03/09/2023
حمتي قال
يا كباشي اخوي والله انا،،،،،،،، ندمان
وشوفو لي حلول يا خوي مع برهان
بقبل اي شرط بس اكون في،،، امان
بس ادوني فرصه بغادر،،، السودان
كباشي قال
دا الجيش يا حمتي ومافي ليهو،،،،،،،، بديل
وماب بواجهوهو نوعيات جنودك،،،،،،،، ديل
وكتين قام عليك وقبل عليك،،،،،،،،،،،،عديل
اسي بشوفك مالك يا خوي دخل في فتيل
حمتي قال
قبيل غشتني نفسي وقلت انا السلطان
وما عارف رقبتي اتاري انا،،،،، الخسران
وكت الجيش كرب ونزلو في،،،الميدان
ناسي كلهم يا خوي رفقو،،،،،،، النسوان
كباشي قال
دا الجيش يا حمتي وعمرو 100عام
واصلو معروف ما إنهزم من،،،،،،، قام
جايب ليك ناس ما بواجهو من قدام
وكت إتعصو مالم ملصو،،،،،،،،، الهدام
حمتي قال
قبيل غشوني ناسآ في العلم،،،،،،،دارسين
وقالولي البلد انت عليها،،،،،،،،،،،،،،،،،، امين
وكت الجيش كرب والشعب زادو،،، يقين
بشوف جنودي كلهم على البيوت جارين
حمتي قال
الجياشه ياكباشي اخوي،،،،،،،،،، عصرونا
دخلنا على البيوت ديلا ما،،،،،،،،،،،،خلونا
وجرينا على الشجر بالميج ديل ضربونا
وملصنا الهديمات وبرضو ما،،،،،،رحمونا
