Waxgaradka Degmada Baraawe

10/09/2026

انا لله وانا اليه راجعون

قال الله تعالي:
مِنْ أَجْلِ ذَٰلِكَ كَتَبْنَا عَلَىٰ بَنِي إِسْرَائِيلَ أَنَّهُ مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا ۚ وَلَقَدْ جَاءَتْهُمْ رُسُلُنَا بِالْبَيِّنَاتِ ثُمَّ إِنَّ كَثِيرًا مِّنْهُم بَعْدَ ذَٰلِكَ فِي الْأَرْضِ لَمُسْرِفُونَ

Ayadaa Qur'aanka ah wuxuu Allah inoogu cadeeyay: Hal naf oo bina'aadam ah oo si xaqdaro ah lagu dilo in ay la mid tahay ayadoo dadka oodhan la dilay. Hal naf oo bina'aadam ah oo la badbaadiyane ay la mid tahay ayadoo dadka oodhan la badbaadiyay.

Hadaba, ninkaa dhallinyarada ah ee aanada qabiil loo dilay, asagoo qiraya in uusan cidna dhibaatayn walligii. Soo iskuma qirayno in dalkeena sababta uu la xasili la'yahay ay tahay dhiigaa sida xaq-darada ah loo daadinayo, teeda kalena kuwa u dilaya aanada qabiil aan la iswarsanaynin cidda ay uga wakiilka yihiin ficilkaa foosha xun leh, cid wax ka qabanaysane aysan muuqan ilaa hadda.

Tanni waa fidno, fidnadane kuma qaas noqoto cidda suubisay kalligeed:
قال الله تعالي:
وَاتَّقُوا فِتْنَةً لَا تُصِيبَنَّ الَّذِينَ ظَلَمُوا مِنْكُمْ خَاصَّةً وَاعْلَمُوا أَنَّ اللَّهَ شَدِيدُ الْعِقابِ

Meeshaa marka uu arrin taagan yahayne, waa halkii ay diintu nagu tiri:
قال الله تعالي:
أَلَيْسَ مِنكُمْ رَجُلٌ رَّشِيدٌ

Ugu-danbayn waa inagu waajib in na laga dhex hello koox si guud deeganada Soomaaliya iyo si gaar ahba deegaankaa ugu istaagta, ee falkaas xun ee diintu inkirtay reebta, oo wanaaga iyo khayrkane ummadda ugu yeerta, sidaa oo ay diinta ina farayso:
قال الله تعالي:
وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ ۚ وَأُولَٰئِكَ هُمُ الْمُفْلِحُونَ

25/07/2026

25/07/2026

Shacabka Galmudug si codkiinu u horseedo Galmudug oo sii horumarta, u wada codeeya Xisbiga Caddaaladda iyo Midnimada "TIIR"

17/07/2026

DAWLAD GOBOLEEDYADA SOOMAALIYA QAARKOOD WAXAYBA ISU ARKAAN WADAN KA MADAXBANAAN SOOMAALIYA INTEEDA KALE!

Waa marka ay Soomaali dhihi jirtay: "qof aduunyo joogow, maxaa aragti kuu laaban". Heer ma waxaa la maraa in Soomaaliya deegaanadeeda meelo ka mid ah ay Soomaali ugu dhex noolaato qaxootinimo ama ajnabinimo!

02/06/2026

Dr. Liban Baffo gudoomiyhi h**e Degmada Baraawe ee Caasimadda Dawladda KG ayaa yiri: hala daayo howsha ah "Mugdi kow, Ood shakab"!

Hadda leen ka soo baxnay CADDADII dhaarinta Xildhibaanada Baarlamaanka 3aad ee KG, islamarkii miyaan Gudoomiyaha Baarmaanka KG cidda awood qaybsi ahaan ugu fariisanaysa barbarid ku bilaabaynaa, aydoo 2dii dawlad h**e ee KG soo maray aysan soo samayn.

Maqaalkaygan afeefashada ah waxaan kula hadlayaa inta aqoonta iyo garashada u saaxiibka ah ee dawlad dhiska taqaan ee warkana u soo haysay dawladihii KG soo maray, ee kulama hadlayo maqaalkeygan inta caadhifadaysan ama ay hayso dhalainyaronimo ee aan ka fakaraynin waxani maxaa ka imaanaya brri, islamarkaana aan aqoon dawladnimada dhawriddeeda ee badankeeda ku dhisan "gentleman agreements.

Sida aan wada ogsoonnahay kacdoonkii dhaliyay isbedelka KG ka dhacay! Ma keenin qolo gaar ah ama shaqsiyaad gaar ah, mana sheegan karaano shaqsiyaad gaar ah, ee qof kastaa wuu ogsoon yahay doorkii uu ku lahaa kacdoonkaas iyo meesha uu kaga jiray isbedelka hadda laga naaloonayo ee ka curtsy KG sida uu ku yimid kacdoonkiisa iyo meesha uu salka ku haayay bilowgiisa.

Hadaba, aan u dhaadhaco nuxurka maqaalkaygan ee ku aadan dhismaha iyo talada dawladnimada 3aad ee KG iyo qaladaadka ay tahay in laga fogaado iyo cidda ay tahay in ay ka feejignaato si aan dawladnimadan cusub loogu abuurin khilaaf hor leh.

Waxaan dhagaystay qudbad uu jeediyay xoghayaha guud ee Ururka JSP, kulana dardaarmayay xildhibaanada ururka, xoghayaha aqoonna kuma yaro, waayo aragnimana kuma yaro maasha Allah, laakiin waxaan rabnaa kelliya in aan xasuusino in aysan qaadin caadhifad, madax-adeeg iyo talo dhallinyaro taas oo horay uga shaqayn weysay KG.

Ururka JSP maadaama uu haysto aqlabiyadda xildhibaanada, waxaa laga rajaynayaa in uusan samayn qalad aysan horay u soo samaynin 2-di dawlad ee soo martay KG ee middan 3aaad ee hadda lagu gudajiro dhisiddeeda ka horaysay, JSP waxaa haboon in ay u toog hayso khilaafaadkii horay u jiray xallintooda, oo aysan abuurin khilaafaad hor leh oo dawladda cusub majaxaabin kara.

Waa in la ilaaliyaa awooda iyo saami qaybsiga qabiilka, sidii horayba gudoomiyaha baarlamaanka awoodqaybsi loogu ilaalin jiray oo ah midda kelliya ay dhawreen 2di dawladeed ee horay u soo maray KG. haddane aan wada ognahay xildhibaanada baarlamaanka 3aad ee KG ee la dhaariyay loogu soo ilaaliyay awood qaysiga qabiilkastaa sidii uu ugu fadhiyay.wixii h**e wax ka wanaagsan waa in lala yimaadaa ee aan lala imaan wax ka liita oo khilaaf abuuri kara.

Arrinka Gudoomiyaha Baarlamaanka 3aad ee Dawladda KG waa arrin muujin doona sida loogu bisilyahay dawlad-dhis la wada leeyahy ka caddaaladsan oo aan sadbursi ku dhisnayn, loogana fogaanayo caadhifad iyo madax-adeeg. Haddii kuwii h**e lagu eeday madax-adeeg, wax xeerin la'aan iyo islawaynin, waa in kuweenaan cusub aan nalagu arkin hab-dhaqankii aan horay u soo diidnay in aan dib u soo cusboonaysiino.

Dawlad-dhiska Baydhawa ayaa u dhex joognay ilaa muddo, waa in miisaan iyo dulqaad lagu dhisaa iyo wax xeerin, oo aan amminsannahayne in lawada dhisanayo dawlad lagu ilaalinayo awoodqaysigii ku salaysnaa "gentleman agreements-ka". Haddii taa lagu tunto, cidda horseeda ku tumashadeeda ayaa masuulliyaddeeda qaadanaysa ee diyaar ha u noqoto ee yaanan cid kale beri ka maalin loo jeedinin eedaa.

Marka awoodda Alle gacantaada geliyo waa marka aad wax hagaajin karto ama aad wax ku dheeli karto, dulmigana aad ka fogaan karto ama aad dulmi fali karto. hadaba, na tus habdhaqankaaga maadaama aan isku cusub nahay, si aan kuu qiimayno.

Wabillaahit Towfiiq

26/05/2026

Hambalyo Gudoomiye Xil Cabdulqadir Sharif Shequna, mar kale ku soo dhawaw howl horay aad u saldhigtay xilli uu Baarlamaanka Dawladda KG ahaa bilow.

25/05/2026

*Kursiga Guddoomiyaha Baarlamaanka Koonfur Galbeed: Xuquuq Siyaasadeed, Tanaasul Taariikhi ah iyo Ilaalinta Wadajirka*

Magaalada Baraawe waa magaalo leh taariikh dheer, miisaan siyaasadeed iyo muhiimad istaraatiiji ah oo aan la dafiri karin. Waa magaalo asal ahaan ay deegaan iyo milkiyad taariikheed ku leeyihiin Beesha Tunni ee ka tirsan beelweynta Digil. Sidaas darteed, doodda ku saabsan cidda leh xaqa siyaasadeed ee la xiriira maamulka iyo matalaadda magaaladaasi ma aha dood ka go’an xaqiiqooyinka taariikhda iyo heshiisyadii siyaasadeed ee lagu dhisay maamulka Koonfur Galbeed Soomaaliya.

Markii la aas-aasayay maamulka Koonfur Galbeed sanadkii 2014, waxaa jiray xaalad siyaasadeed oo xasaasi ah iyo baahi weyn oo loo qabay in la helo isu-dheellitirnaan iyo wadajir bulshada dhexdeeda ah. Beesha Tunni waxay markaas muujiyeen biseyl siyaasadeed iyo tanaasul weyn, iyagoo aqbalay in Baraawe oo ah deegaan ay si buuxda u leeyihiin laga dhigo caasimadda maamulka. Go’aankaasi ma ahayn arrin fudud; wuxuu ahaa tanaasul taariikhi ah oo u furay dhammaan bulshada Koonfur Galbeed inay si wadajir ah u yeeshaan magaalo caasimad ah oo ay wadaagaan.

Marka laga hadlayo kursiga Guddoomiyaha Baarlamaanka, muhiimadda arrintaasi ma aha in kursiga “si qabiil gaar ah loo leeyahay,” balse waxay ku saabsan tahay ilaalinta heshiis siyaasadeed iyo xushmeynta doorkii ay beel gaar ahi ku lahayd dhismaha wadajirka KGS.

Dunida oo dhan, nidaamyada awood-qaybsiga waxaa lagu ilaaliyaa isu-dheellitirnaan siyaasadeed si loo dhowro kalsoonida bulshada iyo xasilloonida maamulka. Sidaas darteed, in Beesha Tunni lagu maamuuso kursiga Guddoomiyaha Baarlamaanka waxay ahayd aqoonsi siyaasadeed oo ku saleysan:

Doorka ay ku lahaayeen dhismaha maamulka,

Tanaasulka ay sameeyeen,

Iyo xaqiiqada ah in caasimaddu ku taallo deegaan ay asal ahaan leeyihiin.

Kuwa ku doodaya in kursigaasi aanu si gaar ah ugu xirnayn Beesha Tunni waxay xaq u leeyihiin aragti siyaasadeed, balse waa inay sidoo kale fahmaan in siyaasadda lagu dhiso is-aaminaad, heshiisyo iyo ilaalinta dareenka bulshada. Haddii la iska indho tiro heshiisyadii iyo dheelitirkii lagu heshiiyay markii maamulka la dhisayay, waxay taasi dhaawici kartaa kalsoonidii siyaasadeed ee lagu dhisay wadajirka maamulka.

Waxaa muhiim ah in la kala saaro “xuquuq sharci oo qoran” iyo “heshiis siyaasadeed oo bulsho lagula heshiiyay.”
Marar badan, xasilloonida siyaasadeed kuma xirna oo keliya waxa dastuurka ku qoran, balse waxay ku xirnaan kartaa ilaalinta dhaqannada siyaasadeed iyo is-fahamkii horseeday dhismaha nidaamka.

Sidaa darteed, sii haynta kursiga Guddoomiyaha Baarlamaanka ee dhinaca Beesha Tunni waxaa loo arki karaa arrin ilaalinaysa:

Midnimada bulshada,

Kalsoonida deegaanka martigeliyay caasimadda,

Iyo sii jiritaanka heshiiskii siyaasadeed ee saldhigga u ahaa dhksmaha maamulka.

Gunaanadkii, doodda saxda ahi ma aha “yaa kursiga iska leh,” balse waa sidee loo ilaalin karaa wadajirka, kalsoonida iyo dheelitirka siyaasadeed ee lagu dhisay Koonfur Galbeed.

Beesha Tunni waxay bixisay tanaasul muuqda oo taariikhi ah; sidaas darteed, in lagu ixtiraamo kursiga Guddoomiyaha Baarlamaanka waa arrin ka tarjumeysa maamuus siyaasadeed, ilaalinta wadajirka iyo qadarin loo haayo doorkii ay ka qaateen dhismaha maamulka.

Wabillaahit Towfiiq

22/05/2026

Magaala Madaxda Dawladda KGS ee Baraawe iyo Gudoomiyaha Baarlamaanka Dawladda KGS waa isleeyihiin oo lama kala qaadi karo, lamana jabin karo xeertamidooda.

Bulshada qaybaheeda kala duwan iyo waxgardkeeda ku nool Caasimadda Dawladda KGS ee Baraawe waa ka afeefteen, baaqne wey ka soo jeediyeen, si aanan loogu soo kadsoomin Gudoomiyahs Baarlamaanka Dawladda KGS.

Wabillaahit Towfiiq

17/05/2026

Gudoomiyii h**e Caasimadda DKD ee degmada Barawe Dr. Liban Abukar Baffo, ahna musharax u taagan Xildhibaan Golaha Wakiilada Dawladda KGS ayaa ka digay musuqmaasuq ku aadan xildhibaanada DKS