Southwest State of Somalia

Southwest State of Somalia This is the official page of Southwest State House of Somalia.
-
(1)

30/05/2026

Hogaamiyaha ku meel Gaarka ah ee Dowladda Koonfur Galbeed Mudane Jibriil Cabdirashiid Xaaji ayaa ka qeybgalay Munaasabada Dhaarinta Xubnaha Cusub ee Golaha Wakiilada Dowladda Koonfur Galbeed oo Munaasabadooda Dhaarinta ka qabsoontay Magaalada Baydhabo ee Xarunta Gobolka Baay.

MAGAALADA BAYDHABO OO KA QABSOONTAY MUNAASABADA DHAARINTA XUBNAHA CUSUB EE BAARLAMAANKA KOONFUR GALBEED.Baydhabo, 30, Ma...
30/05/2026

MAGAALADA BAYDHABO OO KA QABSOONTAY MUNAASABADA DHAARINTA XUBNAHA CUSUB EE BAARLAMAANKA KOONFUR GALBEED.

Baydhabo, 30, May, 2026: Hogaamiyaha ku meel Gaarka ah ee Dowladda Koonfur Galbeed Mudane Jibriil Cabdirashiid Xaaji ayaa ka qeybgalay Munaasabada Dhaarinta Xubnaha Cusub ee Golaha Wakiilada Dowladda Koonfur Galbeed oo Munaasabadooda Dhaarinta ka qabsoontay Magaalada Baydhabo ee Xarunta Gobolka Baay.

Munaasabadda dhaarinta ayaa waxaa goob joog ahaa Musharaxiinta utartamaya Xilka Madaxtinimada Koonfur Galbeed, masuuliyiin ka tirsan Dowladda Federaalka, Odayaal dhaqameedyo, qeybaha kala duwan ee Bulshada iyo marti sharaf kale, iyadoo xubnaha cusub ee Golaha Wakiilada si rasmi ah loogu dhaariyey gudashada waajibaadka shaqo ee horyaalla.

Hogaamiyaha ku meel Gaarka ah ee Dowladda Koonfur Galbeed Mudane Jibriil Cabdirashiid Xaaji ayaa xubnaha la dhaariyey kula dardaarmay inay si daacadnimo, hufnaan iyo masuuliyad leh ugu adeegaan shacabka Koonfur Galbeed, isla markaana ay ka shaqeeyaan xoojinta dowladnimada, amniga, horumarka iyo wadajirka Bulshada.

Mudane Jibriil Cabdirashiid Xaaji ayaa sidoo kale bogaadiyey habsami u socodka munaasabadda dhaarinta iyo dadaallada lagu xoojinayo hanaanka dowlad dhiska Dowladda Koonfur Galbeed.

DHAMMAAD

HOGAAMIYE JIBRIIL AYAA GUDOOMIYEY SHIRKA AMNIGA OO LOOGA HADLAY XAQIIJINTA AMNIGA MAGAALADA BAYDHABOBaydhabo, 29, May, 2...
28/05/2026

HOGAAMIYE JIBRIIL AYAA GUDOOMIYEY SHIRKA AMNIGA OO LOOGA HADLAY XAQIIJINTA AMNIGA MAGAALADA BAYDHABO

Baydhabo, 29, May, 2026: Hogaamiyaha ku meel gaarka ah ee Dowladda Koonfur Galbeed Mudane Jibriil Cabdirashiid Xaaji ayaa guddoomiyey Shirka Amniga oo looga hadlay xaqiijinta amniga Magaalada Baydhabo, iyadoo dhawaan la qorsheynayo inay ka qabsoonto Doorashada Madaxtinimada Dowladda Koonfur Galbeed.

Shirka ayaa waxaa ka qeyb galay Wasiirka Xanaanada Xoolaha XFS iyo Saraakiisha ciidamada kala duwan waxaana kulanka diiradda lagu saaray adkeynta amniga guud ee magaalada, dardargelinta wada-shaqeynta hay’adaha amniga iyo sidii loo xaqiijin lahaa jawi nabdoon oo ay doorashadu ku dhacdo.

Hogaamiye jibriil ayaa ciidamada amniga faray inay xoojiyaan howlaha lagu sugayo amniga shacabka iyo goobaha muhiimka ah ee Magaalada Baydhabo, si loo ilaaliyo xasilloonida iyo kala dambeynta inta lagu jiro doorashada.

shirka ayaa lagu bogaadiyey ciidamada amniga dadaallada ay ku bixinayaan sugidda amniga iyo ka hortagga fal kasta oo qalqal gelin kara hanaanka doorashada

DHAMAAD

HOGAAMIYE JIBRIIL OO KA QEYBGALAY KULAN QADA SHARAF AH OO LAGU MAA’MUUSAY XILDHIBAANADA CUSUB BKGS GAAR AHAAN KUWA KUSO ...
28/05/2026

HOGAAMIYE JIBRIIL OO KA QEYBGALAY KULAN QADA SHARAF AH OO LAGU MAA’MUUSAY XILDHIBAANADA CUSUB BKGS GAAR AHAAN KUWA KUSO BAXAY XISBIGA JSP.

Baydhabo, 28, May, 2026: Hogaamiyaha ku meel gaarka ah ee Dowladda Koonfur Galbeed Mudane Jibriil Cabdirashiid Xaaji ayaa ka qeybgalay kulan isugu jiray isbarasho iyo xog-waraysi oo Gudoomiyaha Golaha Shacabka Baarlamaanka Federaalka Soomaaliya la qaatay Xildhibaanada cusub ee Baarlamaanka Koonfur Galbeed, gaar ahaan kuwa ka soo baxay Xisbiga JSP.

Kulanka ayaa lagu falanqeeyey muhiimadda ay leedahay wada-shaqeynta hay’adaha dowladda, xoojinta doorka Xildhibaanada cusub iyo sidii ay uga qeyb qaadan lahaayeen horumarinta dowladnimada, matalaadda shacabka iyo dardargelinta adeegyada bulshada.

Mas’uuliyiinta ayaa sidoo kale adkeeyey muhiimadda midnimada, wada-tashiga iyo ilaalinta danaha guud ee shacabka Koonfur Galbeed iyagoo ku booriyey Xildhibaanada cusub inay si hufan oo masuuliyad leh ugu adeegaan bulshada ay matalaan.

DHAMAAD

27/05/2026

Hogaamiyaha ku meel gaarka ah ee Dowladda Koonfur Galbeed Mudane Jibriil Cabdirashiid Xaaji ayaa munaasabadda barakeysan ee Ciida Carafo awgeed waqti kula qaatay shacabka ku sugnaa bartamaha Magaalada Baydhabo, kuwaasi oo isugu soo baxay dabaaldegga farxadda Ciidda.

HOGAAMIYE JIBRIIL AYAA MUNAASABADA CIIDA CARAFO AWGEED WAQTI LA QAATAY BULSHADA MAGAALADA BAYDHABO Baydhabo, 27, May, 20...
27/05/2026

HOGAAMIYE JIBRIIL AYAA MUNAASABADA CIIDA CARAFO AWGEED WAQTI LA QAATAY BULSHADA MAGAALADA BAYDHABO

Baydhabo, 27, May, 2026: Hogaamiyaha ku meel gaarka ah ee Dowladda Koonfur Galbeed Mudane Jibriil Cabdirashiid Xaaji ayaa munaasabadda barakeysan ee Ciida Carafo awgeed waqti kula qaatay shacabka ku sugnaa bartamaha Magaalada Baydhabo, kuwaasi oo isugu soo baxay dabaaldegga farxadda Ciidda.

Mudane Jibriil Cabdirashiid Xaaji ayaa shacabka kala qeyb galay farxadda munaasabadda Ciidda, isaga oo bulshada ugu hambalyeeyey Ciida Carafo, una rajeeyey nabad, barwaaqo iyo horumar.

Hogaamiyaha ayaa sidoo kale shacabka ku booriyey inay xoojiyaan wadajirka bulshada, nabadda iyo is-kaashiga, si loo sii adkeeyo hormarka iyo deganaanshaha deegaannada Dowladda Koonfur Galbeed.

Shacabka ku sugnaa goobta ayaa si diiran usoo dhaweeyey Hogaamiyaha ku meel gaarka ah, iyagoo muujiyey farxadda iyo sida ay ula qeybsanayaan munaasabadda Ciidda Carafo.

DHAMMAAD

27/05/2026

Hogaamiyaha ku meel gaarka ah ee Dowladda Koonfur Galbeed Mudane Jibriil Cabdirashiid Xaaji iyo Gudoomiyaha Golaha Shacabka BFS Mudane Shekh Aadan Maxamed Nuur Madoobe ayaa maanta boqolaal kamid ah masuuliyiinta Dowladda, culumaa’udiinka iyo qeybaha kala duwan ee bulshada kula oogay Salaadda Ciidul Adxa Aqalka Madaxtooyada ee Magaalada Baydhabo.

HOGAAMIYE JIBRIIL AYAA BOQOLAAL KAMID AH SHACABKA IYO MAS’UULIYIINTA DOWLADA KULA TUDAKADAY SALAADA CIIDUL ADXA AQALKA M...
27/05/2026

HOGAAMIYE JIBRIIL AYAA BOQOLAAL KAMID AH SHACABKA IYO MAS’UULIYIINTA DOWLADA KULA TUDAKADAY SALAADA CIIDUL ADXA AQALKA MADAXTOOYADA.

Baydhabo 27, May, 2026: Hogaamiyaha ku meel gaarka ah ee Dowladda Koonfur Galbeed Mudane Jibriil Cabdirashiid Xaaji iyo Gudoomiyaha Golaha Shacabka BFS Mudane Shekh Aadan Maxamed Nuur Madoobe ayaa maanta boqolaal kamid ah masuuliyiinta Dowladda, culumaa’udiinka iyo qeybaha kala duwan ee bulshada kula oogay Salaadda Ciidul Adxa Aqalka Madaxtooyada ee Magaalada Baydhabo.

Masuuliyiinta iyo shacabka kasoo qeyb galay salaadda ayaa si wadajir ah ugu duceeyey nabadda, horumarka iyo xasiloonida deegaannada Dowladda Koonfur Galbeed iyo guud ahaan dalka Soomaaliya.

Hogaamiyaha ayaa shacabka Soomaaliyeed ugu hambalyeeyey munaasabadda barakeysan ee Ciidul Adxa, isagoo ku baaqay midnimo, iskaashi iyo in la garab istaago dadka danta yar.

DHAMAAD

HOGAAMIYE JIBRIIL AYAA DHAMBAAL HAMBALIYO AH OO KU SAABSAN MUNAASABADA CIIDA CARAFO UDIREY DHAMAAN UMADDA ISLAAMKA.Baydh...
26/05/2026

HOGAAMIYE JIBRIIL AYAA DHAMBAAL HAMBALIYO AH OO KU SAABSAN MUNAASABADA CIIDA CARAFO UDIREY DHAMAAN UMADDA ISLAAMKA.

Baydhabo,26, May, 2026: Hogaamiyaha ku meel gaarka ah ee Dowladda Koonfur Galbeed Mudane Jibriil Cabdirashiid Xaaji ayaa hambalyo ku aaddan munaasabadda barakeysan ee Ciida Carafo u diray guud ahaan Umadda Islaamka, gaar ahaan shacabka Soomaaliyeed.

Mudane Jibriil Cabdirashiid Xaaji ayaa Alle uga baryey shacabka Soomaaliyeed in ay ku gaaraan ciidda nabad, caafimaad, barwaaqo iyo bashbash, isaga oo ku baaqay in la xoojiyo midnimada, wadajirka iyo isxaq-dhowrka bulshada Soomaaliyeed.

“Waxaan hambalyo ku aaddan munaasabadda barakeysan ee Ciida Adxa u dirayaa guud ahaan Ummadda Soomaaliyeed, gaar ahaan Reer Koonfur Galbeed.

Alle ha inaga yeelo kuwii ku ciida nabad, caafimaad iyo barwaaqo . Ciiddaan ciideeda kale Alle ha nagu gaarsiiyo Nabad Bashbash iyo wadajir.

Sidoo kale Hogaamiye jibriil ayaa shacabka ku dhiirrigeliyey in ay ka faa’iideystaan maalmahan barakeysan sidii loo adkeyn lahaa walaaltinimada, nabadda iyo horumarka dalka.

Ciid Mubaarak

DHAMAAD

DEGMADA DIINSOOR EE GOBOLKA BAAY OO LAGA DHAGAX DHIGAY DHISMAHA CEEL BIYOOD OO BULSHADA BAAHADIISA AY QABEEN.Diinsoor 23...
23/05/2026

DEGMADA DIINSOOR EE GOBOLKA BAAY OO LAGA DHAGAX DHIGAY DHISMAHA CEEL BIYOOD OO BULSHADA BAAHADIISA AY QABEEN.

Diinsoor 23, May, 2026: Hogaamiyaha ku meel gaarka ah ee Dowladda Koonfur Galbeed Mudane Jibriil Cabdirashiid Xaaji oo ay wehliyaan mas’uuliyiin ka tirsan Dowladda Federaalka Soomaaliya iyo Dowladda Koonfur Galbeed ayaa maanta si rasmi ah u dhagax dhigay ceel biyood cusub oo laga hirgelinayo Degmada Diinsoor ee Gobolka Baay.

Mashruucan ceel biyoodka ah ayaa loogu talagalay in lagu xoojiyo helitaanka biyo nadiif ah oo ay bulshada deegaanka baahi weyn u qabto, iyadoo si gaar ah looga jawaabayo dhibaatooyinka soo noqnoqda ee abaarta iyo biyo yaraanta ka jirta degmada iyo deegaanada hoosyimaada.

Mudane Jibriil Cabdirashiid Xaaji Hogaamiyaha KMG ah ee Dowladda Koonfur Galbeed ayaa sheegay in Dowladda Koonfur Galbeed ay mudnaan gaar ah siinayso horumarinta adeegyada aas-aasiga ah ee bulshada, gaar ahaan mashaariicda biyaha, caafimaadka iyo waxbarashada, si loo taageero nolosha shacabka iyo dib u dhiska deegaanka.

Mas’uuliyiintii ka qeyb gashay munaasabadda ayaa tilmaamay muhiimadda uu mashruucani u leeyahay bulshada Degmada Diinsoor, iyagoo xusay in ceelkan biyood uu wax weyn ka tari doono baahiyaha biyaha ee shacabka iyo xoolaha deegaanka.

DHAMMAAD

Address

Director. Media@villa. Sw. So
Baydhabo

Telephone

+252618360081

Website

Alerts

Be the first to know and let us send you an email when Southwest State of Somalia posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Southwest State of Somalia:

Shortcuts

Share

Category