Taunsa Police

02/06/2026

02/06/2026

ڈیرہ غازیخان

*محرم الحرام کے پرامن انعقاد اور فول پروف سیکیورٹی انتظامات کو یقینی بنانے کے لیے ضلع بھر میں امام بارگاہوں کے منتظمین کے ساتھ میٹنگز کا سلسلہ جاری ہے۔*

ڈی ایس پی سرکل ہائے اور ایس ایچ اوز ضلع ہذا نے مختلف امام بارگاہوں کے منتظمین سے ملاقاتیں کرتے ہوئے محرم الحرام کے دوران سیکیورٹی، مجالس کے اوقات، داخلی و خارجی راستوں، رضاکاروں کی تعیناتی اور دیگر انتظامی امور پر تفصیلی تبادلہ خیال کیا۔ اس موقع پر منتظمین کو ہدایت کی گئی کہ وہ ضلعی انتظامیہ اور پولیس کے ساتھ مکمل تعاون کریں اور سیکیورٹی سے متعلق جاری کردہ ضابطہ کار پر عمل درآمد کو یقینی بنائیں۔

میٹنگز کے دوران امام بارگاہوں کی سیکیورٹی ضروریات کا جائزہ بھی لیا گیا جبکہ منتظمین کی تجاویز اور مسائل سنے گئے تاکہ محرم الحرام کے دوران عزاداروں کو پرامن اور محفوظ ماحول فراہم کیا جا سکے۔

ڈی پی او نے کہا کہ محرم الحرام کے دوران امن و امان کے قیام اور عوام کے جان و مال کے تحفظ کے لیے تمام دستیاب وسائل بروئے کار لائے جائیں گے۔

01/06/2026

بین الصوبائی چیک پوسٹوں پر نگرانی کا نظام مزید مؤثر بنانے کا فیصلہ

ڈپٹی کمشنر محمد عثمان خالد اور ڈی پی او صادق بلوچ کا بین الصوبائی چیک پوسٹ ترنمن کا دورہ

ڈپٹی کمشنر اور ڈی پی او نے پنجاب، خیبر پختونخوا مشترکہ چیک پوسٹ پر سکیورٹی انتظامات کا جائزہ لیا

ترنمن چیک پوسٹ پر گندم، آٹا اور دیگر اشیاء کی غیر قانونی ترسیل روکنے کے اقدامات کا بھی معائنہ

ڈپٹی کمشنر نے گاڑیوں کی چیکنگ اور ریکارڈ کی جانچ پڑتال کی

سمگلنگ اور غیر قانونی نقل و حمل کے خلاف نگرانی مزید سخت کرنے کی ہدایت

چیک پوسٹ پر تعینات اہلکاروں کی کارکردگی اور سکیورٹی پروٹوکول کا تفصیلی جائزہ

پولیس ،رینجرز اور بی ایم پی اہلکاروں کو مشتبہ سرگرمیوں پر کڑی نظر رکھنے کی ہدایت

حکومت پنجاب کی ہدایات کے مطابق غیر قانونی ترسیل کے خلاف مؤثر کارروائیاں جاری رہیں گی ، ڈپٹی کمشنر محمد عثمان خالد

پولیٹیکل اسسٹنٹ کوہ سلیمان امیر تیمور ،اسسٹنٹ کمشنر تونسہ جنید خان ،چیف آفیسر ضلع کونسل جواد الحسن گوندل اور دیگر افسران ہمراہ

بی ایم پی، رینجرز، فوڈ ڈیپارٹمنٹ اور ضلعی انتظامیہ کے افسران بھی دورے میں شریک

28/05/2026

*ڈی پی او ڈیرہ غازیخان کی ہدایت پر ڈی ایس پی تونسہ نے بارڈری ایریا صوبہ خیبرپختونخواہ و پنجاب پر واقع پکٹ حضرت عمر فاروق (جھنگی)، پکٹ حضرت خالد بن ولید (لکھانی) اور چیک پوسٹ ترنمن کا دورہ کیا اورجوانوں کے ساتھ عید منائی*

ڈیرہ غازیخان: ڈی پی او ڈیرہ غازیخان کی خصوصی ہدایات پر ڈی ایس پی تونسہ نے عیدالاضحیٰ کے موقع پر بارڈری ایریا صوبہ خیبرپختونخواہ و پنجاب پر واقع پکٹ حضرت عمر فاروق (جھنگی)، پکٹ حضرت خالد بن ولید (لکھانی) اور چیک پوسٹ ترنمن کا دورہ کیا، جہاں انہوں نے ڈیوٹی پر موجود پولیس جوانوں سے ملاقات کی اور ان کے ساتھ عید کی خوشیاں شیئر کیں۔

ڈی ایس پی تونسہ نے جوانوں کو عید کی مبارکباد دیتے ہوئے ان کی فرض شناسی، جذبہ خدمت اور امن و امان کے قیام کے لیے دی جانے والی قربانیوں کو سراہا۔ انہوں نے کہا کہ عوام کے جان و مال کے تحفظ کے لیے عید کے دن بھی فرائض انجام دینے والے پولیس اہلکار محکمہ کا فخر ہیں۔

اس موقع پر سکیورٹی انتظامات، چیکنگ کے عمل اور ڈیوٹی امور کا بھی جائزہ لیا گیا جبکہ جوانوں کو الرٹ رہنے اور شہریوں کے ساتھ خوش اخلاقی سے پیش آنے کی ہدایت کی گئی۔ ڈی ایس پی تونسہ نے کہا کہ عید کے موقع پر امن و امان برقرار رکھنے کے لیے پولیس مکمل طور پر متحرک ہے۔

28/05/2026

*عیدالاضحیٰ کے دوسرے روز ڈی پی او ڈیرہ غازیخان کا بارڈری ایریا صوبہ خیبر پختواہ و پنجاب پر واقع چیک پوسٹ ترنمن کا وزٹ*

اس موقع پر انہوں نے چیک پوسٹ پر تعینات افسران و اہلکاروں کی ڈیوٹی، ناکہ بندی، داخلی و خارجی راستوں پر نگرانی اور مشکوک افراد و گاڑیوں کی چیکنگ کے عمل کا تفصیلی معائنہ کیا۔

ڈی پی او نے اہلکاروں سے ملاقات کرتے ہوئے ان کی کارکردگی کو سراہا اور ہدایت جاری کی کہ عید کے ایام میں عوام کے جان و مال کے تحفظ کیلئے ہر اہلکار اپنی ذمہ داریاں پوری محنت، جذبے اور الرٹ انداز میں انجام دیں۔

انہوں نے کہا کہ *موجودہ دہشت گردی* کی صورتحال کے پیش نظر ضلع بھر کے داخلی و خارجی راستوں پر چیک کے عمل کو مزید مؤثر بنا دیا گیا ہے تاکہ کسی بھی مشکوک سرگرمی پر فوری کارروائی عمل میں لائی جائے۔

ڈی پی او نے اہلکاروں کو ہدایت کی کہ جدید سیکیورٹی ایس او پیز کے مطابق ڈیوٹی سرانجام دیتے ہوئے داخلی و خارجی راستوں کی سخت نگرانی یقینی بنائی جائے۔

*دہشت گردی کی صورتحال* کے پیش نظر ضلع بھر میں تمام چیک پوسٹس، اہم شاہراہوں، عبادت گاہوں اور حساس مقامات پر سیکورٹی ہائی الرٹ رکھی گئی ہے۔

پولیس، ڈولفن فورس اور دیگر قانون نافذ کرنے والے ادارے باہمی رابطے کے ساتھ فرائض انجام دے رہے ہیں۔

ڈی پی او نے جوانوں کے حوصلے اور جذبۂ خدمت کو سراہتے ہوئے کہا کہ عید کے موقع پر اپنے فرائض کی انجام دہی میں مصروف پولیس اہلکار عوام کے حقیقی محافظ ہیں۔

28/05/2026

*ڈی پی او ڈیرہ غازیخان نے تونسہ میں واقع کمال پارک کا دورہ کیا۔*

اس موقع پر انہوں نے پارک کے داخلی و خارجی راستوں، چیکنگ پوائنٹس، پولیس نفری اور سیکورٹی انتظامات کا معائنہ کیا۔

ڈی پی او نے ڈیوٹی پر موجود افسران و اہلکاروں کو ہدایت جاری کرتے ہوئے کہا کہ عوامی مقامات پر سیکورٹی کو مزید سخت اور مؤثر بنایا جائے ۔

انہوں نے کہا کہ پارکس، تفریحی مقامات، بازاروں اور دیگر عوامی جگہوں پر آنے والے شہریوں کی حفاظت پولیس کی اولین ترجیح ہے۔

ڈی پی او نے اہلکاروں کو مشکوک افراد، بغیر نمبر پلیٹ موٹر سائیکلوں اور مشتبہ سرگرمیوں پر کڑی نظر رکھنے کی ہدایت دیتے ہوئے کہا کہ ہر شخص کی اور سامان کی چیکنگ کو ہر صورت یقینی بنایا جائے ۔

ڈی پی او نے سرچنگ کے عمل اور ایمرجنسی رسپانس کے انتظامات کا بھی جائزہ لیا اور متعلقہ افسران کو سیکورٹی پلان پر سختی سے عملدرآمد یقینی بنانے کی تاکید کی۔

ڈی پی او ڈیرہ غازیخان کا کہنا تھا کہ موجودہ حالات کے پیش نظر ضلع بھر میں سیکورٹی ہائی الرٹ ہے۔

*ضلع بھر کے داخلی و خارجی راستوں تمام اہم تنصیبات، پارکس، عبادت گاہوں اور عوامی مقامات پر پولیس فورس مکمل طور پر متحرک ہے جبکہ شہریوں کے جان و مال کے تحفظ کیلئے تمام دستیاب وسائل بروئے کار لائے جا رہے ہیں۔*

انہوں نے شہریوں سے اپیل کی کہ کسی بھی مشکوک شخص یا سرگرمی کی فوری اطلاع پولیس ہیلپ لائن 15 پر دیں اور امن و امان برقرار رکھنے کیلئے پولیس کے ساتھ تعاون کریں۔

28/05/2026

*حالیہ دہشت گردی کی صورتحال اور عیدالاضحیٰ کے موقع پر امن و امان کو برقرار رکھنے کے لیے ڈی پی او ڈیرہ غازیخان نے دریائی پتن علاقہ تھانہ تونسہ صدر کا دورہ کیا اور سیکیورٹی انتظامات کا تفصیلی جائزہ لیا۔*

ڈی پی او نے دریائی راستوں پر قائم چیکنگ پوائنٹس، کشتیوں کے ذریعے نگرانی کے عمل اور اہلکاروں کی ڈیوٹی کو چیک کیا۔ اس موقع پر انہوں نے پولیس افسران و اہلکاروں کو ہدایت دیتے ہوئے کہا کہ دریائی راستوں کی کڑی نگرانی کو ہر صورت یقینی بنایا جائے، مشکوک افراد پر خصوصی نظر رکھی جائے اور آنے جانے والے افراد کی مکمل چیکنگ کی جائے۔

عوام کے جان و مال کا تحفظ ڈیرہ غازیخان پولیس کی اولین ترجیح ہے، موجودہ حالات کے پیش نظر کسی قسم کی غفلت برداشت نہیں کی جائے گی۔ ڈی پی او نے ڈیوٹی پر موجود جوانوں کی کارکردگی کو سراہتے ہوئے انہیں الرٹ رہنے اور عوام کے ساتھ خوش اخلاقی سے پیش آنے کی ہدایت بھی کی۔

ڈی پی او کا کہنا تھا کہ ڈیرہ غازیخان پولیس عیدالاضحیٰ کے دوران ضلع بھر میں فول پروف سیکیورٹی انتظامات کو یقینی بنا رہی ہے تاکہ شہری پرامن ماحول میں عید کی خوشیاں منا سکیں۔

26/05/2026

*ڈیرہ غازیخان: ڈی ایس پی تونسہ کا چیک پوسٹ ترمن علاقہ تھانہ وہوا کا دورہ، مسافروں کی چیکنگ اور سکیورٹی انتظامات کا جائزہ لیا*

ڈیرہ غازیخان میں عیدالاضحیٰ اور امن و امان کی صورتحال کے پیش نظر ڈی ایس پی تونسہ نے چیک پوسٹ ترمن کا دورہ کیا اور وہاں جاری سکیورٹی اقدامات کا تفصیلی معائنہ کیا۔

دورے کے دوران انہوں نے مسافروں، گاڑیوں اور سامان کی چیکنگ کے عمل کا جائزہ لیا جبکہ ڈیوٹی پر موجود اہلکاروں کی کارکردگی اور الرٹنس کو بھی چیک کیا۔ ڈی ایس پی تونسہ نے اہلکاروں کو ہدایت کی کہ داخلی و خارجی راستوں پر آنے جانے والے افراد کی مکمل جانچ پڑتال یقینی بنائی جائے اور کسی بھی مشکوک سرگرمی پر فوری کارروائی عمل میں لائی جائے۔

ڈی ایس پی تونسہ کا کہنا تھا کہ عوام کی جان و مال کا تحفظ پولیس کی اولین ذمہ داری ہے اور امن و امان برقرار رکھنے کیلئے تمام وسائل بروئے کار لائے جا رہے ہیں۔ انہوں نے اہلکاروں کو دورانِ ڈیوٹی مستعد اور چوکس رہنے کی ہدایت بھی کی۔