09/06/2026
2026-жылдын 8-июнунда Эр-Рияд шаарында Кыргыз Республикасынын Сауд Арабия Падышалыгындагы Атайын жана Ыйгарым укуктуу Элчиси Улукбек Марипов Португалия Республикасынын Сауд Арабия Падышалыгындагы Атайын жана Ыйгарым укуктуу Элчиси Луиза Мария Машаду да Палма Фрагозу менен жолугушту.
Жолугушуу Португалиянын Сауд Арабия Падышалыгындагы Элчилигинин демилгеси менен, Элчи Л.М. Фрагозунун Сауд Арабия Падышалыгындагы дипломатиялык миссиясынын башталышына байланыштуу өттү.
Сүйлөшүүнүн жүрүшүндө тараптар кыргыз-португал өз ара аракеттенүүсүн өнүктүрүүнүн келечегин, ошондой эле көп тараптуу аянтчалардын алкагындагы кызматташтык маселелерин талкуулашты.
Эл аралык жана регионалдык күн тартибинин актуалдуу маселелери, анын ичинде көп тараптуу дипломатиянын ролун бекемдөө, эл аралык коопсуздук, климаттын өзгөрүшү, суу коопсуздугу, жашыл энергетика, азык-түлүк туруктуулугу жана туруктуу өнүгүү маселелери боюнча пикир алмашуу болду. Тараптар 2027-2028-жылдарга БУУнун Коопсуздук Кеңешинин туруктуу эмес мүчөлөрү болуп шайланышы менен бири-бирин куттукташып, үзгүлтүксүз жумушчу байланыштарды колдоого даяр экендиктерин билдиришти.
Кыргыз тарабы Кыргыз Республикасынын БУУнун Коопсуздук Кеңешиндеги алдыдагы мүчөлүгү мезгилиндеги артыкчылыктуу багыттары, ошондой эле Кыргызстандын эл аралык демилгелери, анын ичинде 2027-жылы Кыргыз Республикасында өткөрүлө турган «Бишкек+25» 2-Глобалдык тоо саммити тууралуу маалымат берди.
Жолугушуунун жыйынтыгында тараптар кыргыз-португал диалогун мындан ары өнүктүрүүгө, өз ара кызыкчылык туудурган маселелер боюнча өз ара аракеттенүүнү бекемдөөгө, ошондой эле БУУ жана башка эл аралык аянтчалардын алкагында координацияны улантууга кызыкдар экендиктерин ырасташты.
Жолугушуу конструктивдүү жана достук маанайда өттү.
