Urdu news Pakistan

10/09/2026

پاکستان میں پانچ روز میں پٹرول 21.88 اور ڈیزل 14.62 روپے فی لیٹر مہنگا ہو گیا
پاکستان میں پٹرول اور ہائی سپیڈ ڈیزل کی قیمتوں میں پانچ روز کے دوران نمایاں اضافہ دیکھنے میں آیا ہے۔ 5 ستمبر کے مقابلے میں 10 ستمبر تک پٹرول کی قیمت 21.88 روپے فی لیٹر جبکہ ہائی سپیڈ ڈیزل کی قیمت 14.62 روپے فی لیٹر بڑھ گئی ہے۔

10 ستمبر 2026 سے پٹرول کی قیمت 367.75 روپے فی لیٹر اور ہائی سپیڈ ڈیزل کی قیمت 392.67 روپے فی لیٹر مقرر کی گئی ہے۔

اس سے ایک روز قبل، 9 ستمبر کو پٹرول 364.35 روپے فی لیٹر جبکہ ہائی سپیڈ ڈیزل کی قیمت 385.95 روپے فی لیٹر مقرر کی گئی تھی۔

اور 8 ستمبر کو پٹرول کی قیمت 358.77 روپے فی لیٹر اور ہائی سپیڈ ڈیزل کی قیمت 381.77 روپے فی لیٹر مقرر کی گئی تھی۔

اس سے پہلے 5 ستمبر کو پٹرول 345.87 روپے فی لیٹر جبکہ ہائی سپیڈ ڈیزل 378.05 روپے فی لیٹر کا تھا۔
اعداد و شمار کے مطابق 5 ستمبر سے 10 ستمبر کے درمیان پٹرول کی قیمت میں 21.88 روپے فی لیٹر اور ہائی سپیڈ ڈیزل کی قیمت میں 14.62 روپے فی لیٹر اضافہ ہوا

08/09/2026

🚨 اہم خبریں
▪️ سعودی عرب نے یمن کے متعدد علاقوں کو فضائی حملوں اور کروز میزائلوں کے ذریعے نشانہ بنایا: حوثیوں کا الزام
▪️ ایران کی سپریم نیشنل سکیورٹی کونسل کے سیکریٹری محسن رضائی کا دعویٰ:
ایران نے پہلی بار ایک امریکی بحری جہاز کے خلاف ایرانی ساختہ اینٹی ڈسٹرائر میزائل کا استعمال کیا ہے۔
▪️ پاسدارانِ انقلاب کا دعویٰ:
غیر مجاز راستوں سے گزرنے والے تین آئل ٹینکروں اور علاقے میں موجود تین امریکی جہازوں کو نشانہ بنانے کا دعویٰ۔
▪️ وزیراعلیٰ پنجاب مریم نواز کا بیان:
پنجاب کو بمباریہ ممالک سے کم اور پڑوسی صوبوں سے زیادہ خطرہ ہے۔
▪️ امریکی فوج کے پاسدارانِ انقلاب کے تین تیل بردار جہاز تباہ کرنے کا دعویٰ

08/09/2026

پیٹرول کی قیمت میں 12 روپے 90 پیسے فی لیٹر اضافہ، ڈیزل بھی مہنگا

حکومتِ پاکستان نے پیٹرول اور ہائی سپیڈ ڈیزل کی قیمتوں میں اضافہ کر دیا ہے۔ جاری کردہ نوٹیفکیشن کے مطابق پیٹرول کی قیمت میں 12 روپے 90 پیسے فی لیٹر اضافہ کیا گیا ہے، جس کے بعد پیٹرول کی نئی قیمت 358 روپے 77 پیسے فی لیٹر مقرر کر دی گئی ہے۔

07/09/2026

04/09/2026

🇵🇰 شاہ چارلس سے پاکستانی کرکٹ ٹیم کی ملاقات، محسن نقوی کی ناقدین کو جواب
لندن: پاکستان کے وزیرِ داخلہ اور چیئرمین پاکستان کرکٹ بورڈ محسن نقوی نے پاکستانی کرکٹ ٹیم کے کھلاڑیوں کے ہمراہ برطانیہ کے بادشاہ شاہ چارلس سے ملاقات کی۔
ملاقات کے دوران بابر اعظم نے پاکستانی ٹیم کے دستخط والا بیٹ شاہ چارلس کو بطور تحفہ پیش کیا۔ شاہ چارلس نے پاکستانی کھلاڑیوں سے ملاقات کی اور ان کے ساتھ تصاویر بھی بنوائیں۔
دوسری جانب ٹیم کے اسکواڈ سے باہر کیے گئے بعض کھلاڑیوں کی شاہ چارلس سے ملاقات میں موجودگی جبکہ سلمان آغا کی عدم موجودگی بھی توجہ کا مرکز بنی۔ کرکٹ بورڈ کی جانب سے تاحال اس حوالے سے کوئی وضاحت سامنے نہیں آئی۔
محسن نقوی نے ٹیم کی کارکردگی پر ہونے والی تنقید کے جواب میں کہا کہ اگر سلمان آغا اچھی کارکردگی نہیں دکھا پا رہے تھے تو کچھ فیصلے کرنا ضروری تھے۔ ان کا کہنا تھا کہ کھلاڑی کو نکالنا مقصد نہیں، تاہم ضرورت کے مطابق تبدیلی کرنا ضروری ہے۔
انہوں نے کہا کہ سیریز کا ایک ایک میچ اہم ہے اور مثال دیتے ہوئے کہا کہ جنوبی افریقہ کو نمیبیا جبکہ بھارت کو آئرلینڈ سے شکست ہوئی، تو کیا ان ممالک میں کرکٹ کے خاتمے کا اعلان کر دیا گیا؟
واضح رہے کہ انگلینڈ کے دورے پر موجود پاکستان کرکٹ ٹیم تین ٹیسٹ میچوں کی سیریز میں مصروف ہے۔ پاکستان ابتدائی دو ٹیسٹ میچ ہار چکا ہے، جبکہ سیریز کا تیسرا اور آخری ٹیسٹ 9 ستمبر کو برمنگھم میں کھیلا جائے گا۔
#

04/09/2026

🚨 یاسین ملک کی عدالت سے سزائے موت کی درخواست
نئی دہلی: تہاڑ جیل میں عمر قید کی سزا کاٹنے والے کشمیری علیحدگی پسند رہنما یاسین ملک نے سرینگر کی عدالت میں جمع کرائے گئے حلف نامے میں خود کو سزائے موت دینے کی درخواست کر دی۔
یاسین ملک نے اپنے حلف نامے میں 1990 کے کشمیری پنڈت نرس سرلا بھٹ قتل کیس میں ملوث ہونے سے انکار کرتے ہوئے کہا ہے کہ وہ اپنے خلاف مقدمے کی مزید پیروی نہیں کرنا چاہتے اور انہیں سزائے موت دے دی جائے۔
حلف نامے کے مطابق یاسین ملک نے پاکستان میں مقیم اپنی اہلیہ مشال ملک کو بھی ’نکاح سے آزاد‘ کرنے کا اعلان کیا ہے۔
بھارتی تحقیقاتی ادارے این آئی اے اور تہاڑ جیل حکام نے حلف نامے کی تصدیق کی ہے۔

02/09/2026

🏏 پاکستان کی ایشیا کپ میں فاتحانہ شروعات

دبئی: پاکستان ویمنز کرکٹ ٹیم نے اے سی سی ویمنز ٹی20 ایشیا کپ 2026 کے افتتاحی میچ میں تھائی لینڈ کو 35 رنز سے شکست دے دی۔

پاکستان نے پہلے بیٹنگ کرتے ہوئے 119 رنز بنائے، جس میں مونیبا علی نے 54 رنز کی شاندار اننگز کھیلی۔ جواب میں تھائی لینڈ کی ٹیم مقررہ 20 اوورز میں 84 رنز بنا سکی۔

پاکستان کی جانب سے سعدیہ اقبال نے 3 وکٹیں جبکہ توبا حسن نے 2 وکٹیں حاصل کیں۔

🇵🇰 پاکستان نے ایشیا کپ مہم کا آغاز کامیابی کے ساتھ کر دیا۔

02/09/2026

پانی کو ہتھیار کے طور پر استعمال نہیں کیا جانا چاہیے: وزیراعظم شہباز شریف

بشکیک: وزیراعظم شہباز شریف نے شنگھائی تعاون تنظیم (SCO) کے اجلاس سے خطاب کرتے ہوئے کہا کہ پانی کو سیاسی دباؤ یا ہتھیار کے طور پر استعمال کرنا کسی صورت قابلِ قبول نہیں۔

وزیراعظم نے کہا کہ پانی خطے کی زندگی اور آنے والی نسلوں کے مستقبل سے جڑا ہوا ہے، اس لیے مشترکہ آبی وسائل سے متعلق معاہدوں پر ان کی روح اور شرائط کے مطابق مکمل عملدرآمد ہونا چاہیے۔

شہباز شریف کا یہ بیان بھارت کی طرف واضح اشارہ سمجھا جا رہا ہے، کیونکہ پاکستان اور بھارت کے درمیان سندھ طاس معاہدے اور پانی کی تقسیم کے حوالے سے تنازع جاری ہے۔ اجلاس میں بھارتی وزیراعظم نریندر مودی بھی موجود تھے۔

وزیراعظم نے مزید کہا کہ پاکستان خطے میں امن، استحکام اور خوشحالی کے لیے پرعزم ہے اور تمام تنازعات کا حل مذاکرات، سفارت کاری اور عالمی قوانین کی پاسداری کے ذریعے چاہتا ہے۔

#شہبازشریف #پانی #پاکستان #بھارت