Embassy of the Republic of North Macedonia in Poland

Embassy of the Republic of North Macedonia in Poland Welcome to the official page of the Republic of North Macedonia Embassy in Poland.

Министерот за надворешни работи и надворешна трговија на Република Северна Македонија, Тимчо Муцунски, на 25.март оствар...
26/03/2026

Министерот за надворешни работи и надворешна трговија на Република Северна Македонија, Тимчо Муцунски, на 25.март оствари работна посета на Полска.
На средбата со потпретседателот на полската Влада и министер за надворешни работи, Радослав Шикорски, беа констатирани одличните билатерални односи, како и совпаѓањето во ставовите за клучните геополитички прашања, како партнерски држави во НАТО.
Полската страна повторно изрази поддршка за нашите аспирации за влез во ЕУ, нудејќи помош за изнаоѓање прифатливо решение.
Беше истакнато задоволството што Полска се проби меѓу првите 10 наши трговски партнери (во 2025 година, го зазеде 9-то место со 685 милиони долари трговска размена), но беше констатирано дека постои голем простор за проширување на трговската размена, и покрај одредените проблеми со кои се соочувааат нашите транспортери. Беше поздравен влезот на PEPCO на македонскиот пазар, каде веќе подолго време се наоѓаат ASSECO, Ziaja, Sinsay и други полски фирми, како и купувањето на „Еуро-композит“ од Прилеп од страна на компанија од Краков.

По тет-а-тет средбата и работниот ручек, двајцата министри одржааа заедничка прес-конференција

Во рамките на посетата, МНРиНТ Муцунски оствари средба и со претседателката на Комисијата за ЕУ во полскиот Сејм, Агњешка Помаска, на која се разговараше за модалитетите и условите за можниот почеток на нашите преговори за членство во ЕУ.

По повод 83-та годишнина од депортацијата на 7144 Евреи од Македонија во логорот на смртта-Треблинка, во кој животот го ...
13/03/2026

По повод 83-та годишнина од депортацијата на 7144 Евреи од Македонија во логорот на смртта-Треблинка, во кој животот го загубија околу 900.000 лица, Претседателката на Република Северна Македонија, г-ѓа Гордана Силјановска-Давкова, на 10 март го посети Меморијалниот центар Треблинка каде, најпрвин, положи венец на централниот споменик за сите убиени на ова место- едно од најстрашните и најмонструозните локации во историјата на човештвото. Потоа таа положи венец и на спомен-обележјето за нашите убиени Евреи, каде одржа говор во кој, меѓу другото, порача дека жртите нема никогаш да бидат заборавени, но и дека нема да се заборави кој и на каков начин придонесе за нивната страшна судбина во 1943 година.
Свои венци и соодветни говори одржаа и претставниците на Фондот на холокаустот на Евреите од Македонија и на Еврејската заедница нашата земја.
Меѓу другите активности, Преседателката, во просториите на Амбасадата во Варшава, оствари средба со претставниците на нашата дијаспора во Полска.
Претставниците на Фондот на холокаустот на Евреите од Македонија и на Еврејската заедница, остварија средби со: претставници на Министерството за култура и наследство на Полска, со директорот на Фондацијата Аушвиц, Војчех Сочевица, како и со директорот на музејот ПОЛИН, Дариуш Стола

На 4.март, во организација на Instytut Pamieci Narodowej во Варшава, се одржа проекција на филмот „Macedonczyk“ на режис...
05/03/2026

На 4.март, во организација на Instytut Pamieci Narodowej во Варшава, се одржа проекција на филмот „Macedonczyk“ на режисерот Петро Алексовски, посветен на судбината на неговиот татко, Мито, еден од илјадниците деца бегалци од Егејска Македонија, кој во 1948 година пристигнало во Полска.
Се работи за исклучително потресен филм, кој во детали ја опишува судбината на Мито Клавчев, како парадигма на десетици илјади слични детски судбини во тој период.
Неправдата нанесена од Грција кон Македонците од Егејска Македонија- која никогаш не е исправена, е исклучително добро документирана во филмот, вклучително и сегашните состојби.
По прикажувањето на филмот се одржа панел дискусија, на која беше разговарано за сите аспекти од настаните по завршувањето на граѓанската војна во Грција и судбината на нашите бегалци. За несебичната помош на Полска кон децата-бегалци, нашата држава е неизмерно благодарна.
Чест да се обрати на присутните имаше и амбасадорот Јасмин Ќахил.

На 20.и 21. февруари, во Варшава се одржа винскиот саем Wine Expo Poland 2026, на кој, земја- почесен гостин, оваа годин...
22/02/2026

На 20.и 21. февруари, во Варшава се одржа винскиот саем Wine Expo Poland 2026, на кој, земја- почесен гостин, оваа година беше нашата земја.

За разлика од многу културни/туристички/прехрамбени саеми во Полска, на кои воопшто не сме застапени, или на многу скромно ниво, овој пат бевме преставени на највисоко ниво, со присуство на некои од најдобрите наши винарии.

Организатор на нашето претставување беше МАРУКО.

На саемот имаше претставници од : БОВИН, ДАЛВИНА, КАМНИК, СТОБИ, МОНТЕКО и ВИНАРИЈА МИЛЕВ

Во петок, 20.февруари, во елитниот ресторан B’Fort беше организирана вечера за претставници на околу 40 компании од Полска, но и од некои од винариите кои се преставуваа на саемот.

Со пригоден говор присутните ги поздрави амбасадорот Јасмин Ќахил, по што претставничката на Вајн Ескејп, Јадранка Клариќ – Кимовска, одржа извонредна презентација за вината од секоја винарија поединечно, при што, присутните имаа можност да ги вкусат претставените вина, заедно со послужената типична македонска храна.

На крајот, претставникот на Wine Expo Poland 2026, ги објави добитниците на наградите. Најголем број специјални награди добија нашите и германските винарии (главната награда ја доби БОВИН, но и другите наши винарии добија специјални награди).

Нашето претставување на овој саем е пример како треба заеднички да се преставуваме на било кој саем во странство. Нашето вино уште еднаш го потврди својот извонреден квалитет.

На 23.јануари, амбасадорот Ќахил оствари посета на Институтот за словенски јазици, кој работи во рамките на Јагелонскиот...
25/01/2026

На 23.јануари, амбасадорот Ќахил оствари посета на Институтот за словенски јазици, кој работи во рамките на Јагелонскиот Универзитет во Краков- најстариот универзитет во Полска.

Амбасадата има одличната соработка со овој Универзитет и Институтот - во 2025 година него го посетија претседателката Гордана Силјановска- Давкова, ректорката на Универзитетот „Св.Кирил и Методиј“, Билјана Ангелова, а одвоена средба со ректорот Јединек имаше и амбасадорот Ќахил.

Професор по македонски јазик на Институтот за словенски јазици е младата Елена Мицевска Змејковска, која е многу активна и успеа бројот на студенти да го удвои.

Овој пат, професорот по македонски јазик на Универзитетот во Будимпешта, Златко Панзов, „гостуваше“ во Варшава и одржа соодветно предавање. Студентите ги поздрави и амбасадорот, објаснувајќи ги предностите од изучувањето на нашиот јазик.

Иста вечер, беше одржан концерт на унгарска група, чиј репертоар е составен исклучиво од македонски народни песни.

Претседателот на Полска, Карол Навроцки и Првата Дама, Марта Навроцка, вчера беа домаќини на традиционалниот Новогодишен...
16/01/2026

Претседателот на Полска, Карол Навроцки и Првата Дама, Марта Навроцка, вчера беа домаќини на традиционалниот Новогодишен прием за дипломтскиот кор во Варшава.
Амбасадорот Јасмин Ќахил, со соругата Јадранка Петрова, имаа можност да остварат кратка средба со полскиот претседателски пар и, покрај другото, да им пожелат среќна и успешна година.

На 22.декември 2025 година, во Амбасадата на Република Северна Македонија во Варшава, амбасадорот Јасмин Ќахил и Извршни...
23/12/2025

На 22.декември 2025 година, во Амбасадата на Република Северна Македонија во Варшава, амбасадорот Јасмин Ќахил и Извршниот директор на Фондацијата Музеј Аушвиц, Војчех Сочевица, го Потпишаа Договорот меѓу нашата Влада и Фондацијата, за наше ко-финансирање на проектот за реновирање на тнр. „Павиљон 17“ во Аушвиц 1, кој е посветен на убиените од поранешна Југославија во овој Концентрационен логор-најужасното место во светската историја. Реновирањето токму на оваа барака-павиљон, заедно со Австрија, заеднички, процентуално, го финансираат сите држави-наследнички на републиките од поранешна СФРЈ.

Македонската амбасада и оваа година имаше задоволство да организира доделување на Новогодишни пакетчиња на дечињата на н...
20/12/2025

Македонската амбасада и оваа година имаше задоволство да организира доделување на Новогодишни пакетчиња на дечињата на нашите државјани кои живеат во Полска.
Се разбира, во релаксирана атмосфера, вработените во Амбасадата имаа можност со родителите и сите присутни, да се осврнат на изминатата година и да ги изложат плановите за идната година.

Среќна Нова Година и Среќни Божикни празници Ви посакува тимот на Амбасадата во Варшава!

Во рамките на традиционалната церемонија при секоја посета на претседател на странска држава, претседателот на Полска, К...
19/12/2025

Во рамките на традиционалната церемонија при секоја посета на претседател на странска држава, претседателот на Полска, Карол Навроцки, на акредитираните амбасадори во Варшава, им го претстави својот денешен гостин-претседателот на Украина, Володимир Зеленски.
На фотографијата е претставувањето на гостинот на македонскиот амбасадор во Полска

Владата на Република Северна Македонија одлучи да додели Благодарници (Certificates of Apprеciaton) на болниците во стра...
15/12/2025

Владата на Република Северна Македонија одлучи да додели Благодарници (Certificates of Apprеciaton) на болниците во странство во кои се лекуваа наши пациенти по ужасната трагедија во Кочани.
На 27.ноември, министерот за надворешни работи и надворешна трговија, Тимчо Муцунски, во рамките на својата посета на Литванија, на министерката за здравство на Литванија, Марија Јакубаускиене, и' врачи Благодарници за болниците во Вилнус и Каунас.
На 12.декември, амбасадорот Ќахил ја посети болницата во Ленчна, при што на д-р Пјотр Томака-директор на Одделот за изгореници, му врачи Благодарница за успешното лекување на двајца наши пациенти.

Во недела, 7.декември во просторот под трибините на најголемиот спортски објект во Полска – фудбалскиот стадион PGE Naro...
08/12/2025

Во недела, 7.декември во просторот под трибините на најголемиот спортски објект во Полска – фудбалскиот стадион PGE Narodowy во Варшава, се одржа традиционалниот Божиќен базар, организиран од Здружението на сопруги/сопрузи на амбасадорите во Варшава.

Со свои штандови беа претставени 62 држави, кои продаваа производи/храна/пијалоци од своите држави. Средствата собрани од продажбата на артиклите, ќе бидат донирани во добротворни цели. Домаќин на овогодишната манифестација беше Амбасадата на Малта.

Како и секоја година, свој штанд имаше и нашата Амбасада. Оваа година ги презентиравме/ставивме на продажба вината на реномираната винарија „Попова кула“ од Демир Капија.

Главен покровител на оваа манифестација е сопругата на Претседателот на Полска. Оваа година, за Марта Навроцка, новата Прва Дама на Полска-сопруга на претседателот Карол Навроцки, ова беше прво вакво покровителство. Во разговор со амбасадорот и неговата сопруга, таа се интересираше за нашите квалитетни вина.

07/12/2025

Македонската амбасада во Варшава има задоволство да ги покани дечињата на нашите државјани во Полска, на, веќе, традиционалната свеченост, на која ќе ги добијат Новогодишните пакетчиња, во придружба на своите родители.
Поканети се и сите оние кои би сакале, во релаксирана атмосфера, да се осврнеме на изминатата година.

Ве чекаме во Амбасадата во ПЕТОК, 19.декември, во 19 часот

Adres

Królowej Marysieńki 40
Warsaw

Telefon

+48226517291

Strona Internetowa

Ostrzeżenia

Bądź na bieżąco i daj nam wysłać e-mail, gdy Embassy of the Republic of North Macedonia in Poland umieści wiadomości i promocje. Twój adres e-mail nie zostanie wykorzystany do żadnego innego celu i możesz zrezygnować z subskrypcji w dowolnym momencie.

Skontaktuj Się Z Ta Organizacja

Wyślij wiadomość do Embassy of the Republic of North Macedonia in Poland:

Skróty

Udostępnij

Kategoria