09/09/2015
ပအိုဝ်းကိုယ်ပိုင်အုပ်ချုပ်ခွင့်ရဒေသ ဖွံဖြိုးတိုးတက်နေမှုများ's photo.
ပအိုဝ်းကိုယ်ပိုင်အုပ်ချုပ်ခွင့်ရဒေသ ဖွံဖြိုးတိုးတက်နေမှုများ
မပြောမပြီးမတီးမမြည်
ပုဂံပြည့်ရှင်အနော်ရထာမင်း၏ ပိဋကတ်၃ပုံ အကြောင်းပြ စစ်သည်ဗိုလ်ပါများအလုံးအရင်းဖြင့် ဝင်ရောက်တိုက်ခိုက်ခဲ့မှုကြောင့် ပအိုဝ်းတို့၏ရွှေပြည်ကြီးဖြစ်သော သုဝဏ္ဏဘူမိတိုင်းနေပြည်တော်ပျက်စီးခဲ့သည့်နောက်ပိုင်း ပအိုဝ်းတို့အနေဖြင့် နေထိုင်ရာတိုင်းပြည် ဌာနအနေဖြင့် အတည်တကျ အမည်နာမတတပ်ခေါ်စရာမရှိဖြစ်ခဲ့သည်မှာ သက္ကရာဇ်၂၀၀၈အထိပင်ဖြစ်သည်။
ထို့ကြောင့်ပင် ပအိုဝ်းတို့၏ဌာနေ ဟု အမည်တပ်ခေါ် နေထိုင်ရန် အတည်တကျနေရာတစ်နေရာရရှိရန် လက်နက်ကိုင်ဆောင်တော်လှန်ခြင်းဖြင့်တနည်း၊ နိုင်ငံရေးနည်းလမ်းဖြင့်တစ်ဖုံအမျိုးမျိုးကြိုးစား တောင်းဆိုခဲ့ကြပြီး ခေါင်းဆောင်များနှင့်တကွ နောက်လိုက်ဗိုလ်ပါများ၏ အသက်သွေးချွေးများစွာကို ရင်းနှီးစတေးခဲ့ကြရသည်။ ထိုသို့အသက်သွေးချွေးများရင်းကာ ကံ၊ ညဏ်၊ ဝီရိယ လုံ့လမပျက်ကြိုးစားခဲ့ခြင်းကြောင့် နောက်ဆုံး၂၀၀၈ခုနှစ် နိုင်ငံတော်ဖွဲ့စည်းပုံအခြေခံဥပဒေ အတည်ပြုပြဌာန်းလိုက်ချိန်တွင် ပအိုဝ်းတို့အတွက် မဟာအခွင့်အရေးတရပ်ဖြစ်သော `ပအိုဝ်းကိုယ်ပိုင်အုပ်ချုပ်ခွင့်ရဒေသ´ ဟူသည့် မြို့နယ်(၃)နယ်ဖြင့်(ဟိုပုံး၊ ဆီဆိုင်၊ ပင်လောင်း)ဖွဲ့စည်းထားသည့် ကိုယ်ပိုင်အရပ်ဌာနေကိုရရှိခဲ့ပြီဖြစ်သည်။ ၂၀၁၀ ရွေးကောက်ပွဲမှစတင်ကာ မိမိတို့ကိုယ်ပိုင်ဒေသကို မိမိတို့ကိုယ်တိုင် အုပ်ချုပ်စီမံလာနိုင်ခဲ့သည်မှာ ၅နှစ်ပင်ပြည့်မြောက်တော့မည်ဖြစ်သည်။
သို့ဖြစ်၍ ပအိုဝ်းတို့၏ကိုယ်ပိုင်နယ်မြေ အတည်တကျရရှိအောင်လုပ်ဆောင်ပေးခဲ့သည့် ပအိုဝ်းခေါင်းဆောင်များအနေဖြင့် တာဝန်ကျေပွန်ခဲ့ကြပြီဖြစ်သည်။ ထိုသို့ခေါင်းဆောင်များ၏ ကြိုးပမ်းအားထုတ်မှုကြောင့်ရရှိခဲ့သော အခွင့်အရေးကို ရေရှည်တည်တံ့အောင်၊ ဖွံ့ဖြိုးတိုးတက်လာအောင် လုပ်ဆောင်ရန်မှာ ပအိုဝ်းမျိုးဆက်သစ်တို့၏တာဝန်တစ်ရပ်ဖြစ်လာပါသည်။ ထိုကြောင့်လူငယ်များအနေဖြင့် လက်ရှိခေါင်းဆောင်များနေရာကို မျိုးဆက်ပျက်မသွားပဲ အစဉ်အဆက်ဝင်ရောက်နေရာယူ တာဝန်လွဲပြောင်းထမ်းဆောင်နိုင်ရန်ကြိုးစားသင့်ပေသည်။
စာရေးသူအနေဖြင့်အားမရသည့်အချက်မှာ ပအိုဝ်းကိုယ်ပိုင်အုပ်ချုပ်ခွင့်ရဒေသဟု နိုင်ငံတော်မှသတ်မှတ်ပေးထားသည့် မြိုနယ်၃မြို့နယ်တွင် အစိုးရဌာနပေါင်း ၂၇ ခုရှိပြီး ဝန်ထမ်းအင်အား ၅၀၀၀ ကျော်ခန့်ရှိရာတွင် ပအိုဝ်းဝန်ထမ်းအရေအတွက်အနေဖြင့် ၁၀၀ဦးခန့်ပင်အနိုင်နိုင်ဖြစ်သည်။ ထို့ကြောင့်ပင် ပအိုဝ်းကိုယ်ပိုင်အုပ်ချုပ်ခွင့်ရဒေသဟူသည် အမည်နာမအားဖြင့်တည်ရှိနေပြီးဖြစ်သော်လည်း အနှစ်သာရအားဖြင့်မူ ပြည့်စုံရန်အားနည်းချက်အနေဖြင့်ရှိနေသေးသည်ကို စိုးရိမ်ဖွယ်ရာတွေ့ရှိရပါသည်။ ပအိုဝ်းတို့သည်အစိုးရလုပ်ငန်းများကို စိတ်ဝင်စားမှုနည်းကြသည်။ ကင်းကင်းရှင်းရှင်းနေလိုကြသည်။ ထို့ကြောင့်ပင်ယခုအခြေအနေကိုဖြစ်ပေါ်နေစေသည်။ သို့သော်အနာဂတ်ကာလတွင် ယခုကဲ့သို့ အစိုးရလုပ်ငန်းကို စိတ်မဝင်စားပဲ ကင်းကင်းရှင်းရှင်းနေထိုင်သွားလို့မရတော့ပေ။ အဘယ့်ကြောင့်ဆိုသော် ပအိုဝ်းခေါင်းဆောင်အဆက်ဆက်ကြိုးပမ်းအားထုတ်မှုကြောင့် `ပအိုဝ်းကိုယ်ပိုင်အုပ်ချုပ်ခွင့်ရဒေသ´ ဟူသောနယ်မြေနှင့် စီမံပိုင်ခွင့်အားနိုင်ငံတော်မှသတ်မှတ်ပေးခဲ့ပြီဖြစ်ပြီးဖြစ်ကြောင့် ထိုအခွင့်အရေးကို အပြည့်အဝရရှိရန်နှင့် ရေရှည်ဆက်လက်ထိန်းသိမ်းနိုင်ရန်၊ ကိုယ်ပိုင်အုပ်ချုပ်ခွင့်ရဟူသည့် အနှစ်သာရ ပြည့်ဝရန်မှာ ဒေသတွင်းရှိ အစိုးရဌာနများတွင် ပအိုဝ်းတို့အများစုဖြစ်နေသင့်သောကြောင့်ဖြစ်သည်။ ထို့ပြင်ကိုယ်ပိုင်အုပ်ချုပ်ခွင့်ရဒေသတွင်းရှိ လွှတ်တော်ကိုယ်စားလှယ်များမှာလဲ ပအိုဝ်းများသာဖြစ်သင့်ပေသည်။
ထိုသို့ဖြစ်လာရန်အတွက် ယနေ့လူငယ်များမှာများစွာတာဝန်ရှိလာပေသည်။ ရရှိပြီးသောအခွင့်အရေးကိုဆက်လက်ထိန်းသိမ်းနိုင်ရန်နှင့် အပြည့်အဝအသုံးချနိုင်ရန် ပအိုဝ်းလူငယ်တို့အနေဖြင့် အစိုးရဌာနဆိုင်ရာများတွင် ဝင်ရောက်လုပ်ကိုင်ကြရန်လိုအပ်လာပြီဖြစ်သည်။ ဝင်ရောက်ထမ်းဆောင်ကြမှသာ မိမိတို့မိဘပြည်သူများ၏အကျိုးစီးပွားကို အပြည့်အဝဖန်တီးပေးလာနိုင်ပြီး မိမိတို့၏ ကံကြမ္မာကိုမိမိတို့ကိုယ်တိုင်ဖန်တီးလာနိုင်မည်ဖြစ်သည်။
ယနေလူငယ် နောင်ဝယ်လူကြီးဆိုသကဲ့သို့ပင် လူငယ်များအနေဖြင့် နောင်တစ်ချိန်တွင် ယနေ့ခေါင်းဆောင်ကြီးများနေရာတွင် မဖြစ်မနေဝင်ရောက်ပုခုံးပြောင်းတာဝန်ယူ ထမ်းဆောင်ကြရမှာမလွဲမသွေပင်ဖြစ်သည်။ ထို့ကြောင့်ပင် တာဝန်များကိုထမ်းဆောင်နိုင်ရန် အရည်အချင်းပြည့်မီနေရန်ကြိုးစားကာ သိသင့်သိထိုက် တတ်သင့်တတ်ထိုက်သည်များကို တတ်သိနေစေရန် ကြိုးစားအား ထုတ်သင့်ပြီဖြစ်သည်။ အလည်အပတ်များ၊ ဖုန်းများ၊ ချက်တင်များ၊ ဖေ့ဘုတ်များ၊ ဂိမ်းများ၊ အလှအပများ နှင့်သာ အချိန်ကုန်မနေသင့်တော့ပေ။ မိဘတို့၏ ငွေနှင့် မိမိတို့၏အချိန်များကိုထိုင်ဖြုန်းမနေသင့်တော့ပေ။ ခေါင်းဆောင်အဆက်ဆက် အသက်သွေးချွေးပေါင်းများစွာရင်းကာ ဖန်တီးရယူခဲ့သော အခွင့်အရေးကြီးကို မိမိတို့လက်ရောက်မျ ပြန်လည်ပျောက်ကွယ်မသွားအောင် လူငယ်များအနေဖြင့် ဝိုင်းဝန်းကြိုးစားအားထုတ်ကြရန် အချိန်တန်ပြီဖြစ်ကြောင်း ရေးသားတင်ပြလိုက်ရပါသည်။
