Frontier Mine Owners Association KPK, Pakistan

06/09/2026

مائننگ سیکٹر کے بارودی و ٹرانسپورٹیشن مسائل فوری حل کیے جائیں،بصورت دیگر مائیں اونرز سخت احتجاج پر مجبور ھونگے۔ اگر چہ نیسپا میں بارودی لائسنسز کے اجراء کے حوالے سے باقاعدہ میٹنگز جاری ہیں، لیکن مائن اونرز کو چھوٹے بارودی لائسنسز کے اجراء میں تاخیر سے کام لیاجارہا ہے۔جس سے انڈر گراؤنڈ مائنز کے ٹنلز میں پانی بھرنے اور گرنے کے خطرات بڑھ رہے ہیں،جبکہ اوپن مائننگ میں ہیوی مشینری کے کرائے اور سلائیڈنگ کے باعث مائن اونرز کو روزانہ لاکھوں روپے کا نقصان و بےروزگاری کا سامنا ھے۔

دوسری جانب مختلف اضلاع میں گرین مائنز سے منرلز کی ٹرانسپورٹیشن بھی روکی گئی ہے اور کئی دنوں سے منرلز سے لدی گاڑیاں سڑکوں پر کھڑی ہیں، حالانکہ گرین مائنز پر کوئی پابندی عائد نہیں جسکا سیکریٹری معدنیات کو نوٹس لینا چاہیئے۔

نیسپا،ھوم ڈیپارٹمنٹ اور ضلعی انتظامیہ فوری طور پر بارودی لائسنسز کے اجراء اور گرین مائنز کی ٹرانسپورٹیشن بحال کریں، تاکہ مائننگ، پیداوار اور مزدوروں کا روزگار دوبارہ شروع ہوسکے۔ بصورتِ دیگر مائن اونرز احتجاجی تحریک شروع کرنے پر مجبور ہوں گے۔،مائین اونرز برادری و مذدوروں کا مزید امتحان نہ لیں۔

منجانب:شیربندی خان مروت چیئرمین و کابینہ
فرنٹیئر مائیں اونرز ایسوسییشن خیبرپختونخواہ

06/09/2026

05/09/2026

فرنٹیئر مائین اونرز ایسوسییشن درہ آدم خیل مائننگ کے لیے بارود کی بندش ختم کرنے کے حوالے سے صوبائی وزیرِ قانون آفتاب عالم سے اہم ملاقات
مائننگ سیکٹر کو درپیش مسائل، بالخصوص مائننگ کے لیے بارود کی بندش جلد از جلد ختم کرنے کے حوالے سے صوبائی وزیرِ قانون خیبرپختونخوا جناب آفتاب عالم صاحب سے ایک تفصیلی اور اہم ملاقات ہوئی۔
ملاقات کے دوران صوبائی وزیرِ قانون نے موقع پر ہی چیف سیکرٹری خیبرپختونخوا اور ڈپٹی کمشنر کوہاٹ سے ٹیلی فونک رابطہ کیا اور لیز ہولڈرز کی کلیئرنس کے عمل کو تیز کرنے کی ہدایت کی۔
ملاقات میں یقین دہانی کرائی گئی کہ تمام اضلاع کے ڈپٹی کمشنرز لیز ہولڈرز کی کلیئرنس کا عمل جلد از جلد مکمل کرکے ہوم ڈیپارٹمنٹ کو ارسال کریں گے، جس کے فوراً بعد مائننگ کے لیے بارود کی دوبارہ ترسیل کا عمل شروع کرنے کی راہ ہموار ہوگی۔
ملاقات میں فرنٹیئر مائن اونرز ایسوسی ایشن کوہاٹ ڈویژن کے نائب صدر اور درہ آدم خیل کول لیز ہولڈرز ایسوسی ایشن کے صدر حاجی صابر خان، نائب صدر ملک شاہد نور، سیکرٹری جنرل شاہد خان، ایگزیکٹو ممبر امتیاز آدم خیل، رکنِ کابینہ قادر نواز اور صوبائی وزیرِ قانون کے فوکل پرسن ملک شاہ حسین نے شرکت کی۔
واضح رہے کہ مائن اونرز اور لیز ہولڈرز کے مسائل کے حل اور مطالبات متعلقہ حکام تک پہنچانے کے لیے فرنٹیئر مائن اونرز ایسوسی ایشن کے صدر عزیر خان تنولی کی ہدایت پر ضلع وار ملاقاتوں کا سلسلہ جاری ہے۔
اس سلسلے کا مقصد 15 ستمبر کے مجوزہ احتجاج سے قبل ہر ضلع کے مائن اونرز اور لیز ہولڈرز کے مسائل اور مطالبات اپنے اپنے حلقوں کے وزراء، اراکینِ قومی اسمبلی اور اراکینِ صوبائی اسمبلی تک مؤثر انداز میں پہنچانا ہے، تاکہ احتجاج کی بجائے بات چیت اور حکومتی سطح پر عملی اقدامات کے ذریعے مسائل کا حل یقینی بنایا جا سکے۔

05/09/2026

04/09/2026

گرین مائنز کی ٹرانسپورٹیشن پر غیر قانونی پابندی کا فوری نوٹس لیا جائے۔ بارودی لائسنس کی اجراء میں تاخیر ناقابل برداشت ھے۔شیربندی خان مروت چیئرمین فرنٹیئر مائیں اونرز ایسوسیئشن۔

منرلز سیکٹر پہلے ہی بارود اور بلاسٹنگ سے متعلق پابندیوں کے باعث شدید مشکلات سے دوچار ہے۔ ایسے میں ان مائنز کے لیے، جہاں بغیر بارود اور بغیر بلاسٹنگ کے کان کنی کی جا رہی ہے (Green Mines)، معدنیات کی قانونی ٹرانسپورٹیشن میں رکاوٹیں پیدا کرنا انتہائی تشویشناک اور ناقابلِ فہم عمل ہے۔

اگر صوبائی حکومت نے گرین مائنز پر کوئی پابندی عائد نہیں کی، تو پھر مانسہرہ ،چترال، دیر اور باجوڑ میں ایسی قانونی مائنز سے نکلنے والی معدنیات کی ٹرانسپورٹیشن کو ضلعی انتظامیہ یا دیگر فورسز کی جانب سے روکنے کا قانونی جواز کیا ہے؟

یہ معاملہ فوری طور پر سیکریٹری معدنیات اور وزیر معدنیات کی توجہ کا متقاضی ہے۔ دونوں ذمہ دار عہدیداران کو چاہیے کہ متعلقہ ضلعی انتظامیہ، پولیس اور دیگر اداروں سے اس صورتحال کے بارے میں فوری طور پر وضاحت طلب کریں اور واضح ہدایات جاری کریں کہ:

جس مائن پر بارود یا بلاسٹنگ کی پابندی نہیں، اور جو قانونی طور پر فعال ہے، اس سے حاصل ہونے والی معدنیات کی قانونی ٹرانسپورٹیشن کو بلاجواز نہ روکا جائے اس سے میلین ڈالرز کا ایکسپورٹ رکا ھوا ھے۔
ہم متعلقہ حکام سے مطالبہ کرتے ہیں کہ قانونی مائننگ اور غیر قانونی سرگرمی میں واضح فرق رکھا جائے۔ اگر کسی مخصوص مائن، گاڑی یا معدنیات کے حوالے سے کوئی قانونی اعتراض موجود ہے تو اسے قانون کے مطابق متعلقہ محکمے کے ذریعے حل کیا جائے، نہ کہ غیر متعلقہ اداروں کی جانب سے کاروباری سرگرمیوں کو غیر ضروری طور پر مفلوج کیا جائے۔

سیکریٹری معدنیات اور وزیر معدنیات کو اس معاملے کا فوری نوٹس لے کر متعلقہ اداروں سے بات کرنی چاہیے تاکہ قانونی گرین مائنز کی ٹرانسپورٹیشن بلا رکاوٹ جاری رہ سکے۔

03/09/2026

Mr. Abdul Tahir (Ex DG Mines Fata) Now vice president Frontier Mine Owners Association Khyber pakhtoonkhwa .

02/09/2026

تمام معزز مائن اونرز حضرات، السلام علیکم!
فرنٹیئر مائن اونرز ایسوسی ایشن خیبرپختونخوا (FMOAKP) کی پوری ٹیم آپ سب دوستوں کے تہہ دل سے شکر گزار ہیں کہ آپ نے ہر مشکل مرحلے میں ایسوسی ایشن کا بھرپور ساتھ دیا۔ گروپ، سوشل میڈیا، مالی معاونت اور عملی جدوجہد سمیت ہر محاذ پر آپ کے تعاون نے ثابت کیا ہے کہ مائن اونرز برادری،مائیں اپنے حقوق کے لیے متحد اور یکجا ہے۔۔ ھم ایپمیا ، مائیں ورکرز ، ٹرانسپورٹرز اور چیمبر نمائندوں کے بھی انتہائی شکر گزار ھیں جنہوں نے ثابت کردیا کہ ھم سب بھائی ھیں ،ھمارے مسائل ھمارے تکلیف اور پریشانیاں ایک ھیں۔

آپ کو یقین دلاتےہیں کہ FMOAKP آئندہ بھی آپ کے مسائل اور ھر مطالبات کو بروقت اور مؤثر انداز میں متعلقہ فورمز پر اٹھانے میں صفِ اول کا کردار ادا کرتی رہے گی۔۔ ۔

کل کی پریس کانفرنس میں ایسوسی ایشن کے تمام عہدیداران اور نمائندگان نے جس ذمہ داری، اتحاد اور بھرپور تعاون کا مظاہرہ کیا، جبکہ دیگر دوستوں نے سوشل میڈیا پر اٹھایا ،اس نے ہماری جدوجہد کو مزید تقویت دی ہے۔ ان شاء اللہ اس کے مثبت نتائج بہت جلد سامنے آئیں گے۔ ۔

ہمیں 100 فیصد امید اور اعتماد ہے کہ متعلقہ حکام کے ساتھ مثبت پیش رفت ہوگی، میٹنگز ہوں گی اور مائن اونرز کے لائسنس کھولنے کی راہ ہموار ہوگی، ان شاء اللہ۔

تاہم، خدانخواستہ اگر معاملات ہماری توقعات کے مطابق آگے نہ بڑھے تو مائن اونرز برادری اپنے آئینی اور قانونی حقوق کے لیے پُرامن مگر بھرپور جدوجہد جاری رکھے گی، اور پشاور کے دھرنے کو ایک تاریخی اور منظم احتجاج میں تبدیل کرنے سمیت موجودہ حکومت کے رویہ پر بھی متفقہ طور پر فیصلہ کیا جائے گا۔

ہماری منزل واضح ہے، ہمارا اتحاد مضبوط ہے اور ہمیں یقین ہے کہ کامیابی بالآخر مائن اونرز برادری ہی کی ہوگی، ان شاء اللہ۔

ایک بار پھر آپ سب معزز دوستوں کا دل کی گہرائیوں سے شکریہ۔

منجانب :- شیربندی خان مروت
چیئرمین، FMOAKP

02/09/2026

فرنٹیئر مائیں اونرز ایسوسییشن اورکزئی کے صدر سید جنان کی سربراھی میں مائیں اونرز وفد کی ڈپٹی کمشنر اورکزئی سے ملاقات ، نئی ایس او پی پر جلد عمل کرنے کی یقین دھانی ۔۔