Wasaaradda Gaadiidka Badda iyo Dekadaha Puntland

29/05/2026

Wasiir Ku-xigeenka Wasaaradda Gaadiidka Badda iyo Dekedaha Dowladda Puntland Eng maxamed Cali ayaa kormeer shaqo ku tagay deegaanka Laaso Dawaco ee gobolka Bari, halkaas oo uu ugu kuurgalay xaaladda deegaanka iyo baahiyaha jira.

Wafdiga Wasiirka waxaa si diirran usoo dhaweeyey Guddoomiyaha Degmada Carmo, xubno ka tirsan golaha deegaanka iyo qaybaha kala duwan ee bulshada. Intii uu socday kulanka, waxaa diiradda lagu saaray horumarinta adeegyada bulshada iyo xoojinta wada shaqaynta dowladda iyo shacabka.

Wasiir Ku-xigeenka ayaa bogaadiyey dadaallada isxilqaanka ah ee bulshada deegaanka, isaga oo ku dhiirrigeliyey inay sii laba jibbaaraan horumarka ay wadaan. Sidoo kale, wuxuu ballan qaaday in dowladda Puntland ay kaalin muuqata ka qaadan doonto taageerada iyo horumarinta deegaanka.

▪︎▪︎▪︎ DHAMMAAD ▪︎▪︎▪︎

XAFIISKA WARFAAFINTA WASAARADDA GAADIIDKA BADDA IYO DEKEDAHA PUNTLAND

27/05/2026

WASIIRKA WASAARADA GAADIIDKA BADDA IYO DEKADAHA DPL OO SALAADDA CIIDDA CARAFO BULSHADA BOOSAASO KULA TUKADAY MASJIDKA MUBAARAK

Boosaaso: 27 May 2026:- Wasiirka Wasaaradda Gaadiidka, Badda iyo Dekadaha Mudane : Shaakir Mohamed Gulled ayaa salaadda Ciidda Carafo bulshada degmada Boosaaso kula tukaday Masjidka weyn ee Mubaarak, waxaana ku wehliyey qayb kamid ah Golaha Wasiirrada Dowladda Puntland, Duqa Degmada Boosaaso iyo Taliyaha Qaybta Booliska Gobolka Bari.

Mas’uuliyiinta ayaa bulshada la wadaagay muhiimadda maalmaha barakaysan ee Ciidda, kuwaas oo xambaarsan iscafis walaaltinimo isu naxariisasho iyo xoojinta midnimada bulshada.

Sidoo kale mas’uuliyiinta ayaa shacabka Soomaaliyeed guud ahaan, gaar ahaanna reer Puntland ayaa alle Baryay nabadgelyo, barwaaqo iyo in Alle SWT abaarta adag ee dalka ka jirta ka dulqaado.

Mas’uuliyiintii hadallada jeediyey ayaa bulshada ku boorriyey ilaalinta nabadgelyada, xoojinta wadajirka bulshada iyo la shaqaynta hay’adaha Dowladda.

▪︎▪︎▪︎DHAMMAAD▪︎▪︎▪︎

XAFIISKA WARFAAFINTA WASAARADDA DEKADAHA IYO GADIIDKA,BADDA PUNTLAND

21/05/2026

Hadal-jeedinta Wasiirka Dekedaha Puntland
Mudane Shaakir Mohamed Gulled

Munaasabadda Dhoofinta Xoolaha gaar ahaan Ariga.

▪︎▪︎▪︎DHAMMAAD▪︎▪︎▪︎

XAFIISKA WARFAAFINTA WASAARADDA DEKADAHA IYO GADIIDKA,BADDA PUNTLAND

21/05/2026

Boosaaso: 21 May 2026
Wasiirka Wasaaradda Dekedaha iyo Gaadiidka Badda Puntland Mudane Shaakir Mohamed Gulled , oo ay wehliyaan Wasiir Ku-xigeenka Wasaaradda Maaliyadda iyo Wasiir-dowlaha Wasaaradda Arrimaha Gudaha, ayaa caawa kormeer shaqo ku tegay Dekedda Boosaaso, halkaas oo ay si habsami leh uga socdaan hawlaha dhoofka xoolaha.
Xoolahan la dhoofinayo ayaa kor u dhaafaya 50,000 oo neef, kuwaas oo loo kala dirayo dalalka Saudi Arabia, United Arab Emirates iyo Oman. Hawlgalkan dhoofka ayaa qeyb weyn ka qaadanaya kobcinta dhaqaalaha iyo sare u qaadidda dakhliga dalka.

Ugu dambeyn, Wasiirka Wasaaradda Dekedaha iyo Gaadiidka Badda Puntland Mudane Shaakir Maxamed Guuleed ayaa si weyn u bogaadiyay shaqaalaha iyo hawl-wadeennada Dekedda Boosaaso ee habeen iyo maalin heeganka ugu jira gudashada waajibaadka shaqo ee loo igmaday.

Wasiirka ayaa sidoo kale ku ammaanay dadaalka joogtada ah ee ay ugu jiraan kobcinta dakhliga dowladda, dardargelinta adeegyada dekedda iyo u adeegidda shacabka Soomaaliyeed.

▪︎▪︎▪︎DHAMMAAD▪︎▪︎▪︎

XAFIISKA WARFAAFINTA WASAARADDA DEKADAHA IYO GADIIDKA,BADDA PUNTLAND

17/05/2026

Boosaso _ Ciidanka Ammaanka Dekedda Boosaaso oo uu hoggaaminayo Abaanduulaha Saldhigga Dekedda Boosaaso Col. Yaasiin Cali Nuur ayaa maanta hawlgal ballaaran ka sameeyey soonayaasha kala duwan ee dekedda, kaas oo lagu xoojinayey la dagaallanka maandooriyaha khamriga.
Korneelka ayaa intii uu hawlgalku socday kulan la qaatay guddiyada deegaanka, odayaasha dhaqanka iyo qaybaha kala duwan ee bulshada ku dhaqan xaafadaha ay hawlgalladu ka socdeen, isagoo kala hadlay muhiimadda iskaashiga shacabka iyo ciidamada ee sugidda amniga iyo ciribtirka waxyaabaha halista ku ah bulshada.
Hawlgalkan ayaa lagu soo qabtay shabakado ku lug lahaa ka ganacsiga khamriga, iyo sidoo kale qaar ka mid ah macaamiishoodii, iyadoo ciidamada ammaanku ay sheegeen in ay sii wadi doonaan dadaallada lagu ilaalinayo amniga iyo anshaxa bulshada.

▪︎▪︎▪︎DHAMMAAD▪︎▪︎▪︎

XAFIISKA WARFAAFINTA WASAARADDA DEKADAHA IYO GADIIDKA,BADDA PUNTLAND

11/05/2026

Taliye ku xigeenka Dekedda Boosaso col yaasin cali Nuur ayaa maanta kormeer shaqo ku tagay garoonka kubadda cagta ee Boosaaso, halkaas oo uu uga kuurgalay habsami u socodka tartanka ciyaaraha caasimadaha Puntland. Waxa uu bogaadiyey dadaalka qabanqaabada iyo doorka ciyaaruhu ku leeyihiin nabadda, midnimada iyo horumarinta hibada dhalinyarada.

08/05/2026

Boosaaso : 08 May 2026: Madaxweynaha Dowladda Puntland Mudane H.E Said Abdullahi Deni oo uu weheliyo Wasiirka Wasaaradda Dekadaha Dowladda Puntland Mudane Shaakir Mohamed Gulled, ayaa caawa kormeer ku tagay Dekadda Boosaaso oo ay ka socotay shaqadii caadiga ahayd ee dekadda, sida dhoofinta xoolaha iyo dejinta badeecadaha.

Madaxweynaha ayaa warbixin ka dhegaystay masuuliyiinta dekadda, maamulka maxjarada iyo qaar kamid ah ganacsatada dhoofinta xoolaha oo uu halkaasi kula kulmay.

Dekadda Boosaaso oo ay ka socoto ballaarin iyo horumarin, isla markaana lagu kordhiyay jenbi cusub, ayaa si dhameystiran u shaqeysa habeen iyo maalin.

Kormeerka waxaa sidoo kale Madaxweynaha ku weheliyay Guddoomiye Ku-xigeenka koowaad ee Golaha Wakiillada Dowladda Puntland Mudane Maxamed Baari Shire iyo saraakiil ka tirsan Madaxtooyada Dowladda Puntland.

30/04/2026

Wasiir ku-xigeenka Wasaaradda Gaadiidka Badda iyo Dekadaha Dowladda Puntland, Eng. Maxamed Cali Maraykan, ayaa ka qeyb galay munaasabad lagu dhagax-dhigay dib u habeyn iyo casriyeyn lagu sameynayo waddada weyn ee degmada Carmo, taas oo kor u qaadi doonta isku socodka gaadiidka iyo horumarka ganacsiga.

21/04/2026

Boosaaso, 21 April 2026: Wasiir ku xigeenka Wasaaradda Gaadiidka Badda iyo Dekadaha Putland , Eng-Mohamed Ali Maraykan , ayaa xalay ka qaybgalay munaasabadda qori-tuurka Koobka Caasimadaha Puntland, oo si rasmi ah dhawaan uga furmi doona magaalada Boosaaso.

Munaasabaddan ayaa lagu shaaciyey isku-aadka kooxaha ka qaybgalaya tartanka, iyadoo ay goob-joog ka ahaayeen masuuliyiin kala duwan, ciyaartoy, iyo qaybaha kala duwan ee bulshada.

Ugu danbayn wasiirka ayaa tilmaamay muhiimadda ay ciyaaruhu u leeyihiin horumarinta dhalinyarada iyo xoojinta midnimada bulshada Puntland.

▪︎▪︎▪︎DHAMMAAD▪︎▪︎▪︎

XAFIISKA WARFAAFINTA WASAARADDA DEKADAHA IYO GADIIDKA,BADDA PUNTLAND

20/04/2026