https://www.facebook.com/354102624449038/

Wasaaradda Gargaarka Iyo Maaraynta Musiibooyinka Waqooyi Bari, Buuhoodle (2026)

06/05/2026

Waxqabadka Wasaaradda Gargaarka iyo Maareynta Musiibooyinka ee Dowladda Waqooyi Bari Soomaaliya, lixdii bilood ee u Dambeysay.

Wasaaraddu waxay warbixintan la wadaagtay Guddiga Gargaarka, Arrimaha Bini’aadamnimada, Xuquuqul Insaanka iyo Haweenka ee Baarlamaanka Dowladda Waqooyi Bari Ee Soomaaliya.

–𝗗𝗛𝗔𝗠𝗠𝗔𝗔𝗗–
___________________
𝙓𝙖𝙛𝙞𝙞𝙨𝙠𝙖 𝙒𝗮𝗿𝗳𝗮𝗮𝗳𝗶𝗻𝘁𝗮 & 𝗫𝗶𝗱𝗵𝗶𝗶𝗱𝗵𝗸𝗮 𝘿𝙖𝙙𝙬𝙚𝙮𝙣𝙖𝙝𝙖 𝗲𝗲 𝐖𝐚𝐬𝐚𝐚𝐫𝐚𝐝𝐝𝐚 𝐆𝐚𝐫𝐠𝐚𝐚𝐫𝐤𝐚 𝐢𝐲𝐨 𝐌𝐚𝐚𝐫𝐚𝐲𝐧𝐭𝐚 𝐌𝐮𝐬𝐢𝐢𝐛𝐨𝐨𝐲𝐢𝐧𝐤𝐚 𝐃𝐚𝐰𝐥𝐚𝐝 𝐆𝐨𝐛𝐨𝐥𝐞𝐞𝐝𝐤𝐚 𝐖𝐚𝐪𝐨𝐨𝐲𝐢𝐛𝐚𝐫𝐢 𝐒𝐨𝐨𝐦𝐚𝐚𝐥𝐢𝐲𝐚.

𝗘𝗺𝗮𝗶𝗹: [email protected]
𝗳𝗮𝗰𝗲𝗯𝗼𝗼𝗸:
https://www.facebook.com/share/1CTBnCuWWu/
𝗧𝗶𝗸𝘁𝗼𝗸:
tiktok.com/
𝘄𝗲𝗯𝘀𝗶𝘁𝗲:
https://mohadm.ne.so/

05/05/2026

𝐋𝐚𝐚𝐬𝐜𝐚𝐚𝐧𝐨𝐨𝐝, 5 𝐌𝐚𝐲 2026:

Wasaaradda Gargaarka iyo Maaraynta Musiibooyinka Dawladda Waqooyi Bari Soomaaliya ayaa maanta qaabishay Guddiga Xuquuqul Insaanka, Haweenka iyo Arrimaha Bini’aadantinimada ee Golaha Wakiillada.
Wasiirka Wasaaradda, 𝐌𝐮𝐝𝐚𝐧𝐞 𝐌𝐨𝐡𝐚𝐦𝐞𝐝 𝐃𝐢𝐫𝐢𝐞 𝐅𝐚𝐫𝐚𝐡 (Shariif) ayaa Guddiga si diirran u soo dhaweeyay, isaga oo warbixin ka siiyay waxqabadka Wasaaradda, mashaariicda u hirgalay, iyo qorshayaasha mudnaanta u leh ee ay hiigsanayso.

Wasiirka ayaa sidoo kale faahfaahin ka bixiyay dadaallada ay Wasaaraddu ka waddo wax ka qabashada xaaladaha bini’aadantinimo, gaar ahaan abaaraha ka jira deegaannada Waqooyi Bari, isagoo xusay qorshayaal lagu yareynayo saameynta abaaraha iyo sidii gurmad degdeg ah loo gaarsiin lahaa bulshada ay dhibaatadu saameysay.

Dhankooda, Guddiga ayaa weydiimo ku saabsan xaaladda abaaraha iyo qorshayaasha Wasaaradda ka waydiiyay Wasiirka, iyagoo muujiyay doorkooda kormeer iyo dabagal ee la xiriira arrimaha bini’aadantinimada.

Ugu dambayn kulanka ayaa ku soo dhamaadey Mahadnaq iyo qorsheynta kulamada kale ee xiga ee u dhexeeya Gudida iyo Wasaaradda.

–𝗗𝗛𝗔𝗠𝗠𝗔𝗔𝗗–
___________________
𝙓𝙖𝙛𝙞𝙞𝙨𝙠𝙖 𝙒𝗮𝗿𝗳𝗮𝗮𝗳𝗶𝗻𝘁𝗮 & 𝗫𝗶𝗱𝗵𝗶𝗶𝗱𝗵𝗸𝗮 𝘿𝙖𝙙𝙬𝙚𝙮𝙣𝙖𝙝𝙖 𝗲𝗲 𝐖𝐚𝐬𝐚𝐚𝐫𝐚𝐝𝐝𝐚 𝐆𝐚𝐫𝐠𝐚𝐚𝐫𝐤𝐚 𝐢𝐲𝐨 𝐌𝐚𝐚𝐫𝐚𝐲𝐧𝐭𝐚 𝐌𝐮𝐬𝐢𝐢𝐛𝐨𝐨𝐲𝐢𝐧𝐤𝐚 𝐃𝐚𝐰𝐥𝐚𝐝 𝐆𝐨𝐛𝐨𝐥𝐞𝐞𝐝𝐤𝐚 𝐖𝐚𝐪𝐨𝐨𝐲𝐢𝐛𝐚𝐫𝐢 𝐒𝐨𝐨𝐦𝐚𝐚𝐥𝐢𝐲𝐚.

𝗘𝗺𝗮𝗶𝗹: [email protected]
𝗳𝗮𝗰𝗲𝗯𝗼𝗼𝗸:
https://www.facebook.com/share/1CTBnCuWWu/
𝗧𝗶𝗸𝘁𝗼𝗸:
tiktok.com/
𝘄𝗲𝗯𝘀𝗶𝘁𝗲:
https://mohadm.ne.so/

05/05/2026

𝐋𝐚𝐚𝐬𝐜𝐚𝐚𝐧𝐨𝐨𝐝 :- 05 𝐌𝐚𝐲-2026

Guddiga Gargaarka iyo Maaraynta Masiibooyinka, Xaquuqul insaanka iyo Arrimaha Bulshada Golaha Wakiilada WBS ay Hogaaminayso Gudoomiye Xildhibaan 𝐅𝐚𝐡𝐢𝐢𝐦𝐚 𝐘𝐮𝐮𝐬𝐮𝐟 𝐐𝐮𝐮𝐣𝐞 oo guddanaya waajibaadkooda Shaqo ee isla Xisaabtanka haayadaha dawladda ayaa booqasho shaqo ku yimid Wasaarada gargaarka iyo Maaraynta Masiibooyinka WB.

05/05/2026

𝐇𝐚𝐦𝐛𝐚𝐥𝐲𝐨 𝐢𝐲𝐨 𝐒𝐨𝐨 𝐝𝐡𝐚𝐰𝐞𝐲𝐧

Wasaaradda Gargaarka iyo Maaraynta Musiibooyinka uu ugu horreeyo Wasiirka wasaaradda 𝐄𝐧𝐠 𝐌𝐨𝐡𝐚𝐦𝐞𝐝 𝐃𝐢𝐫𝐢𝐞 𝐅𝐚𝐫𝐚𝐡 (Shariif) wasiir k/xigeenka wasaaradda 𝐌𝐮𝐝𝐚𝐧𝐞 𝐀𝐛𝐝𝐮𝐥𝐥𝐚𝐡𝐢 𝐌𝐨𝐡𝐚𝐦𝐨𝐮𝐝 𝐀𝐡𝐦𝐞𝐝 iyo hawlwadeenada wasaaraddu waxay si sharaf iyo qadarin leh ugu hambalyaynaysaa Agaasimaha Guud ee wasaaradda Gargaarka iyo Maaraynta Musiibooyinka 𝐌𝐚𝐫𝐰𝐨 𝐅𝐚𝐡𝐢𝐢𝐦𝐚 𝐘𝐮𝐬𝐮𝐟 𝐀𝐝𝐚𝐦 xilka culus ee loo igmaday,Waxaan kuu rajaynaynaa guul, hufnaan iyo hoggaan ku dhisan karti iyo daacadnimo, si aad uga soo baxdo waajibaadka muhiimka ah ee horyaalla wasaaradda.

Sidoo kale waxaan si diirran kuugu soo dhowaynaynaa Wasaaradda, annagoo ku kalsoon in aqoontaada, waayo-aragnimadaada iyo dadaalkaaga ay door weyn ka qaadan doonaan horumarinta adeegyada gargaarka iyo maaraynta musiibooyinka. Ilaahay ha kuu fududeeyo mas’uuliyadda, hana kaa yeelo mid wax ku ool ah oo bulshada wax weyn u qabata.

–𝗗𝗛𝗔𝗠𝗠𝗔𝗔𝗗–
___________________
𝙓𝙖𝙛𝙞𝙞𝙨𝙠𝙖 𝙒𝗮𝗿𝗳𝗮𝗮𝗳𝗶𝗻𝘁𝗮 & 𝗫𝗶𝗱𝗵𝗶𝗶𝗱𝗵𝗸𝗮 𝘿𝙖𝙙𝙬𝙚𝙮𝙣𝙖𝙝𝙖 𝗲𝗲 𝐖𝐚𝐬𝐚𝐚𝐫𝐚𝐝𝐝𝐚 𝐆𝐚𝐫𝐠𝐚𝐚𝐫𝐤𝐚 𝐢𝐲𝐨 𝐌𝐚𝐚𝐫𝐚𝐲𝐧𝐭𝐚 𝐌𝐮𝐬𝐢𝐢𝐛𝐨𝐨𝐲𝐢𝐧𝐤𝐚 𝐃𝐚𝐰𝐥𝐚𝐝 𝐆𝐨𝐛𝐨𝐥𝐞𝐞𝐝𝐤𝐚 𝐖𝐚𝐪𝐨𝐨𝐲𝐢𝐛𝐚𝐫𝐢 𝐒𝐨𝐨𝐦𝐚𝐚𝐥𝐢𝐲𝐚.

𝗘𝗺𝗮𝗶𝗹: [email protected]
𝗳𝗮𝗰𝗲𝗯𝗼𝗼𝗸:
https://www.facebook.com/share/1CTBnCuWWu/
𝗧𝗶𝗸𝘁𝗼𝗸:
tiktok.com/
𝘄𝗲𝗯𝘀𝗶𝘁𝗲:
https://mohadm.ne.so/

03/05/2026

𝗞𝘂: Dhammaan Hay’adaha (MDAs), Saaxiibada Horumarinta iyo Gargaarka, Hay’adaha Qaramada Midoobay, INGOs iyo LNGOs

𝗨𝗷𝗲𝗲𝗱𝗼: Codsi Degdeg ah – Gurmadka Dadka ay Saameeyeen Fatahaadaha iyo Dabayluhu Degmada Buuhoodle.

𝗚𝘂𝘂𝗱𝗺𝗮𝗿 𝗫𝗮𝗮𝗹𝗮𝗱𝗱𝗮 𝗴𝘂𝘂𝗱:-

Roobab mahiigaan ah oo ay weheliyeen dabaylo xooggan iyo daadad, ayaa si ba’an u saameeyey Degmada Buuhoodle ee gobolka Togdheer. Fatahaaduhu waxay si gaar ah u haleeleen deegaannada hoose iyo xeryaha barakacayaasha, taasoo keentay burbur ballaaran, barakac xooggan iyo khasaare naf iyo maalba leh. Bulshooyinka nugul waxay si degdeg ah ugu baahan yihiin gargaar bini’aadannimo oo naf-badbaadin ah.

Saameynta ka dhalatay dhacdadan waxaa ka mid ah dhimashada 2 qof iyo dhaawaca 25 kale, halka ku dhowaad 225 qoys ay noqdeen barakacayaal. Guryo badan ayaa dumay, waxayna qoysas badan waayeen hoy ay ku noolaadaan. Sidoo kale, waxaa si weyn u burburay kaabayaasha muhiimka ah sida iskuullada, masaajidda iyo adeegyada isgaarsiinta, halka nidaamyada WASH ay si xun u saameeyeen, taasoo kordhineysa khatarta cudurrada faafa sida shuban-biyoodka daran (AWD) iyo daacuunka.

Waddooyin iyo marinno muhiim ah ayaa sidoo kale go’ay, taasoo si weyn u adkaysay isku socodka gargaarka degdegga ah, Qoysaska ay dhibaatadu saameysay waxay si degdeg ah ugu baahan yihiin hoy ku-meelgaar ah, adeegyo caafimaad iyo nadaafadeed, cunto degdeg ah, iyo dib u soo celinta adeegyada waxbarashada oo iyaguna burburay.

Sidaas darteed, iyadoo la tixgelinayo baaxadda iyo degdegga xaaladdan bani’aadannimo, waxaan ka codsaneynaa Hay’adaha Caalamiga, Saaxiibada Horumarinta iyo Gargaarka, Hay’adaha Qaramada Midoobay, INGOs iyo LNGOs in ay si degdeg ah uga jawaabaan xaaladdan, isla markaana ay taageero degdeg ah oo naf-badbaadin ah gaarsiiyaan bulshada ay dhibaatadu saameysay ee Degmada Buuhoodle.

–𝗗𝗛𝗔𝗠𝗠𝗔𝗔𝗗–
___________________
𝙓𝙖𝙛𝙞𝙞𝙨𝙠𝙖 𝙒𝗮𝗿𝗳𝗮𝗮𝗳𝗶𝗻𝘁𝗮 & 𝗫𝗶𝗱𝗵𝗶𝗶𝗱𝗵𝗸𝗮 𝘿𝙖𝙙𝙬𝙚𝙮𝙣𝙖𝙝𝙖 𝗲𝗲 𝖶𝖠𝖲𝖠𝖠𝖱𝖠𝖣𝖣𝖠 𝖦𝖠𝖱𝖦𝖠𝖠R𝖪𝖠 𝖨𝖸𝖮 𝖬𝖠𝖠𝖱𝖠𝖠𝖸𝖭𝖳𝖠 𝖬𝖠𝖲𝖨𝖨𝖡𝖮𝖮𝖸𝖨𝖭𝖪𝖠 𝖣𝖠𝖶𝖫𝖠𝖣𝖠 𝖶𝖠𝖰𝖮𝖮𝖸𝖨 𝖡𝖠𝖱𝖨.

𝗘𝗺𝗮𝗶𝗹: [email protected]
𝗳𝗮𝗰𝗲𝗯𝗼𝗼𝗸:
https://www.facebook.com/share/1CTBnCuWWu/
𝗧𝗶𝗸𝘁𝗼𝗸:
tiktok.com/
𝘄𝗲𝗯𝘀𝗶𝘁𝗲:
https://mohadm.ne.so/

03/05/2026

𝐃𝐈𝐆𝐍𝐈𝐈𝐍 𝐂𝐈𝐌𝐈𝐋𝐎 𝐎𝐎 𝐑𝐀𝐒𝐌𝐈 𝐀𝐇

Wasaaradda Gargaarka iyo Maareynta Masiibooyinka Dowladda Waqooyi Bari
Waaxda Maareynta Masiibooyinka.

Wasaaradda Gargaarka iyo Maareynta Masiibooyinka Dowladda Waqooyi Bari, iyadoo gudanaysa waajibaadkeeda ilaalinta badqabka bulshada iyo ka hortagga khataraha masiibooyinka, waxay Bulshada ku dhaqan Deeganada iyo Goboladda Dowladda Waqooyi bari, si rasmi ah ugu wargelinaysaa in la saadaalinayo roobab xooggan oo wata dabaylo kuwaas oo la filayo inay ka da’aan caawa iyo maalmaha soo socda Deeganadda Dawladda Waqooyi Bari.

Sida Xogaha saadaasha cimiladu ay muujinayaan suuragalnimada roobab mahiigaan ah oo keeni kara daadad iyo fatahaado, iyadoo sidoo kale la filayo dabaylo xooggan oo xawaarehoodu gaari karo 35–50 km/h, kuwaas oo sababi kara khataro la xiriira badqabka bulshada, guryaha nugul, iyo kaabeyaasha muhiimka ah.

Fadlan Muwaadin Qaado Talooyinkan Muhiimka ee wasaaradda gargaarka iyo maareynta nasiiboyinka kasoo baxaya.

1️⃣Ka fogow goobaha biyo-mareennada, togagga, iyo meelaha daadadku mari karaan.

2️⃣Ha ku hoyan guryo jilicsan ama saqafyo nugul inta ay socdaan dabaylaha iyo Roobabku.

3️⃣ Ka fogow geedaha waaweyn, darbiyada daciifka ah, iyo tiirarka korontada.

4️⃣Damii korontada haddii ay jirto khatar biyo soo galaan guriga.

5️⃣ Xoolaha u raro meelaha sare ee ka fog daadadka iyo dabaylaha.

6️⃣yaree safarrada aan muhiimka ahayn inta Roobku Da,ayo.

La soco digniinaha iyo warbixinaha rasmiga ah ee wasaaradda gargaarka iyo laamaha dowladda.

Ugu dambayn Wasaaradda Gargaarka iyo Maareynta Masiibooyinka Dowladda Waqooyi Bari waxay bulshada ugu baaqaysaa feejignaan buuxda, diyaargarow h**e, iyo wada shaqayn bulsho, maadaama taxaddar, is-kaashi, iyo u hoggaansanaanta tilmaamaha badbaado ay door weyn ka qaadan karaan yareynta khasaaraha ka dhalan kara khataraha roobabka iyo dabaylaha.

-𝐃𝐀𝐌𝐌𝐀𝐀𝐃-

02/05/2026

𝐖𝐚𝐬𝐚𝐚𝐫𝐚𝐝𝐝𝐚 𝐆𝐚𝐫𝐠𝐚𝐚𝐫𝐤𝐚 𝐢𝐲𝐨 𝐌𝐚𝐚𝐫𝐚𝐲𝐧𝐭𝐚 𝐌𝐮𝐬𝐢𝐢𝐛𝐨𝐨𝐲𝐢𝐧𝐤𝐚 𝐞𝐞 𝐃𝐚𝐰𝐥𝐚𝐝𝐝𝐚 𝐖𝐚𝐪𝐨𝐨𝐲𝐢𝐛𝐚𝐫𝐢 𝐒𝐨𝐨𝐦𝐚𝐚𝐥𝐢𝐲𝐚 𝐚𝐲𝐚𝐚 𝐒𝐚𝐟𝐚𝐫 𝐒𝐡𝐚𝐪𝐨 𝐨𝐨 𝐌𝐮𝐡𝐢𝐢𝐦 𝐚𝐡 𝐤𝐮 𝐭𝐚𝐠𝐭𝐚𝐲 𝐃𝐞𝐞𝐠𝐚𝐚𝐧𝐚𝐝𝐚 𝐘𝐞𝐲𝐥𝐞 𝐢𝐲𝐨 𝐒𝐚𝐦𝐚𝐤𝐚𝐚𝐛 𝐒𝐢 𝐚𝐲 𝐮 𝐗𝐨𝐨𝐣𝐢𝐬𝐨 𝐖𝐚𝐜𝐲𝐢𝐠𝐞𝐥𝐢𝐧𝐭𝐚 𝐁𝐮𝐥𝐬𝐡𝐚𝐝𝐚 𝐈𝐬𝐥𝐚 𝐌𝐚𝐫𝐤𝐚𝐚𝐧𝐚 𝐮 𝐐𝐢𝐢𝐦𝐞𝐲𝐬𝐨 𝐗𝐚𝐚𝐥𝐚𝐝𝐚𝐡𝐚 𝐃𝐞𝐞𝐠𝐚𝐚𝐧𝐚𝐝𝐚𝐚𝐬.

Safarkan waxaa hoggaaminayey Agaasimaha Waaxda Maareynta Musiibooyinka(Disaster Management), 𝐌𝐮𝐝𝐚𝐧𝐞 𝐌𝐚𝐰𝐥𝐢𝐢𝐝 𝐗𝐚𝐬𝐚𝐧 𝐂𝐚𝐥𝐢, waxaana ku weheliyay Agaasimaha Waaxda Sugnaanta Cuntada(Food Security), 𝐌𝐮𝐝𝐚𝐧𝐞 𝐌𝐚𝐱𝐚𝐦𝐞𝐝 𝐒𝐚𝐥𝐞𝐞𝐛𝐚𝐚𝐧 𝐌𝐚𝐱𝐚𝐦𝐞𝐝.

Ujeeddada ugu weyn ee safarka ayaa ahayd kor u qaadista fahamka bulshada ee ku aaddan u diyaar-garowga iyo ka hortagga khataraha, xoojinta sugnaanta cuntada, iyo baridda hababka ugu habboon ee looga falcelin karo xaaladaha degdegga ah.

Intii ay ku Sugnaayeen deegaanadaas, mas’uuliyiintu waxay kulamo la qaateen qaybaha kala duwan ee bulshada sida odayaasha, haweenka, guddiyada deegaanka, iyo ururrada bulshada rayidka ah. Waxay si dhow u dhegaysteen baahiyaha jira, gaar ahaan saameynta abaaruhu ku yeesheen nolosha dadka, iyo caqabadaha ay la tacaalayaan.

Sidoo kale waxay carrabka ku adkeeyeen muhiimadda iskaashiga bulshada, feejignaanta joogtada ah, iyo ka qayb qaadashada dadaallada lagu yareynayo saameynta masiibooyinka iyo xaaladaha bani’aadantinimo.

Ugu dambayn Wasaaradda Gargaarka iyo Maareynta Musiibooyinka ee Dowladda Waqooyi Bari waxay sii xoojinaysaa doorkeeda hoggaamineed ee dhinacyada wacyigelinta bulshada, qiimeynta xaaladaha deegaanka, la socodka isbeddellada, iyo hirgelinta qorshayaal wax-ku-ool ah oo lagu xaqiijinayo badqabka, adkeysiga, iyo horumarka waara ee bulshada.

–𝗗𝗛𝗔𝗠𝗠𝗔𝗔𝗗–
___________________
𝙓𝙖𝙛𝙞𝙞𝙨𝙠𝙖 𝙒𝗮𝗿𝗳𝗮𝗮𝗳𝗶𝗻𝘁𝗮 & 𝗫𝗶𝗱𝗵𝗶𝗶𝗱𝗵𝗸𝗮 𝘿𝙖𝙙𝙬𝙚𝙮𝙣𝙖𝙝𝙖 𝗲𝗲 𝖶𝖠𝖲𝖠𝖠𝖱𝖠𝖣𝖣𝖠 𝖦𝖠𝖱𝖦𝖠𝖠R𝖪𝖠 𝖨𝖸𝖮 𝖬𝖠𝖠𝖱𝖠𝖠𝖸𝖭𝖳𝖠 𝖬𝖠𝖲𝖨𝖨𝖡𝖮𝖮𝖸𝖨𝖭𝖪𝖠 𝖣𝖠𝖶𝖫𝖠𝖣𝖠 𝖶𝖠𝖰𝖮𝖮𝖸𝖨 𝖡𝖠𝖱𝖨.

𝗘𝗺𝗮𝗶𝗹: [email protected]
𝗳𝗮𝗰𝗲𝗯𝗼𝗼𝗸:
https://www.facebook.com/share/1CTBnCuWWu/
𝗧𝗶𝗸𝘁𝗼𝗸:
tiktok.com/

01/05/2026

𝐤𝐮𝐬𝐢𝐦𝐚𝐡𝐚 𝐀𝐠𝐚𝐚𝐬𝐢𝐦𝐚𝐡𝐚 𝐠𝐮𝐮𝐝 𝐞𝐞 𝐖𝐚𝐬𝐚𝐚𝐫𝐚𝐝𝐚 𝐆𝐚𝐫𝐠𝐚𝐚𝐫𝐤𝐚 𝐃𝐖𝐁𝐒 𝐨𝐨 𝐥𝐚 𝐊𝐮𝐥𝐦𝐚𝐲 𝐌𝐚𝐚𝐫𝐞𝐞𝐲𝐚𝐡𝐚 𝐗𝐚𝐫𝐮𝐧𝐭𝐚 𝐐𝐚𝐫𝐚𝐧𝐤𝐚 𝐄𝐞 𝐆𝐮𝐫𝐦𝐚𝐝𝐤𝐚 𝐃𝐞𝐠𝐝𝐞𝐠𝐚 𝐚𝐡.

𝐌𝐨𝐠𝐚𝐝𝐢𝐬𝐡𝐮 -01,𝐌𝐚𝐲 2026

Kusimaha Agaasimaha Guud ahna Agaasimaha Waaxda Qaybinta iyo Ka-hortagga Leexsashada Gargaarka ee Wasaaradda Gargaarka iyo Maareynta Musiibooyinka Dowladda Waqooyi Bari Soomaaliya, 𝐌𝐮𝐝𝐚𝐧𝐞 𝐌𝐚𝐱𝐚𝐦𝐞𝐝 𝐂𝐚𝐛𝐝𝐢𝐪𝐚𝐝𝐢𝐫 𝐌𝐚𝐱𝐚𝐦𝐮𝐮𝐝 (Ducaale Darwiish), ayaa Muqdisho kulan miro-dhal ah kula yeeshay Maareeyaha Xarunta Qaranka ee Gurmadka Degdegga ah (NEOC) 𝐌𝐮𝐝𝐚𝐧𝐞 𝐗𝐚𝐬𝐚𝐧 𝐂𝐢𝐢𝐬𝐞.

Kulanka ayaa si qoto dheer diiradda loogu saaray xoojinta iskaashiga iyo Wada shaqaynta Hawlaha gurmadka degdegga ah, dardargelinta jawaab-celinta musiibooyinka, iyo kor u qaadista diyaar-garowga xaaladaha Degdegga ah.

Ugu dambayn labada dhinac waxay adkeeyeen ballanqaadkooda ku aaddan sii xoojinta wada-shaqeynta iyo is-dhaafsiga xogta si loo wanaajiyo tayada adeegyada gurmadka degdegga ah ee dalka.

–𝗗𝗛𝗔𝗠𝗠𝗔𝗔𝗗–
___________________
𝙓𝙖𝙛𝙞𝙞𝙨𝙠𝙖 𝙒𝗮𝗿𝗳𝗮𝗮𝗳𝗶𝗻𝘁𝗮 & 𝗫𝗶𝗱𝗵𝗶𝗶𝗱𝗵𝗸𝗮 𝘿𝙖𝙙𝙬𝙚𝙮𝙣𝙖𝙝𝙖 𝗲𝗲 𝐖𝐚𝐬𝐚𝐚𝐫𝐚𝐝𝐝𝐚 𝐆𝐚𝐫𝐠𝐚𝐚𝐫𝐤𝐚 𝐢𝐲𝐨 𝐌𝐚𝐚𝐫𝐚𝐲𝐧𝐭𝐚 𝐌𝐮𝐬𝐢𝐢𝐛𝐨𝐨𝐲𝐢𝐧𝐤𝐚 𝐃𝐚𝐰𝐥𝐚𝐝 𝐆𝐨𝐛𝐨𝐥𝐞𝐞𝐝𝐤𝐚 𝐖𝐚𝐪𝐨𝐨𝐲𝐢𝐛𝐚𝐫𝐢 𝐒𝐨𝐨𝐦𝐚𝐚𝐥𝐢𝐲𝐚.

𝗘𝗺𝗮𝗶𝗹: [email protected]
𝗳𝗮𝗰𝗲𝗯𝗼𝗼𝗸:
https://www.facebook.com/share/1CTBnCuWWu/
𝗧𝗶𝗸𝘁𝗼𝗸:
tiktok.com/
𝘄𝗲𝗯𝘀𝗶𝘁𝗲:
https://mohadm.ne.so/

01/05/2026

𝐇𝐚𝐦𝐛𝐚𝐥𝐲𝐨 𝐌𝐚𝐚𝐥𝐢𝐧𝐭𝐚 𝐒𝐡𝐚𝐪𝐚𝐚𝐥𝐚𝐡𝐚 𝐀𝐝𝐝𝐮𝐮𝐧𝐤𝐚.

Wasaaradda Gargaarka iyo Maaraynta Musiibooyinka Dawladda Waqooyi Bari Soomaaliya waxay hambalyo iyo bogaadin u diraysaa dhammaan shaqaalaha weynaha Soomaaliyeed meel kasta oo ay joogaan, gaar ahaan shaqaalaha Dawladda Waqooyi Bari Soomaaliya, si gaar ahna hawlwadeennada Wasaaradda.

Munaasabadda Maalinta Shaqaalaha Adduunka ee 1-da May awgeed, waxaan idinku bogaadinaynaa dadaalka, daacadnimada, iyo kaalinta aad kaga jirtaan u adeegidda bulshada iyo horumarinta dalka.

–𝗗𝗛𝗔𝗠𝗠𝗔𝗔𝗗–
___________________
𝙓𝙖𝙛𝙞𝙞𝙨𝙠𝙖 𝙒𝗮𝗿𝗳𝗮𝗮𝗳𝗶𝗻𝘁𝗮 & 𝗫𝗶𝗱𝗵𝗶𝗶𝗱𝗵𝗸𝗮 𝘿𝙖𝙙𝙬𝙚𝙮𝙣𝙖𝙝𝙖 𝗲𝗲 𝖶𝖠𝖲𝖠𝖠𝖱𝖠𝖣𝖣𝖠 𝖦𝖠𝖱𝖦𝖠𝖠R𝖪𝖠 𝖨𝖸𝖮 𝖬𝖠𝖠𝖱𝖠𝖠𝖸𝖭𝖳𝖠 𝖬𝖠𝖲𝖨𝖨𝖡𝖮𝖮𝖸𝖨𝖭𝖪𝖠 𝖣𝖠𝖶𝖫𝖠𝖣𝖠 𝖶𝖠𝖰𝖮𝖮𝖸𝖨 𝖡𝖠𝖱𝖨.

𝗘𝗺𝗮𝗶𝗹: [email protected]
𝗳𝗮𝗰𝗲𝗯𝗼𝗼𝗸:
https://www.facebook.com/share/1CTBnCuWWu/
𝗧𝗶𝗸𝘁𝗼𝗸:
tiktok.com/

30/04/2026

𝐌𝐨𝐠𝐚𝐝𝐢𝐬𝐡𝐮:- 30-𝐀𝐛𝐫𝐢𝐥 2026

Kusimaha Agaasimaha guud ahna Agaasimaha Waaxda Qaybinta iyo Kahortagga Leexsashada Gargaarka ee Wasaaradda Gargaarka iyo Maareynta Musiibooyinka Dowladda Waqooyi Bari Soomaaliya, 𝐌𝐮𝐝𝐚𝐧𝐞 𝐌𝐚𝐱𝐚𝐦𝐞𝐝 𝐂𝐚𝐛𝐝𝐢𝐪𝐚𝐝𝐢𝐫 𝐌𝐚𝐱𝐚𝐦𝐮𝐮𝐝(Ducaale Darwiish) ayaa kulan muhiim ah xarunteeda kula yeeshay Agaasimaha guud ee Xarunta Qaranka ee Horumarinta Reer Miyiga iyo Xalka Waara, 𝐌𝐚𝐫𝐰𝐨 𝐒𝐚𝐡𝐫𝐚 𝐂𝐚𝐛𝐝𝐢 𝐌𝐚𝐱𝐚𝐦𝐞𝐝.

Kulankan ayaa diiradda lagu saaray xoojinta iskaashiga iyo wadashaqeynta, si gaar ahna dardargelinta dadaallada wax looga qabanayo abaaraha soo noqnoqda iyo barakaca saameeyay bulshada nugul.

Sidoo kale waxaa si qotodheer loo lafoguray dhismaha adkeysiga bulshooyinka nugul, gaar ahaan kuwa ay saameeyeen isbeddelka cimilada, abaarta iyo barakaca,iyadoo Labada dhinac isla qaateen in la xoojiyo iskaashiga istiraatiijiga ah, lana horumarinayo mashaariic waara oo si toos ah u taabanaya nolosha dadka, gaar ahaan haweenka iyo dhalinyarada.

Ugu dambeyn labada dhinac waxay carrabka ku adkeeyeen muhiimadda ay leedahay sii xoojinta wada-shaqeynta joogtada ah iyo qabashada kulamo noocan oo kale ah, si loo gaaro xalal waara oo wax ku ool ah, kuwaas oo yareeya saameynta musiibooyinka isla markaana kor u qaada adkeysiga bulshada.

–𝗗𝗛𝗔𝗠𝗠𝗔𝗔𝗗–
___________________
𝙓𝙖𝙛𝙞𝙞𝙨𝙠𝙖 𝙒𝗮𝗿𝗳𝗮𝗮𝗳𝗶𝗻𝘁𝗮 & 𝗫𝗶𝗱𝗵𝗶𝗶𝗱𝗵𝗸𝗮 𝘿𝙖𝙙𝙬𝙚𝙮𝙣𝙖𝙝𝙖 𝗲𝗲 𝖶𝖠𝖲𝖠𝖠𝖱𝖠𝖣𝖣𝖠 𝖦𝖠𝖱𝖦𝖠𝖠R𝖪𝖠 𝖨𝖸𝖮 𝖬𝖠𝖠𝖱𝖠𝖠𝖸𝖭𝖳𝖠 𝖬𝖠𝖲𝖨𝖨𝖡𝖮𝖮𝖸𝖨𝖭𝖪𝖠 𝖣𝖠𝖶𝖫𝖠𝖣𝖠 𝖶𝖠𝖰𝖮𝖮𝖸𝖨 𝖡𝖠𝖱𝖨.

𝗘𝗺𝗮𝗶𝗹: [email protected]
𝗳𝗮𝗰𝗲𝗯𝗼𝗼𝗸:
https://www.facebook.com/share/1CTBnCuWWu/
𝗧𝗶𝗸𝘁𝗼𝗸:
tiktok.com/
𝘄𝗲𝗯𝘀𝗶𝘁𝗲:
https://mohadm.ne.so/

29/04/2026

𝐌𝐨𝐠𝐚𝐝𝐢𝐬𝐡𝐮:- 29-𝐀𝐛𝐫𝐢𝐥 2026

Kusimaha Agaasimaha Guud ahna Agaasimaha waaxda qeybinta iyo ka hortaga leexsashada Gargaarka ee Wasaaradda Gargaarka iyo maaraynta musiibooyinka Dowlada Waqooyi Bari Soomaliya 𝐌𝐮𝐝𝐚𝐧𝐞 𝐌𝐚𝐱𝐚𝐦𝐞𝐝 𝐂𝐚𝐛𝐝𝐢𝐪𝐚𝐝𝐢𝐫 𝐌𝐚𝐱𝐚𝐦𝐮𝐮𝐝 (Ducaale Darwiish) Ayaa maanta moqdisho kaga qeybgalay Shirka Guddiga Isku-dubbaridka Maareynta Musiibooyinka Qaranka (NDMCC) oo looga hadlay xoojinta udiyaargarowga iyo ka jawaabista musiibooyinka ka dhaca dalka.

Shirka ayaa diiradda lagu saaray xaaladaha bani’aadannimo ee jira, gaar ahaan saameynta abaaraha iyo fatahaadaha, iyadoo la isla gartay in la dardargeliyo qorshayaasha gurmadka degdegga ah iyo yareynta khataraha musiibooyinka.

Agaasimaha oo shirka ka jeediyey warbixin gaar ah oo ku saabsan xaaladda bani’aadannimo ee Deegaanada Dowlada Waqooyi Bari Soomaaliya, isagoo si qoto dheer uga hadlay saameynta abaaraha, baahiyaha degdegga ah ee jira, iyo caqabadaha ku gadaaman gaarsiinta gargaarka. Waxa uu sidoo kale carrabka ku adkeeyay muhiimadda ay leedahay dardargelinta gurmadka iyo xoojinta iskaashiga hay’adaha dowladda Hay'ada caalamiga ah iyo kuwa maxaliga ah.

Sidoo kale, xubnaha guddiga ayaa ka wada hadlay xoojinta iskaashiga hay’adaha dowladda iyo kuwa caalamiga ah si loo hubiyo in gargaar hufan oo degdeg ah la gaarsiiyo dadka ay saameeyeen musiibooyinka.

Ugu dambeyn, shirka ayaa lagu soo gabagabeeyay talooyin wax ku ool ah oo lagu horumarinayo wada shaqeynta iyo dardargelinta howlaha gurmadka ee dalka.

–𝗗𝗛𝗔𝗠𝗠𝗔𝗔𝗗–
___________________
𝙓𝙖𝙛𝙞𝙞𝙨𝙠𝙖 𝙒𝗮𝗿𝗳𝗮𝗮𝗳𝗶𝗻𝘁𝗮 & 𝗫𝗶𝗱𝗵𝗶𝗶𝗱𝗵𝗸𝗮 𝘿𝙖𝙙𝙬𝙚𝙮𝙣𝙖𝙝𝙖 𝗲𝗲 𝖶𝖠𝖲𝖠𝖠𝖱𝖠𝖣𝖣𝖠 𝖦𝖠𝖱𝖦𝖠𝖠R𝖪𝖠 𝖨𝖸𝖮 𝖬𝖠𝖠𝖱𝖠𝖠𝖸𝖭𝖳𝖠 𝖬𝖠𝖲𝖨𝖨𝖡𝖮𝖮𝖸𝖨𝖭𝖪𝖠 𝖣𝖠𝖶𝖫𝖠𝖣𝖠 𝖶𝖠𝖰𝖮𝖮𝖸𝖨 𝖡𝖠𝖱𝖨.

𝗘𝗺𝗮𝗶𝗹: [email protected]
𝗳𝗮𝗰𝗲𝗯𝗼𝗼𝗸:
https://www.facebook.com/share/1CTBnCuWWu/
𝗧𝗶𝗸𝘁𝗼𝗸:
tiktok.com/
𝘄𝗲𝗯𝘀𝗶𝘁𝗲:
https://mohadm.ne.so/

Wasaaradda Gargaarka Iyo Maaraynta Musiibooyinka Waqooyi Bari

06/05/2026

05/05/2026

05/05/2026

05/05/2026

03/05/2026

03/05/2026

02/05/2026

01/05/2026

01/05/2026

30/04/2026

29/04/2026

Address

Website

Alerts

Shortcuts

Share

Category