22/04/2026
ممتاز قبائلی رہنما ٹکری حاجی محمد رمضان بنگلزئی کے انتقال پر گہرے رنج و غم کا اظہار
چیف آف دینارزئی سردار عمران بنگلزئی کی تعزیت، مرحوم کی خدمات کو خراجِ عقیدت
سردار عمران بنگلزئی نے ممتاز قبائلی رہنماء ٹکری حاجی محمد رمضان بنگلزئی کے انتقال پر گہرے دکھ اور افسوس کا اظہار کیا ہے۔
اپنے تعزیتی بیان میں سردار عمران بنگلزئی نے کہا کہ ٹکری حاجی محمد رمضان بنگلزئی ایک باوقار، بااخلاق اور قبائلی روایات کے امین شخصیت تھے۔
انہوں نے اپنی زندگی بھر لوگوں کی خدمت، قبائلی اقدار کے فروغ اور علاقے کی ترقی کے لیے قابلِ قدر خدمات سرانجام دیں۔ ان کی وفات سے علاقے ایک مخلص، بااعتماد اور قابلِ احترام شخصیت سے محروم ہو گیا ہے، جس کا خلا مدتوں محسوس کیا جاتا رہے گا۔
انہوں نے کہا کہ مرحوم نہ صرف ایک کامیاب شخصیت تھے بلکہ سماجی اور قبائلی معاملات میں بھی ان کا کردار ہمیشہ مثبت اور قابلِ قدر رہا۔ ان کی خدمات کو ہمیشہ قدر کی نگاہ سے دیکھا جائے گا۔
سردار عمران بنگلزئی نے مرحوم کے اہلِ خانہ سے دلی ہمدردی اور تعزیت کا اظہار کرتے ہوئے دعا کی کہ اللہ تعالیٰ ٹکری حاجی محمد رمضان بنگلزئی کو جنت الفردوس میں اعلیٰ مقام عطا فرمائے اور تمام لواحقین کو یہ صدمہ صبر و حوصلے کے ساتھ برداشت کرنے کی توفیق دے۔ آمین۔
