توجيهي أستفسارات :$

توجيهي أستفسارات :$ صفحة لمساعدة طلبة التانوية العامة في فلسطين

25/07/2022

يوم #السبت الساعة 9 صباحا
حنسمع صوت الزغاريد والاحتفالات وحنشوف صواني الحلو طالعة داخلة من كل بيت فيه طالب #توجيهي

وياسلاااام على لمّة الحبايب والأهل والأقارب واستقبال التهاني والتبريكات في كل بيت
والفيس كلو بيهني ومحتار شو يكتب عبارات جميلة للناجحين

ربنا مايحرم كل بيت فيه طالب توجيهي من فرحة النجاح يارب العالمين 🤲❤💙💚

01/01/2022

صلوا على الحبيب ي عباد الله

30/07/2021

باقي كم يوم وتظهر نتائجكو ونتائج مجهوداتكو ..ربنا مابضيع مجهود اي حد ولكل مجتهد نصيب ...بس أنتو حرفياً ناجحين في التوجيهي وخلص.

- أنتو نجحتوا في امتحان عدم التَّقصير.
- نجحتوا في امتحان بذل الجُهد.
- نجحتوا في امتحان الاعتماد على النَّفس.
- نجحتوا في امتحان ضبط النَّفس مع قرارات مُتضاربة عشوائيَّة.
- نجحتوا في امتحان التوكُّل على الله.
- نجحتوا في امتحان استكمال الطَّريق.

وبالتالي أي حدا بسألني عن طلبة التوجيهي أنا كـ (شهد) فأنا رح احكي بقلب قوي :
" مُبارك عليهُم كلهُم نجاحهُم "
وإنهُم مُؤهلين ليدخلوا أي تخصُّص ويبدعوا فيه ويطلعوا أشخاص مُنتجين قادرين يتحمَّلوا مسؤوليّات أيًّا كان وزنها ومكانها.

- مُبارك عليكُم النَّجاح حبايبي، أنتو حرفياً كفِّيتوا ووفِّيتوا
#منشن

30/07/2021

يوم الثلاتاء يوم الفرحة العارمة

30/07/2021

بمناسبة اقتراب النتايج لآزٍمٍ اشاركوو قصتي
هاد يا سيدي م̷ـــِْن يوم ما خلصت امتحانات والكل يسألني قديش تتوقعي وانا مقولش
المهم ليلة النتايج الكل قاعد عأعصابو واناا قاعدة بتفرج ع فيلم الكرتوني روبنزل 😅😅
المهم صحتني ماما م̷ـــِْن ال6 الصبح الحق الصلاه ومعرفتش انام م̷ـــِْن بعدها 💔
وضليت واقفة عالباب استنا كأنها بدها تجي النتيجة مشي بالشارع
المهم كل العيلة بتستنا وخايفين وعأعصابهم وانا عالفيس ولا عبالي حاجة 😅
اجا خالي خايف اكتر مِڼـّي صار يخوفني وانا متأثرش بالاخر بيحكيلي يا بطخلك يا بطخك برجليكي 💔
هان خوفت ارتعبت ومتت
وبدها تنزل اول دمعة صارت ماما تصرخ ورمت الجوال لخالي
وصلت الرسالة 🥰 وانا هربت
لسا عأول درجة
صار خالي يصرخ •اللّـہ̣̥ اكبر نجحتي انا م̷ـــِْن الصدمة صرت بدي اصرخ وخفت سكتت لقيت الكل صار يصرخ بجنون 🥰🥰🥰
انهبلت وصرت اصيح واصرخ هستيري ومش قادرة اقف م̷ـــِْن الفرحة وبعديها عنجد الدار مفضيتش حرفيا سدر الحلو خلص بيووم بس عنجد احلى يوم بحياتي
وعنجد فرحة نص ساعة بتستاهل تعب سنة كاملة

ولو رجع الزمن برجع كمان مرة اقرا بزيادة بس عفرحة هالساعة 🥰🥰🥰🥰🥰🥰🥰
ان شالله بتجربو وبتفرحو ومبيضيعش تعبكووو

وأهم نصيحة #افرح بمعدلك شو ماكان لانه الفرحة مابتعوض وبالنهاية كلو فالجامعة ع نفس المقعد ..افرح وفرح أهلك بفرحك وربنا يكرمكو جميعااا

التسجيل لغير المستكملين لدورة شهر ١٢ لمبحث او مبحثين من يوم الاحد الموافق 1/11/2020 لغاية يوم الخميس الموافق 19/11/2020
25/10/2020

التسجيل لغير المستكملين لدورة شهر ١٢ لمبحث او مبحثين من يوم الاحد الموافق 1/11/2020 لغاية يوم الخميس الموافق 19/11/2020

24/10/2020

التربية تؤكد على الدوام الوجاهي بكافة مدارس الضفة.

13/10/2020

اليوم التلاتاء وغدا الأربعاء 28 من شهر ٣ دراسة الوحدة الأولى من الكتاب التفاضل
الخميس راح29 من الساعة التالتة الى الرابعة قراءة سورة يس لتزيدك ذكاء وأذكار الصباح وتمارين رياضية ولو بالكزب 😂😂 والفطور بدون ما أحكيلكم طبعا
من الساعة الرابعة إلى السادسة صباحا حفظ درسين دين متل اسمك تم راحة نصف ساعة
من الساعة السادسة والنصف إلى العشرة ونصف دراسة الدرس الاول درس متوسط التغير من الوحدة التانية بما انو تم الانتهاء من الوحدة الأولى يتتزكروا وحل جمييييع الأسئلة المتعلقة بالدرس ولو بدك تخترع أسئلة 😂
بعدين راحة نص ساعة ويعطيكوا العافية
من الساعة الحادية عشر إلى الرابعة مساء دراسة فصل كمية التحرك الخطي والدفع يعني أول فصل من الفيزياء وحل أسئلة ضروري وراحة نص ساعة
من الساعة الرابعة والنصف إلى الساعة التاسعة مساءً الانتهاء من الوحدة الأولى من الانجلش
من الساعة التاسعة إلى العاشرة قراءة سورة الملك ومراجعة درسين الدين قبل النووم وبدون لف ودوران ممنوع حد يفوت نت قبل النوم لانوا في استيقاظ على الساعة التالتة
هيككك في يوم الخميس بتكون مخلصين درس رياضيات ودرس دين وفصل فيزياء ووحدة انجلش بيتم الاستمرار بهذا النظام لمدة عشر أيام بعد عشر أيام يصبح التاريخ ٨\٤ في هذا اليوم يتم الانتهاء من الفيزياء والانجلش و٢٠ درس دين يعني النصف والرياضيات الكتاب الأول ماااا عدا 5 دروس من القيم القصوى الى المعدلات الزمنية المرتبطة بتاريخ ٩و١٠ من شهر ٤ دراسة والدروس الأربعة وحل تمارين وما تنسوا الدين كل يوم درسين
وهيكك بتكون خلصنا بإذن الله الفيزياء والانجلش والرياضيات الكتاب الأول و٢٤ درس دين الدين بنكملوا كل يوم درسين أول باول حطوه على جنب شو بضل الكيمياء والرياضيات الكتاب التاني والاحياء والعربي والتكنولوجيا للاخر شي
بنرجع للتاريخ في ١١ و١٢ من شهر ٤ روحوا ع البحر بس بالحلم الابيض 😂😂 في هاليومين بدكم تختموا الوحدة الأولى من كتاب التكامل وما تنسوا زائد درسين الدين كل يوم زائد تأجيل طشة البحر لبعد العيد
من ١٣ إلى ١٨ من شهر ٤ هدول ٦ أيام يتعرفوا شو يعني يعني ٦ زائد ٦ ختم مادة الأحياء و١٢ درس دين على مدار السنة أيام والانتهاء من وحدة الاحتمالات الدروس موزعين على مدار ال٦ أيام
ما بضل علينا الا وحدة القطوع المخروطية والكيمياء والعربي والتكنولوجيا
من تاريخ ١٩ إلى ٢٤ في ٦ايام ختم الكيمياء ووحدة ال

13/10/2020

* #تنويه مهم*:نظراً لزيادة حالات الإصابة بفيروس كورونا في مخيم البريج و حفاظاً على سلامة طلابنا و طالباتنا، فقد تقرر إغلاق مدارس ( مدرسة البريج الثانوية أ للبنات و البريج الثانوية ب للبنات، مدرسة فتحي البلعاوي الثانوية و الأساسية )
حتى إشعار آخر لحين صدور قرار جديد من الجهات المختصة.
مديرية التربية والتعليم - الوسطى

Address

فلسطين
Rafah

Website

Alerts

Be the first to know and let us send you an email when توجيهي أستفسارات :$ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category