Hiree Koo

20/12/2021

Wanti akka bidiruu
Jalli bishaanumaa
Wol argaan hin jiru
Falli imimmani

14/12/2021

03/12/2021

"Dhugaa fi lubbuun
Guyyaa rabbi jedhe baati"
Mammaaksa!!

27/11/2021

?

Gaafa kan harki dhiigaa
Fakkeeffamu qulqulluu
Gaafa sobni dhiita'u
Akka gaarreniif tulluu

Bara sobni wal horee
Ulfi haqaa gatate
Bara daangaan kijibaa
Addunyaatti bal'ate

Yeroo tafkiin qaxxisee
Geergoon utaaluu yaalu
Yeroo beekaan callisee
Doofaan qe'ee nu dhaalu

Yeroo gareen sobdootaa
Samii keessa utaalu
Yeroo falmataan haqaa
Qoleedhaan lafa laalu

Yeroo harreen bookkisee
Sangaan immoo caraanu
Yeroo qarri dachaanaan
Doomaan nama waraanu

Yeroo qamadii qonnaan
Hingirdaadi biqilu
Yeroo murni xixiqqaan
Abbaa biyyaa fincilu

Yeroo gabroomsaan horee
Qe'ee namaarra yaasu
Yeroo garbichi quufee
Gooftaatti mataa raasu

Eessa jirta yaa dhugaa?
Mee gaaffii si gaafadhuu?
Keessookoo sa bokokse
Afaan saaqee baafadhuu?

Gadheen labata keenya
Akka garbuu hin haamnee?
Harka lafa jalaatiin
Qabeenya keenyan saamnee?

Yeeyyiin gogaanshee hoolaa
Saba nagaattin duullee?
Shira 'Araara' jedhuun
Reeffa walirran tuullee?

Abukaattoowwan dhugaa
Gootota hedduun dhabnee?
Qoleen saba garraamii
Wanjoo diinaan hin cabnee?

Cilee gurraacha dibee
Seenaa keenyaan haguugnee?
Saba Gadaadhaan bulu
Gadoodhaan hin daguugnee?

Funcaa dachaa sagaliin
Qeerroof qarree hin hiinee?
Hirreedhaan nu hacuuccee
Afaan qawween nun miinee?

Kan boriif abdataman
Qileetti hin darbamnee?
Daa'imman abdiin biyyaa
Mirgisaa hin sarbamnee?

Dhugaa sobaan haalanii
Nun goonee saamtuu baankii
Lafarraa nu haxaahuuf
Hin fidnee jeettiif taankii?

Nutoo akkasiin jirraa!
Kumaatama awwaallee
Eessa jirta? yaa dhugaa!
Bakka jirtu wallaalle
🙏🙏🙏🙏🙏

✍️✍️

11/11/2021

Baranee barri lama
Tokko bara fuudhe
Tokko bara duule

02/11/2021

በህይወት ውስጥ የሆነ ቀን…

ያስከፉሽ ሰዎች ይቅርታ ይጠይቁሻል…ለያውም ከረፈደ በኋላ…ሊያውም እንዳሉ እንኳን ከረሳሻቸው ወዲያ…የነበረሽን ስሜት ካጣሽው በኋላ በነሱ ምክንያት ብዙ ነገረሽ ከተበላሸ በኋላ ይቅርታ ይሉሻል…ግን ያ ይቅርታ አሁን ምን ያደርጋል?…