Nazeer Ahmed Baloch Ex Chairman BSO

12/08/2026

12/08/2026

12/08/2026

14/07/2026

بلوچستان نیشنل پارٹی کے رہنما نزیر بلوچ نے بلوچستان نیشنل پارٹی لائرز فورم کے کامیاب کنونشن کے انعقاد اور نومنتخب کابینہ کو دلی مبارکباد پیش کرتے ہوئے کہا ہے کہ موجودہ حالات میں پرامن سیاسی جدوجہد، جمہوری روایات کے فروغ اور سیاسی اداروں کی مضبوطی ہی بلوچ قوم کو درپیش بحرانوں سے نکالنے کا مؤثر ذریعہ ہے۔

انہوں نے کہا کہ سیاسی اداروں کی فعالیت اور تنظیمی مضبوطی کے ذریعے غیر سیاسی عناصر اور خوشامدی ٹولوں کے اثر و رسوخ کو کم کیا جا سکتا ہے۔ آج بلوچ قوم جن مسائل اور مشکلات سے دوچار ہے، ان سے نکلنے کے لیے ضروری ہے کہ سیاسی حلقوں میں سنجیدہ بحث و مباحثہ، تنقید برائے اصلاح اور تنظیمی استحکام کو فروغ دیا جائے تاکہ قومی جدوجہد مزید مؤثر اور منظم انداز میں آگے بڑھ سکے۔

بلوچستان نیشنل پارٹی لائرز فورم کی طرز پر پارٹی کے دیگر شعبہ جات سے وابستہ افراد کو بھی منظم کیا جائے گا تاکہ پارٹی کی تنظیمی بنیادیں مزید مستحکم ہوں اور قومی جدوجہد کو نئی قوت اور سمت مل سکے۔

10/05/2026

بلوچ اسٹوڈنٹس آرگنائزیشن کے سابق مرکزی چیئرمین بی این پی کے رہنما نزیر بلوچ نے ڈسٹرکٹ بار ایسوسی ایشن سوراب کے نومنتخب صدر منیر آزاد ایڈووکیٹ کو دلی مبارک باد پیش کی ہے۔
نزیر بلوچ نے کہا کہ وکلاء برادری کسی بھی مہذب معاشرے میں انصاف، قانون کی بالادستی اور انسانی حقوق کے تحفظ میں بنیادی کردار ادا کرتی ہے۔ انہوں نے امید ظاہر کی کہ ڈسٹرکٹ بار ایسوسی ایشن سوراب کی نئی منتخب قیادت اپنی پیشہ ورانہ ذمہ داریوں کو احسن انداز میں نبھاتے ہوئے انسانی حقوق کے فروغ، عدلیہ کی آزادی، آئین و قانون کی عملداری، اور غریب و نادار سائلین کو بروقت اور مؤثر قانونی معاونت کی فراہمی کو یقینی بنائے گی۔
انہوں نے مزید کہا کہ موجودہ حالات میں وکلاء پر یہ اہم ذمہ داری عائد ہوتی ہے کہ وہ معاشرے میں انصاف کے قیام، مظلوم طبقات کے حقوق کے تحفظ، اور قانونی اداروں پر عوام کے اعتماد کی بحالی کے لیے فعال کردار ادا کریں۔ نزیر بلوچ نے کہا کہ وہ اور ان کے ساتھی نومنتخب کابینہ کی مثبت کاوشوں کی مکمل حوصلہ افزائی اور ہر ممکن تعاون جاری رکھیں گے تاکہ سوراب میں انصاف کی فراہمی اور قانون کی حکمرانی کو مزید مضبوط بنایا جا سکے۔
انہوں نے منیر آزاد ایڈووکیٹ اور ان کی پوری ٹیم کے لیے نیک تمناؤں کا اظہار کرتے ہوئے امید ظاہر کی کہ وہ اپنی صلاحیتوں، دیانتداری اور پیشہ ورانہ مہارت کے ذریعے وکلاء برادری اور عوام کی توقعات پر پورا اتریں گے۔

23/01/2026

بلوچستان میں سیاسی اختلاف کو سیکیورٹی مسئلہ بنانا غیر دانشمندانہ اور جمہوری روایات کے منافی ہے: نزیر بلوچ

بلوچستان اسمبلی اگر متحرک ہوتی تو اساتذہ اپنے مطالبات کے لئے سڑکوں پر نشان عبرت نہ بنا دئیے جاتے ۔ نزیر بلوچ

کوئٹہ،
بلوچستان نیشنل پارٹی کے رہنما اور بلوچ اسٹوڈنٹس آرگنائزیشن کے سابق چیئرمین نزیر بلوچ نے کہا ہے کہ بلوچستان میں سیاسی اختلافِ رائے، احتجاجی عمل اور عوامی مسائل کو سیکیورٹی کے تناظر میں دیکھنا، یا پورے صوبے کو نام کاؤنٹر انسرجنسی کے نام پر یرغمال بنانا نہ صرف غیر دانشمندانہ ہے بلکہ یہ سیاسی، انتظامی اور بلوچستان کی مثبت جمہوری روایات کی صریح خلاف ورزی بھی ہے۔

انہوں نے کہا کہ حالیہ دنوں اساتذہ کے پُرامن احتجاج کو جس انداز میں کاؤنٹر انسرجنسی کے خود ساختہ دانشوروں اور عمل درآمدی گروہ نے بلیک میلنگ قرار دے کر دبانے کی کوشش کی، اس سے یہ حقیقت کھل کر سامنے آتی ہے کہ موجودہ برائے نام اسمبلی عوامی خواہشات اور خیالات سے مکمل طور پر کٹ چکی ہے اور محض اپنی مراعات اور تنخواہوں کے تحفظ تک محدود ہوکر رہ گئی ہے۔

نزیر بلوچ کا کہنا تھا کہ بلوچستان میں جاری سیاسی اور انسانی المیے کو وقتی ردعمل یا چند واقعات کے تناظر میں دیکھنے کے بجائے تاریخی حقائق، مقامی رسم و رواج اور زمینی مسائل کو سامنے رکھ کر سنجیدہ سیاسی فہم کے ساتھ حل کرنے کی ضرورت ہے۔ اگر حکومتی رِٹ اس حد تک کمزور ہوچکی ہے کہ اساتذہ کو اپنے جائز مطالبات، خصوصاً تنخواہوں میں اضافے کے لیے احتجاج پر سڑکوں پر گھسیٹا جائے، تو یہ تشویش ناک امر ہے کہ مستقبل میں بڑے عوامی احتجاجوں کو کس جارحانہ حکمتِ عملی سے نمٹنے کی سوچ رکھی جا رہی ہے۔
انہوں نے کہا کہ موجودہ حکومتی سیٹ اپ عوامی سطح پر غیر مقبول اور تنہائی کا شکار ہوچکا ہے، اسی ناکامی کو چھپانے کے لیے ہر احتجاج، سیاسی عمل یا تنظیم سازی کو ریاست مخالف یا بلیک میلنگ قرار دیا جا رہا ہے۔ حالانکہ مسائل کو سیاسی تدبر، مکالمے اور آئینی اداروں کے ذریعے خوش اسلوبی سے حل کیا جا سکتا ہے۔
اگر بلوچستان اسمبلی واقعی عوامی نمائندہ ادارہ ہوتی اور ملازمین کے مسائل پر سنجیدگی سے متحرک کردار ادا کرتی، تو اساتذہ کرام کو سڑکوں پر گھسیٹ کر عبرت کا نشان بنانے کی نوبت کبھی نہ آتی۔ یہ طرزِ عمل نیا نہیں، بلکہ گزشتہ برس بھی تعلیمی اداروں کے ہاسٹلز سے طلبہ کو زبردستی نکال کر خوف کی فضا پیدا کرنے کی کوشش کی گئی۔
عوامی بیداری سے خوف اور یکطرفہ بیانیہ سازی بلوچستان کے نوجوانوں کو انتہا پسندی کی جانب دھکیل رہی ہے۔ ضرورت اس امر کی ہے کہ انجمن سازی، مکالمے اور باشعور طبقات کی آواز کو سنا جائے اور مسائل کا حل سیاسی و جمہوری طریقے سے نکالا جائے، کیونکہ جبر اور یکطرفہ پالیسیوں سے مسائل کم ہونے کے بجائے مزید سنگین ہو رہے ہیں۔

11/01/2026

جنریشن گیپ و جدید صدی کے حقائق سے نابلد حکمران و پالیسی ساز طاقت کو حل قرار دے کر تمام مکاتب فکر کو دیوار سے لگا رہے ہے۔نزیر بلوچ سابق چیئرمین بی ایس او
کوئٹہ،
بلوچستان نیشنل پارٹی کے رہنما،بی ایس او کے سابق نے چیئرمین نزیر بلوچ نے کہا ہے کہ موجودہ حکومت اختلاف رائے و احتجاج کی بنیاد پر تمام مکاتب فکر کو دیوار سے لگا رہی ہے 38 کے قریب پروفیسرز کو معطل کرنا اس بات کا ثبوت ہے کہ موجودہ حکومت تنقید و اصلاح کی گنجائش کے بجائے طاقت و من مانی پر یقین رکھتی ہے انہوں نے مزید کہ کہ سرکاری پالیسی ساز اور اختیار دار جنریشن گیپ اور موجودہ عالمی و علاقائی صورتحال کے تقاضوں کو سمجھنے کے بجائے طاقت کے استعمال، روایتی خوشامد پسندی اور اختلافِ رائے کو غداری و دشمنی قرار دے کر بلوچستان میں جاری انسانی المیے کو مزید الجھا رہے ہیں۔ محض الزامات، میڈیا وار اور من گھڑت بیانیے تشکیل دے کر تنقیدی سوچ کو دبانے کی پالیسی وقتی طور پر خاموشی تو پیدا کر سکتی ہے، مگر یہ مسائل کا مستقل حل ہرگز نہیں۔
انہوں نے کہا کہ حقیقی حل مسائل کی سنگینی کو تسلیم کرنے، معاشرے میں پروان چڑھائے گئے منفی رویوں کے خاتمے اور عوامی سطح پر قبولیت پیدا کرنے میں ہے۔ خصوصاً آرٹیفیشل انٹیلیجنس کے دور میں شعور رکھنے والی نئی نسل کو روایتی الزام تراشی سے دبانے کے حربے مزید مسائل کو جنم دیں گے، جن کا خمیازہ آج بلوچستان بھگت رہا ہے۔
گزشتہ کئی عرصے سے بلوچستان میں طلبہ تنظیموں کے خلاف منظم پروپیگنڈہ مہم جاری ہے، تعلیمی اداروں میں سرکلنگ پر پابندیاں عائد کی جا رہی ہیں اور تعلیمی مسائل پر تنقیدی شعور کو دبانے کے لیے یکطرفہ الزامات لگائے جا رہے ہیں۔ بغیر کسی عدالتی فیصلے کے لوگوں کو براہ راست انتہاپسندی کی جانب دھکیلنے کے اثرات حکومتی پالیسیوں کی ناکامی اور عملدرآمد کرنے والے خوشامدی عناصر کے ذاتی مفادات کا نتیجہ ہیں، جو ہر مسئلے کو طاقت کے ذریعے حل کرنے کی خام خیالی میں مبتلا ہیں۔
انہوں نے مزید کہا کہ بلوچستان میں 90 فیصد نوجوان بیروزگار ہیں، تعلیمی اداروں میں فیسوں میں اضافہ کیا جا رہا ہے اور کالے قوانین کے نام پر لوگوں کو ہراساں کیا جا رہا ہے، جس کے باعث نوجوان شدید عدم تحفظ کا شکار ہو چکے ہیں۔ موجودہ حالات کی بنیادی وجہ سیاسی حقائق سے چشم پوشی اور سردار اختر جان مینگل کے چھ نکات پر عملدرآمد نہ ہونا ہے۔ اگر ان نکات پر سنجیدگی سے عمل کیا جاتا تو حالات کی بہتری کے لیے ایک قابلِ عمل راستہ نکل سکتا تھا۔
بلوچستان کے وسائل سے متعلق حقائق کو میڈیا مہم کے ذریعے مسخ کرنے کی پالیسی کسی صورت کامیاب نہیں ہو سکتی۔ خوشامدی عملدرآمدی ٹولہ محض ذاتی مفادات کے لیے طاقت کے استعمال کو ہی واحد حل سمجھ رہا ہے، یہی وجہ ہے کہ ہر اٹھنے والی آواز اور ہر مثبت سرگرمی کو غیر قانونی قرار دے کر خاموش کرایا جا رہا ہے۔
انہوں نے کہا ہے کہ بلوچستان کے ملازمین کے جائز مطالبات پر مذاکرات کرکے حل کی جائے طاقت کے استعمال کی روش بلوچستان کے ہر طبقے کو انسانی المیے و بحران کا شکار کرچکی ہے۔

21/12/2025

بلوچ اسٹوڈنٹس آرگنائزیشن کے سابق چیئرمین،بلوچستان نیشنل پارٹی کے رہنما نزیر بلوچ نے وائس فار بلوچ مسنگ پرسنز کے وائس چیئرمین و بلوچستان میں انسانی حقوق کے علمبردار ماما قدیر بلوچ کے رحلت پر گہرے رنج و غم کا اظہار کرتے ہوئے انکے لواحقین سے تعزیت و مغفرت کے لئے دعا کی ۔انہوں نے ماما قدیر بلوچ کو خراجِ عقیدت پیش کرتے ہوئے کہا ہے کہ ماما قدیر بلوچ نے ایک دہائی سے زائد مسلسل علامتی احتجاجی کیمپ کوئٹہ سے کراچی و اسلام آباد لانگ مارچ کرکے نہ صرف تاریخ رقم کی بلکہ ہمیشہ پرامن جدوجہد کے علمبرار و عملی نمونہ رہے انکے احتجاجی کیمپ نے نہ صرف لاپتہ افراد کے لواحقین کو سہارا و تسلی دی بلکہ انکی قانونی معاونت بھی کی، جبکہ انکی احتجاجی کیمپ کھٹن حالات و جمود کے دور میں سیاسی سرگرمیوں و کیڈر سازی کی سرکل کی شکل اختیار کر گئی ۔ماما قدیر بلوچ کی صبر آزما جدوجہد انسانی حقوق کے تحریک میں ہمیشہ سنہری الفاظ میں لکھا جائے گا۔
انہوں نے مزید کہا ہے کہ موجودہ حکومت ایک طرف قانون کے عمل داری نوجوانوں کو انگیج کرنے کی بیانات دے رہی یے دوسری جانب اندھے و کالے قوانین کو بھی روند کر بلوچستان میں انسانی حقوق کے صورتحال کو سنگین بناتا جارہا ہے جسکے بلوچستان میں شدید نفرتوں کے تسلسل کے ساتھ سامنے آرہی ہے بلوچستان میں پرامن و قانون کے عمل داری پر یقین رکھنے والے سیاسی کارکنوں کو دیوار سے لگا کر اور پرامن سیاست کو بے وقعت کرکے انسانی حقوق کے خلاف ورزیاں حالات کو مزید سنگین بنائینگے۔ صوبائی حکومت بیانئے کے جنگ کے زریعے محض نفرتوں کو ہوا دے رہی ہے جبکہ نمود و نمائش کے نام پر صرف مراعات یافتہ و سماج دشمن عناصر کو مزید تقویت دی جارہی یے جنکی وجہ سے بلوچستان پہلے ہی سیاسی سماجی و انتظامی انتشار کا شکار ہے جب تک حقیقی اسٹیک اولڈرز کے زریعے پرامن عمل کا آغاز نہیں کیا جاتا بلوچستان کے حالات میں بہتری ناممکن یے ۔

13/11/2025

کوئٹہ،
بلوچ اسٹوڈنٹس آرگنائزیشن کے سابق مرکزی چیئرمین ،بی این پی کے رہنما نزیر بلوچ نے بی ایس او کے سابق مرکزی جوائنٹ سیکرٹری غلام دستگیر بلوچ کے والد محترم کے وفات پر تعزیت کا اظہار کرتے ہوئے دعا کی ہے اللہ پاک مرحوم کو جنت الفردوس میں جگہ و لواحقین کو صبر جمیل عطاء فرمائے ۔