Ururka deegaanka D,burtinle

23/03/2026

23/03/2026

08/03/2026

09/12/2024

Wasaaradda Deegaanka iyo Isbeddelka Cimilada ee Puntland ayaa tababar aqoon-kororsi ah (workshop) u qabatay degmada Burtinle, kaas oo ay ka soo qaybgaleen maamulka degmada, golaha deegaanka, iyo gudiyada tuulooyinka. Tababarkan ayaa looga hadlay ilaalinta deegaanka, wacyigelinta bulshada, iyo fahamka xeerka ilaalinta deegaanka.

Kulanka waxaa si rasmi ah u furay guddoomiye ku xigeenka degmada, iyadoo sidoo kale ay ka qayb-galay laamaha amniga iyo xoghayaha dawladda hoose, si loo xoojiyo wada shaqaynta iyo ilaalinta deegaanka ee degmada Burtinle.

03/12/2024

Ururka deegaanka, oo kaashanaya laamaha amniga iyo maamulka degmada, ayaa ku guuleystay soo qabashada dambiilayaal ku hawlanaa dhuxul shididda magaalada iyo agagaarkeeda. Tallaabadan waxay muujineysaa dadaalka ururka iyo hay’adaha kale ee deegaanka ku saabsan ilaalinta kheyraadka dabiiciga ah iyo ka hortagga waxyeellada deegaanka.

Ururka deegaanka wuxuu si xooggan ugu baaqayaa bulshada in ay ka fogaadaan falalka waxyeellada u geysanaya deegaanka, sida dhuxul shididda sharci-darrada ah iyo jaridda dhirta. Waa masuuliyad wadareed in aan ilaalino kheyraadka dabiiciga ah oo aan u gudbino jiilalka dambe deegaanka oo caafimaad qaba.

30/11/2024

Waxaa mamnuuc ah jarista dhirta iyo xirmaysiga sharci-darrada ah, waxaana ururka deegaanka ee ka hawlgala degmada Burtinle, uu ku guuleystay in uu tallaabo cad ka qaado falalka noocaas ah. Ururku wuxuu gubay dhir si sharci-darro ah loo jaray iyo xirmooyin sharci-darro ah oo laga soo qaaday deegaanka.

Bulshada deegaanka waxaa si rasmi ah loogu wargeliyay in deegaanka si gaar ah loo ilaaliyo, iyadoo cid walba oo fal-dambiyeed ku gasha deegaanka laga qaadi doono tallaabo sharci ah.

Sidoo kale, Xeerka Ilaalinta Deegaanka Puntland ayaa lagu wareejiyay degmada Bandar-Salaam, si loo xaqiijiyo in sharciga lagu dhaqmo. Xeerkan wuxuu damaanad qaadayaa in cid kasta oo ku xad-gudubta deegaanka laga qaadi doono tallaabo sharci ah oo waafaqsan xeerarka iyo nidaamka Puntland.

Dadaalladani waxay qayb ka yihiin qorshaha ballaaran ee lagu ilaalinayo deegaanka iyo kheyraadkiisa, iyadoo lagu dhiirrigelinayo ka qaybqaadashada bulshada si loo gaaro deegaanka oo badbaado ah.

29/11/2024

Warbixin: Safarka Shaqo ee Jimcaha

Maanta oo ay tahay Jimco, waxaa safar shaqo oo muhiim ah ku baxay ururka Badbaadinta Deegaanka Degmada Burtinle, iyagoo ku hawlan xoojinta iyo ilaalinta deegaanka. Ujeedka safarkan ayaa ahaa:
1. Gubista Dhirta Sharci-Darrada ah: Waxay ururka ku guuleysteen inay gubaan dhir si sharci-darro ah loo jaray, taasoo dhaawac ku keeni karta deegaanka.
2. Tallaabo Sharci: Waxaa tallaabo sharci laga qaaday dadkii ku lug lahaa jarista iyo burburinta dhirta, iyadoo la waafajiyay xeerarka ilaalinta deegaanka.
3. Furida Xirmooyin Sharci-Darro ah oo Dhul-Daaqsimeedka Laga Sameeyay: Waxay ururka ka howl-galeen furitaanka dhowr xirmo oo si sharci-darro ah looga sameeyay dhul-daaqsimeedka, kuwaasoo caqabad ku ahaa nolosha xoolo-dhaqatada iyo deegaanka guud ahaan. Hawshan ayaa ahayd mid muhiim ah oo looga hortagayay waxyeello dheeraad ah oo deegaanka soo gaadha.
4. Ku Wareejinta Xeerka Ilaalinta Deegaanka: Intii lagu jiray hawsha, waxaa xeerkii ilaalinta deegaanka si rasmi ah loogu wareejiyay maamulka Bandarsalaam, si ay u sii wadaan hirgelinta iyo ilaalinta sharciyada deegaanka ee degmada.

Ururka Badbaadinta Deegaanka wuxuu si gaar ah uga mahadcelinayaa maamulka Bandarsalaam oo kaalin muuqata ka qaatay dadaallada lagu xoojinayo ilaalinta iyo horumarinta deegaanka. Waxaa bulshada lagu boorinayaa in ay u istaagaan ilaalinta kheyraadka dabiiciga ah si loo gaaro mustaqbal waara.

27/11/2024

Warbixin: Ilaalinta Deegaanka iyo Kahortagga Xirmooyinka Sharci-darrada ah

Fariin Wacyigelin ah

Dadka sharafta leh ee deegaanka ku noolow, waa waajib inaga wada saaran inaan ka hortagno wax kasta oo waxyeeleyn kara deegaanka iyo nolosheena. Waxaan ku boorrineynaa dhammaan:
• Ka feejignaada xirmooyinka sharci-darrada ah: Haddii aad aragtaan waxyaabo aan sharciga waafaqsanayn, la xiriira maamulka deegaanka ama hay’adaha ku shaqada leh.
• Ku dadaala ilaalinta deegaanka: Iska ilaali inaad ku biiriso wax kasta oo keeni kara waxyeello deegaanka.
• Wadajir uga shaqeeya horumarka deegaanka: Wada shaqeyn la sameeya bulshada iyo hay’adaha si loo xaqiijiyo deegaanka caafimaad qaba oo badbaado leh.

25/11/2024

Waxaa qabsoomi doona shirweynaha 6aad ee deegaanka iyo isbedelka cimilada Puntland , waxa uuna dhicidoona 2-3 December 2024

Waxaa qabsoomi doona shirweynaha 6aad ee deegaanka iyo isbedelka cimilada Puntland , waxa uuna dhicidoona 2-3 December 2024