PiD Poonch Division

25/05/2026

راولاکوٹ (پی آئی ڈی)
جموں و کشمیر لبریشن سیل اور ایلیمنٹری اینڈ سیکنڈری ایجوکیشن ڈیپارٹمنٹ کے زیرِ اہتمام "مقبوضہ کشمیر اور انسانی حقوق کے علمبردار" کے عنوان سے ضلعی سطح کے تقریری مقابلہ میں ضلع راولاکوٹ کی سطح پر گورنمنٹ بوائز ایلیمنٹری کالج کھڑک راولاکوٹ میں مقابلہ کا انعقاد ہوا جس میں ضلع پونچھ کی مختلف تحصیلوں کے بوائز سکولوں کے پوزیشن ہولڈر طلبا وطالبات نے حصہ لیا۔
تقریب میں ڈایریکٹر جموں و کشمیر لبریشن سیل قومی آگاہی ونگ سردار ساجد محمود، ڈسٹرکٹ ایجوکیشن آفیسر بابر ایاز ، ڈپٹی ڈی ای او ایاز شیراز، ڈپٹی ڈائریکٹر کشمیر کاز آرٹس فرحان قیوم عباسی ، اے ای او طاہر اسلم ، اور انچارج کشمیر سنٹر راولاکوٹ منیر کیانی و دیگر نے خصوصی شرکت فرمائی۔ تقریب کی صدارت ڈی ای او بابر ایاز نے کی جبکہ مہمان خصوصی سردار ساجد محمود ڈائریکٹر جموں وکشمیر لبریشن سیل تھے۔ نظامت کے فرائض عرفان حمید نے ادا کیے۔اس موقع پر ڈاکٹر فیاض نقی ، پروفیسر عائشہ یوسف، پروفیسر ایاز کیانی نے مقابلے کے ججز کے فرائض سرانجام دیے ۔ اداروں کے سربراہان اور اساتذہ کرام کی ایک بڑی تعداد نے شرکت کی ۔مقابلہ کے دوران طلبا وطالبات نے ولولہ انگیز تقاریر کیں ۔ تقریب کے اختتامی سیشن سے خطاب کرتے ہوئے سردار ساجد محمود نے کہا کہ پونچھ کی مردم خیز دھرتی سے مقبوضہ کشمیر پر غاصبانہ قبضہ اور انسانی حقوق کی بد ترین پامالیوں کے خلاف آواز بلند کرنے اور عالمی برادری کے ضمیر کو جھنجھوڑنے کے لیے آج کی سرگرمی کا انعقاد کیا گیا ہے ۔محکمہ تعلیم اور جموں وکشمیر لبریشن سیل کے باہمی اشتراک سے مقابلہ جات اور لیکچرز کا مقصد نوجوان نسل کو مسئلہ کشمیر، مقبوضہ کشمیر میں جاری انسانی حقوق کی خلاف ورزیوں اور کشمیری عوام کی جدوجہد آزادی سے آگاہ کرنا ہے اس کو ہار اور جیت کے تناظر میں نہیں دیکھنا چاہیے۔ انہوں نے کہا کہ طلبہ و طالبات موبائل فون کو ہتھیار کے طور استعمال کرتے ہوے
سوشل میڈیا پلیٹ فارم کے ذریعے حق خودارادیت کی آواز اور بھارتی مظالم کو دنیا تک پہنچانے میں اپنا کلیدی کردار ادا کرسکتے ہیں۔ ڈی ای او بابر ایاز نے کہا کہ انسانی حقوق کے علمبرداروں کو بھارتی مظالم پر خاموش تماشائی کا کردار ادا نہیں کرنا چاہیے، بین الااقوامی برادری کو مقبوضہ کشمیر کی صورتحال کا نوٹس لیتے ہوئے بھارت پر دباؤ ڈالنا چاہیے کہ وہ اقوام متحدہ کی قراردادوں کی روشنی میں رائے شماری کے عمل میں لیت ولعل سے کام نہ لے ورنہ یہ خطہ کسی بڑے المیہ سے دو چار ہو سکتا ہے۔ انہوں نے کہا کہ طلباوطالبات نے اپنی تقاریر کے ذریعے مقبوضہ کشمیر میں انسانی حقوق کی پامالیوں اور انسانی حقوق کے علمبرداروں کے کردار کا خوبصورتی سے احاطہ کیا جو خوش آئند اور اساتذہ کرام کی محنت کا منہ بولتا ثبوت ہے ۔انہوں نے کہا کہ ایسی سرگرمیاں طلبہ کی شخصیت سازی اور قومی شعور کو اجاگر کرنے میں اہم کردار ادا کرتی ہیں۔ محکمہ تعلیم اور جموں وکشمیر لبریشن سیل کی یہ کاوش دور رس اثرات کی حامل ہوگی۔جج صاحبان اور دیگر مقررین نے کہا کہ اساتذہ طلباء کو بہترین تعلیم کے ساتھ ساتھ انکی اخلاقی تربیت پر بھی بھرپور توجہ دے رہے ہیں ۔ انہوں نے اساتذہ کی محنت اور لگن پر انہیں خراج تحسین پیش کرتے ہوے کہا کہ تقریری مقابلے طلبہ میں اظہار خیال کی صلاحیت نکھارنے اور قومی مسائل سے آگاہی پیدا کرنے کا بہترین ذریعہ ہیں۔ انہوں نے کہا کہ جموں و کشمیر کے عوام اقوامِ متحدہ کی قراردادوں کی روشنی میں اپنے پیدائشی حق ،حق خودارادیت کے لیے کوشاں ہیں اور اس پاداش میں مقبوضہ کشمیر کے عوام بد ترین انسانی حقوق کی پامالیوں کا شکار ہیں جسے اجاگر کرنا ہم سب کی مشترکہ ذمہ داری ہے اور ہم طلبا وطالبات اور نوجوان نسل کو مثبت سرگرمیوں کا حصہ بنا کر اس عمل کو تقویت دینے میں کامیابی حاصل کر سکتے۔
تقریب کے اختتام پر مہمانِ خصوصی اور مہمانان گرامی نے مقابلہ میں حصہ لینے والے تمام طلبہ و طالبات کو مبارکباد دیتے ہوئے پوزیشن ہولڈرز میں سرٹیفکیٹ تقسیم کیے اور ان کے اساتذہ کی محنت اور لگن کو زبردست الفاظ میں سراہا۔

21/05/2026

راولاکوٹ (پی آئی ڈی)
کشمیری حریت رہنماؤں میر واعظ مولوی محمد فاروق اور عبدالغنی لون شہید کی برسی کے موقع پر راولاکوٹ میں خصوصی دعائیہ تقریبات کا انعقاد کیا گیا۔
اس سلسلہ میں ڈسٹرکٹ کمپلیکس راولاکوٹ میں ایک دعائیہ تقریب منعقد ہوئی جس میں ڈپٹی کمشنر پونچھ سید ممتاز کاظمی، سول سوسائٹی کے نمائندگان، ضلعی آفیسران، سرکاری اہلکاران اور مختلف مکاتب فکر سے تعلق رکھنے والے افراد نے شرکت کی۔
تقریب کے دوران ضلع مفتی محمد احمد خان نے شہداء کے درجات کی بلندی، مقبوضہ جموں و کشمیر کی جلد آزادی، پاکستان کی سلامتی، استحکام اور ترقی و خوشحالی کے لیے خصوصی دعا کروائی۔ اس موقع پر شرکاء نے کشمیری حریت رہنماؤں اور شہداء کی جدوجہد اور قربانیوں کو زبردست خراج عقیدت پیش کرتے ہوئے کہا کہ کشمیری عوام کی تحریک آزادی حق و خودارادیت کی ایک لازوال داستان ہے۔
شرکاء کا کہنا تھا کہ کشمیری عوام نے آزادی کے لیے بے مثال قربانیاں دی ہیں جنہیں تاریخ ہمیشہ سنہری الفاظ میں یاد رکھے گی۔ مقررین نے اس عزم کا اظہار کیا کہ پاکستان اور آزاد کشمیر کے عوام اپنے کشمیری بھائیوں کی اخلاقی، سفارتی اور سیاسی حمایت جاری رکھیں گے۔

21/05/2026

راولاکوٹ (پی آئی ڈی) 21 مئ 2026
ڈپٹی کمشنر پونچھ سید ممتاز کاظمی کے “دارالآرام مثالی منصوبہ” کو تحصیل راولاکوٹ اور میونسپل کارپوریشن کے کونسلرز نے ایک اہم عوامی فلاحی اقدام قرار دیتے ہوئے اس کی بھرپور حمایت کا اعلان کیا ہے۔ منصوبے کے تحت فوت شدگان کے لیے مناسب اور محفوظ قبروں کی جگہ مختص کی جا رہی ہے ۔
تحصیل راولاکوٹ کی مختلف یونین کونسلوں کے چیئرمین، وائس چیئرمین، میونسپل کارپوریشن کے ڈپٹی میئر اور مختلف وارڈز کے کونسلرز نے قبرستانوں کے لیے زمین مختص کرنے اور منظوری کے حوالے سے منعقدہ تقریب میں شرکت کی اور ڈپٹی کمشنرز کے منصوبہ کو ایک مثالی منصوبہ قرار دیا گیا
کونسلرز نے اس عزم کا اظہار کیا کہ قبرستانوں کے لیے مختص کی جانے والی جگہوں کی ہمواری اور ڈویلپمنٹ کے لیے درکار اخراجات اپنے فنڈز سے پورے کیے جائیں گے جبکہ اس مقصد کے لیے مخیر حضرات سے بھی تعاون حاصل کیا جائے گا۔ اس موقع پر ڈپٹی مئیر میونسپل کارپوریشن قاضی نثار احمد ، سردار عامر خورشید ، سردار عامر رفیق سمیت دیگر موجود تھے۔
مقررین نے کہا کہ قبرستانوں کے لیے مناسب جگہ کی فراہمی ایک بنیادی عوامی ضرورت ہے اور اس منصوبے سے عوام کو دیرپا سہولت میسر آئے گی۔
اجلاس سے خطاب کرتے ہوئے ڈپٹی کمشنر پونچھ سید ممتاز کاظمی نے کہا کہ “دارالآرام مثالی منصوبہ” سے عوام کے لیے آسانیاں پیدا ہوں گی، قبروں کے حوالے سے پیدا ہونے والے تنازعات کا خاتمہ ہو گا اور لوگوں کو اپنے پیاروں کی تدفین کے لیے مناسب جگہ دستیاب ہو سکے گی۔
انہوں نے کہا کہ اس منصوبے سے معاشرتی اجتماعیت کو فروغ ملے گا کیونکہ قبرستانوں میں آنے والے لوگ اجتماعی طور پر مرحومین کے لیے دعا کریں گے۔ انہوں نے بتایا کہ یہ منصوبہ پورے ضلع پونچھ میں جاری ہے اور تمام تحصیلوں میں اس پر کام تیزی سے جاری ہے۔
ڈپٹی کمشنر کے مطابق ضلع بھر میں اب تک 180 سے زائد قبرستانوں کے لیے شاملات سے جگہ مختص کی جا چکی ہے جبکہ صرف راولاکوٹ میں 30 قبرستانوں کی منظوری دی جا چکی ہے اور متعدد دیگر مقامات پر پراسس جاری ہے۔ انہوں نے کہا کہ ہر گاؤں میں عوام کی ضرورت کے مطابق جگہ مختص کی جائے گی جبکہ جہاں ضروری ہو گا خالصہ اراضی پر قبرستان قائم کرنے کے لیے بھی اقدامات جاری ہیں۔ انہوں نے واضح کیا کہ جہاں مقامی سطح پر کوئی تنازع موجود نہ ہو وہاں قبرستانوں کی منظوری فوری طور پر دی جا رہی ہے۔




Mumtaz Kazmi

19/05/2026

راولاکوٹ ( پی آئی ڈی) 19 مئی
ڈپٹی کمشنر پونچھ سید ممتاز کاظمی کی زیر صدارت ایک اہم اجلاس منعقد ہوا جس میں عوام الناس کو انتہائی مہلک وائرس کانگو سے لاحق خطرات اور اس سے بچاؤ کے لیے موثر عوامی آگاہی مہم چلانے کے حوالے سے مختلف فیصلے کیے گئے۔ اجلاس میں عیدالاضحیٰ کے موقع پر قربانی کے جانوروں کی نقل و حمل اور بڑھتے ہوئے انسانی رابطوں کے تناظر میں احتیاطی تدابیر پر خصوصی غور کیا گیا۔
اجلاس میں ڈسٹرکٹ ہیلتھ آفیسر پونچھ ڈاکٹر سیاب کیانی، اسسٹنٹ ڈائریکٹر لائیو سٹاک ڈاکٹر طاہر محمود، ڈسٹرکٹ ایجوکیشن آفیسر مردانہ سردار بابر ایاز، اسسٹنٹ کمشنر ہیڈکوارٹر سید یاسر گردیزی، ڈپٹی میئر میونسپل کارپوریشن قاضی نثار احمد، ایڈیشنل ڈسٹرکٹ ہیلتھ آفیسر ڈاکٹر آمنہ، ضلعی آفیسر اطلاعات ناصر لطیف سمیت دیگر متعلقہ افسران نے شرکت کی۔
اجلاس کو بریفنگ دیتے ہوئے بتایا گیا کہ کانگو وائرس عموماً متاثرہ جانوروں یا ان پر موجود چیچڑوں کے ذریعے انسانوں میں منتقل ہوتا ہے، جو بروقت علاج نہ ہونے کی صورت میں جان لیوا بھی ثابت ہو سکتا ہے۔ ماہرین نے اس بات پر زور دیا کہ قربانی کے جانور خریدتے، لاتے یا ذبح کرتے وقت خصوصی احتیاط برتنا ناگزیر ہے۔
اجلاس میں فیصلہ کیا گیا کہ ضلع بھر میں محکمہ صحت، لائیو سٹاک، بلدیاتی اداروں اور محکمہ اطلاعات کے تعاون سے آگاہی مہم چلائی جائے گی تاکہ شہریوں کو کانگو وائرس سے بچاؤ کے متعلق مؤثر رہنمائی فراہم کی جا سکے۔ اس سلسلہ میں مساجد، تعلیمی اداروں، سوشل میڈیا، بینرز، پمفلٹس اور مقامی ذرائع ابلاغ کو استعمال کیا جائے گا۔ اس بات کا بھی فیصلہ کیا گیا کہ ضلع کے داخلی راستوں پر محکمہ لائیو سٹاک کی خصوصی ٹیمیں جانوروں کی ویکسینیشن کو یقینی بنائیں گی
اجلاس میں شہریوں کو ہدایت کی گئی کہ جانوروں کو ہاتھ لگاتے وقت دستانے استعمال کریں، بچوں کو مویشی منڈیوں اور جانوروں کے زیادہ قریب جانے سے گریز کروایا جائے، جانوروں کے باڑوں اور اردگرد ماحول میں صفائی ستھرائی کو یقینی بنایا جائے جبکہ جانوروں پر چیچڑ مار اسپرے اور ویکسینیشن کا عمل بھی باقاعدگی سے کیا جائے۔ اس کے علاوہ قربانی کے بعد آلائشوں کو فوری طور پر محفوظ طریقے سے تلف کرنے کی بھی تاکید کی گئی۔ قصاب جانور کو ذبح کے بعد کم از کم تیس منٹس اس کا خون بہنے دیں۔
ڈپٹی کمشنر پونچھ سید ممتاز کاظمی نے متعلقہ اداروں کو ہدایت کی کہ عوامی صحت کے تحفظ کے لیے تمام ممکنہ اقدامات بروئے کار لائے جائیں اور کسی بھی ہنگامی صورتحال سے نمٹنے کے لیے محکمہ صحت کی ٹیمیں الرٹ رہیں تاکہ شہریوں کو اس مہلک مرض سے محفوظ رکھا جا سکے

Deputy commissioner poonch

10/04/2026

راولاکوٹ (پی آئی ڈی) 10 اپریل
ڈپٹی کمشنر پونچھ سید ممتاز کاظمی سے ٹائیں نمرالہ کے ایک نمائندہ وفد نے ملاقات کی۔ ملاقات کے دوران وفد نے اپنے علاقے کی عوام کو درپیش مختلف مسائل اور مشکلات سے ڈپٹی کمشنر کو آگاہ کیا اور ان کے حل کے لیے فوری اقدامات کی درخواست کی۔
وفد کی جانب سے بالخصوص تعلیم، صحت اور شاہرات کے شعبہ جات میں موجود مسائل کی نشاندہی کی گئی، جن پر ڈپٹی کمشنر نے سنجیدگی کا مظاہرہ کرتے ہوئے متعلقہ محکمہ جات کے ذمہ داران کو ہدایات جاری کیں کہ وہ عوامی مسائل کے حل کے لیے عملی اقدامات کریں۔
ڈپٹی کمشنر سید ممتاز کاظمی نے اس موقع پر کہا کہ عوامی مسائل کا حل حکومت کی اولین ترجیح ہے اور کسی قسم کی غفلت یا کوتاہی برداشت نہیں کی جائے گی۔ انہوں نے واضح کیا کہ ٹائیں نمرالہ کے عوام کو درپیش مسائل ترجیحی بنیادوں پر حل کیے جائیں گے۔
وفد نے مسائل کے حل کی یقین دہانی پر ڈپٹی کمشنر کا شکریہ ادا کیا اور امید ظاہر کی کہ متعلقہ ادارے جلد عملی اقدامات کریں گے۔

09/04/2026

09/04/2026

09/04/2026

راولاکوٹ (پی آئی ڈی) 9 اپریل
کمشنر پونچھ ڈویژن سردار وحید خان کی زیر صدارت ریجنل کورڈینیشن کمیٹی کا ایک اہم اجلاس منعقد ہوا جس میں پونچھ ڈویژن میں امن و امان کی مجموعی صورتحال، بین الادارہ جاتی رابطہ اور موجودہ حالات کے تناظر میں حکومتی پالیسیوں پر عملدرآمد کا جائزہ لیا گیا۔
اجلاس میں بریگیڈ کمانڈر 6 اے کے نے خصوصی شرکت کی جبکہ ڈپٹی کمشنر پونچھ سید ممتاز کاظمی، ڈپٹی کمشنر سدھنوتی سردار عمر فاروق، ڈپٹی کمشنر حویلی راجہ عمر طارق، ڈپٹی کمشنر باغ عاصم خالد اعوان، سئنیر سپرنٹینڈنٹ پولیس پونچھ خاور علی شوکت، سئنیر سپرنٹینڈنٹ پولیس سدھنوتی محمد صدیق، سئنیر سپرنٹینڈنٹ پولیس حویلی عمر نوابی، ڈپٹی سپرنٹینڈنٹ پولیس باغ فیض الرحمن، افواج پاکستان کے افسران، خفیہ اداروں کے سربراہان، اسسٹنٹ ڈائریکٹر نادرا اسد لطیف اور اسسٹنٹ کمشنر ہیڈکوارٹر راولاکوٹ سید یاسر گردیزی سمیت دیگر متعلقہ حکام نے شرکت کی۔
اجلاس کے دوران موجودہ عالمی صورتحال میں پاکستان کے مؤثر کردار اور حالیہ سفارتی کامیابیوں پر حکومت پاکستان اور افواج پاکستان کے سربراہ فیلڈ مارشل جنرل عاصم منیر کو زبردست خراج تحسین پیش کیا گیا۔ شرکاء نے اس عزم کا اظہار کیا کہ ملک کا عالمی سطح پر وقار بلند ہونے پر پوری قوم کو فخر ہے۔
اجلاس میں افغان مہاجرین کی وطن واپسی کے حوالے سے پیشرفت پر تفصیلی بریفنگ دی گئی مہاجرین کی واپسی کے سلسلہ میں پراگریس پیش کی گئی ۔اس موقع پر واضح ہدایات جاری کی گئیں کہ مہاجرین کی واپسی کا عمل ریاستی قوانین اور طے شدہ قانونی فریم ورک کے مطابق ہی مکمل کیا جائے۔
مزید برآں، ریجن بھر میں مدارس کی رجسٹریشن کے عمل کا جائزہ لیا گیا اور متعلقہ حکام کو ہدایت کی گئی کہ اس عمل کو مزید تیز اور مؤثر بنایا جائے۔ اجلاس میں امن و امان کی مجموعی صورتحال، مختلف انٹری پوائنٹس پر چیکنگ کے نظام، عوامی سہولت کے لیے گاڑیوں کے کرایہ جات کے تعین اور رات 8 بجے بازاروں اور مارکیٹوں کی بندش سے متعلق حکومتی ہدایات پر عملدرآمد کا بھی تفصیلی جائزہ لیا گیا۔
کمشنر پونچھ ڈویژن سردار وحید خان نے تمام متعلقہ اداروں کو ہدایت کی کہ باہمی رابطہ کو مزید مضبوط بنایا جائے اور حکومتی احکامات پر من و عن عملدرآمد کو یقینی بنایا جائے تاکہ عوام کو ہر ممکن ریلیف فراہم کیا جا سکے اور خطے میں امن و استحکام برقرار رکھا جا سکے۔

Commissioner Poonch Division
District Police Rawalakot
District Police Bagh

09/04/2026

راولاکوٹ (پی آئی ڈی) 9 اپریل
ضلع پونچھ میں مختلف محکمہ جات کی کارکردگی کا جائزہ لینے، عوامی فلاح و بہبود کے منصوبہ جات کی پیش رفت کا معائنہ کرنے اور شہریوں کو درپیش مسائل کے حل کے لیے ایک اہم اجلاس ڈپٹی کمشنر پونچھ سید ممتاز کاظمی کی زیر صدارت منعقد ہوا۔
اجلاس میں سئنیر سپرنٹینڈنٹ پولیس پونچھ خاور علی شوکت، فوجی حکام، ڈسٹرکٹ ہیلتھ آفیسر پونچھ ڈاکٹر سیاب کیانی، مہتمم برقیات راولاکوٹ اظہر محمود، نائب مہتمم تعمیرات شاہرات رضوان آزاد، ضلعی آفیسر اطلاعات ناصر لطیف، خفیہ ایجنسیوں کے زمہ داران سمیت دیگر متعلقہ افسران نے شرکت کی۔
اجلاس کے دوران مختلف محکمہ جات کے سربراہان نے اپنے اپنے شعبہ جات میں جاری منصوبہ جات، ان کی پیش رفت اور درپیش مسائل کے حوالے سے تفصیلی بریفنگ دی۔ محکمہ صحت عامہ، برقیات اور شاہرات کی جانب سے کارکردگی رپورٹ پیش کی گئی جبکہ افغان مہاجرین کی وطن واپسی، ضلع بھر میں غیر قانونی سرگرمیوں، اسمگلنگ اور نان کسٹم پیڈ اشیاء کے خلاف کارروائیوں کا بھی جائزہ لیا گیا۔
ڈپٹی کمشنر سید ممتاز کاظمی نے اجلاس سے خطاب کرتے ہوئے کہا کہ عوام کو بنیادی سہولیات کی فراہمی انتظامیہ اور تمام محکمہ جات کی اولین ذمہ داری ہے۔ انہوں نے کہا کہ کورڈینیشن کمیٹی اجلاس کا مقصد باہمی رابطہ کو مضبوط بنانا اور مشترکہ حکمت عملی ترتیب دینا ہے تاکہ عوامی مسائل کا بروقت اور مؤثر حل ممکن بنایا جا سکے۔
انہوں نے تمام متعلقہ افسران کو ہدایت کی کہ وہ اپنی کارکردگی کو مزید بہتر بنائیں اور عوام کو زیادہ سے زیادہ ریلیف فراہم کرنے کے لیے مربوط اقدامات اٹھائیں۔