02/06/2026
Innaa Lillaahi Wa Innaa Ileyhi Raajicuun.
Guddoomiyaha Gobolka Awdal Mudane C/Rashiid Xasan Mataan waxa uu tacsi tiiraanyo leh u dirayaa qoyska, qaraabada, ehelada, bahda Ciidanka Asluubta Somaliland gaar ahaan kuwa Gobolka Awdal iyo guud ahaan shacabka reer Awdal geerida naxdinta leh ee ku timi Alle ha u naxariistee G/Sare Siciid Xuseen Caynaan oo ahaa Taliyaha Ciidanka Asluubta Gobolka Awdal.
Marxuumku waxa uu ahaa sarkaal qaran oo muddo dheer u adeegayey dalkiisa iyo dadkiisa, door muuqda ka qaatayna adkaynta amniga, kala dambaynta iyo hawlaha Ciidanka Asluubta ee Gobolka Awdal.
Guddoomiyuhu waxa uu Alle SWT uga baryayaa marxuumka inuu naxariistiisa janno ka waraabiyo, qabrigiisana u waasiciyo, samir iyo iimaanna ka siiyo qoyskii, eheladii, ciidankii iyo guud ahaan qaranka Somaliland ee uu ka baxay.
Aamiin Aamiin.