14/05/2024
Talladaan la rogrogin waa lagu rafaadaa.
Waxaan cambaaraynayaa in Madaxda Dowladda dhexe aysan Hogaamiyaha Maamulka SSC-Khaatumo ku casuumin shirka Golaha Wadatashiga Qaran, shacabka SSC-Khaatumana la duudsiiyo matalaadoodii dastuuriga ahayd.
Madaxda Dowladda Dhexe waxaan ugu baaqayaa inay ilaaliso Midnimada iyo wada jirka Umadda Soomaaliyeed, Cid walbana Xuquuqdeeda ka hesho.
Waxaa iyana Nasiib darro ah in Hogaanka SSC-Khaatumo ku guuldaraystay jiheynta Siyaasad isla-ogol ah oo ka mira dhalisa himilada shacabka SSC-Khaatumo,
Hogaamiyaha waxaa uu marar badan ku katsoomay siyaasad ma dhaleys ah, oo ay majaraha u hayaan danlay siyaasadeed, oo aan aragti fog laheyn.
Aqoonsiga SSC-Khaatumo waxaa uu ka unkamaa wadajirka SSC-Khaatumo, waxaana dhig iyo udub u ah Maamulka iyo Shacab Weynaha Puntland, iyo intii shallay dhiig iyo dhaqaale u shubtay halgankii xoreynta Laascaanood.
Inta wajiga laga dadbayo Garoowe, Xamarna sida Hogaamiye Firdhiye garoonka ka sheegay maanta, uu si muxibaysan u xasuusinayo in “Laascaanood dhul Soomaaliyed tahay, dad Soomaaliyeedna joogaan” waxaa ay u egtahay in aan sida ay ahayd looga mira dhallin doonin himiladii 700 wiil u geeriyoodeen.
Ugu dambayntii, Bulshada SSC-Khaatumo, gudo iyo dibed-ba waxaan ugu baaqayaa Midnimo iyo wada jir, xaalad kasta oo adagna waxaa lagaga gudbi karaa isku tashi iyo talo Wadaag.
SSC-Khaatumo Guul
Hon. Mohamed Keyse
