https://www.facebook.com/170843043393562/

NYC Ngoma, Ngoma, Kigali (2026)

23/06/2019

Kuri uyu wa gatandatu tariki 22/06/2019 ku Cyanya cy'urugerero rw'Akarere ka Ngoma ruciye ingando mu Murenge wa Sake, hashojwe urugerero rwari rwaratangiye tariki 12/05/2019 rukaba rumaze iminsi 40.

Ibirori byitabiriwe n'abayobozi batandukanye ku rwego rw'Akarere barimo
Bwana NAMBAJE Aphrodise, Umuyobozi w'Akarere ka Ngoma byabimburiwe ni igikorwa cyo gutaha ku mugaragaro inzu 2 zubatswe n'intore z'urugerero ruciye ingando zubakiwe:
MUKABARANGA Annonciata na NIZEYIMANA Augustin bo mu Mudugudu wa Nyakariba,Akagari ka Rukoma, Umurenge wa Sake.
Uretse izo nzu kandi, intore zakoze ibikorwa nyinshi bigamije gukemura bimwe mu bibazo bibangamiye imibereho myiza y'abaturage bifite agaciro ka 23,610,000Frw.

Mu ijambo ry'ikaze ry'umunyamabanga Nshingwabikorwa w'Umurenge wa Sake MUKAYIRANGA Gloriose, yashimye Ubuyobozi bw'Akarere ndetse n'inzego z'umutekano bagize uruhare runini mu migendekere myiza y'itorero, rikaba rishoje nta kibazo bahuye nacyo.

Bwana NIYOYITA Kevin,akaba Intore yari ihagarariye izindi, yashimiye by'umwihariko Abatoza babubatse mu bitekerezo, yizeza Ubuyobozi bw'Akarere ko ibyo bize ari impamba izabafasha mu buzima busanzwe.

RUTAGENGWA Bosco Umutware w'icyanya cya Sake, yashimye ko iri torero ryafashije kwesa Imihigo bahize ritangira birimo gufasha abatishoboye hakoreshejwe ibikorwa by'amaboko, kubaka abantu mu mitekerereze byose hamwe bifite agaciro ka 23,610,000Frw ndetse n'intore zitwaye neza akaba yijeje Ubuyobozi ko zizakomeza gufasha abaturage aho batuye muri gahunda zitandukanye.

MUKABARANGA Annonciata, umuturage wubakiwe inzu n'izi ntore,wo mu Mudugudu wa Nyakariba, Akagari ka Rukoma,Umurenge wa Sake yashimiye Ubuyobozi bwiza burangajwe imbere na Nyakubahwa Perezida wa Repubulika Paul KAGAME washyizeho iyi gahunda nziza ari nayo yatumye abona inzu nziza yubakiwe n'izi ntore.

Mu ijambo ry'umushyitsi mukuru Bwana NAMBAJE Aphrodise, Umuyobozi w'Akarere ka Ngoma,yavuze ko itorero ryitabiriwe 100.8%,ashima uruhare rukomeye intore zagize mu bikorwa bitandukanye bigamije imibereho myiza y'abaturage, ndetse n' Abatoza ubwitange bagize batoza mu minsi 40, abizeza ko Ubuyobozi bw'Akarere buzakomeza kubizirikana iminsi yose.
Posted by Rodrigue

14/11/2018

Muri aya mezi y' Ukwakira n'Ugushyingo 2018, Mu karere ka Ngoma haranzwe ibikobwa by'inama y'igihugu y'urubyiruko bijyanye n'imihigo yuyu mwaka. hibanzwe mu bukangurambaga mubigo byose by'amashuri yisumbuye yose ari mu karere.
Ubukangurambaga bwibanze kuri ibi bikurikira:
1. Kwibumbira mu matsinda yo kwizigama
2. Uburere mboneragihugu n'umuco w'ubukorerabushake mu rubyiruko
3. Kwirinda inda ziterwa abangavu, sida, Ibiyobyabwenge na STDs.
Ibiganiro byatanzwe kubufatanye n'inzego zitandukanye zirimo izubuyobozi bwa Akarere, Abafatanyabikorwa ndetse nabayozi ku Mu NZEGO Z'urubyiruko.

By Rodrigue

12/08/2018

Kuri uyu wa Gatandatu le 11/8/2018 mu murenge wa GASHANDA habaye umunsi mpuzamahanga w'urubyiruko aho twabanje gukora umuganda mu kibuga giherereye mu kagari ka MUNEGE, umudugudu wa GAKUTO,

aho twagize amahirwe yo kwifatanya na MAYOR, VICE MAYOR USHINZWE UBUKUNGU, BOSCO RUTAGENGWA, HAKIZIMANA AUGUSTIN, ABAHAGARARIYE INZEGO Z'UMUTEKANO ( police, DASSO, abasirikare, ...), ......

Nyuma y'umuganda twakomeje aho twateguriwe kuganirira murugendo rwari ruranzwemo na molare nyinshi.

Uyu munsi kandi wijihirihwe no Mutugari twose twa Akarere ka Ngoma kimwe nahandi Mugihugu.
by Rodrigue

27/05/2018

Mwiriwe neza, uyu munsi kuwa 25/5/2018 mu Karere ka Ngoma guhera 8h00 kugeza 14h00 hakozwe inteko rusange y'Urubyiruko ku rwego rw'Akarere ikaba yitabiriwe n'urubyiruko rw'abayobozi bahagarariye abandi bagera ku 121. Yari itumiwemo Abakozi b'Imirenge bashinzwe uburezi (SEOs) n'abafatanyabikorwa batandukanye. Inteko rusange yatangijwe n'Umuyobozi w'Akarere ka Ngoma Bwana NAMBAJE Aphrodise wari kumwe n'Umuyobozi w'Akarere wungirije ushinzwe Iterambere ry'Imibereho myiza y'abaturage Madamu KIRENGA Providence. Umushyitsi mukuru yari Bwana RUBWIRIZA Jean D'Amour Umuhuzabikorwa wungirije w'Inama y'Igihugu y'Urubyiruko ku rwego rw'Igihugu.
M'ubutumwa Umuyobozi w'Akarere yatanze atangiza inama yasabye urubyiruko kwita ku nshingano batorewe bateza imbere urubyiruko.
Umushyitsi mukuru yasabye urubyiruko rwa Ngoma guharanira kuba indashyikirwa mu kubaka Igihugu anabashimira ibikorwa byiza bakora bateza imbere urubyiruko.

Hatanzwe ibiganiro bitandukanye aribyo:
1. Ikiganiro kuri gahunda y'Iguhugu yo guteza imbere urubyiruko (Cyatanzwe na BDE&BDF& Yego Center)
2. Ikiganiro ku ngamba zo kurwanya ibibazo bya Human security(cyatanzwe na Director of Health Unit Ngoma)
3. Ikiganiro ku matora y'Abadepite(cyatanzwe n'umuhuzabikorwa wa NEC Ngoma)
4. Ikiganiro ku ikoreshwa ry'imbuga nkoranyambaga mu kugaragaza ibyagezweho (cyatanzwe na Muhire Rodrigue)
By Rodrigue Muhire

12/05/2018

None kuwa 11/05/2018 mu karere ka Ngoma habaye igikorwa cyo kwibuka urubyiruko rwazize jenoside ya korewe abatutsi ku rwego rwa karere byabereye mu murenge wa zaza . Icyo gikorwa cyitabiriwe nabashyitsi batandukanye bayobowe na Bwana Rwiririza Jmv V/M FED, umuyobozi w'ingabo mu karere ka Ngoma LTCol MAZURU, DPC w 'akarare ka Ngoma SSP Vita Hamza, uhagarariye CNLG ngoma, Ibuka, abakozi ba karere,ESs Singirankabo j. Claude.
Ibikorwa byabimburiwe n'urugendo rwo kwibuka rwakozwe nabitabiriye igikorwa. Hatanzwe ikiganiro kijyanye no kwibuka jenoside yakorewe abatutsi.
Hatanzwe ubuhamya bw'umwe warokotse jenoside wari urubyiruko, warokokeye Mu murenge wa zaza, Urubyiruko rwagize umwanya wo gusinyana igihango cy'urungano no kugihamya n'ubuyobozi bw'akarere . Mubutumwa umushyitsi yatanze bwari ubutumwa bwo guhumuriza abacitse kwicumu rya Jenoside ndetse no kwibutsa urubyiruko ko ari rwo mbaraga zigihugu, kandi rukwiye guhagurukira hamwe rukamagana ingengabitekerezo ya jenosode, rukanakorera hamwe mu kwiteza imbere no guteza imbere igihugu kuko bafite ubuyobozi bwiza burangajwe imbere na Nyakubahwa Perezida wa Repubulika Paul Kagame.
*Rubyiruko Twibuke Twiyubaka*

10/04/2018

Abanyarwanda Baribuka Jenoside yakorewe Abatutsi mu 1994. Urubyiruko rwa Akarere ka Ngoma Rwifatanyije n'Abacitse kw'Icumu bari hirya no hino mu Karere ka Ngoma. Hakomeje gukorwa Ibikorwa birimo Kuremera Abacitse kwi Icumu Batishoboye ndetse no Kubaha umuganda hari mo kububakira ndetse no kubafasha kuyindi Mirimo ibagora.
By Rodrigue M. Muhire

08/04/2018

Ku Italiki ya 07/04/2018 mu Murenge wa Gashanda, Akagari ka Cyerwa / Ngoma, kuri EP Bitare niho Hatangiriye Kwibuka Jenoside yakorewe abatutsi ku nshuro ya 24 u rwego rw'Akarere ka Ngoma. Ni umuhango witabiriwe n'abaturage benshi babarirwa mu bihumbi bavuye mutugari twose 4 twa Gashanda, n'abo mu Kagari ka Nkanga ko mu Murenge wa Sake. Tukaba twari kumwe na Nyakubahwa Mayor w'akarare ka Ngoma. Naho umushyitsi mukuru akaba yari Nyakubahwa Guverineri w'intara y Iburasirazuba. Twasuwe kdi na ba Honorable Depite barimo Nkusi Juvenal, Nyiricyubahiro Musenyeri wa Diyosezi ya Kibungo, Abakuru b'Ingabo na polisi, ndetse n'abavuka kdi barokokeye muri Gashanda (hitwaga Segiteri Ruyema I, komini mugihe cya Jenoside) batuye mubindi bice by'igihugu. Umuhango watangijwe no kumva ubuhamya bw'Umuturage wo muri Gashanda/Cyerwa, uwo se ariwe wishwe kwikubitiro, yishwe nuwari Depite Sylvan Mutabaruka kuya 7/4/1994 kuri central catholique ya Munege iri mu Kagari ka Cyerwa/Gashanda, akamwica atanga urugero kubaturage. Muri gahunda nyirizina, hatanzwemo ubutumwa bwinshi haba mu buhamya bwatanzwe n'uwaharokokeye, drama, n'indiririmbo. Humviswe kandi ikiganiro cyateguriwe kwibuka cyo kuya 07/04/2018 cyatanzwe na Rector wa UNIK cyibanze ku itandukaniro rya Jenoside nubundi bwicanyi. Ndetse mu bafashe umwanya wo gutanga ubutumwa habonetsemo Honorable Nkusi J, na President wa Ibuka mu Karere ka Ngoma. Mu ijambo rye yavuze anakira abashyitsi, Nyakubahwa Meyor wa Ngoma yibanze ku kwihanganisha abarokotse Jenoside, anaboneraho no gusaba abaturage kwirinda no gukumira ingengabitekerezo ya jenoside aho yava hose. Mu ijambo ry'Umushyitsi mukuru, Nyakubahwa GUVERINERI w'intara y'Iburasirazuba yakomeje abacitse kwicumu rya Jenoside, Abahumuriza ko bafite igihugu, kandi kitazigera kirangwamo Jenoside cyangwa ubundi bwicanyi ukundi.
Yashimiye abaturage, kuba imvura yaramutse igwa ntacyo yabatwaye ahubwo bakitabira kubwinshi, ko urwo ari urugero rwiza rwaho tugeze mu myumvire.
Yashimiye peresidant wa Repuburika kuba yarayoboye urugamba, ingabo yari ayoboye zikarwana urugamba zibohora igihugu ariko zikanarokora abicwaga muri Jenoside.
Yashimiye kandi abarokotse kuba amateka ya jenoside atarababujije kubaho kdi bakabana nabandi banyarwanda kandi bitari byoroshye, kandi ko abakoze jenoside batsinzwe, aho bari hose bikoreye umutwaro wibibi bakoze, ko ibyo ubwabyo twabikuramo isomo ryo kuzirikana kugira ubumuntu.

Muri uyu muhango abaturage bakurikiye ijambo perezida wa Republika yageneye uyu munsi.

24/03/2018

Mwiriwe neza,
None kuwa 24/3/2018 mu mirenge 14 igize akarere ka Ngoma hakozwe umuganda wihariye w'urubyiruko wibanze ku bikorwa bikurikira:
1. Gusukura inzibutso za Jenoside yakorewe abatutsi mu 1994
2. Gufasha abacitse ku icumu rya Jenoside batishoboye.
3. Nyuma y'umuganda urubyiruko rwasobanuriwe amateka mabi yaranze u Rwanda mu 1994 na mbere yaho runashishikarizwa guharanira kubaka u Rwanda ruzira amacakubiri n'ingengabitekerezo ya Jenoside
Ku rwego rw'Akarere umuganda wakorewe mu Murenge wa Mutenderi; hakozwe isuku ku rwibutso ruri muri uyu murenge.
By Rodrigue

12/01/2018

Itorero INKOMEZABIGWI icyiciro cya 6 cyashojwe uyu munsi taliki ya 12/01/2018 mu Gihugu hose. uku ni nako byagenze mu Karere ka Ngoma kuri site 3 zatorezwaga ho Intore. kuri site ya Kabare ahatorezwaga abagera kuri 423 baturutse mu Mirenge ya Mutenderi, Kazo, Kibungo, na Rurenge. izi ntore zigiye gukomereza imirimo y'itorero ku Rugerero aho bazamara amezi 6 bafasha mwiterambere ryaho bakomoka.
By Rodrigue

NYC Ngoma

23/06/2019

14/11/2018

12/08/2018

27/05/2018

12/05/2018

10/04/2018

08/04/2018

24/03/2018

12/01/2018

Address

Telephone

Website

Alerts

Contact The Organization

Shortcuts

Share

Category