اصغریہ خیر العمل آرگنائزیشن رجسٹرڈ طولتی کھرمنگ

17/11/2025

*دعوت عام* 📢
*طولتی آل پارٹیز میٹنگ*

علامہ شیخ عابد حسین حافظی کی زیرِ سرپرستی، طولتی کے سیاسی مستقبل کے لیے ایک تاریخی مشاورتی اجلاس منعقد کیا جا رہا ہے۔ لہٰذا طولتی کے تمام سیاسی رہنماؤں، اکابرین، عمائدین، اور نوجوانوں سے درخواست کی جاتی ہے کہ وہ اس میٹنگ میں اپنی شرکت یقینی بنائیں۔ میٹنگ کا مرکزی ایجنڈا مستقبل قریب ہونے والی گلگت بلتستان کے صوبائی انتخابات کے تناظر میں مشاورت اور متفقہ فیصلے کرنا ہے۔
​یہ میٹنگ طولتی کے سیاسی مستقبل کے تعین میں سنگ میل ثابت ہو گی۔ لہٰذا، تمام مدعوین سے گزارش ہے کہ وہ پابندی وقت کے ساتھ اپنی قیمتی آراء اور تجاویز پیش کرنے کے لیے تشریف لائیں۔

📍 *جگہ: خیرالعمل کمپلیکس طولتی*
⏰ *وقت: 02:00 بجے دوپہر*
📅 *تاریخ: 19 نومبر بروز بدھ*

شکریہ

30/10/2025

*اجلاس الرٹ*
*طولتی ، پاری، کمنگو، کمنگو گونس، عظیم آباد کے علماء عمائدین اور جوانان شرکت کریں*

15/10/2025

22/08/2025

21/08/2025

سہ روزہ مرکزی مجالس عزاء

Sheikh Abid Hussain Hafizi

20/08/2025

دعائیہ مجلس
بمقام : مرکزی جامع مسجد طولتی کھرمنگ

18/08/2025

💙

14/08/2025

03/08/2025

**خطبہ جمعہ جامع مسجد طولتی کھرمنگ سے اقتباس*
1 اگست 2025
⏮️ *ریاست کا ملت تشیع سے امتیازی سلوک کیوں؟؟*زیارت اربعین کے لئے راستوں کی بندش ناقابل قبول ہے*
وطن عزیز پاکستان اسلام کے نام پر دو قومی نظریے کے تحت وجودمیں آیا جس کا بنیادی ہدف یہ تھا ہر مسلمان اپنے عقائد و نظریات کے مطابق آزادی سے زندگی بسر کر لیں مگر پاکستان بننے کے بعد سے لیکر اب تک اس ملک میں ملت تشیع کے ساتھ امتیازی سلوک روا رکھا گیا۔ ایسا دور بھی آیا کہ چن چن کر ملت تشیع کے علماء، پروفیسرز، ڈاکٹرز غرضیکہ ہر اہم شخصیت کو ٹارگٹ کرکے شہید کیا گیا راستوں میں شناختی کارڈ چیک کرکے مارا گیا۔ جہاں ملت تشیع کی اکثریتی آبادی ہے جیسے پاراچنار و گلگت بلتستان ان علاقوں کے راستوں کو غیر محفوظ بنا دیا گیا اور کھلے عام قتل و غارت گری کے باجود قاتلین اور دہشتگرد ٹولے کے خلاف کوئی موثر کاروائی نہیں ہوئی۔ آج تک ملت تشیع کے قتل میں ملوث کسی قاتل کو سزا نہیں ہوئی۔ ایسا کیوں؟ کیا یہ دہشتگرد ٹولہ اس قدر طاقتور ہے کہ ریاست ان کے سامنے بے بس ہے؟؟ یا کچھ اور ؟ ہر دفعہ کہا جاتا ہے کہ دہشتگردوں کی کمر توڑ دی ہے مگر اب تک دہشتگرد آزاد ہیں اور ان کی کاروائیاں جاری ہیں تو ان کی کمر کس قدر مضبوط ہے؟؟ ریاست کا ان مٹھی بھر دہشتگردوں کو لگام دینے میں اب تک مکمل کامیابی حاصل نہ ہونا لمحہ فکریہ ہے!
ان دہشتگردوں کے سامنے ریاست کی بے بسی کی ایک تازہ مثال زیارت اربعین کے لئے زائرین ابی عبداللہ الحسین ع کو بائی روڈ سفر سے روکنا ہے۔ یہ ایسا ہی ہے جیسے اگر پاگل کتا لوگوں کو کاٹے تو اس کتے کو کنڑول کرنے کی بجائے لوگوں کو راستہ چلنے سے روکا جائے۔ کس قدر مضحکہ خیز پالیسی ہے! سکیورٹی ادارے کیا اپنے عوام کو سکیورٹی دینے میں ناکام ہیں؟ کیا اس سے دہشتگردوں کے حوصلے مزید نہیں بڑھیں گے؟ خیر ابھی اس ایشو کو حل کرنے کے لئے ہمارے قائدین کوشش کر رہے ہیں امید ہے کوئی راہ نکل آئے
مگر حکومت کو معلوم ہونا چاہیے کہ زیارت اربعین صرف ایک رسمی سفر نہیں بلکہ ہمارے عقیدے و ایمان کا حصہ ہے۔ ہمارے ائمہ اظہار ع نے باقاعدہ اس عمل کی تاکید فرمائی ہے۔ ہم اپنے ایمان و عقیدے پر کسی قسم کا قدغن برداشت نہیں کرینگے لہذا حکومت زائرین ابی عبداللہ الحسین ع کو بائی روڈ سفر سے روکنے کی پالیسی پر نظر ثانی کرے۔
⏮️ *سیلاب متاثرین کی ہر ممکن مدد کریں*
ان ایام میں ملک کے دیگر علاقوں کی طرح گلگت بلتستان میں بھی سیلاب نے تباہی مچائی ہے یہاں کھرمنگ میں بھی کئی علاقوں میں سیلاب آیا ہے البتہ اگر ضلع گانچھے کندوس گاؤں کی بات کی جائے تو وہاں بہت تباہی ہوئی ہے لوگوں کے گھر بار سب تباہ ہوگئے ہیں اور لوگ خیموں میں رہنے پر مجبور ہوگئے ہیں۔ لہذا تمام مومنین و مومنات سے گزارش ہے کہ ان سیلاب متاثرین کے ساتھ ہر ممکن تعاون کے لئے ہاتھ بڑھائیں۔ ضرورت مند اور مشکلات میں موجود لوگوں کی معاونت ان ایام کا ایک اہم پیغام ہے۔
⏮️ *نادرا آفس کھرمنگ میں سائلین کی دربدری*
ضلع مسائلستان کھرمنگ حالیہ دنوں میں ہیڈ آف ڈیپارٹمنٹ سے محروم ہے کھرمنگ میں قابل اور ذمہ دار آفیسر کو تو ٹکنے نہیں جاتا تو ان دنوں نادرا کھرمنگ کمپیوٹر آپریٹر چلا رہا ہے جس کی وجہ سے نظام درہم برہم ہے اور سائلین نت نئے مسائل کا سامنا کر رہے ہیں۔ کبھی دادی کبھی پردادا کا کارڈ مانگا جاتا ہے۔ پچھلے دنوں جب موبائیل نادرا سسٹم والے آئے تو لوگوں کے مسائل گھنٹوں میں حل ہوئے تو آخر دفتر میں کیا ایشو ہے کہ لوگوں کے مسائل مہینوں میں حل نہیں ہوتے۔ لوگوں کو بے جا تنگ کیا جاتا ہے دور دراز نالہ جات سے آنے والے سائلین دربدری کا شکار ہیں کیونکہ ہیڈ آفس نہ ہونے کی وجہ سے دفتر کا نظام درہم برہم ہے۔ اس لئے ہمارا انتظامیہ، سیاستدانوں اور محکمہ کے ذمہ داروں سے مطالبہ ہے کہ جلد نادرا آفس کھرمنگ میں ہیڈ آف ڈیپارٹمنٹ تعینات کی جائے اور لوگوں جو سہولیات دینے میں کردار ادا کیاجائے۔ آپ کو بھی چاہیے کہ اپنے سیاسی نمائندوں کا گریبان پکڑیں چاہے وہ اقتدار میں ہوں یا اپوزیشن میں، کہ وہ عوامی مسائل سے غافل کیوں ہیں؟ کیا ان کو فقط پروٹوکول انجوائے کرنے کے لئے اسمبلیوں میں پہنچایا ہے؟ اس طرح کے عوامی ایشوز میں وہ غائب کیوں رہتے ہیں؟ ہم تو ہر اس آفیسر اور نمائندے کو سراہیں گے جو عوام کو سہولیات اور آسانیاں دیں اور عوامی مسائل حل کرنے میں کردار ادا کریں اور ہر اس آفیسر اور نمائندے کے خلاف آواز بلند کریں گے جو عوامی مسائل سے غافل ہوں اور عوام کے لئے مسائل بڑھانے کا سبب بنے۔
علامہ شیخ عابد حسین حافظی
امام جمعہ والجماعت طولتی کھرمنگ بلتستان

Assistant Commissioner Kharmang Official
District Administration Kharmang
Syed Amjad Zaidi

19/07/2025

*خطبہ جمعہ جامع مسجد طولتی کھرمنگ سے اقتباس*
18 جولائی 2025
⏮️ *عزاداری: بامقصد اور انحرافات سے پاک ہو*
سامعینِ گرامی! سالارِ شہیدان، امامِ عالی مقامؑ نے یزید کے ناپاک عزائم کے خلاف ایک ایسا قیام برپا کیا جس کے نتیجے میں اسلام اور رسولِ اکرم ﷺ کی محنتیں محفوظ رہیں اور یزید ناکام و نامراد ہوگیا۔البتہ امامؑ کے اس عظیم مشن میں عصرِ عاشور کے بعد بھی بعض عظیم شخصیات نے بھرپور کردار ادا کیا، جن میں سرفہرست شریکۃ الحسینؑ حضرت زینب کبریٰ سلام اللہ علیہا ہیں۔آپؑ نے پیغامِ حسینی کو دنیا تک پہنچانے میں نہایت جرأت مندانہ کردار ادا کیا، اور آج تک عزاداری کی صورت میں یہی پیغام نسل در نسل منتقل ہو رہا ہے۔
لیکن یاد رہے کہ یہ عزاداری بامقصد ہو اور اس کا تقدس برقرار رکھا جائے۔ جس طرح ہم پہلے سے عزاداری کرتے آئے ہیں، اُسی طرز پر عمل جاری رکھا جائے، اور اس میں نئے اور غیر مناسب رسوم شامل کرنے سے پرہیز کیا جائے، کیونکہ بعض رسومات عزاداری کے تقدس کے خلاف ہوتی ہیں۔ ایسی رسومات سے اجتناب ضروری ہے۔
⏮️ *صیہونیوں کی شام میں دہشت گردی*
ناجائز ریاست اسرائیل اپنے ناپاک عزائم کی تکمیل کے لیے جہاں چاہے بمباری کرتی ہے اور مسلمانوں کے خون سے کھیلتی ہے۔ حالیہ دنوں اسرائیل نے شام کے دارالحکومت پر حملہ کیا۔
ایسی جارحیت اس کے لیے معمول کی بات ہے کیونکہ عالمی منافق طاقتیں اس کے پیچھے کھڑی ہوتی ہیں۔
شام میں "رجیم چینج" پر خوش ہونے والے مسلمان اب سوچیں کہ جس شخص کو امریکہ اور اسرائیل نے شام پر مسلط کیا، اُسی نے شام کو پلیٹ میں رکھ کر اسرائیل کے حوالے کر دیا۔
سب سے پہلے اس حملے کی مذمت ایران نے کی، پھر انصار اللہ یمن اور حزب اللہ نے اس کی مذمت کی۔
اسرائیل، جو کئی اسلامی ممالک میں دہشت گردی کر چکا ہے، اس کے باوجود اسلامی ممالک اب تک غفلت میں ہیں۔
اب وقت آ گیا ہے کہ اسلامی ممالک بیدار ہوں، اور اسرائیل جیسے مشترکہ دشمن کے خلاف مل کر عملی اقدامات کریں، ورنہ کوئی بھی اس کی جارحیت سے محفوظ نہیں رہے گا۔
⏮️ *چھموگڑہ واقعہ اور شاہراہ قراقرم کی بندش*
محرم الحرام میں چھموگڑہ میں پیش آنے والے واقعے کے بعد شدت پسندوں نے کئی دنوں سے شاہراہِ قراقرم بند کر رکھی ہے۔
افسوس کی بات ہے کہ جو لوگ جلوس کے دو گھنٹوں کے لیے روڈ پر آنے پر اعتراض کرتے ہیں، وہی کئی دنوں سے مین شاہراہ بند کر کے احتجاج کر رہے ہیں۔
انتظامیہ کو چاہیے کہ قانون کو ہاتھ میں لینے والوں سے سختی سے نمٹے، مگر بدقسمتی سے انتظامیہ ان شدت پسندوں کے سامنے بے بس نظر آتی ہے، اور سارا زور مظلوم طبقے پر ہی چلتا ہے۔
اسی وجہ سے حملے کی کوشش بھی شیعہ برادری پر ہوئی اور اب کھلے عام دھمکیاں دی جا رہی ہیں کہ شناخت کر کے قتل کریں گے۔
مزید یہ کہ انتظامیہ کی طرف سے جلال آباد سے شیعہ نوجوانوں کو بلاوجہ اٹھانے کی خبریں بھی سامنے آئی ہیں، جو انتہائی قابلِ مذمت عمل ہے۔
ہم اس کی سخت الفاظ میں مذمت کرتے ہیں اور مطالبہ کرتے ہیں کہ کھلے عام قتل و غارت گری کی دھمکیاں دینے والوں سے آہنی ہاتھوں سے نمٹا جائے۔
⏮️ *ضلع کھرمنگ کے ساتھ امتیازی سلوک ناقابلِ قبول*
بیوروکریسی میں یہ بات معروف ہو چکی ہے کہ جس افسر کو سزا دینی ہو، اُسے ضلع کھرمنگ بھیجا جاتا ہے۔
یہ انتہائی افسوسناک رویہ ہے۔ یہاں جب کوئی قابل اور محنتی افسر آتا ہے تو اُسے ٹِکنے نہیں دیا جاتا، بلکہ جلد ہی تبادلہ کر دیا جاتا ہے۔
حال ہی میں محکمہ تعلیم کے ڈپٹی ڈائریکٹر محترم باقری صاحب اور محکمہ برقیات کے سربراہ جناب سید محسن کا یہاں سے تبادلہ کیا گیا، حالانکہ یہ دونوں افسران نہایت مخلصی سے اپنے فرائض انجام دے رہے تھے۔
ہم ان کی کارکردگی کو سراہتے ہیں اور مطالبہ کرتے ہیں کہ ضلع کھرمنگ میں قابل، کمیٹڈ افسران کو مناسب مدت تک کام کرنے کا موقع دیا جائے تاکہ ترقیاتی منصوبے متاثر نہ ہوں۔
⏮️ *محکمہ صحت سے ایک اچھی خبر*
ہمارے دیرینہ مطالبے کے مطابق محکمہ صحت نے ایک بار پھر سول اسپتال طولتی میں گائناکالوجسٹ تعینات کیا ہے، جو قابلِ تحسین اقدام ہے۔
اس مثبت اقدام پر ہم ڈائریکٹر ہیلتھ بلتستان اور ڈی ایچ او کھرمنگ کا شکریہ ادا کرتے ہیں، اور اُمید کرتے ہیں کہ محکمہ صحت آئندہ بھی عوامی فلاح کے لیے ایسے اقدامات کرتا رہے گا۔
*علامہ شیخ عابد حسین حافظی*
امام جمعہ و جماعت، جامع مسجد طولتی کھرمنگ بلتستان

05/07/2025

قدیمی بلتی مرثیہ || شہزادہ علی اکبر ع || مرکزی امام بارگاہ طولتی||
محمد رضا حسنی


#طولتی