Rwanda Investigation Bureau

07/04/2026

Ubutumwa yageneye abaturarwanda muri iki gihe cyo ku nshuro ya 32 Jenoside yakorewe Abatutsi muri 1994.

24/03/2026

Uyu munsi, Umunyamabanga Mukuru wa RIB, Pacific Kabanda yafunguye ku mugaragaro inama y'iminsi ibiri y’Umuryango w’Ubufatanye uhuza abayobozi bakuru ba Polisi muri Afurika y’Iburasirazuba ( ) ibera i Kigali.

Iyi nama ikaba igamije kurebera hamwe ibyagezweho no gushyiraho ingamba nshya z'imikoranire mu gukumira no kurwanya ibyaha byambukiranya imipaka n'iterabwoba mu bihugu bigize uyu muryango.

Mu ijambo rye afungura iyi nama ku mugaragaro, Umunyamabanga Mukuru wa RIB yashimiye ibyo umuryango umaze kugeraho, asaba abitabiriye iyi nama gukomeza gusangira ubumenyi, n'imikorere igezweho mu guhangana n'ibyaha.

Yabasabye no gukomeza kwiyemeza kugendera ku ndangagaciro z'umuryango arizo ubumwe, ubufatanye n'umurimo kugirango bakomeze kugera ku byo umuryango wiyemeje.

20/03/2026

Umuyobozi w'Ishami rishinzwe INTERPOL n'Ubufatanye n'izindi nzego muri RIB, Ngarambe Antoine ari kumwe n’umuyobozi w’ibikorwa muri IOM Erika De Bona ,Umuyobozi w'Akarere ka Bugesera Mutabazi Richard bayoboye umuhango wo gusoza ku mugaragaro ubukangurambaga ku cyaha cy’icuruzwa ry’abantu bwakorerwaga mu Turere turindwi duhana imbibi n’imipaka y'ibihugu bituranye n'u .

Ubukangurambaga bwasorejwe mu Karere ka Bugesera, bwateguwe na RIB ku bufatanye n’Umuryango Mpuzamahanga wita ku bimukira IOM buterwa inkuga n’Igihugu cy’Ubuyapani.

Bukaba bwari bugamije gusobanurira abaturarwanda icyo cyaha cy'icuruzwa ry’abantu ingaruka kigira ku wagikorewe no ku gihugu, amayeri akoreshwa, n'ingamba zihari zo kukirwanya.

Bwana Ngarambe yashimye ubufatanye na IOM ku mitegurire n’imigendekere myiza y’ubu bukangurambaga ndetse n’Igihugu cy’Ubuyapani ku nkunga yacyo, hamwe n'ubuyobozi bw'Uturere aho bwakorewe.

24/12/2025

UBUTUMWA BW’URWEGO RW’UBUGENZACYAHA (RIB) BUGENEWE ABATURARWANDA MURI IKI GIHE DUSOZA UMWAKA TUNATANGIRA UMWAKA MUSHYA WA 2026

24/12/2025

01/12/2025

Uyu munsi, RIB yasubije telefoni 431 z'ubwoko butandukanye zifite agaciro k'amafaranga angana na 94,500,000 Frw, zari zaribwe ba nyirazo zifatirwa mu bice bitandukanye by’Igihugu.

RIB iraburira abantu bishobora mu bikorwa by'ubujura bwa telefoni ko bakwiye kubihagarika kuko ingamba za ngombwa zihari zo gukurikirana no guhana abishora muri ibyo bikorwa.

RIB iributsa kandi abantu bose kutajya bagurira telefoni aho babonye hose kuko hari iziba zigurishwa zaribwe.

26/10/2025

U Rwanda rwasubije imodoka eshanu zari zaribwe mu gihugu cy’Afurika y’Epfo. Izi modoka zafatiwe ku mipaka ya Gatuna, Rusumo na Bugarama mu bihe bitandukanye zinjira mu gihugu.

Igikorwa cyo gusubiza izi modoka cyabereye ku cyicaro gikuru cy’Urwego rw’Ubugenzacyaha (RIB).

RIB yari ihagarariwe n’Umuyobozi w'Ishami rya INTERPOL muri RIB, Antoine Ngarambe naho Polisi y’Afurika y’Epfo yari ihagarariwe na Lt. Col. Brian Butana Mashingo, ushinzwe ishami ryo kugenza ibyaha byerekeranye n'ibinyabiziga.

22/10/2025

Umunyamabanga Mukuru Wungirije wa RIB, Kamarampaka Consolée yakiriye kuri Isange One Stop Center (IOSC) Kacyiru itsinda ry' abadepite bo mu nteko ishingamategeko y'u Rwanda bagize Komisiyo y'Imiyoborere, Uburinganire n'Ubwuzuzanye bw'Abagabo n'Abagore,

Ibiganiro byabo byibanze ku gusuzumira hamwe serivise zitangwa na IOSC, ubufatanye n'imikoranire hagati y'inzego, imbogamizi n'ingamba zihari kugira ngo IOSC irusheho gukomeza gutanga serivise nziza mu gukumira no kurwanya ihohoterwa rishingiye ku gitsina .

01/10/2025

Urwego rw’Ubugenzacyaha (RIB) rurasaba abaturarwanda kugira amakenga igihe bagana za banki gushaka serivisi zitandukanye zirimo izo kubitsa cyangwa kuvunjisha amafaranga y’amahanga, kuko hari abatekamutwe bashuka bamwe mu baje gushaka izo serivise babizeza inyungu bikarangira babibye.

Hashingiwe ku birego bitandukanye no mu bikorwa byo kurwanya no gukumira ubu butekamutwe, RIB yafashe agatsiko k’abamaze iminsi bakora ubu butekamutwe barimo Nkurunziza John wiyita Shumbusho Sumaile, Dushimiyimana Emmanuel wiyita Christian na Gatongore Issa.

Soma inkuru irambuye hano: https://www.rib.gov.rw/updates/news/news-detail/rib-irasaba-abagana-za-banki-kugira-amakenga-birinda-ubutekamutwe-bwadutse

08/09/2025

Hashingiwe ku birego bitandukanye bijyanye n’ubwambuzi bushukana bukorerwa kuri telephone, RIB ku bufatanye na Polisi y'Igihugu n'izindi nzego yafashe abantu bagera kuri 26, igaruza amafaranga angana na 15,000,000 Frw ndetse ifatira n’imitungo bakuye mu mafaranga bibye igizwe n’amasambu, amatungo ndetse na telefone bifite agaciro ka 10,000,000 Frw.

Aba bajura bakoresha amayeri atandukanye harimo kwiyitirira ibigo by’itumanaho bagahamagara umuntu cyangwa bakamwoherereza ubutumwa bugufi bakamusaba kugira imibare akanda kuri telephone ye.

Hari abashukana bakabeshya ko bayobeje amafaranga bagasaba umuntu kuyabasubiza, cyangwa bagatera ubwoba ko bafungisha konti ya momo y’uwo bashaka kuyatwara n’andi mayeri menshi.

Abafashwe bakurikiranyweho ibyaha birimo; gushyiraho umutwe w’abagizi ba nabi, kwihesha ikintu cy’undi hakoreshejwe uburiganya, kwiyitirira umwirondoro, kudasobanura inkomoko y’umutungo n’icyaha cy’iyezandonke.

RIB irakomeza kwibutsa abantu kugira amakenga no kwima amatwi ababahamagara biyitirira ibigo by'ibyitumanaho bakabasaba kugira imibare runaka bakanda kuri telefone zabo. Iranaburira abafite imigambi yo kwishora muri ibi byaha kuyireka bagashaka imibereho mu buryo bukurikije amategeko.