Civil Defence Sadiqabad

26/08/2026

🌹 12 ربیع الاول 1448ھ |
26 اگست 2026 بروز بدھ
جشنِ عید میلاد النبی ﷺ 🌹
🇵🇰 سول ڈیفنس آرگنائزیشن صادق آباد

الحمدللہ! آج 12 ربیع الاول کے بابرکت موقع پر صادق آباد شہر میں مختلف مقامات سے جشنِ عید میلاد النبی ﷺ کے سلسلے میں ریلیاں اور جلوس نکالے گئے، جن کی سکیورٹی اور نظم و ضبط کے لیے پولیس، دیگر سکیورٹی اداروں اور سول ڈیفنس آرگنائزیشن صادق آباد کے جوانوں نے اپنی ذمہ داریاں بھرپور انداز میں سرانجام دیں۔

اس موقع پر ڈپٹی چیف وارڈن جناب حافظ محمد زاہد یوسف صاحب، ڈپٹی ڈویژنل وارڈن جناب ذوالفقار علی عسکری صاحب، گروپ وارڈن جناب جاوید اقبال صاحب، گروپ وارڈن جناب سلیم مغل صاحب سمیت سول ڈیفنس کے دیگر سینئر عہدیداران اور رضاکاران بھی مختلف جلوسوں کے ہمراہ موجود رہے اور سکیورٹی و انتظامی معاملات کی نگرانی کرتے رہے۔

🌹 ایریا A — اسٹیشن چوک تک سکیورٹی

ایک جلوس جناح ٹاؤن سمیت مختلف مقامات سے ہوتا ہوا اسٹیشن چوک پر اختتام پذیر ہوا، جس کے سکیورٹی و انتظامی امور کی نگرانی ایریا A میں سول ڈیفنس کے جوانوں نے کی۔ سینئر عہدیداران کی نگرانی میں رضاکاران نے اپنی ذمہ داریاں احسن انداز میں نبھائیں۔

🌹 ایریا B — میلاد چوک تک سکیورٹی

دوسرا جلوس جمال دین والی پلی سے برآمد ہوا اور مختلف مقامات سے ہوتا ہوا میلاد چوک پر اختتام پذیر ہوا۔ اس جلوس کے سکیورٹی و انتظامی انتظامات کی ذمہ داری ایریا B میں سول ڈیفنس کے جوانوں نے سنبھالی، جبکہ سینئر عہدیداران بھی موقع پر موجود رہے اور سکیورٹی معاملات کی نگرانی کرتے رہے۔

الحمدللہ! سول ڈیفنس آرگنائزیشن صادق آباد کے رضاکاران نے پولیس اور دیگر سکیورٹی اداروں کے ساتھ بھرپور تعاون کرتے ہوئے امن و امان، نظم و ضبط اور عوام کی سہولت کو یقینی بنانے میں اپنا کردار ادا کیا۔ تمام جلوس اپنے مقررہ راستوں سے ہوتے ہوئے پرامن اور باحفاظت اپنے اختتامی مقامات تک پہنچے۔

📸 میڈیا کوریج

اس موقع پر سول ڈیفنس کی میڈیا ٹیم اور میڈیا کوآرڈینیٹرز نے بھی مختلف مقامات پر موجود رہتے ہوئے جلوسوں، سکیورٹی ڈیوٹی اور سول ڈیفنس رضاکاران کی خدمات کی بھرپور میڈیا کوریج کی، تاکہ سول ڈیفنس کی جانب سے انجام دی جانے والی ذمہ داریوں کو عوام تک مؤثر انداز میں پہنچایا جا سکے۔

الحمدللہ! آج کی یہ کامیابی باہمی تعاون، بہترین نظم و ضبط، ذمہ داری اور جذبۂ خدمت کا نتیجہ ہے۔ سول ڈیفنس آرگنائزیشن صادق آباد کے تمام سینئر عہدیداران اور رضاکاران اپنی ذمہ داریاں احسن طریقے سے انجام دینے پر قابلِ تحسین ہیں۔

ﷺ غلامیِ مصطفیٰ ﷺ ہماری پہچان ہے
پاکستان زندہ باد 🇵🇰

میڈیا رپورٹ
میڈیا ٹیم
سول ڈیفنس آرگنائزیشن صادق آباد

17/08/2026

16/08/2026

🇵🇰 14 اگست 2026 | جشنِ آزادی کی شاندار تقریب 🇵🇰
📍 عسکری پارک، صادق آباد

الحمدللہ! یومِ آزادی کے موقع پر میونسپل کارپوریشن صادق آباد اور سول ڈیفنس آرگنائزیشن صادق آباد کے زیرِ اہتمام عسکری پارک میں ایک پروقار اور شاندار جشنِ آزادی پروگرام منعقد ہوا۔

🌹 بہترین حاضری اور کارکردگی پر خصوصی انعامات
چیف وارڈن جناب چوہدری شفیق احمد پپا صاحب کی جانب سے ان پوسٹوں کو خصوصی نقد انعامات دیے گئے جنہوں نے ٹریننگ کے پہلے دن سے لے کر آخری دن تک اپنی حاضری یقینی بنائی اور بہترین کارکردگی کا مظاہرہ کیا۔ ان پوسٹوں کی مسلسل محنت، پابندی اور شاندار کارکردگی کو سراہتے ہوئے انہیں انعامات سے نوازا گیا اور ان کی بھرپور حوصلہ افزائی کی گئی۔
یہ اعزاز ان تمام جوانوں اور پوسٹ وارڈنز کی محنت کا اعتراف ہے جنہوں نے پورے ٹریننگ سیشن کے دوران نظم و ضبط اور جذبۂ خدمت کے ساتھ اپنی ذمہ داریاں نبھائیں۔

🍽️ جوانوں کی بہترین کارکردگی پر خصوصی کھانے کا اہتمام
جوانوں اور رضاکاران کی بہترین کارکردگی اور 14 اگست کے شاندار پروگرام کی کامیابی پر سینئر عہدیداران کی جانب سے ان کے اعزاز میں مقامی ہوٹل میں پرتکلف اور بہترین کھانے کا اہتمام بھی کیا گیا، جہاں جوانوں اور رضاکاران نے باہمی محبت، اخوت اور بھائی چارے کے ماحول میں شرکت کی۔
الحمدللہ! آج کی شاندار پریڈ دراصل گزشتہ 30 دنوں کی مسلسل محنت، نظم و ضبط، اتحاد اور قومی جذبے کا نتیجہ ہے۔ سول ڈیفنس آرگنائزیشن صادق آباد کے ہر رضاکار، ہر کمانڈر، ہر پوسٹ وارڈن، سینئر عہدیدار، انتظامی ٹیم اور میڈیا ٹیم نے اس کامیابی میں اپنا اپنا کردار ادا کیا۔
🇵🇰 پاکستان زندہ باد
🇵🇰 پاکستان پائندہ باد
میڈیا رپورٹ
میڈیا ٹیم
سول ڈیفنس آرگنائزیشن صادق آباد