16/04/2026
96 Soldiers- PDF တွင် တာဝန်ထမ်းဆောင်ခဲ့သော နိုင်ငံရေးဌာနမှ ရဲဘော် ဦးဌေးဝင်း (၆၂)နှစ်သည် ၂၀၂၆ ခုနှစ် ဧပြီလ (၁၆) ရက်နေ့ (ကြာသာပတေးနေ့)တွင် ၉၆ ပါးသောရောဂါဖြင့် ကွယ်လွန် ကျဆုံးသွားပါသဖြင့် ဤ အမိန့် ပြန်တမ်းအား ထုတ်ပြန်လိုက်သည်။
ဦးဌေးဝင်းသည် နွေဦးတော်လှန်ရေးမတိုင်ခင် ကတည်းက စစ်အာဏာရှင် အုပ်စုအား ဆန့်ကျင်တိုက်ပွဲဝင်ခဲ့သော နိုင်ငံရေးအကျဉ်းသားဟောင်း တစ်ဦးဖြစ်ပါသည်။ ဦးဌေးဝင်းအနေဖြင့် စစ်အာဏာရှင်စနစ် အပြီးတိုင်ချုပ်ငြိမ်းရေးနှင့် ဖက်ဒရယ်ဒီမိုကရေစီရရှိရေး တိုက်ပွဲလမ်းခုလတ်တွင် မြင့်မြတ်စွာကျဆုံးရင်း သူ၏အသက်ကိုပေးလှူခဲ့ပါသည်။ သို့ဖြစ်ပါ၍ 96 Soldiers-PDF တပ်ဖွဲ့မှ ရဲဘော်ဦးဌေးဝင်းအတွက် ကြေကွဲဝမ်းနည်းစွာဖြင့် ယူကျုံးမရဖြစ်ရသလို သူ၏စွန့်လွတ်အနစ်နာခံမှုအတွက်လည်း ဂုဏ်ယူမိပါသည်။
ထပ်မံ၍ မပြီးဆုံးသေးသော စစ်အာဏာရှင်စနစ်အမြစ်ပြတ်ရေးတိုက်ပွဲကို ပြီးဆုံးအောင် ဆက်လက်တိုက်ပွဲဝင်သွားပါမည်ဟု ပြည်သူများ၏ရှေ့၌ ကျွန်ုပ်တို့ 96 Soldiers-PDF တပ်ဖွဲ့မှ ကတိသစ္စာ ပြုအပ်သည်။ ယခုအခါ သင်၏ဝိညာဉ်သည် ငြိမ်းချမ်းစွာ အနားယူနိုင်ပြီး ငြိမ်းချမ်းသောနေရာသို့ ရောက်ရှိပြီဖြစ်သည့်အတွက် ယနေ့မှစ၍သင်သည် 96 Soldiers-PDF တပ်ဖွဲ့နှင့် လုံးဝမသက်ဆိုင်တော့ပါကြောင်း သင်သွားလိုရာသွားနိုင်သည်ဖြစ်ကြောင်း ဤစာဖြင့်အမိန့်ပြန်လိုက်သည်။
