03/06/2026
جناب سہیل عامر خان صاحب نو تعینات ڈائریکٹر ایڈمن محکمہ بلدیات و دہی ترقی، خیبرپختونخوا کو اہم عہدہ سنبھالنے پر اسسٹنٹ ڈائریکٹر، محکمہ بلدیات و دہی ترقی تحصیل چمکنی اینڈ متھرا، پشاور شاہ سعید نے مبارکباد دی اور پھولوں کا گلدستہ پیش کیا اور دلی دعا کی کہ اللہ تعالیٰ آپ کو اس اہم عہدے کا چارج سنبھالنے پر کامیابی، استقامت اور اخلاص کی توفیق عطا فرمائیں اور ڈیپارٹمنٹ کے بہتری کے لئیے نیک خواہشات کااظہار کیا جو کہ درجہ زیل ہے۔
افسران و عملہ میں ہم آہنگی: آپ کی قیادت میں ایڈمن ونگ ایک مضبوط ٹیم کی صورت اختیار کرے۔ جب افسر اور ماتحت ایک دوسرے کا سہارا بنیں تو فائلوں کی رفتار بھی بڑھتی ہے اور عوام کی دعائیں بھی ملتی ہیں۔
شفافیت و میرٹ: محکمہ بلدیات کا تعلق عوام کی بنیادی سہولیات سے ہے۔ آپ کے دور میں میرٹ پر تقرریاں، شفاف ٹینڈرنگ اور بلا تفریق سروس ڈیلیوری کا نظام مزید مستحکم ہو۔ یہی اصل "سروس" ہے۔
ڈیجیٹلائزیشن: فائلوں کا بوجھ کم کر کےای-فائلنگ اور ڈیجیٹل ریکارڈ کو فروغ ملے جس کی وجہ سے عوام کا قیمتی وقت بچ جائیگا اور ریکارڈ بھی مینٹین رہیگا ۔
فیلڈ سٹاف کی سہولیات: جو لوگ گرمی، سردی، بارش میں گلیاں، نکاسی، صفائی سنبھالتے ہیں، ان کے مسائل ترجیحی بنیاد پر حل ہوں۔ خوشحال سٹاف ہی بہتر کارکردگی دیتا ہے۔
عوامی شکایات کا فوری ازالہ: عوام کی شکایت "پانی نہیں، روشنی نہیں" سے "مسئلہ فوراً حل ہوا" تک جائے۔ یہ تبدیلی ایک مضبوط ایڈمن ونگ سے ہی ممکن ہے۔
جناب، ہم فیلڈ سے آپ کے ساتھ ہیں۔ آپ کی ہر پالیسی کو تحصیل کی سطح پر عملی جامہ پہنانے کے لیے ہمہ وقت حاضر ہیں۔ اللہ آپ کو قوت فیصلہ دے اور آپ کے دور کو محکمہ کے لیے "سنہری دور" بنائے۔
آمین یا رب العالمین
