Embassy of the Lao PDR in stockholm, Sweden

20/06/2026

ໃນວັນທີ 14 ມິຖຸນາ 2026, ຄະນະກໍາມະການອາຊຽນ ທີ່ ສະຕ໋ອກໂຮມ, ປະຈຳປະເທດຊູແອດ (ASEAN Committee in Stockholm ຫຼື ACS) ໄດ້ຈັດງານເທດສະການຂາຍສິນຄ້າ ແລະ ອາຫານອາຊຽນ ປະຈໍາປີ 2026 (ASEAN Trade and Food Fair 2026) ຂື້ນ ໂດຍການເປັນປະທານໝູນວຽນຂອງຄະນະກໍາມະການ ACS ຂອງ ສະຖານເອກຄັກຄະລັດຖະທູດ ແຫ່ງ ສປປ ລາວ. ໃຫ້ກຽດເຂົ້າຮ່ວມງານໃນຄັ້ງນີ້ປະກອບມີບັນດາທ່ານເອກອັກຄະລັດຖະທູດ ຈາກປະເທດສະມາຊິກອາຊຽນ ພ້ອມດ້ວຍສາມີພັນລະຍາ, ຜູ້ຕາງໜ້າຈາກກະຊວງການຕ່າງປະເທດ ຊູແອດ, ສະມາຊິກລັດຖະສະພາແຫ່ງຊາດ, ປະທານສະພາເທດສະບານນະຄອນຫຼວງສະຕ໋ອກໂຮມ, ທູຕານຸທູດ ແລະ ຄູ່ຮ່ວມງານອາຊຽນ (ASEAN Dialogue Partners) ແລະ ບັນດາຄົນເຊື້ອຊາດອາຊຽນ ທີ່ອາໄສຢູ່ ສະວີເດັນ ເຂົ້າຮ່ວມຢ່າງຫຼວງຫຼາຍ ຢູ່ ສະຖານເອກອັກຄະລັດຖະທູດ ແຫ່ງ ຣາຊະອານາຈັກໄທ ແລະ ມາເລເຊຍ ທີ່ ສະຕ໋ອກໂຮມ ປະຈໍາປະເທດ ຊູແອດ.
ໃນພິທີທາງການ ທ່ານ ບຸນທະວີ ວິລະວົງ, ເອກອັກຄະລັດຖະທູດ ວິສາມັນຜູ້ມີອໍານາດເຕັມ ແຫ່ງ ສປປ ລາວ ປະຈໍາປະເທດ ຊູແອດ ໃນນາມເປັນປະທານໝູນວຽນປະທານຄະນະກໍາມະການ ACS ໄດ້ໃຫ້ກຽດກ່າວເປີດງານຢ່າງເປັນທາງການຮວມກັບ ທ່ານ ແດນຽວ ໂວມເວນ (H.E. Mr. Daniel Wolvén), ຫົວໜ້າກົມອາຊີ, ປາຊີຟິກ ແລະ ອາເມ ລິກາລາຕິນ, ກະຊວງການຕ່າງປະເທດ ຊູແອດ ໃນນາມເປັນແຂກກິດຕິມະສັກຂອງງານ.
ນອກຈາກນັ້ນ, ກໍ່ໄດ້ມີການສະແດງສິລະປະວັດທະນະທຳທີ່ເປັນເອກະລັກ ແລະ ງົດງາມທາງວັດທະນະທຳຈາກ 6 ປະເທດສະມາຊິກອາຊຽນ ເຊິ່ງປະກອບມີ: ການສະແດງຟ້ອນພື້ນເມືອງລາວ 4 ລາຍການ, ການສະແດງຟ້ອນພື້ນເມືອງ ຈາກມາເລເຊຍ 3 ລາຍການ, ການສະແດງຟ້ອນພື້ນເມືອງຈາກຟິລິປິນ 2 ລາຍການ, ການສະແດງຟ້ອນພື້ນເມືອງຈາກໄທ 4 ລາຍການ ແລະ ມວຍໄທ 1 ລາຍການ, ການສະແດງສິລະປະຟ້ອນພື້ນເມືອງຈາກຫວຽດນາມ 4 ລາຍການ ແລະ ການສະແດງຟ້ອນພື້ນເມືອງຈາກ ອິນໂດເນເຊຍ 1 ລາຍການ. ພ້ອມດຽວກັນນັ້ນກໍ່ໄດ້ເຊື້ອເຊີນບັນດາແຂກຜູ້ມີກຽດຢ້ຽມຊົມຮ້ານວາງສະແດງສິນຄ້າ ແລະ ອາຫານ ທີ່ເປັນເອກະລັກຂອງບັນດາປະເທດອາຊຽນ ແລະ ຮ່ວມຮັບປະທານອາຫານທ່ຽງ ຢູ່ທີ່ ສະຖານທູດມາເລເຊຍ.

09/06/2026

ໃນລະຫວ່າງວັນທີ 12-13 ພຶດສະພາ 2026 ຜ່ານມາ, ທ່ານ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປປ ລາວ ທີ່ ສະຕ໋ອກໂຮມ ປະຈໍາ ປະເທດຊູແອດ ໄດ້ເຂົ້າຮ່ວມທັດສະນາສຶກສາ ແລະ ຢ້ຽມຢາມ ແຂວງ Blekinge ທີ່ຈັດຂຶ້ນໂດຍ ກະຊວງການຕ່າງປະເທດຊູແອດ, ຮ່ວມກັບ ບັນດາເອກອັກຄະລັດຖະທູດ ແລະ ຜູ້ຕາງໜ້າທາງການທູດ ຈາກ 34 ປະເທດ ທີ່ມີສຳນັກງານຕັ້ງຢູ່ ນະຄອນຫຼວງສະຕອກໂຮມ.
ການຮ່ວມເຄື່ອນໄຫວໃນຄັ້ງນີ້ ມີຄວາມໝາຍຄວາມສຳຄັນຢ່າງຍິ່ງໄດ້ຮັບຮູ້ໂຄງສ້າງພື້ນຖານເສດຖະກິດຂອງປະເທດຊູແອດ, ໂດຍສະເພາະບໍລິສັດໃຫ່ຍລະດັບຫ້າມຊາດ, ທີ່ໄດ້ນຳລາຍໄດ້ມາໃຫ້ປະເທດຊູແອດ, ໃນການພັດທະນາ, ວິໃສທັດ, ນະວັດຕະກຳ, ແລກປ່ຽນທັດສະນະ ແລະ ວິໄສທັດການພັດທະນາ, ການເຄື່ອນໄຫວດັ່ງກ່າວຕິດພັນກັບການທູດເສດຖະກິດ ທັງເປັນການຮັດແໜ້ນສາຍພົວພັນທາງການທູດລະຫວ່າງ ສປປ ລາວ ກັບ ປະເທດ ຊູແອດ ແລະ ບັນດາທູຕານຸທູດໃຫ້ມີຄວາມໃກ້ຊິດແໜ້ນແຟ້ນຍິ່ງໆຂຶ້ນ.

08/06/2026

ໃນວັນທີ 23 ພຶດສະພາ 2026 ຜ່ານມາ, ທ່ານ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປປ ລາວ ທີ່ ສະຕ໋ອກໂຮມ ປະຈໍາປະເທດ ຊູແອດ, ດານມາກ, ນອກແວ, ແຟັງລັງ, ລັດເວຍ, ແອດສະໂຕນີ ແລະ ລິດຕົວນີ ພ້ອມດ້ວຍພັນລະຍາ ແລະ ພະນັກງານສະຖານທູດ ໄດ້ໃຫ້ກຽດເຂົ້າຮ່ວມງານພົບປະປະຈໍາປີ 2026 ຂອງສະມາຄົມແມ່ຍິງລາວສາກົນ ຢູ່ ຊູແອດ ແລະ ສະກັນດີນາວຽນ, ເຊິ່ງງານຈັດຂຶ້ນໂດຍທ່ານ ນາງ ວຽງເພັດ ເຊີເດີມານ, ປະທານສະມາຄົມ ແລະ ມີແຂກຜູ້ມີກຽດທັງພາຍໃນ ແລະ ຕ່າງປະເທດເຂົ້າຮ່ວມປະມານ 35 ທ່ານ, ເຊິ່ງເປັນການເສີມສ້າງສາຍພົວພັນອັນດີງາມລະຫວ່າງສະຖານທູດ ກັບ ແວດວົງຄົນເຊື້ອຊາດລາວ ແລະ ພາກສ່ວນທ້ອງຖິ່ນໃນເຂດສະກັນດີນາວຽນໃຫ້ແໜ້ນແຟ້ນຍິ່ງໆຂຶ້ນ.

04/06/2026

03/06/2026

📣 ແຈ້ງຂ່າວເຂົ້າຮ່ວມງານ "Trade and Food Fair 2026"📣
ເຖິງ: ບັນດາທ່ານ, ພີ່ນ້ອງລາວ ແລະ ເພື່ອນມິດສະຫາຍ ທີ່ອາໄສຢູ່ ປະເທດ ຊູແອດ ແລະ ຂົງເຂດ ນໍດິກ.
ສະຖານເອກອັກຄະລັດຖະທູດ ແຫ່ງ ສປປ ລາວ ປະຈຳປະເທດ ຊູແອດ, ຂໍຖືເປັນກຽດແຈ້ງມາຍັງທ່ານຊາບວ່າ: ໃນນາມສະຖານທູດລາວໄດ້ຮັບກຽດເປັນປະທານໝູນວຽນຄະນະກຳມາທິການອາຊຽນ ທີ່ ສະຕ໋ອກໂຮມ (ASEAN Committee in Stockholm) ແລະ ເປັນເຈົ້າພາບຈັດງານດັ່ງກ່າວ. ມີຄວາມປິຕິຍິນດີ ແລະ ເປັນກຽດເຊື້ອເຊີນບັນດາທ່ານ ເຂົ້າຮ່ວມງານເທດສະການຂາຍສິນຄ້າ ແລະ ອາຫານອາຊຽນ "Trade and Food Fair".
ພາຍໃນງານດັ່ງກ່າວ, ທ່ານຈະໄດ້ສຳພັດວັດທະນະທຳອັນດີງາມ, ຊີມອາຫານພື້ນເມືອງ, ຊົມການສະແດງສິລະປະວັດທະນະທຳ ພ້ອມທັງເລືອກຊື້ຜະລິດຕະພັນທີ່ເປັນເອກະລັກຈາກ 6 ປະເທດສະມາຊິກອາຊຽນ (ອິນໂດເນເຊຍ, ລາວ, ມາເລເຊຍ, ຟິລິບປິນ, ໄທ ແລະ ຫວຽດນາມ).
📅 ວັນເວລາ ແລະ ສະຖານທີ່ຈັດງານ:
ວັນອາທິດ, 14 ມິຖຸນາ 2026;
🕚 ເວລາ: 11:00 – 16:00 ໂມງ
ສະຖານທີ່:
- ສະຖານທູດ ມາເລເຊຍ (Karlavägen 37, 114 31 Stockholm);
- ສະຖານທູດ ໄທ (Floragatan 3, 114 31 Stockholm).
ມາຮ່ວມເປັນສ່ວນໜຶ່ງໃນການສະເຫຼີມສະຫຼອງ, ສ້າງຄວາມສາມັກຄີ ແລະ ສໍາຜັດກັບບັນຍາກາດອັນອົບອຸ່ນ, ມ່ວນຊື່ນແບບອາຊຽນນຳກັນ!
ເຂົ້າຮ່ວມງານຟຣີ! (ບໍ່ມີຄ່າໃຊ້ຈ່າຍໃນການເຂົ້າຊົມ).📣
ຫວັງວ່າທ່ານຈະສະຫຼະເວລາອັນມີຄຸນຄ່າມາຮ່ວມກັບພວກເຮົາດ້ວຍ!
)

27/04/2026

ໃນວັນທີ 20 ເມສາ 2026, ທ່ານ ບຸນທະວີ ວິລະວົງ, ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ທີ່ ສະຕ໋ອກໂຮມ, ປະເທດ ຊູແອດ ໃນນາມເປັນປະທານຄະນະກຳມະການອາຊຽນ ໄດ້ນຳພາຄະນະທູດອາຊຽນໄປຢ້ຽມຢາມ ແລະ ພົບປະກັບ IKEA ທີ່ Älmhult, ເຊີ່ງຄະນະປະກອບມີ ທ່ານທູດ ຫວຽດນາມ, ທ່ານທູດ ອິນໂດເນເຊຍ, ທ່ານທູດ ມາເລເຊຍ ພ້ອມດ້ວຍພະນັກງານຮັບຜິດຊອບວຽກງານອາຊຽນຂອງແຕ່ລະສະຖານທູດ.
ໃນໂອກາດນີ້ ຄະນະໄດ້ຮັບຟັງການນໍາສະເໜີ ກ່ຽວກັບມາດຕະຖານສິນຄ້າ ແລະ ການພັດທະນານະວັດຕະກໍາ ພ້ອມທັງບົດບາດຄວາມສໍາຄັນຂອງພາກພື້ນ ແລະ ການຖາມ-ຕອບ. ພ້ອມນີ້, ຄະນະຍັງໄດ້ເຂົ້າຢ້ຽມຢາມໂຮງງານຜະລິດ ແລະ ຫໍພິພິທະພັນຂອງ IKEA ອີກດ້ວຍ.

22/04/2026

ໃນວັນທີ 18 ເມສາ 2026, ສະຖານເອກອັກຄະລັດຖະທູດ ແຫ່ງ ສປປ ລາວ ທີ່ ນະຄອນຫລວງ ສະຕ໋ອກໂຮມ, ປະເທດ ຊູແອດ ຮ່ວມກັບພີ່ນ້ອງຊາວລາວທີ່ອາໃສຢູ່ ປະເທດ ຊູແອດ, ດານມາກ, ນອກແວ, ຟິນແລນ ແລະ ຄອບຄົວ ໄດ້ຮ່ວມກັນຈັດພິທີບາສີສູ່ຂວັນເພື່ອສະເຫລີມສະຫລອງປີໃຫ່ມລາວ ປີ ພສ 2569 ທີ່ ນະຄອນຫລຼວງສະຕ໋ອກໂຮມ, ເພື່ອສືບສານບຸນປະເພນີຂອງຊາດລາວ ແລະ ເຜີຍແຜ່ບຸນປະເພນີຂອງຊາດ ໃຫ້ແກ່ລູກຫລານຄົນລາວ ແລະ ຄົນຕ່າງປະເທດ ໄດ້ຮຽນຮູ້ເຖິງວັດທະນະທຳທີ່ງົດງາມ, ການດຳລົງຊີວິດຂອງຄົນລາວເຮົາທີ່ສືບທອດກັນມາແຕ່ອາດີດ, ເຊີ່ງໄດ້ມີການເຂົ້າຮ່ວມຂອງ ທ່ານ ທູດ ສ.ສ ຫວຽດນາມ ແລະ ພັນລະຍາ ລວມທັງພະນັກງານຈາກສະຖານທູດກໍ່ເຂົ້າຮ່ວມ. ນອກຈາກນັ້ນຍັງມີ ທ່ານທູດ ກູບາ ແລະ ພັນລະຍາ ກໍ່ໃຫ້ກຽດເຂົ້າຮ່ວມ.