07/11/2025
شہدادپور:
گورنمنٹ پرونیشنلائزڈ بوائز ہائی اسکول شہدادپور میں 1983ء کی کلاس 10th-B کے 6-طالبعلم دوستوں ڈاکٹر محمد رفیق شیخ (صدر پریس کلب شہدادپور)، ڈاکٹر محمد اکرم راجپوت (انچارج ریلوے اسپتال فیصل آباد)، محمد انور راجپوت (UK)، اشتیاق احمد شیخ(ٹیچر)، محمد عامر جونیجو (ٹیچر) اور محمد ارشد بیگ (ٹیچر) کی سالگرہ کی پروقار تقریب کا زم زم ریسٹورنٹ شہدادپور میں اہتمام کیا گیا۔ اس پروقار تقریب میں کراچی سے آئے ہوئے گروپ ایڈمن اکرام اللہ خان اور مرزا عثمان نے خصوصی شرکت کی۔ ان کے علاوہ شہدادپور سے پرانے کلاس فیلوز نے بھی بھرپور شرکت کی۔ اس تقریب کی منیجمنٹ کمیٹی کے مسعود خان, منور علی راجپوت، ڈاکٹر محمد خالد شیخ، شوکت علی ملک، ڈاکٹر مشتاق مغل، فضل محمود منگریو سمیت دیگر اراکین نے آئے ہوئے مہمانوں کا استقبال کیا۔ اس پروقار تقریب میں سالگرہ والے دوستوں کو اجرک اور لنگی کا تحفہ پیش کیا گیا اور تالیوں کی گونج میں سالگرہ کا خوبصورت کیک کاٹا گیا۔ اس تقریب میں شرکت کرنے والے تمام دوستوں کے اعزاز میں پرتکلف عشائیہ دیا گیا۔ اس موقع پر مقررین نے خطاب کرتے ہوئے کہا کہ پرانے دوستوں نے ایک دوسرے سے رابطوں کے بعد یکجا ہو کر آپس میں مل کر خلوص اور محبت کی شاندار مثال قائم کر دی۔ انھوں نے کہا کہ ہمیں اپنی اولاد کو موجودہ دور کے مطابق تعلیم وتربیت کے ساتھ دینی تعلیم دینے کی بھی سخت ضرورت ہے تاکہ وہ معاشرے میں اپنا اہم کردار ادا کر سکیں۔ سالگرہ کے کیک کی کٹنگ اور پرتکلف عشائیے کے بعد تمام دوست نصف شب تک پرانی یادوں پر مبنی تاریخی یادگار لمحات اور پرانی یادوں کو تازہ کرتے ہوئے کچہری میں مصروف رہے اور رات دو بجے کے بعد سالگرہ کی یہ تقریب اختتام کو پہنچی۔
