10/05/2025
تمام پاکستانی عوام کو بھارت کے خلاف عظیم کامیابی پر دلی مبارکباد
الحمدللہ! آج کا دن تاریخ کے اوراق میں سنہری الفاظ میں لکھے جانے کے قابل ہے۔ بھارت کے خلاف جنگ میں پاکستان کی عظیم الشان کامیابی نہ صرف ہماری بہادر افواج کی بے مثال قربانیوں اور شجاعت کا نتیجہ ہے، بلکہ یہ پوری قوم کی دعاؤں، اتحاد اور حب الوطنی کا مظہر بھی ہے۔
یہ کامیابی اس حقیقت کا ثبوت ہے کہ جب قوم ایک مقصد پر متحد ہو جائے، تو دنیا کی کوئی طاقت اسے شکست نہیں دے سکتی۔ ہمارے جوانوں نے مادرِ وطن کے دفاع میں جو عزم، حوصلہ اور پیشہ ورانہ مہارت دکھائی، وہ دشمن کے لیے ایک ناقابلِ فراموش سبق بن گیا ہے۔ ان شہداء کو سلام جنہوں نے اپنی جانیں قربان کر کے ہمارے کل کو محفوظ بنایا۔ ان غازیوں کو خراجِ تحسین جنہوں نے بہادری کی نئی داستانیں رقم کیں۔
یہ صرف ایک عسکری کامیابی نہیں، بلکہ یہ ہماری خودداری، خود مختاری اور قومی وقار کی جیت ہے۔ دنیا نے دیکھ لیا کہ پاکستان امن کا خواہاں ضرور ہے، مگر اپنی سالمیت پر کبھی سمجھوتہ نہیں کرے گا۔
آئیے اس عظیم کامیابی پر اللہ رب العزت کا شکر ادا کریں، اور عہد کریں کہ ہم اپنے وطن کی ترقی، استحکام اور خوشحالی کے لیے اسی جذبے اور اتحاد کے ساتھ آگے بڑھتے رہیں گے۔ دشمن کو ہر محاذ پر شکست دینے کے لیے ضروری ہے کہ ہم داخلی طور پر مضبوط، یکجہت اور باہمی محبت سے سرشار رہیں۔
پاکستان زندہ باد!
افواجِ پاکستان پائندہ باد!
شہداء کو سلام!
قوم کو عظیم فتح مبارک ہو!
ملک افتخار احمد اعوان
