradda Deegaanka iyo Isbeddelka Cimilada ee Dowladda Federaalka Soomaaliya, isla markaana socon doona muddo afar maalmood ah.

Aqoon-is-weydaarsigan ayaa kulmiyay Agasimayasha Guud ee Wasaaradaha Deegaanka ee Dowladaha Xubnaha ka ah Dowladda Federalka iyo Gobolka Banaadir, iyadoo diiradda lagu saaray xoojinta wada-shaqaynta, isku-duwidda dadaallada dib-u-soo-celinta dhulka iyo horumarinta nidaamyada kormeerka, xog-ururinta iyo warbixinta.

Kulanka ayaa si gaar ah loogu falanqeeyay hababka lagu cabbiro laguna qiimeeyo horumarka laga gaarayo dib-u-soo-celinta dhulalka xaalufay, adeegsiga qalabka kormeerka, iyo dejinta hannaan mideysan oo lagu dabagalo laguna qiimeeyo hawlaha dib-u-soo-celinta dhulka.

Sidoo kale, waxaa looga hadlay muhiimadda ay leedahay helitaanka xog iyo tilmaamayaal lagu kalsoonaan karo oo taageera qorsheynta, go’aan-qaadashada iyo hirgelinta barnaamijyada dib-u-soo-celinta dhulka, si loo xoojiyo maareynta kheyraadka dabiiciga ah, loogana hortago nabaad-guurka dhulka iyo saameynta isbeddelka cimilada.

Agaasime Hudle, ayaa madasha ka xusay dadaallada ay Dowladda Jubaland ku bixinayso dib-u-soo-celinta deegaanka, ilaalinta kheyraadka dabiiciga ah iyo la-dagaallanka saameynta isbeddelka cimilada. Waxa uu tilmaamay in Dowladda Jubaland ay mudnaan gaar ah siiso hirgelinta barnaamijyo waara oo kor u qaadaya adkeysiga deegaanka iyo bulshada, iyadoo si dhow ula shaqaynaysa hay’adaha dowladda, bah-wadaagta horumarinta iyo bulshada deegaanka si loo xaqiijiyo horumar deegaan oo waara.

09/09/2026

Wasiirka Wasaaradda Deegaanka iyo Isbeddelka Cimilada Dowladda Jubaland, Mudane Ceydiid Suleymaan Xaashi, ayaa shir guddoomiyay kulan fogaan-arag (Zoom) ah oo ay ka qeyb galeen Isku-duwayaasha Wasaaradda ee gobollada iyo degmooyinka Jubaland, iyo sidoo kale qaar kamid ah Agaasimeyaasha Waaxyaha Wasaaradda.

Ministry of Environment and Climate Change- Jubbaland

Wasiirka Wasaaradda Deegaanka iyo Isbeddelka Cimilada Dowladda Jubaland, Mudane Ceydiid Suleymaan Xaashi, ayaa shir gudd...
09/09/2026

Wasiirka Wasaaradda Deegaanka iyo Isbeddelka Cimilada Dowladda Jubaland, Mudane Ceydiid Suleymaan Xaashi, ayaa shir guddoomiyay kulan fogaan-arag (Zoom) ah oo ay ka qeyb galeen Isku-duwayaasha Wasaaradda ee gobollada iyo degmooyinka Jubaland, iyo sidoo kale qaar kamid ah Agaasimeyaasha Waaxyaha Wasaaradda.

Kulanka ayaa diiradda lagu saaray qiimeynta xaaladaha cimilada iyo u diyaar-garowga khataraha ka dhalan kara ifafaalaha Super El Niño, kaas oo saadaashu muujinayso inuu sababi karo roobab ka badan heerarkii caadiga ahaa iyo fatahaado saameyn ku yeelan kara bulshada, deegaanka, dhaqaalaha iyo kaabeyaasha muhiimka ah, gaar ahaan deegaannada ku teedsan webiyada.

Wasiirka ayaa carrabka ku adkeeyay muhiimadda ay leedahay in la xoojiyo dadaallada lagu yareynayo khataraha musiibooyinka, isagoo faray dhammaan Isku-duwayaasha Wasaaradda inay dardargeliyaan wacyigelinta bulshada si kor loogu qaado fahamka khataraha la saadaalinayo loona xoojiyo heerarka diyaar-garowga ee bulshada iyo hay’adaha ay khuseyso.

Sidoo kale, kulanka ayaa lagu falanqeeyay hababka ugu habboon ee lagu xoojin karo isku-duwidda dadaallada heer gobol iyo heer degmo, si bulshada loogu diyaariyo khataraha iman kara loona yareeyo saameynta ay ku yeelan karaan nolosha dadka iyo hantidooda.

Ugu dambeyntii, kulanka ayaa lagu soo gabagabeeyay adkeynta wada-shaqeynta iyo isku-xirka howlaha Wasaaradda ee heerarka kala duwan, iyadoo la xoojinayo dadaallada lagu hormarinayo u diyaar-garowga, ka hortagga iyo yareynta khataraha la xiriira isbeddelka cimilada iyo fatahaadaha la saadaalinayo.

Ministry of Environment and Climate Change- Jubbaland

08/09/2026

Agaasimaha Waaxda Saadaasha Hawada ee Wasaaradda Deegaanka iyo Isbeddelka Cimilada Jubaland Abdiqani Ahmed Jaamac ayaa kawarbixiyay daahfurka tababar loogu talagalay shaqaalaha Wasaaradda, kaas oo ku saabsanaa fahamka iyo wacyigelinta saameynta ifafaalaha El Niño iyo khataraha uu ku keeni karo deegaanka, nolosha bulshada, iyo dhaqaalaha.

Ministry of Environment and Climate Change- Jubbaland

Muqdisho, Soomaaliya– Agaasimaha Guud ee Wasaaradda Deegaanka iyo Isbeddelka Cimilada Dowladda Jubaland, Mudane Aden Moh...
08/09/2026

Muqdisho, Soomaaliya– Agaasimaha Guud ee Wasaaradda Deegaanka iyo Isbeddelka Cimilada Dowladda Jubaland, Mudane Aden Mohamed Hudle, ayaa ka qayb galay Kulanka 3-aad ee Madasha Iskaashiga Agaasimayaasha Guud ee Wasaaradaha Deegaanka iyo Isbeddelka Cimilada ee Dowladda Federaalka Soomaaliya, Dowlad-goboleedyada iyo Gobolka Banaadir (FGS–FMS–BRA).

Kulanka oo si rasmi ah u furmay ayaa diiradda lagu saaray xoojinta iskaashiga, wada-shaqaynta iyo isku-duwidda Dowladda Federaalka, Dowlad-goboleedyada iyo Gobolka Banaadir ee dhinacyada deegaanka iyo isbeddelka cimilada.

Intii uu kulanku socday, waxaa si qoto dheer looga wada hadlay u-diyaargarowga Soomaaliya ee Shirweynaha COP31, hirgelinta NDC 3.0, iyo xoojinta qorshayaasha looga jawaabayo saameynta ka dhalan karta xaaladaha cimilada ee ay ka mid yihiin El Niño iyo dhacdooyinka cimilo ee saameyn kara bulshada, deegaanka iyo hab-nololeedyada dalka.

Sidoo kale, kulanka waxaa muhiimad gaar ah lagu siiyay sidii loo xoojin lahaa wada-shaqaynta farsamo iyo isku-duwidda hay’adaha kala duwan ee ka shaqeeya deegaanka iyo isbeddelka cimilada. Waxaa la isla eegay baahida loo qabo in la helo qorshayaal isku-xiran oo heer federaal iyo heer dowlad-goboleed ah, kuwaas oo kor u qaadaya awoodda Soomaaliya ee ka hortagga iyo la-qabsiga saameynta isbeddelka cimilada.

Dowladda Jubaland, oo leh deegaano si weyn ugu nugul saameynta isbeddelka cimilada, gaar ahaan abaaraha, fatahaadaha, roobabka aan joogtada ahayn, nabaad-guurka iyo xaalufka deegaanka, ayaa muhiimad gaar ah siinaysa in la xoojiyo iskaashiga hay'adaha heer qaran iyo heer dowlad-goboleed.

Qodob kale oo muhiim ah oo kulanka looga hadlay ayaa ahaa xoojinta tallaabooyinka lagu yareynayo wasakhowga deegaanka iyo maaraynta qashinka. Waxaa si gaar ah xoogga loo saaray fulinta go'aannada mamnuucaya bacaha hal mar la isticmaalo, kuwaas oo khatar ku ah deegaanka, caafimaadka bulshada iyo noolaha.

Arrintan ayaa si gaar ah muhiim ugu ah magaalooyinka iyo deegaannada Jubaland, iyadoo loo baahan yahay in la kordhiyo wacyiga bulshada, horumarinta nidaamyada maaraynta qashinka iyo iskaashiga hay'adaha dowladda, bulshada rayidka ah iyo qaybaha kale ee daneeya ilaalinta deegaanka.

Wasiirka Wasaaradda Deegaanka iyo Isbeddelka Cimilada Dowladda Jubaland Mudane Ceydiid Suleymaan Xaashi ayaa maanta si r...
08/09/2026

Wasiirka Wasaaradda Deegaanka iyo Isbeddelka Cimilada Dowladda Jubaland Mudane Ceydiid Suleymaan Xaashi ayaa maanta si rasmi ah u daahfuray tababar loogu talagalay shaqaalaha Wasaaradda, kaas oo ku saabsanaa fahamka iyo wacyigelinta saameynta ifafaalaha El Niño iyo khataraha uu ku keeni karo deegaanka, nolosha bulshada, iyo dhaqaalaha.

Tababarka waxaa kasoo qeyb galay dhammaan shaqaalaha waaxyaha kala duwan ee Wasaaradda, kuwaas oo si qoto dheer uga dooday saameynta El Niño, hababka lagu yareyn karo khataraha ka dhasha, iyo muhiimadda ay leedahay diyaar-garowga h**e si loo xoojiyo adkeysiga bulshada.

Ugu dambeyn, Kusimaha Agaasimaha Guud ahna Agaasimaha Maamulka, Maaliyadda, Shaqada iyo Shaqaalaha Wasaaradda Mudane Ibrahim Abukar Mohamed ayaa si rasmi ah u soo xiray tababarka. Isagoo uga mahadceliyey ka qeybgalayaasha sida firfircoon ee ay uga qeyb qaateen tababarka, wuxuuna carrabka ku adkeeyey muhiimadda ay leedahay in aqoonta la kororsaday lagu dabaqo shaqada maalinlaha ah si loo xoojiyo dadaallada Wasaaradda ee la xiriira la qabsiga iyo yareynta saameynta isbeddelka cimilada.

Ministry of Environment and Climate Change- Jubbaland

XAALADA WEBIGA 2026 Waaxda Saadaasha Hawada ee Wasaaradda Deegaanka iyo Isbeddelka Cimilada Jubaland iyadoo adeegsanay...
06/09/2026

XAALADA WEBIGA 2026

Waaxda Saadaasha Hawada ee Wasaaradda Deegaanka iyo Isbeddelka Cimilada Jubaland iyadoo adeegsanaysa xogtii udambaysay ee FAO-SWALIM ee soo baxday August 2025 Si looga hortago Fatahaadaha Elnino ee 2026, waxay idiin soo gudbinaysaa meelaha Webiga Juba uu ka fatihi karo khariidadda Meelaha furan ee ay suuragalka tahay inuu webigu jabsado hadii Biyo badan yimaadaan Xogtaasi oo ku cad Mapka hoose waa sidan

🔹 Wadarta goobaha la diiwaangeliyey waa 152 goobood

🔹 Meelaha Furan ama Jaban (Open Breakages): Waa 105 goobood
🔹 Kanaalada Daadad ka imaaan karaan : Waa 14 goobood
🔹 Meelaha uu Webigu ka fatahi karo (River Overflow): Waa 31 goobood
🔹Meelaha la xiray iyada oo la adeegsanayo bacaha ciidda: Waa 2 goobood.

Goobaha ugu badan ee Furmay ama Webigu jabsan karo waxay ku teedhsan yihiin degmooyinka Bu'aale, Jilib iyo Jamaame, iyo Waqooyiga Kismaayo sidoo kale Goobo aan badnayn ayaa kuyaal iyaguna Degmooyinka Buurdhubo, Doolow iyo Luuq dhamaan degmooyinkan ayaa ah meelaha ugu nugul ee fatahaaduhu si degdeg ah usaamaynkaraan hadii Webigu keeno Biyo kabadan Normalka biyaha mara

Mapkani waxuu gacan ka geysan karaa:.

Aqoonsiga meelaha halista ugu badan leh.
Qorsheynta wax ka qabashada fatahaadaha.
Taageeridda go'aannada maamulka iyo hay'adaha gargaarka.
Wacyigelinta bulshada ku nool hareeraha Webiga Jubba.

Ministry of Environment and Climate Change- Jubbaland

Dayrta Sanadkan El Niño aad ayay u xooggan tahay waxayna si weyn u beddeli kartaa qaababkii roobabka aduunka uga da'ij...
05/09/2026

Dayrta Sanadkan El Niño aad ayay u xooggan tahay waxayna si weyn u beddeli kartaa qaababkii roobabka aduunka uga da'ijireen iyo heer kulka adduunka, waxay sababi kartaa dhacdooyin cimilo oo aad aad udaran.

Sida lagu sheegay warbixin cusub oo ka soo baxday Hay’adda Saadaasha Hawada Adduunka (WMO), ifafaalaha cimilo ee El Niño ayaa la filayaa inuu sii xoogeysto, waxaana ku dhowaad hubaal ah inuu sii socon doono ilaa bisha February 2027 ee sannadka soo socda.

Ifafaalaha muuqda ayaa loo arkaa inuu noqotay mid aad u daran, sababtoo ah heer kulka badda ee qaybta equaterialka Bari ee Badweynta Baasifigga ayaa si aan caadi ahayn u sarreeya.

Khariidada Hoose oo ay soo saartay Hay'adda Cimilada Aduunka ee WMO ayaa waxaa lagu muujiyay inay Somalia kamid tahay meelaha roobab ka baxsan normalka ay ka da'i karaan.

Ministry of Environment and Climate Change- Jubbaland

Address

Arigo/seaport Street
Kismayo

Telephone

+252770471402

Website

Alerts

Be the first to know and let us send you an email when Ministry of Environment and Climate Change- Jubbaland posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Ministry of Environment and Climate Change- Jubbaland:

Shortcuts

Share

Category