Ambasada e Republikës së Kosovës në Suedi

16/09/2026

11/09/2026

🇽🇰🤝🇱🇻

Ambasadorja Shkendije Geci-Sherifi zhvilloi takim me znj. Iveta Staņislavska, Drejtoreshë e Departamentit për Evropën në Ministrinë e Punëve të Jashtme të Republikës së Letonisë, në kuadër të vizitës së punës në Letoni.

Gjatë takimit u shkëmbyen pikëpamje mbi zhvillimet aktuale globale, sigurinë, procesin e integrimit evropian të Kosovës, si dhe bashkëpunimin në fusha me interes të përbashkët.

Ambasadorja Geci-Sherifi vlerësoi mbështetjen e vazhdueshme të Letonisë për Kosovën dhe theksoi rëndësinë e forcimit të mëtejshëm të bashkëpunimit ndërmjet dy vendeve.

Kosova dhe Letonia gëzojnë marrëdhënie të shkëlqyera bilaterale, të cilat po vazhdojnë të zhvillohen dhe të thellohen në fusha me interes të përbashkët.

07/09/2026

🇽🇰🤝🇸🇪

07/09/2026

🇽🇰✨ Njihuni me dy praktikantet tona të reja në Ambasadën e Republikës së Kosovës në Stokholm – Donjeta Lushtaku dhe Ida Elezaj!

🎓 Donjeta studion Studime Diversiteti në Universitetin e Malmös, ndërsa Ida studion Gazetarinë dhe Komunikimin Dixhital në Universitetin e Södertörnit 🇸🇪.

Gjatë praktikës së tyre në Ambasadë, ato do të kenë mundësinë të fitojnë përvojë praktike në diplomaci, komunikim dhe në punën e përditshme të një misioni diplomatik.

Jemi të lumtur t’i kemi pjesë të ekipit tonë! 🇽🇰🇸🇪

✨ Meet our two new interns at the Embassy of the Republic of Kosovo in Stockholm – Donjeta Lushtaku and Ida Elezaj!

🎓 Donjeta is studying Diversity Studies at Malmö University, while Ida is studying Journalism and Digital Communication at Södertörn University.

During their internship at the Embassy, they will gain practical experience in diplomacy, communication and the day-to-day work of a diplomatic mission.

We are happy to have them as part of our team and look forward to working together! 🇽🇰🇸🇪

03/09/2026

🔤 MËSIMI I GJUHËS SHQIPE DHE I KULTURËS SHQIPTARE NË DIASPORË
Arbër Salihu
Zyrtar i lartë për planprograme dhe tekste shkollore në MASH, Kosovë

📍 Dihet se gjuha, së bashku me kulturën dhe historinë, përbën tabanin identitar të një populli. Në këtë kuadër, identiteti kombëtar përfshin tërësinë e ndjenjave të përkatësisë, vlerave, kujtesës historike, kulturës, gjuhës, simboleve dhe përvojave të përbashkëta, përmes të cilave individi e ndien veten pjesë të një kombi. Prandaj, mësimi i gjuhës amtare, i kulturës dhe i historisë kombëtare luan një rol të rëndësishëm në ruajtjen dhe kultivimin e identitetit kombëtar, duke shërbyer si një kordon lidhës ndërmjet nxënësve shqiptarë që jetojnë në diasporë dhe vendit të origjinës së tyre. Kjo lidhje nuk përbën vetëm një raport me gjuhën, kulturën dhe të kaluarën historike, por edhe një mënyrë për të ruajtur ndjenjën e përkatësisë, për të kultivuar kujtesën kolektive dhe për të forcuar lidhjen emocionale e kulturore me vendin e origjinës.

📕 Prandaj organizimi i mësimit të gjuhës dhe kulturës shqiptare ka një rëndësi dhe peshë të veçantë që duhet kultivuar, mirëmbajtur dhe mbështetur fort. Mësimi i gjuhës shqipe dhe i kulturës shqiptare në diasporë ka ndodhur dhe po ndodh, në radhë të parë, falë angazhimit dhe punës vetëmohuese të mësimdhënësve shqiptarë gjithandej botës. Institucionet e Republikës së Kosovës dhe Republikës së Shqipërisë janë angazhuar që këto organizime të përkrahen në forma të ndryshme, por ende nuk kanë arritur në nivelin që do të duhej të ishin. Hartimi i kurrikulës dhe i teksteve të përbashkëta është një arritje e rëndësishme e institucioneve tona, por është koha që të shikohet përtej ...

⬇️ Materialin mund ta lexoni të plotë në linkun e mëposhtëm👇
https://qbd.gov.al/revista-flasim-shqip-nr-9/

03/09/2026

Nëntë medalje🥇🥇🥈🥈🥈🥉🥉🥉🥉 në LM Taranto 2026, rekord për ekipin tonë🙌🇽🇰

Nëntë medalje, prej tyre dy të arta, tri të argjendta dhe katër të bronzta është bilanci i suksesit të ekipit tonë pjesëmarrës në Lojërat Mesdhetare Taranto 2026.

Pas katër medaljeve në Tarragona 2018, gjashtë në Oran 2022, në Taranto 2026 u thye rekordi me nëntë sosh.

Medaljet e arta u fituan nga boksierja Donjeta Sadiku e karateisti Islam Selmani, të argjendtat nga xhudistja Laura Fazliu e peshëngritësi Kianoush Rostami (2), dhe të bronztat nga katër xhudistët: Akil Gjakova, Shpati Zekaj, Fatjona Kasapi e Flaka Loxha.

Nëntë medaljet e fituara vlerësohen sukses për KOK-un, pavarërisht se pritshmëritë për sukses ishin edhe në taekwondo, atletikë dhe sportet ekipore si futbolli, basketbolli 3X3, hendbolli e volejbolli (m).

Sonte do të mbahet ceremonia mbyllëse ku do t’i dorëzohet flamuri Kosovës si mikpritëse e edicionit të ardhshëm të Lojërave Mesdhetare Prishtina 2030.

01/09/2026

🇽🇰🇸🇪 Sot, Rrjetit të Profesionistëve të Rinj, platformë e krijuar nga Ambasada e Republikës së Kosovës në Suedi, iu shtua edhe një anëtar i ri: Arbër Musliu, 28 vjeç, nga Kosova.

Arbëri është duke përfunduar studimet Master në Halmstad University, në fushën e Information Systems. Aktualisht është i angazhuar në një projekt në fushën e inteligjencës artificiale (AI) në Research Institutes of Sweden – RISE, institut shtetëror suedez për kërkime shkencore dhe konsulencë për sektorin publik dhe privat.

Rrjeti synon të krijojë lidhje mes profesionistëve të rinj nga Kosova dhe diaspora, të nxisë shkëmbimin e përvojave dhe njohurive, si dhe të forcojë bashkëpunimin dhe kontributin e tyre në Kosovë.

Mirë se vjen Arbër Musliu 🇽🇰🇸🇪