Wasaaradda Caafimaadka Galmudug

Wasaaradda Caafimaadka Galmudug Bogaan waa kan rasmigaa ee Wasaaradda Cafimaadka Galmudug. This is the official page

Agaasimaha Guud ee Wasaaradda Caafimaadka iyo Daryeelka Bulshada Galmudug oo Kormeer Shaqo ku Tegay Deegaanno ka Tirsan ...
01/06/2026

Agaasimaha Guud ee Wasaaradda Caafimaadka iyo Daryeelka Bulshada Galmudug oo Kormeer Shaqo ku Tegay Deegaanno ka Tirsan Gobolka Mudug

Agaasimaha Guud ee Wasaaradda Caafimaadka iyo Daryeelka Bulshada Dowladda Galmudug, Mudane Dr. Cabdiwali Maxamed Axmed, ayaa kormeer shaqo ku tegay xarumaha caafimaadka ee deegaannada Qorqoro, Bitaale iyo Bandarqaali.

Kormeerkan ayaa ujeeddadiisu ahayd qiimeynta adeegyada caafimaad ee la siiyo bulshada, la socodka xaaladda xarumaha caafimaadka, iyo xoojinta dadaallada lagu horumarinayo adeegyada caafimaadka ee deegaannadaas.

Intii uu kormeerku socday, Agaasimaha ayaa warbixinno faahfaahsan ka dhageystay maamulka iyo shaqaalaha Xarumaha caafimaadka, kuwaas oo uga xog warramay xaaladda adeegyada caafimaad, baahiyaha jira, caqabadaha hortaagan shaqada, iyo guulaha laga gaaray adeeg bixinta bulshada.

Agaasimaha ayaa bogaadiyey dadaalka iyo naf-hurnimada ay shaqaaluhu ugu adeegayaan bulshada, isagoo carrabka ku adkeeyey muhiimadda ay leedahay in la sii xoojiyo tayada adeegyada caafimaad si bulshada loo gaarsiiyo daryeel caafimaad oo hufan, joogto ah, kana turjumaya baahiyahooda dhabta ah.

Ugu danbeyn Agaasimaha ayaa si rasmi ah xarigga uga jaray Xarunta Caafimaadka ee Qarsooni, oo ay hirgelinteeda iska kaashadeen Wasaaradda Caafimaadka Galmudug iyo Hey’adda Qatar Charity.

Agaasimaha Guud ee Wasaaradda Caafimaadka iyo Daryeelka Bulshada Galmudug oo Kormeer Shaqo ku Tagay Isbitaalka Guud ee G...
31/05/2026

Agaasimaha Guud ee Wasaaradda Caafimaadka iyo Daryeelka Bulshada Galmudug oo Kormeer Shaqo ku Tagay Isbitaalka Guud ee Gaalkacyo

Gaalkacyo, 31 May, 2026.

Agaasimaha Guud ee Wasaaradda Caafimaadka iyo Daryeelka Bulshada Dowladda Galmudug, Mudane Dr. Cabdiwali Maxamed Axmed, ayaa maanta kormeer shaqo ku tagay Isbitaalka Guud ee Gaalkacyo si uu ugu kuurgalo xaaladda adeegyada caafimaad ee isbitaalku bulshada u hayo, isla markaana u qiimeeyo baahiyaha iyo horumarka ka jira xarunta.

Kormeerkan waxaa Agaasimaha Guud ku wehliyey madax ka socotay hay’adaha bahwadaagta la ah wasaaradda ee MSF iyo IMC, xubno ka tirsan guddiga maamulka isbitaalka, iyo saraakiil ka socotay Wasaaradda Caafimaadka iyo Daryeelka Bulshada Galmudug.

Agaasimaha ayaa booqday qaybaha kala duwan ee isbitaalka, isagoo warbixinno ka dhageystay maamulka iyo shaqaalaha caafimaadka ee halkaas ka howlgala.

Ugu danbeyn Agaasimaha Guud ee Wasaaradda Caafimaadka Galmudug mudane Dr. Cabdiwali Maxamed Axmed ayaa bogaadiyey dadaalka ay sameynayaan maamulka, shaqaalaha caafimaadka, iyo hay’adaha taageera adeegyada isbitaalka, isagoo carrabka ku adkeeyey muhiimadda ay leedahay xoojinta wada-shaqeynta si loo horumariyo adeegyada caafimaadka loona daboolo baahiyaha sii kordhaya ee bulshada.

Wasaaradda Caafimaadka iyo Daryeelka Bulshada Galmudug ayaa sii wadi doonta kormeerada iyo dadaallada lagu tayeynayo adeegyada caafimaadka, si shacabka Galmudug ay u helaan adeeg caafimaad oo tayo leh, la heli karo, kana jawaaba baahiyahooda.

Galkacyo 31 May 2026.Agaasimaha Guud ee Wasaaradda Caafimaadka iyo Daryeelka Bulshada Galmudug, Mudane Dr. Cabdiwali Max...
31/05/2026

Galkacyo 31 May 2026.

Agaasimaha Guud ee Wasaaradda Caafimaadka iyo Daryeelka Bulshada Galmudug, Mudane Dr. Cabdiwali Maxamed Axmed, ayaa kormeer shaqo ku tagay Xarunta Caafimaadka ee Galkacyo si uu ugu kuurgalo xaaladda adeegyada caafimaad ee xaruntu bixiso iyo habsami u socodka shaqada.

Intii uu kormeerka ku jiray, Agaasimuhu waxa uu warbixin ka dhageystay maamulka iyo shaqaalaha xarunta ee ku saabsan adeegyada caafimaad ee la siiyo bulshada, caqabadaha jira, iyo qorshayaasha horumarineed ee xarunta.

Agaasimaha Guud ee Wasaaradda Caafimaadka Galmudug mudane Dr. Cabdiwali Maxamed Axmed ayaa bogaadiyey dadaalka ay shaqaalaha caafimaadku ugu jiraan adeegga bulshada, wuxuuna carrabka ku adkeeyey muhiimadda ay leedahay tayeynta adeegyada caafimaadka, kor u qaadidda adeegyada aas-aasiga ah iyo xaqiijinta in bulshada ay helaan daryeel caafimaad oo tayo leh.

Kormeerkan ayaa qeyb ka ah dadaallada Wasaaradda Caafimaadka iyo Daryeelka Bulshada Galmudug ay ku xoojinayso la socodka xarumaha caafimaadka iyo horumarinta adeegyada caafimaad ee laga hirgelinayo deegaannada Galmudug.

Wasiirka Wasaaradda Caafimaadka iyo Daryeelka Bulshada Galmudug, mudane Dr. Cabdiweli Cabdullahi Jaamac, ayaa munaasabad...
26/05/2026

Wasiirka Wasaaradda Caafimaadka iyo Daryeelka Bulshada Galmudug, mudane Dr. Cabdiweli Cabdullahi Jaamac, ayaa munaasabadda Ciidul-Adxaa awgeed hambalyo u diray guud ahaan ummadda Muslimiinta, gaar ahaan shacabka Soomaaliyeed meel kasta oo ay joogaan.

Dhuusamareeb, 20 May 2026Wasiiru Dowlaha Wasaaradda Caafimaadka Galmudug, Mudane Daahir Faarax Fiidow, ayaa maanta si ra...
20/05/2026

Dhuusamareeb, 20 May 2026

Wasiiru Dowlaha Wasaaradda Caafimaadka Galmudug, Mudane Daahir Faarax Fiidow, ayaa maanta si rasmi ah xilka ugu kala wareejiyey Agaasimihii h**e ee Isbitaalka Gobolka Galgaduud, Dr. Abuukar Cali Faarax, iyo Agaasimaha cusub ee Isbitaalka, Dr. Cali Axmed Maxamuud, oo ka socda shirkadda Afro Healthcare Company.

Munaasabadda xil-wareejinta oo ka dhacday xarunta Isbitaalka Gobolka Galgaduud ayaa waxaa ka qeyb galay Agaasimaha Guud ee Wasaaradda Caafimaadka Galmudug, Dr. Cabdiwali Maxamed Axmed, xubno ka tirsan Golaha Wasiirrada Galmudug, Guddoomiyaha Gobolka Galgaduud, Duqa Caasimadda Dhuusamareeb, waxgaradka bulshada, maamulka iyo shaqaalaha Isbitaalka.

Agaasimaha Guud ee Wasaaradda Caafimaadka Galmudug, Dr. Cabdiwali Maxamed Axmed, ayaa si gaar ah uga mahadceliyey Agaasimihii h**e ee Isbitaalka, Dr. Abuukar Cali Faarax, muddadii afarta sano ahayd ee uu hoggaaminayey Isbitaalka Gobolka Galgaduud. Waxa uu ku ammaanay shaqadii wanaagsaneyd, dadaalkii muuqday iyo doorkii muhiimka ahaa ee uu ka qaatay horumarinta adeegyada caafimaadka, tayeynta maamulka iyo kor u qaadista bilicda Isbitaalka.

Mas’uuliyiintii munaasabadda ka hadlay ayaa sidoo kale bogaadiyey horumarka iyo isbeddellada muuqda ee Isbitaalku sameeyey sanadihii u dambeeyey, iyagoo Agaasimaha cusub, Dr. Cali Axmed Maxamuud, kula dardaarmay inuu sii xoojiyo horumarka jira, isla markaana kor u qaado adeegyada caafimaad ee bulshada loo hayo.

Wasiiru Dowlaha Wasaaradda Caafimaadka Galmudug, Mudane Daahir Faarax Fiidow, ayaa sheegay in Wasaaraddu waddo qorshe ballaaran oo lagu horumarinayo Isbitaalka Gobolka Galgaduud. Waxa uu xusay in Isbitaalka lagu maamuli doono nidaamka Public Private Partnership (PPP), oo ah iskaashi u dhexeeya Wasaaardda Caafimaadka Galmudug iyo shirkadda gaarka loo leeyahay ee Afro Healthcare Company, si loo helo adeeg caafimaad oo tayo leh, casri ah, waxtar badan leh, isla markaana bulshada ugu adeega si hufan oo heer sare ah.

Agaasimaha Guud ee Wasaaradda Caafimaadka Galmudug mudane Dr. Cabdiwali Maxamed Axmed ayaa soo xiray shirka Tayeynta iyo...
18/05/2026

Agaasimaha Guud ee Wasaaradda Caafimaadka Galmudug mudane Dr. Cabdiwali Maxamed Axmed ayaa soo xiray shirka Tayeynta iyo Adeegsiga Xogta Caafimaadka HMIS.

Shirkan ayaa waxaa kasoo qeyb galay masuuliyiin ka tirsan Wasaaradda Caafimaadka Galmudug, howl-wadeennada HMIS, madax ka socotay Hey’adda UNICEF, iyo xubno ka socday xarumaha caafimaadka ee degmooyinka Guriceel iyo Dhuusamareeb.

Intii uu shirku socday waxaa diiradda lagu saaray tayeynta xogta caafimaadka, dhameystirka iyo isku waafaqsanaanta xogaha, ka hortagga khaladaadka xogta iyo sidii xogta caafimaadka loogu adeegsan lahaa go’aan qaadashada iyo qorsheynta adeegyada caafimaadka.

Agaasimaha Guud ee Wasaaradda Caafimaadka Galmudug mudane Dr. Cabdiwali Maxamed Axmed, oo shirka si rasmi ah u soo xiray ayaa sheegay in shirkan uu muhiim u ahaa kor u qaadidda tayada xogta caafimaadka iyo xoojinta wada shaqeynta xarumaha caafimaadka, isagoo ku bogaadiyay ka qeybgalayaasha dadaalka ay geliyeen horumarinta nidaamka HMIS.

Sidoo kale, Agaasimaha ayaa u mahadceliyay bahwadaagta iyo hay’adaha taageera dadaallada lagu tayeynayo xogta caafimaadka iyo horumarinta adeegyada caafimaadka ee Galmudug.

Cadaado: 17 May 2026.Wasiir Dowlaha Wasaaradda Caafimaadka Galmudug, mudane Daahir Faarax Fiidow, oo uu wehliyo Agaasima...
17/05/2026

Cadaado: 17 May 2026.

Wasiir Dowlaha Wasaaradda Caafimaadka Galmudug, mudane Daahir Faarax Fiidow, oo uu wehliyo Agaasimaha Guud ee Wasaaradda Dr. Cabdiwali Maxamed Axmed, ayaa kulan muhiim ah la qaatay maamulka Isbitaalka Guud ee Degmada Cadaado.

Mas’uuliyiinta ayaa warbixinno faahfaahsan ka dhageystay maamulka isbitaalka, dhaqaatiirta iyo shaqaalaha caafimaadka, kuwaas oo soo bandhigay baahiyaha caafimaad ee ka jira isbitaalka, caqabadaha jira, iyo horumarrada laga sameeyay adeegyada bulshada loo hayo.

17/05/2026

Kalimadda Wasiir Dowlaha Wasaaradda Caafimaadka Galmudug mudane Daahir Faarax Fiidow Ee Xarig-jarka Xarunta Caafimaadka ee Harwanaag, Cadaado.

17/05/2026

Kalimadda Madaxa Hey’adda Qatar Charity Soomaaliya mudane Cabdifatax Adam, Ee Xarig-jarka Xarunta Caafimaadka ee Harwanaag, Cadaado.

17/05/2026

Kalimadda Agaasimaha Guud ee Wasaaardda Caafimaadka Galmudug mudane Dr. Cabdiwali Maxamed Axmed Ee Xarig-jarka Xarunta Caafimaadka ee Harwanaag, Cadaado.

Address

18
Dhuusamarreeb

Website

Alerts

Be the first to know and let us send you an email when Wasaaradda Caafimaadka Galmudug posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Wasaaradda Caafimaadka Galmudug:

Shortcuts

Share

Category