Albanian Diaspora Sweden

08/09/2026

Rusia paralajmëron: Sistemet raketore amerikane në Norvegji mund të bëhen objektiva në rast konflikti

Oslo/Moskë, 7 shtator 2026 – Rusia ka reaguar ashpër ndaj vendosjes së një sistemi raketor amerikan në Norvegji, duke e cilësuar këtë zhvillim si një hap destabilizues nga NATO.

Zëdhënësja e Ministrisë së Jashtme ruse, Maria Zakharova, deklaroi më 7 shtator se sistemet amerikane të bazuara në lëshues Mk-41, të afta të përdorin edhe raketa të tipit Tomahawk, mund të mbulojnë një pjesë të konsiderueshme të territorit evropian të Rusisë, përfshirë Moskën. (aa.com.tr)

Sipas Moskës, sistemet raketore amerikane në Norvegji, qendrat e komandimit dhe infrastruktura mbështetëse do të jenë nën vëmendjen e forcave strategjike ruse dhe do të merren në konsideratë në planifikimin ushtarak në rast të një konflikti të armatosur. (Reuters)

Vendosja e sistemit lidhet me aktivitetet ushtarake amerikano-norvegjeze në kuadër të stërvitjes së NATO-s Atlantic City 26, e zhvilluar nga fundi i gushtit deri më 4 shtator.

Ndërkohë, tensionet mes Rusisë dhe Norvegjisë janë shtuar edhe për shkak të një çështjeje tjetër në Arktik. Më 2 shtator, autoritetet norvegjeze sekuestruan në Svalbard anijen ruse Professor Molchanov, pas një vendimi gjyqësor të lidhur me kërkesën e kompanisë shtetërore ukrainase Naftogaz për ekzekutimin e një dëmshpërblimi prej miliarda dollarësh ndaj Rusisë. Moska e ka kundërshtuar vendimin dhe e ka cilësuar sekuestrimin si “pirateri”. (Reuters)

Megjithatë, nuk ka një njoftim zyrtar se Rusia ka vendosur të sulmojë Norvegjinë apo Svalbardin. Deklaratat e Moskës i referohen skenarit të një konflikti të armatosur dhe nuk përbëjnë paralajmërim për një sulm të afërt.

Zhvillimet e fundit tregojnë gjithsesi për një rritje të tensioneve ushtarake dhe diplomatike në Arktik, në një kohë kur Norvegjia mbetet një anëtare e rëndësishme e NATO-s dhe një nga vendet kyçe për sigurinë e krahut verior të Aleancës.

https://www.investing.com/news/world-news/russia-slams-us-despatch-of-missile-system-tonorway-as-another-blow-to-idea-of-arms-talks-4890589

https://www.reuters.com/world/norway-seizes-russian-ship-over-naftogaz-award-company-says-2026-09-02/

08/09/2026

🇸🇪 Industria suedeze e mbrojtjes e bën Suedinë më të sigurt dhe krijon vende pune!

Vetëm këtë vit, Suedia ka avancuar në disa projekte të rëndësishme të mbrojtjes: 16 avionë Gripen për Ukrainën, tre nëndetëse A26 për Poloninë, ndërsa kanë nisur negociatat me Kanadanë për rreth gjashtë avionë GlobalEye. Edhe NATO po shqyrton blerjen e deri në dhjetë avionëve GlobalEye.

Kjo është më shumë se industri. Është siguri, teknologji, vende pune dhe rritje ekonomike.

Industria suedeze e mbrojtjes forcon NATO-n, mbështet aleatët tanë dhe rrit sigurinë e Suedisë dhe të gjithë qytetarëve suedezë.

🇸🇪 Një industri e fortë e mbrojtjes do të thotë një Suedi më e sigurt, më e aftë dhe më konkurruese.

Për këtë mund të jemi krenarë.

08/09/2026

08/09/2026

FIDAINJTË – Luftëtarë, ATDHETARË !

Fidainjtë e Devollit nuk ishin thjesht burra të armatosur. Ata ishin bij të një kohe të vështirë, kur mbrojtja e gjuhës, shkollës dhe identitetit shqiptar ishte njëkohësisht mbrojtje e vetë qenies kombëtare.

Nën kryesinë e Hafiz Ali Korçës, këta burra atdhetarë u vunë në shërbim të çështjes kombëtare. Në një kohë kur shqiptarët përballeshin me presione të shumta dhe kur gjuha shqipe kërcënohej në trojet e veta, ata u bënë mbrojtës të arsimit shqip dhe të dinjitetit kombëtar.
Devolli në fillim të shekullit XX ishte kufi, por edhe zemër. Atje ku shkolla shqipe mbyllej, atje ku fjala shqipe ndëshkohej, fidainjtë shfaqeshin si kujtesë se kombi nuk hesht. Me pushkët e tyre, por mbi të gjitha me vetëdijen e tyre, ata ruanin atë që asnjë perandori nuk mund ta shuante: emrin.
“
Për ta, atdhedashuria nuk ishte një fjalë e bukur, por besë, guxim dhe sakrificë.

— NGA KUJTESA E ÇETËS SË DEVOLLIT
Pushka e tyre nuk ishte thjesht armë; ajo ishte simbol i vendosmërisë për të mos lejuar që shqiptarët të humbnin gjuhën, identitetin dhe kujtesën e tyre.
Çdo fishek ishte një shkronjë shqipe e mbrojtur, çdo natë në mal ishte një shkollë që mbetej hapur.
Sot, kur i shohim në atë fotografi historike, nuk shohim vetëm burra të një shekulli të shkuar. Shikojmë një brez që kuptoi se liria fitohet me sakrificë dhe kombi ruhet me vetëdije, guxim e përkushtim.

Fytyrat e tyre, serioze dhe të qeta, flasin për një kohë kur të jesh shqiptar ishte akt trimërie.
Çdo rrudhë, një histori rezistence.
Fidainjtë e Devollit mbeten një dëshmi e gjallë e atdhetarisë shqiptare dhe e rrugës së vështirë drejt lirisë dhe pavarësisë. Ata nuk kërkuan monumente. Monumenti i tyre është gjuha që ne flasim sot.

08/09/2026

E vërteta mbas mashtrimit !

Bazuar ne raportin e Eurostat per 2025 sipas te cilit shqiptaret shpenzojne nga xhepi rreth 49 perqind te cdo fature shendetesore. Me e larta ne Europe!

08/09/2026

HIJET E SIGURIMIT EDHE NË EMIGRACION

Duke parë arkivat dhe dokumentet historike, lind një pyetje e rëndësishme: a u shkëput emigracioni shqiptar nga rrjetet dhe mentalitetet e diktaturës, apo disa prej tyre u zhvendosën bashkë me njerëzit përtej kufirit?

Penetrimi dhe drejtimi në fshehtësi, jo vetëm i ish-bashkëpunëtorëve të policisë sekrete, por edhe i ish-drejtuesve të atij shërbimi famëkeq, Sigurimit të Shtetit, në organizime, shoqata dhe protesta të emigracionit shqiptar, është një çështje që meriton të ndriçohet.

Sepse diktatura nuk ishte vetëm një sistem politik. Ishte një rrjet kontrolli, informatorësh, lidhjesh dhe frike, i cili për dekada depërtoi në çdo qelizë të shoqërisë shqiptare.

Dhe nëse një pjesë e këtyre rrjeteve ka kaluar edhe në emigracion, atëherë kemi të drejtë të pyesim:

Kush i organizonte? Kush i financonte? Kush i drejtonte? Kujt i raportohej? Dhe pse disa figura të së kaluarës vazhduan të shfaqeshin në jetën publike të emigracionit sikur asgjë të mos kishte ndodhur?

Sot, arkivat janë aty.

Historia nuk duhet të manipulohet dhe e shkuara nuk duhet të fshihet. Duhet të hapen dokumentet, të verifikohen faktet dhe të dalë e vërteta.

Sepse emigracioni shqiptar meriton të jetë i lirë nga hijet e së kaluarës.

Diktatura iku nga Shqipëria. Pyetja është: a ikën të gjitha rrjetet e saj bashkë me të?

🇸🇪 SÄKERHETSPOLISENS SKUGGOR ÄVEN I DIASPORAN

När man studerar arkiven och historiska dokument väcks en viktig fråga: Bröt den albanska diasporan verkligen med diktaturens nätverk och mentalitet, eller följde vissa av dessa strukturer med människorna över gränsen?

Den dolda infiltrationen och styrningen – inte bara av tidigare medarbetare till den hemliga polisen, utan även av tidigare ledande personer inom den ökända statssäkerhetstjänsten, Sigurimi i Shtetit – i organisationer, föreningar och protester inom den albanska diasporan är en fråga som förtjänar att belysas.

För diktaturen var inte bara ett politiskt system. Den var ett nätverk av kontroll, informatörer, kontakter och rädsla som under årtionden trängde in i varje del av det albanska samhället.

Och om delar av dessa nätverk också fördes vidare till diasporan, har vi rätt att fråga:

Vem organiserade dem? Vem finansierade dem? Vem styrde dem? Till vem rapporterade de? Och varför fortsatte vissa personer från det förflutna att framträda i diasporans offentliga liv som om ingenting hade hänt?

I dag finns arkiven där.

Historien får inte manipuleras och det förflutna får inte döljas. Dokumenten måste öppnas, fakta verifieras och sanningen komma fram.

Den albanska diasporan förtjänar att vara fri från det förflutnas skuggor.

Diktaturen lämnade Albanien. Frågan är: lämnade alla dess nätverk landet tillsammans med den?

08/09/2026

Nga diplomatja Edith Harxhi, ish Zv/ ministre e jashme 🇦🇱🇺🇸

08/09/2026

Beu i luftës /

Miladini, "beu" i luftës

Nga Kastriot Dervishi
(Historian)

Personi mbi kalë është Miladin Popoviçi. Në pyjet e bukura të Shqipërisë, kalin e tërheq një shoqe lufte. Kapardisja e tij dhe fotografimi në këtë formë, nuk janë veprime të rastësishme. Tregojnë shumë. Popoviçi qëndroi pranë komunistëve të Shqipërisë nga tetori 1941 e deri në shtator 1944. Ishte drejtuesi politik i PKSH-së, ndërsa Dushan Mugosha (i cili qëndroi në Shqipëri në shtator 1941 deri në maj 1944) ishte drejtuesi ushtarak. Te komunistët vihet re një dukuri e çuditshme. Ndërsa flasin në propagandën e tyre për "luftë heroike" në atë kohë, nuk përmendin asnjëherë meritat e dy drejtuesve jugosllavë të partisë së tyre. Thënë ndryshe, është njësoj si të lavdërosh ushtarët e të mos zësh në gojë gjeneralët. Çfarë bënin pra Miladini e Dushani pasi formuan partinë? Pse qëndronin ende në Shqipëri?
Shiheni foton e vitit 1943. Një vajzë e re udhëheq kalin e jugosllavit Popoviç. Simbolika është e qartë në çfarëdo lloj drejtimi. Miladini ishte në fakt "beu" i komunistëve të Shqipërisë.