Abdifataah Hussien

30/01/2026

New Op Article: Maqaalkii koobaad ee sannadkan aan ku daabaco Addis Standard

Geeska Afrika iyo Bariga Dhexe maanta laba gobol ma aha—waa hal masrax istaraatiiji ah.

Maqaalkan aan ku daabacay Addis Standard waxaan ku muujinayaa in Badda Cas ay noqotay marin isku xira danaha caalamka, halka Somaliland ay tusaale u tahay sida xasilloonida dhabta ahi uga dhalato maamul wax ku ool ah, ee aysan ka iman aqoonsi la sugayo.

Berbera ma aha deked keliya—waa fariin muujinaysa in xasilloonidu ficil tahay, aqoonsiguna yahay natiijo.

🔗 Akhri:
https://addisstandard.com/?p=54829

: From Horn of to Middle East: as strategic connector in Red Sea corridor

In this opinion piece, Abdifataah Hussien Osman argues that the Horn of Africa and the have merged into a single strategic theater, with the acting as a “connective corridor” for trade and security.

Strategically located along the Gulf of Aden, Somaliland has turned geography into “strategic reliability through effective territorial control,” while the Port of has grown into a key regional hub. For the and Middle Eastern states, Somaliland offers a pragmatic, low-risk partner, as “Somaliland’s consistency becomes a strategic resource in itself.”

Recognition, the author concludes, is not symbolism but “strategic alignment,” because “stability is not declared by recognition; it is proven by practice.”

https://addisstandard.com/?p=54829

29/01/2026

Jigjiga, caasimadda Somalida Ethiopia

27/01/2026

MAQAAL: Fariin Toos ah oo Ku Socota Dhallinyarada Ku Nool Soomaaliya iyo shacabkayga Jamhuuriyadda Somaliland

Anigu Jamhuuriyadda Somaliland ayaan ahay. Waxaan ka hadlayaa dal dadkiisu go’aan dhab uga soo go'ay maankooda qaatay, dhiig iyo dhidid ku bixiyay jiritaankiisa, kana tashaday masiirkooda si ka madax bannaan faragelin shisheeye. Fariintayaduna si gaar ah waxay ugu socotaa dhallinyarada ku nool Soomaaliya ee maanta ku nool dal fashilmay, dowlad la’aan iyo mustaqbal hubanti la’aan ah.

Somaliland lama dhisin shalay. Waxay ku dhalatay go’aan shacab oo ay hormuud u ahaayeen dhallinyaro nafahooda u huray. Waxay ka dhalatay shirar, wadatashi, is cafin, iyo heshiis ay gaadheen dhammaan beelaha ku wada nool dhulkan. Taasi waa xaqiiqo taariikheed oo aan la inkiri karin.

Dowladda maanta ka jirta Muqdisho ma aha dowlad awood leh oo matasha dhammaan ummadda Soomaaliyeed. Waa dowlad ku koobban xarun, kuna tiirsan ciidan shisheeye, dhaqaale shisheeye, iyo talo shisheeye. Awood uma laha in ay xukunto dalka oo dhan, kana hadli mayso masiirka shacab aan iyada dooran.

Dhallinyaroow, xaqiiqadu waa tan. Dal burburay wax talo ah lagama qaato. Dal aan amni lahayn, aan dhaqaale lahayn, aan midnimo lahayn, ma khasbi karo qaran kale oo is dhisay. Somaliland ma aha mushkiladda Soomaaliya. Somaliland ma burburin midnimo jirin. Midnimo dhab ah weligeed k**a jirin Soomaaliya ka dib 1960.

Midnimadu ma aha hadal, ma aha calan la wada qaato, mana aha qasab. Midnimadu waa rabitaan shacab, waa kalsooni, waa wada noolaansho dhab ah. Maanta koonfurta Soomaaliya ma midaysna. Maamul goboleedyo is diidan, dowlad dhexe oo la diidan yahay, hay’ado is burinaya, iyo hoggaan aan shacabkiisa xukumi karin ayaa ka jira.

Haddaba, sidee midnimo looga rabaa Hargeysa halka aysan ka jirin Muqdisho? Sidee Somaliland loogu eedayn karaa kala go’, iyadoo Soomaaliya lafteedu kala qaybsan tahay?

Somaliland waxay dooratay jidkeeda. Waxay tidhi waan is dhisayaa, waan is maamulayaa, waanan ilaalinayaa amnigayga iyo karaamadayda. Taasi ma aha cadownimo, mana aha diidmo walaaltinimo. Waa aayo-ka-tashi sharci ah oo shacab xaq u leh.

Dhallinyarada ku nool Soomaaliya, halkii aad wakhtiga ku lumin lahaydeen nacayb, eedayn, iyo riyo midnimo been ah, maxaa idiin diidaya inaad u istaagtaan dalkiinna burburay? Maxaa idiin diidaya inaad dhistaan dowlad idiin gaar ah, amni, iyo mustaqbal aad leedihiin?

Annagu macaanka dowladnimada waanu dhadhaminay. Amni ayaan haysanaa, doorasho ayaan qabannaa, hay’ado shaqeeya ayaan leenahay, dadkeennuna iyaga ayaa ka talinaya. Taasi ma aha wax nalooga keenay meel kale ee waa wax aanu dhisannay ka shacbi ahaan.

Shacabka Somaliland waa dad is fahmay, is doortay, is ogolaaday, oo aan u baahnayn cid kale oo u talisa. Sidaas darteed, faragelin, hanjabaad, ama cadaadis k**a beddelayso go’aanka shacab tashaday.

Fariintayadu waa mid cad. Somaliland lama laabanayso dal fashilmay. Somaliland lama hoos geynayo nidaam burburay. Somaliland waxay rabtaa nabad, walaaltinimo, iyo derisnimo ku dhisan ixtiraam iyo xaqiiqo.

Haddii aad dhab ka tahay horumar, marka h**e dalkiinna dhisa. Haddii aad rabtaan midnimo, marka h**e naftiinna mideeya. Haddii aad rabtaan sharaf, marka h**e madax-bannaanidiinna dhabta ah raadiya.

Ummad walba aayaheeda ayay ka tashataa. Anaguna waan tashannay.
Maamuusnidiin.

Abdifataah Hussien Osman
Jamhuuriyadda Somaliland

05/09/2025

Waxa maalinimadii shalay 04/09/2025 noo qabsoontay xafladda Sannad guuradii 5aad ee kasoo wareegtay Aasaaska Ururka Dhallinyarada ee UHDAS oo ay ku lifaaqantahay xafladda xil wareejinta hogaanka cusub.

Waxa sharaf ii ah in aan ahaa gudoomiyaha ururka tan iyo dhamaadka 2023, ugu danbeynna aan shalay ku wareejiyay hogaanka cusub ee loo doortay ururka.

Waxa aan si kal iyo laab ah ugu mahadcelinayaa xubnaha ururka ee sida hufan iila so shaqeeya iyo bahda arrimaha bulshada ee igu saaciday in aan la shaqeeyo.

Mahadsanidin

Abdifataah Hussien Osman
Gudoomiyihi h**e ee Ururka
Ururka Dhallinyarada ee UHDAS

03/08/2024

Soo bandhigistii daraasadda ee maamulka, macalimiinta iyo ardayda kulliyadu sameeyeen.

17/07/2024

Research Overview training

Waxa uu ahaa tobabar kooban oo aan ku lafaguray guud ahaan cilmiga daraasada (Research overview), kaas oo ay ka faa'idaysteen xubno ka mid ah ururka Hal-hays oo ah dhallinyaro firfircoon oo marwalba daneeya kor u qaadista ogaalkooda aqooneed.

Waxa aan si gaar ah ugu mahadcelinayaa team Halhays, waxaan rajaynayaa in aan wax ugu biiriyay ogaalkooda cilmiga daraasadda.

Abdifataah Hussien