02/06/2022
Inta badan anigu waxaan tilmaamaa xaalada taagan, lkn dadka qaar waxba k**a faaiidaystaan, waxaanay moodayaan inaan cid ujeedo, inta badan xisbgii aan ka tisanaan jiray ee WADDANI ayay isku kaaya xoqaan bal hadda ba dadkaas iyo Xisbiyada Mucaaradka ba maanta waxaan u sheegayaa.
Haddii ay Xisbiyada Mucaaradku rabaan doorasho madaxtooyo inay u qabsoonto Nov-13-2022 oo doorashada URURADU na sida ay ku doodayaan ay December qabsoonto, labada doorasho ba cidii inoo qaban lahayd Waa komishanka, komishankiina meesha ayuu ka baxay hadda ba waxaan dadwaynaha la wadaagaya labadan arimood.
1. Haddii ay Xisbiyada mucaaradka ah dhab ka tahay doorashada madaxtooyadu inay u qabsoonto Nov-13-2022, Waa inay aqbalaan in la kala diro komishanka h**e ee gudoomiyahoodii ka warbixiyay shalay oo ay isla markaana ka shaqeeyaan sidii komishan cusub loo soo dhisi lahaa oo ay labadoodii xubnood na soo magacaabaan sida ugu dhakhsaha badan na ay Madaxwaynaha ugu gudbiyaan.
2. Waa inay gudoomiyaha golaha guurtida ka codsadaan inuu isagu na soo magacaabo labadiisii xubnood una gudbiyo madaxwaynaha.
3. Waa inay madaxwaynaha usoo jeediyaan inuu komishanka cusub xubnihiisii dhakhso usoo magacaabo, si dhakhso ahna u hor geeyo golaha wakiilada inta aanu xidhmin kal-fadhigan socda ee golaha wakiiladu, inta ka horaysa June-20-2022.
4. Waa inay Xisbiyada mucaaradku ka codsadaan shir-gudoonka golaha wakiilada in aanu golahu fasax galin ee ay sugaan inta laga ansixinaayo komishanka cusub ee doorashada.
Haddii ay Xisbiyada mucaaradku talaabooyinkan ay qaadaan waxay noqonayaan inay diyaar u yihiin doorashada Nov-13-2022, haddii se ay arintan ka shaqayn waayaan waxaa hubaal ah in aanay doorashada doonayn, muddo kordhinta Madaxwaynaha na ay raali ka yihiin sidoo kale ay rabaan in Xisbiyada na muddo kordhin loo sameeyo, balse muddo kordhinta Xisbiyada waxay ku suurto galaysaa xeer Lr 14/2011 oo golaha wakiiladu wax ka badal ku sameeyo, arintaas oo ah mid aan suurto galayn.
Dib u dhac kasta oo ku yimaada doorashooyinka, waxaa ka masuul noqon doona Xisbiyada, waayo iyaga ayaa laga rabaa inay wixii kala gudboon, iyo wixii talo ah ba had iyo jeer u soo jeediyaan qaranka oo aanay ka seexan, waayo ninka kursiga doonaya ayaa la rabaa inuu ka shaqo iyo dadaal ba badnaado ninka ku fadhiya.
Haddii se ay ka shaqayn waayaan oo ay naftooda iyo bulshada ba wax kale ku mashquuliyaan Waxaa hubaal ah inay ay masuuliyada dibu dhaca doorashooyinka qaybtooda qaadan doonaan.
Ururada siyaasadeed awood uma laha inay komishan soo dhisaan, balse doorashada ururada iyo ta madaxtooyada labada ba komishankii qaban lahaa waa muhiim in la soo dhiso, cida la rabo inay ka shaqaysaa oo cid kasta ku hogaamisaana Waa Xisbiyada, anagu na Urur ahaan waxaan ku boorinaynaa cid kasta ay khusayso arintani in laga sugaayo.
Waxaan u aragnaa khilaafka siyaasadeed ee dalka ka jira in aanu ahayn furista ururada, in laga heshiin karo doorashooyinka sida loo soo kala horaysiinayo, balse khilaafkii komishanka ka dhashay uu fogeeyey rajada doorashooyinka oo dhan inay sanadkan dhici karaan, sidaas darteed waxaan ugu baaqayaa Xisbiyada mucaaradka ah, madaxwaynaha iyo guurtida ba ina sida ugu dhakhsaha badan loo soo dhiso komishan cusub oo doorashooyinka inoo qabta.
Allah Mahad leh.
Gudoomiye Ibraahim dheere.
