21/12/2021
خیبر پختونخواہ میں عدالتی حکم کے بعد پہلے مرحلے میں بلدیاتی الیکشن کا انعقاد کیا گیا جس میں ٹکٹوں کی تقسیم پر کارکنوں میں سخت تشویش پائی گئی جو کہ بالکل جائز ہے. جب اراکین اسمبلی اور وزراء کو اختیار دے دیا گیا کہ وہ اپنے قریبی لوگوں اور انویسٹروں کو نوازایں تو ورکروں کی آواز کون بنے گا۔
پارٹی تنظیم کو حکومتی ایلیٹ ماننے کو ہی تیار نہیں اور ہمیشہ پارٹی تنظیم کو پسِ پشت ڈالا کیونکہ یہ لوگ جانتے ہیں کہ اصل تحریک انصاف یہ لوگ ہیں اور ان کو تقسیم کر کے کمزور کیا جائے تاکہ کوئی سر نہ اٹھا سکے۔
خیبر پختون خواہ کے بلدیاتی انتخابات میں ٹکٹ وزیراعلیٰ کی سربراہی میں وزراء ایم این اے اور ایم پی اے کے ذریعے تقسیم کئے گئے تھے.
کارکن اپنے قائد عمران خان سے اپیل کرتے ہیں کہ خان صاحب ووٹر اور کارکن آپ کا ہے کسی اور کا نہیں آپ ورکروں کی بات کرتے ہیں جبکہ ایوان اقتدار میں بیٹھے لوگ اپنے عمل سے ورکروں کی تذلیل کرتے ہیں.
خدارا حکومتی کارکردگی سے لے کر ٹکٹوں کی تقسیم تک ان صاحب اقتدار لوگوں کا احتساب کریں نہیں تو بہت دیر ہو جائے گی اور یہ کینسر کی طرح آپ کی پارٹی کے شاہینوں کو مردار کر کے گِدھ بن کر کھا کے اڑ جائیں گے
عمران خان زندہ باد
پاکستان پائندہ باد
